- phun tshogs rnam rgyal/
- ID:
- T121858
- ཕུན་ཚོགས་རྣམ་རྒྱལ (Tibetan, Tibetan script, Original)
- > phun tshogs rnam rgyal/ (Tibetan, Latin script, Transliteration-THL Extended Wylie Transliteration)
- > püntsok namgyel (Tibetan, Latin script, Transcription-THL Simplified Tibetan Transcription)
Other Dictionaries
1. Rangjung Yeshe Dictionary
Phüntsok Namgyal / - Seventeenth century bka' brgyud pa lama who became Dharma king of the Himalayan Kingdom of Sikkim
- language:
- English
2. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བཅུ་དྲུག་པའི་དུས་སྨད་ཙམ་དུ་ཙོང་ཆུའི་གཡས་བརྒྱུད་ཀ་རིང་ལྷ་ཁང་གི་ཉེ་འདབས་སུ་གཡུང་བའི་རིགས་སུ་འཁྲུངས། ཁོང་དགུང་ལོ་བརྒྱད་པར་ཤེས་རབ་ཆོས་ལྡན་དགེ་རྒན་དུ་བསྟེན་ནས་ཡི་གེ་འབྲི་ཀློག་སོགས་བསླབས་པས་ཚེགས་མེད་པར་མཁྱེན། ཤེར་ཕྱིན་སུམ་བརྒྱ་བ་དང་འཇམ་སྡུད་བཟང་གསུམ་ཐུགས་ལ་བཟུང་ནས་ཉིན་བཞིན་ཞལ་འདོན་མཛད། རྗེ་མཐོང་བ་དོན་ལྡན་ལས་དགེ་ཚུལ་བསྒྲུབས་པས་མཚན་ལ་ཕུན་ཚོགས་རྣམ་རྒྱལ་ཞེས་འདོགས་པ་གནང་ཞིང་ལན་གསུམ་བསྐྱར་ནས་མི་བརྗེད་པ་གྱིས་གསུང་བ་སོགས་ཐུགས་ཤིན་ཏུ་བརྩེ་བ་མཛད། དགུང་ལོ་བཅོ་བརྒྱད་པར་དབུས་གཙང་དུ་བྱོན། ལྷོ་ཁའི་མངའ་རིས་གྲྭ་ཚང་དུ་མཁས་གྲུབ་དོན་ལེགས་པའི་ཞབས་ལ་གཏུགས་ཏེ་བསྡུས་ཚད་ལ་སྦྱངས་[1056]པས་ཟླ་བ་བརྒྱད་ཀྱིས་བསྡུས་ཚད་ཀྱི་རིགས་ལམ་ཕྲ་མོ་རྣམས་ཐུགས་སུ་ཆུད། དེ་ནས་འབྲས་སྤུངས་སུ་ཕེབས་ཏེ་དབུ་ཕར་དང་འདུལ་མངོན་ལ་སྦྱངས་པ་མཐར་ཕྱིན་པ་མཛད་ཅིང་། དགུང་ལོ་ཉེར་ལྔའི་སྐབས་གསང་ཕུར་དཀའ་བཅུའི་གྲྭ་སྐོར་མཛད། དེ་ནས་རང་ཡུལ་དུ་བྱོན་ཞིང་ལོ་བཅོ་བརྒྱད་ཀྱི་བར་དུ་མདོ་སྔགས་ཀྱི་གཞུང་ལུགས་རྒྱ་མཚོ་ལྟ་བུ་ལ་ཉིན་མཚན་འཁོར་མོ་ཡུག་ཏུ་ཐོས་བསམ་མཛད་པས་གསུང་རབ་ལ་ནང་བྱན་ཆུད་པའི་ངེས་དོན་གྱི་མཁས་པའི་གོ་འཕང་བརྙེས། ཤར་ཀ་རིང་དཀའ་བཅུ་བ་ཞེས་མཁས་གྲགས་ཀྱང་ཤིན་ཏུ་ཆེ། རབ་བྱུང་བཅུ་པའི་ཆུ་ཕོ་བྱི་ལོ་སྟེ་སྤྱི་ལོ 1612 ལོར་དགོན་ལུང་དགོན་པའི་གདན་སའི་ཁྲི་ལ་བཞུགས་ནས་ལོ་ལྔའི་བར་དུ་འགྲིག་ལམ་ཀུན་སྤྱོད་དང་ཆོས་འཆད་ཉན་བཅས་ལ་དོ་དམ་གང་ལེགས་མཛད། སྔ་སོར་གཙུག་ལག་ཁང་བཞེངས་པ་ལ་འགལ་རྐྱེན་མང་བས་སུས་ཀྱང་རྔོ་མ་ཐོགས་པ་ལ་རྗེ་འདིས་ས་དཔོན་སོགས་ལ་ཐབས་མཁས་ཀྱི་མཛད་སྒོ་ལ་བརྟེན་ནས་གཙུག་ལག་ཁང་ཆེན་པོ་རྒྱལ་བ་བྱམས་པའི་སྐུ་ཆེ་ཚད་དང་བཅས་པ་བཞེངས། རབ་བྱུང་བཅུ་པའི་ཤིང་ཕོ་བྱི་ལོ་སྟེ་སྤྱི་ལོ 1624 ལོར་གྲོ་ཚང་དགོན་པ་གསར་འདེབས་མཛད་ཅེས་ཐུའུ་བཀྭན་བློ་བཟང་ཆོས་ཀྱི་ཉི་མས་མཛད་པའི《ཆོས་སྡེ་ཆེན་པོ་དགོན་ལུང་བྱམས་པ་གླིང་གི་དཀར་ཆག》ནང་དུ་གསུངས་སོ། ཁོང་ནི་དགོན་ལུང་བྱམས་པ་གླིང་གི་གདན་སའི་མཁན་རབས་གཉིས་པ་ཡིན་ནོ། །
- language:
- Tibetan