- nag tsho tshul khrims rgyal ba/
- ID:
- T106164
- ནག་ཚོ་ཚུལ་ཁྲིམས་རྒྱལ་བ (Tibetan, Tibetan script, Original)
- > nag tsho tshul khrims rgyal ba/ (Tibetan, Latin script, Transliteration-THL Extended Wylie Transliteration)
- > naktso tsültrim gyelwa (Tibetan, Latin script, Transcription-THL Simplified Tibetan Transcription)
Other Dictionaries
1. Rangjung Yeshe Dictionary
Apparently a close disciple of Atisha, but who he is, when he lived or what he did I don't know. See Blue Annals I, 31, 242, 258, 262; II, 857. Mentioned @ R75:252.2 [mss]
- language:
- English
2. gangs can mkhas grub rim byon ming mdzod
ཁོང་ནི་རབ་བྱུང་མ་ཚུགས་གོང་གི་ལྕགས་མོ་ཕག་ལོ་སྟེ་སྤྱི་ལོ 1011 ལོར་མངའ་རིས་རྫོང་དུ་སྐུ་འཁྲུངས། རབ་བྱུང་དང་པོའི་ཤིང་ཕོ་འབྲུག་ལོ་སྟེ་སྤྱི་ལོ 1064 ལོར་སྐུ་གཤེགས། ཁོང་དགུང་ལོ་ཆུང་ངུའི་དུས་ནས་ཡི་གེའི་སྦྱོར་ཀློག་ལ་བྱང་བ་མཛད་ཅིང་རབ་ཏུ་བྱུང་སྟེ་མཚན་ལ་ཚུལ་ཁྲིམས་རྒྱལ་བ་ཞེས་ཞུ་བ་དང་། འདུལ་བའི་ཆོས་གཞུང་ལ་ཤིན་ཏུ་མཁས་པས་འདུལ་འཛིན་པ་ཡང་གྲགས། རྒྱ་བརྩོན་འགྲུས་སེང་གེ་ལས་མངོན་པ་མཛོད་སོགས་གསན། དགུང་ལོ་ཉེར་བདུན་པ་རབ་བྱུང་དང་པོའི་མེ་མོ་གླང་ལོ་སྟེ་སྤྱི་ལོ 1037 ལོར་ལྷ་བླ་མ་བྱང་ཆུབ་འོད་ཀྱི་བཀའ་ལུང་ལྟར་ཇོ་བོ་རྗེ་དཔལ་ལྡན་ཨ་ཏི་ཤ་གདན་འདྲེན་པར་རྒྱ་གར་དུ་ཕེབས་ཏེ་རབ་བྱུང་དང་པོའི་ཆུ་ཕོ་རྟ་ལོ་སྟེ་སྤྱི་ལོ 1042 ལོར་ཇོ་བོ་རྗེ་བོད་ཡུལ་མངའ་རིས་སུ་གདན་འདྲེན་ཞུས། དེ་ནས་བཟུང་ཇོ་བོ་རྗེ་ལ་ལོ་བཅུ་དགུའི་རིང་དུ་ཚུལ་བཞིན་བསྟེན་པར་མཛད་ཅིང་སྦས་ཆོས་ཉི་ཤུ་ཞུས་ནས་སྒྲུབ་པ་ཉམས་ལེན་མཛད་པས་ཉམས་རྟོགས་ཁྱད་པར་ཅན་འཁྲུངས་སོ། གཞན་ཡང་ཛྙ་ན་ཨཱ་ཀ་ར་[922]དང་། ཤནྟི་བྷ་དྲ། ནག་པོ་དམ་ཚིག་རྡོ་རྗེ་སོགས་ལ་བསྟེན་ནས་རྒྱ་གཞུང་གི་བསྟན་བཅོས་མང་པོ་བོད་ཡིག་ཏུ་བསྒྱུར་བ་མཛད། ཁོང་གི་གསུང་རྩོམ་ནི《ཇོ་བོ་རྗེའི་བསྟོད་པ་བརྒྱད་ཅུ་བ》སོགས་དང་། བསྒྱུར་རྩོམ་ནི《བཀའ་འགྱུར》ལས《མ་ག་དྷཱ་བཟང་མོའི་རྟོགས་བརྗོད》། 《འཕགས་མ་སྒྲོལ་མ་ཀུ་རུ་ཀུ་ལླེའི་རྟོགས་པ》ལེའུ་ལྔ་པ། 《དཔལ་ཡེ་ཤེས་རྡོ་རྗེ་ཀུན་ལས་བཏུས་པ》རབ་བྱེད་བཞི་བཅུ་རྩ་གཅིག་པ། 《དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་ནག་པོའི་རྒྱུད》ལེའུ་བཅོ་བརྒྱད་པ། 《བྱ་རྒྱུད་རིགས་ཀྱི་གཙོ་བོའི་རྒྱུད》ལེའུ་བཅུ་དགུ་པ། 《བསྟན་འགྱུར》ལས《བདུད་བཏུལ་བ་ལ་བསྟོད་པ》། 《ཆོས་དབྱིངས་བསྟོད་པ》། 《དཔེ་མེད་པར་བསྟོད་པ》། 《འཇིག་རྟེན་ལས་འདས་པར་བསྟོད་པ》། 《སེམས་ཀྱི་རྡོ་རྗེའི་བསྟོད་པ》། 《དོན་དམ་པར་བསྟོད་པ》། 《སྐུ་གསུམ་ལ་བསྟོད་པ》། 《སེམས་ཅན་མགུ་བར་བྱ་བའི་བསྟོད་པ》། 《དགེ་བ་རྡོ་རྗེའི་དཀའ་འགྲེལ་རྣལ་འབྱོར་རིན་པོ་ཆེའི་ཕྲེང་བ》། 《དགྱེས་པ་རྡོ་རྗེའི་སྒྲུབ་ཐབས་དེ་ཁོ་ན་ཉིད་གསལ་བར་བྱེད་པ》། 《དཔལ་འཁོར་ལོ་སྡོམ་པའི་རིམ་པ་ལྔ་བ》བཅས་ཆོས་ཚན་ཆིག་བརྒྱ་ལྔ་བཅུ་ཐམ་པ་བཞུགས་སོ། །
- language:
- Tibetan