- gnas chung chos skyong /
- ID:
- T109458
- གནས་ཆུང་ཆོས་སྐྱོང (Tibetan, Tibetan script, Original)
- > gnas chung chos skyong / (Tibetan, Latin script, Transliteration-THL Extended Wylie Transliteration)
- > nechung chökyong (Tibetan, Latin script, Transcription-THL Simplified Tibetan Transcription)
Other Dictionaries
2. Thupten Phuntsok Dictionary
བོད་ཀྱི་ལོ་རྒྱུས་ཐོག་བཤད་སྲོལ་ལ། སྔར་བོད་ཀྱི་རྒྱལ་པོ་ཁྲི་སྲོང་ལྡེ་བཙན་གྱིས་བསམ་ཡས་གཙུག་ལག་ཁང་བཞེངས་ཟིན་རྗེས་ལྷ་ཁང་འདི་ཉིད་སྲུང་སྐྱོབ་བྱེད་མཁན་གྱི་སྲུང་མ་གཉན་པོ་ཞིག་དགོས་པར་བསམས་ནས་སློབ་དཔོན་པདྨ་ལ་ཞུས་པས་སློབ་དཔོན་གྱིས་བོད་ཀྱི་ལྷ་སྲིད་སྡེ་སྲིད་བརྒྱད་མང་པོ་ཞིག་ལ་བཀའ་ཕབས་སྐབས་ཁོ་ཚོས་ཞུས་དོན། ང་ཚོས་ལྷ་ཁང་འདི་སྲུང་སྐྱོབ་བྱེད་མི་ནུས། དེ་བས་བྱང་ཕྱོགས་བྷ་ཏ་ཧོར་གྱི་སྒོམ་གྲྭ་ཟེར་བ་ན་དམུའི་རིགས་ལས་བྱུང་བའི་མི་མ་ཡིན་རྒྱལ་པོ་པེ་ཧར་ཟེར་བ་ཞིག་ཡོད་ཅིང་། དེ་ནི་ནོར་རྒྱ་ཁབ་ཙམ་གྱི་རྗེས་ལ་བྱ་རྒོད་པོའི་ཉིན་ལམ་བཅོ་བརྒྱད་ཀྱི་བར་རྗེས་འདེད་བྱེད་ཐུབ་པ་ཞིག་ཡིན་པས་དེ་ལྷ་ཁང་འདིའི་སྲུང་མར་བསྐོས་ན་ཞེས་ཞུས། དེ་ནས་སློབ་དཔོན་གྱིས་རྒྱལ་པོར་དེ་ལྟར་གསུངས་པས་རྒྱལ་པོས་རང་གི་སྲས་མུ་ཏིག་བཙན་པོ་དམག་དཔུང་ཁྲི་ཕྲག་མང་པོའི་དཔུང་དང་བཅས་མངགས་ཏེ་བྷ་ཏ་ཧོར་གྱི་སྒོམ་གྲྭ་བཅོམ་ནས་དེའི་ནང་དུ་ཡོད་པའི་རྒྱུ་ནོར་རིན་ཐང་ཆེ་བ་ཐམས་ཅད་བོད་དུ་དྲངས། དེ་དང་མཉམ་དུ་རྒྱལ་པོ་པེ་ཧར་ཡང་རྗེས་འབྲངས་བྱས་ཏེ་བོད་དུ་ཕེབས་པ་སློབ་དཔོན་པདྨས་དམ་ལ་བཏགས་ཏེ་བསམ་ཡས་གཙུག་ལག་ཁང་གི་སྲུང་མར་བསྐོས།
- language:
- Tibetan