1. Rangjung Yeshe Dictionary

Pawo Rinpoche

Further Details

2. Ives Waldo Dictionary

• དཔའ་བོ་གཙུག་ལག་ཕྲེང་བ་

  Further Details

  language:

  Tibetan

• དཔའ་བོ་གཙུག་ལག་ཕྲེང་བ་ [b 8th wood bird yr, pupil of 8th Karmapa mi bskyod rdo rje, lho brag lha lung gi gdan sa bskyangs, great commentary on the spyod 'jug 'grel chen &, astr shastra, chos 'byung mkhas pa'i dga' ston etc composed many texts, d 9th fire tiger yr]

  Further Details

  language:

  Tibetan

3. Jim Valby Dictionary

1503-1565

Further Details

4. bod rgya tshig mdzod chen mo

[1626] རབ་བྱུང་བརྒྱད་པའི་ཤིང་བྱི་ལོར་འཁྲུངས། ཞྭ་ནག་པ་སྐུ་ཕྲེང་བརྒྱད་པ་མི་བསྐྱོད་རྡོ་རྗེའི་སློབ་མ་ཡིན། ཁོང་གིས་ལྷོ་བྲག་ལྷ་ལུང་གི་གདན་ས་བསྐྱངས། སྤྱོད་འཇུག་འགྲེལ་ཆེན་དང། རྩིས་ཀྱི་བསྟན་བཅོས། ཆོས་འབྱུང་མཁས་པའི་དགའ་སྟོན་སོགས་མང་དུ་བརྩམས། རབ་བྱུང་དགུ་པའི་མེ་སྟག་ལོར་འདས། …

Further Details

5. dung dkar bod rig pa'i tshig mdzod chen mo

རབ་བྱུང་བརྒྱད་པའི་ཤིང་བྱི་(༡༥༠༤)ལོར་གཉགས་ཀྱི་རིགས་ལས་བྱུང་ང་ཡབ་བླ་མ་དར་དང་། ཡུམ་ལམ་རྙེད་སྒྲོལ་མ་གཉིས་ཀྱི་སྲས་སུ་སྙེ་ཐང་དུ་སྐུ་འཁྲུངས། དགུང་ལོ་ལྔ་པར་དགེ་བསྙེན་ཆ་ལུང་པས་དཔའ་བོ་སྐུ་ཕྲེང་དང་པོ་ཆོས་དབང་ལྷུན་གྲུབ་ཀྱི་སྐུ་སྐྱེར་ངོས་འཛིན་ཞུས་ཏེ་ལྷོ་བྲག་གྲོ་བོ་དགོན་པའི་གདན་སར་སྤྱན་དྲངས། བླ་མ་རྟོགས་ལྡན་དགེ་འདུན་རྒྱ་མཚོ་དགེ་རྒན་དུ་བསྟེན་ནས་བོད་ཡིག་འབྲི་ཀློག་སོགས་ལ་སྦྱང་བརྩོན་མཛད། དགུང་ལོ་དགུ་པ་ལ་ཀརྨ་ཞྭ་དམར་སྐུ་ཕྲེང་བཞི་པ་ཆོས་ཀྱི་གྲགས་པའི་དྲུང་ནས་དགེ་བསྙེན་དང་དགེ་ཚུལ་གྱི་སྡོམ་པ་བཞེས་པའི་མཚན་ལ་མི་ཕམ་ཆོས་ཀྱི་རྒྱ་མཚོ་ཞེས་གསོལ། དགུང་ལོ་བཅུ་གཉིས་པར་ཤར་དྭགས་པོ་པཎྜི་ཏ་ཆོས་རྒྱལ་མཚན་གྱི་དྲུང་ནས་གསང་སྔགས་གསར་རྙིང་གི་ཆོས་མང་པོ་དང་། དབུས་སྨྱོན་ཧེཿརུ་ཀ་ཀུན་དགའ་བཟང་པོའི་དྲུང་ནས་ཕྱག་ཆེན་གྱི་ཁྲིད་གསན། དེ་རྗེས་ཞ་ལུ་ལོ་ཆེན་ཆོས་སྐྱོང་བཟང་པོའི་དྲུང་ནས་དགེ་སློང་གི་སྡོམ་པ་བཞེས། དགུང་ལོ་ཉི་ཤུ་རྩ་དགུ་ལ་ཀོང་པོར་ཕེབས་སྐབས་ཟིང་པོ་འབུམ་པ་སྒང་དུ་ཀརྨ་པ་མི་བསྐྱོད་རྡོ་རྗེ་དང་མཇལ་ཏེ་ཆོས་འབྲེལ་ཞུས་ཤིང་། མཚན་ལ་དཔའ་བོ་གཙུག་ལག་ཕྲེང་བ་བཞེས་གསོལ། དེ་ནས་བཟུང་མདོ་སྔགས་རིག་གནས་དང་བཅས་པའི་གསན་སྦྱོང་མང་ཆེ་བ་བླ་མ་འདིའི་དྲུང་དུ་མཛད་པ་དང་འབྲེལ་མཁས་པའི་དབང་པོ་དུ་མའི་ཞབས་ལ་གཏུགས་ནས་མདོ་སྔགས་དང་རིག་གནས་སྤྱི་ལ་གསན་སྦྱོང་དཔྱིས་ཕྱིན་པ་གནང་བས་མཁས་པའི་ཕུལ་དུ་ཕྱིན་ཏེ་དཔའ་བོ་གཙུག་ལག་ཕྲེང་བ་ཞེས་སྙན་པའི་གྲགས་པ་རབ་ཏུ་འབར། གསུང་རྩོམ་ལ་<<སྤྱོད་འཇུག་འགྲེལ་ཆེན་>>དང་། <<རྩིས་ཀྱི་བསྟན་བཅོས་>> <<ཕག་མོའི་རྣམ་བཤད་ཆེན་མོ་>> <<གསོ་བ་རིག་པའི་རྒྱུད་བཞིའི་རྣམ་བཤད་>> <<སྨན་དཔྱད་ཟིན་བྲིས་སྙིང་པོ་བསྡུས་པ་>> <<རྡོ་ཞུན་གསལ་སྒྲོན་>> <<རྩིས་གཞུང་རིན་ཆེན་གཏེར་མཛོད་>><<ཆོས་འབྱུང་མཁས་པའི་དགའ་སྟོན་>>སོགས་མང་དུ་མཆིས། <<ཆོས་འབྱུང་མཁས་པའི་དགའ་སྟོན་>>ནི་རབ་བྱུང་དགུ་པའི་ཤིང་སྦྲུལ་(༡༥༤༥)ལོར་བརྩམ་འགོ་བཙུགས་ཏེ་ལོ་ངོ་ཉི་ཤུ་རྩ་གཅིག་རིང་ཡོངས་སུ་ཆ་ཚང་བར་མཛད། ལོ་རྒྱུས་ཀྱི་དེབ་ཐེར་འདི་ཤེས་བྱའི་གནས་ཀུན་ལྟ་བའི་མེ་ལོང་དང་མཚུངས་ཤིང་། ལོ་རྒྱུས་ཀྱི་དཔྱད་ཡིག་ཁུངས་བཙན་ཞིག་ཏུ་སྣང་བ་བཅས་དམ་པ་འདི་ཉིད་ཀྱིས་མདོ་སྔགས་རིག་གནས་ཀྱི་མཛད་པ་རྒྱ་ཆེར་སྤེལ་མཐར་དགུང་ལོ་དྲུག་ཅུ་རེ་གསུམ་པ་རབ་བྱུང་དགུ་པའི་མེ་སྟག་(༡༥༦༦)ལོར་སྐུ་གཤེགས། དཔའ་བོའི་མཚོན་རྟགས་གུང་(གཟིག་འདྲ་བའི་སྲོག་ཆགས་ཤིག་གི་མིང་)དང་སྟག་པགས་ཀྱི་གདན་ཐོབ་བོ།།

Further Details

6. smon lam tshig mdzod chen mo

རབ་བྱུང་བརྒྱད་པའི་ཤིང་བྱི་ལོར་འཁྲུངས། ཞྭ་ནག་པ་སྐུ་ཕྲེང་བརྒྱད་པ་མི་བསྐྱོད་རྡོ་རྗེའི་སློབ་མ་ཡིན། ཁོང་གིས་ལྷོ་བྲག་ལྷ་ལུང་གི་གདན་ས་བསྐྱངས། སྤྱོད་འཇུག་འགྲེལ་ཆེན་དང༌། རྩིས་ཀྱི་བསྟན་བཅོས། ཆོས་འབྱུང་མཁས་པའི་དགའ་སྟོན་སོགས་མང་དུ་བརྩམས། རབ་བྱུང་དགུ་པའི་མེ་སྟག་ལོར་འདས།

Further Details

7. gangs can mkhas grub rim byon ming mdzod

ཁོང་ནི་རབ་བྱུང་བརྒྱད་པའི་ཤིང་ཕོ་བྱི་ལོ་སྟེ་སྤྱི་ལོ 1504 ལོར་ལྷ་ས་སྙེ་ཐང་དུ་ཡབ་བླ་མ་དར་དང་། ཡུམ་ལམ་སྙེད་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། གདུང་རུས་གཉགས་ཡིན། རབ་བྱུང་དགུ་པའི་མེ་ཕོ་སྟག་ལོ་སྟེ་སྤྱི་ལོ 1566 ལོར་སྐུ་གཤེགས། ཁོང་དགུང་ལོ་ལྔ་པར་དགེ་བསྙེན་ཆ་ལུང་པས་སྐུ་གོང་མ་དཔའ་བོ་ཆོས་དབང་ལྷུན་གྲུབ་ཀྱི་སྐུ་ཕྲེང་གཉིས་པར་ངོས་འཛིན་གནང་སྟེ་ལྷོ་བྲག་གྲོ་བོ་དགོན་པའི་གདན་སའི་ཁྲི་ལ་མངའ་གསོལ། བླ་མ་རྟོགས་ལྡན་དགེ་འདུན་རྒྱ་མཚོ་ལས་ཡི་གེའི་སྦྱོར་ཀློག་བསླབས་ཏེ་ལེགས་པར་མཁྱེན། དགུང་ལོ་དགུ་པར་ཀརྨ་པ་ཞྭ་དམར་སྐུ་ཕྲེང་བཞི་པ་ཆོས་གྲགས་ཡེ་ཤེས་ལས་དགེ་བསྙེན་དང་རབ་བྱུང་དགེ་ཚུལ་བསྒྲུབས་ཏེ་མཚན་ལ་མི་ཕམ་ཆོས་ཀྱི་རྒྱ་མཚོ་ཞེས་གསོལ། དགུང་ལོ་བཅུ་གཉིས་པར་དྭགས་པོ་པཎྜི་ཏ་ཆོས་རྒྱལ་བསྟན་པའི་རྒྱལ་མཚན་ལས་གསང་སྔགས་གསར་རྙིང་གི་ཆོས་མང་པོ་གསན་ཞིང་། དབུས་སྨྱོན་ཧེ་རུ་ཀ་ཀུན་དགའ་བཟང་པོའི་དྲུང་ནས་ཕྱག་ཆེན་གྱི་ཁྲིད་རྣམས་གསན། ཞྭ་ལུ་ལོ་ཆེན་ཆོས་སྐྱོང་བཟང་པོ་ལས་བསྙེན་རྫོགས་ཀྱི་སྡོམ་པ་བཞེས། དགུང་ལོ་ཉེར་དགུ་པར་ཀརྨ་མི་སྐྱོད་རྡོ་རྗེ་དང་མཇལ་ཞིང་ཆོས་འབྲེལ་ཞུས་ཏེ་མཚན་ལ་དཔལ་གཙུག་ལག་ཕྲེང་བ་ཞེས་གསོལ། དེ་ནས་བཟུང་མདོ་སྔགས་རིག་གནས་དང་བཅས་པའི་སློབ་གཉེར་མང་ཆེ་བ་བླ་མ་འདི་བའི་དྲུང་ནས་[996]མཛད་དེ་མཁས་པའི་ཕུལ་དུ་ཕྱིན་གྱུར། དགུང་ལོ་ཞེ་གཉིས་པ་རབ་བྱུང་དགུ་པའི་ཤིང་མོ་སྦྲུལ་ལོ་སྟེ་སྤྱི་ལོ 1544 ལོར《ཆོས་འབྱུང་མཁས་པའི་དགའ་སྟོན》བརྩམས་འགོ་ཚུགས་ཏེ་དགུང་ལོ་དྲུག་ཅུ་རེ་གཅིག་པ་རབ་བྱུང་དགུ་པའི་ཤིང་ཕོ་བྱི་ལོ་སྟེ་སྤྱི་ལོ 1564 ལོར་ཡོངས་སུ་རྫོགས་པར་བརྩམས་གྲུབ་སྟེ་བསྡོམས་པས་ལོ་ངོ་ཉེར་གཅིག་གི་རིང་དུ་ཕྱག་བྲིས་གནང་། དེ་ལྟར་མཁས་པའི་བྱ་བ་འཆད་རྩོད་རྩོམ་གསུམ་གྱིས་དུས་འདའ་བར་མཛད་དེ་དགུང་ལོ་དྲུག་ཅུ་རེ་གསུམ་པར་དགོངས་པ་ཆོས་དབྱིངས་སུ་གཤེགས་སོ། ཁོང་གི་གསུང་རྩོམ་ནི《ཕག་མོའི་རྣམ་བཤད་ཆེན་མོ》དང་། 《སྤྱོད་འཇུག་ཆེན་མོའི་འགྲེལ་བ》། 《རྩིས་ཀྱི་བསྟན་བཅོས་རིན་ཆེན་གཏེར་མཛོད》། 《གསོ་བ་རིག་པའི་རྒྱུད་བཞི་རྣམ་བཤད》། 《སྨན་དཔྱད་ཟིན་བྲིས་སྙིང་པོ་བསྡུས་པ》། 《རྡོ་ཞུན་གསལ་སྒྲོན》བཅས་མང་དུ་བཞུགས་སོ། །

Further Details