- bai ro tsa na/
- ID:
- T130231
- བཻ་རོ་ཙ་ན (Tibetan, Tibetan script, Original)
- > bai ro tsa na/ (Tibetan, Latin script, Transliteration-THL Extended Wylie Transliteration)
- > bairo tsana (Tibetan, Latin script, Transcription-THL Simplified Tibetan Transcription)
Other Dictionaries
1. Rangjung Yeshe Dictionary
Vairochana. The great Tibetan translator at the time of King Trisong Deutsen. Recognized by Padmakara as a reincarnation of an Indian pandita, he was among the first seven monks and sent to India to study with Shri Singha. He is also one of the three main masters to bring the Dzogchen teachings to Tibet, the two others being Padmakara and Vimalamitra
- language:
- English
3. bod rgya tshig mdzod chen mo
[1839] ༼ལེགས༽ 1༽ རྣམ་པར་སྣང་མཛད། ... 2༽ བོད་རྒྱལ་ཁྲི་སྲོང་ལྡེ་བཙན་སྐབས་སྙེ་མོ་གན་ཇག་བ་གོར་ཟེར་བའི་སྲས་སུ་འཁྲུངས་ཤིང། བསམ་ཡས་སུ་བོད་ཀྱི་རབ་བྱུང་ཐོག་མར་སྒྲུབ་དུས་[1840]བཙུན་པ་ལེན་ནམ་མི་ལེན་ཚོད་ལྟ་བྱས་པའི་སད་མི་མི་བདུན་གྱི་ཡ་གྱལ་དང། ལོ་ཙཱ་བ་རྒན་གསུམ་གྱི་ནང་ཚན་ཞིག་ཀྱང་ཡིན། འདིས་རིག་པ་དྲུག་ཅུ་པ་མདོར་བཤད་དང། སྣང་མཐའི་མཚན་བརྗོད་སོགས་བསྒྱུར། ...
- language:
- Tibetan
4. dung dkar bod rig pa'i tshig mdzod chen mo
བཻ་རོ་ཙ་ན་ཞེས་པ། བོད་སྐད་དུ་བསྒྱུར་ན་རྣམ་པར་སྣང་མཛད་ཟེར། འཁྲུངས་ལོ་དང་འདས་ལོ་ཞིབ་པར་མ་རྙེད་ཀྱང་སྤྱི་ལོ་༧༦༠ཡས་མས་སུ་བོད་ཀྱི་རྗེ་ཁྲི་སྲོང་ལྡེ་བཙན་དང་དུས་མཉམ་ཡིན་པ་མཁས་པ་ཡོངས་སུ་གྲགས་པ་རྣམས་ཞལ་མཐུན། ཁོང་ནི་གནའ་རབས་ཀྱི་རྙིང་མའི་བླ་མ་གྲགས་ཅན་ཞིག་དང་། བསྟན་པ་སྔ་དར་སྐབས་ཡོངས་གྲགས་ཀྱི་ལོ་ཙཱ་བ་ཆེན་པོ་རྒན་གྲས་གསུམ་གྱི་ཡ་གྱལ་དང་། བོད་གྱི་རབ་བྱུང་ཐོག་མར་སྒྲུབ་པའི་སད་མི་བདུན་གྱི་ནང་ཚན། གནའ་དུས་ཀྱི་སྨན་པ་གྲགས་ཅན་བཅས་ཡིན་པས་གངས་ལྗོངས་ཀྱི་སྐྱེ་འགྲོ་ཀུན་ལ་བཀའ་དྲིན་བསམ་གྱི་མི་ཁྱབ་པ་མཛད། བཻ་རོའི་འཁྲུངས་ཡུལ་ནི་སྙེ་མོ་བྱེ་མཁར（ད་ལྟ་སྙེ་མོ་རྫོང་ཟངས་རི་ཆུས）ཡབ་པ་གོར་ཧེ་འདོད་དང་ཡུམ་བྲམ་ཟེ་དཀར་སྐྱིད་བྱ་བ་གཉིས་ཀྱི་སྲས་སུ་འཁྲུངས་ཤིང་། ཆུས་དུས་ཀྱི་མཚན་ལ་གན་ཇག་ཐང་ཏ་ཞེས་བཏགས། བྱིས་པའི་དུས་ནས་བློ་རིག་རྣོ་ཞིང་སྐྱེ་སྟོབས་ཀྱི་ཤེས་རིག་ལྡན་པས་མཚན་སྙན་ཡུལ་གྲུ་གང་སར་ཁྱབ། དགུང་ལོ་བརྒྱད་མ་སོན་བར་ཡབ་ཡུམ་གྱི་ཁྲོད་དུ་བཞུགས། དེ་ནས་བོད་རྗེ་ཁྲི་སྲོང་ལྡེ་བཙན་གྱིས་བསམ་ཡས་གཙུག་ལག་ཁང་བཞེངས་གྲུབ་རྗེས་གཙུག་ལག་ཁང་དུ་གསུང་གི་རྟེན་མེད་པས་སློབ་དཔོན་པད་མ་འབྱུང་གནས་ཀྱི་རྒྱལ་པོར་བོད་དུ་སངས་རྒྱས་བསྟན་པ་འཛུགས་དགོངས་ན་བོད་འབངས་ཡོངས་ལ་སྐུལ་སློང་བྱས་ནས་ལོ་ཙཱ་བ་བསླབས་ཏེ་བོད་དུ་དམ་ཆོས་དར་ཞེས་གསུངས། དེར་རྒྱལ་པོས་སློང་དཔོན་གྱི་བཀའ་བཞིན་བོད་ཕྲུག་ཤེས་རབ་ལྡན་པ་སྟོང་ཙམ་བསྐོང་བསྡུ་བྱས་ནས་བསམ་ཡས་གཙུག་ལག་ཁང་གི་སྒྲ་བསྒྱུར་གླིང་དུ་སྒྲ་བསྒྱུར་སློབ་ཏུ་བཅུག དེ་དུས་རྒྱལ་པོ་ཁྲི་སྲོང་ལྡེ་བཙན་སྐུ་ངོ་མས་བོད་ཕྲུག་དུ་མ་བསྐོང་པའི་དུས་ལ་སྙེ་མོ་བྱེ་མཁར་ན་གན་ཇག་ཐང་ཏ་ཞེས་བྱ་བའི་བྱིས་པ་ལོ་བརྒྱད་ལས་མ་སོན་ཀྱང་བློ་རིག་ལྡན་པ་ཞིག་ཡོད་པ་མཁྱེན་ནས་རྒྱལ་པོ་སྐུ་ངོ་མས་བློན་འབངས་རྟ་པ་དུ་མ་དང་བཅས་པ་སྙེ་མོ་བྱེ་མཁར་ཕེབས་ནས་བཻ་རོ་ཙ་ན་གདན་དྲངས་ཤིང་། ཕ་མ་རྒན་རྒོན་གཉིས་ཀྱང་ཡུལ་ཡར་ལུང་རིག་པ་ཙ་ན་བཞག བུ་གན་ཇག་ཐང་ཏ་བསམ་ཡས་སྒྲ་བསྒྱུར་གླིང་དུ་སྤྱན་དྲངས་ཏེ་མཁན་པོ་བོ་དྷི་ས་ཏཱ་དང་། ཨོ་རྒྱན་པད་མ་འབྱུང་གནས་ཀྱི་དྲུང་དུ་བཞག་ནས་ལོ་བདུན་བར་དུ་བློ་སྐྱེད་འཕེལ་ཐབས་དང་ལོ་གསུམ་པར་སམ་སྐྲྀའི་སྒྲ་རྣམས་མཁས་པར་སྦྱང་དུ་བཅུག དེ་ནས་བསམ་ཡས་སྒྲ་བསྒྱུར་གླིང་དུ་བཻ་རོ་ཙ་ནས་ཆོས་བསྒྱུར་བས་བོད་ཀྱི་ཉི་ཟླ་ལྟ་བུའི་ལོ་ཆེན་གཉིས་ཀྱི་གྲས་ཉི་མ་ལྟ་བུར་གྲགས་པ་དེ་བྱུང་སྟབས་བཙན་པོ་རབ་རུ་གྱེས། དེ་ནས་མཁན་ཆེན་བོ་དྷི་ས་ཏཱས་བོད་མིས་རབ་བྱུང་གི་བསླབ་ཁྲིམས་སྲུང་ནུས་མིན་ཚོད་ལྟའི་ཕྱིར་བཻ་རོ་ཙ་ན་སོགས་བོད་ཀྱི་རབ་ཏུ་བྱུང་བའི་སད་མི་བདུན་བྱུང་ཞིང་རྗེས་འབངས་ཉེར་ལྔར་གྲགས་པའི་ནང་གི་ཡ་གྱལ་ཞིག་ཀྱང་ཡིན། དེ་ནས་སློབ་དཔོན་གྱིས་འབངས་ཤེས་རབ་ཆེ་བ་གཉིས་བོ་དྷི་ས་ཏཱའི་དྲུང་དུ་རབ་ཏུ་བྱུང་ལ་ལོ་ཙཱ་བསླབ་ཏུ་གཏོང་དགོས་ཞེས་གསུངས་པར་ལྟར་རྒྱལ་པོས་བོད་ཕྲུག་རབ་བྱུང་བློ་གྲོས་མཆོག་ཏུ་འགྱུར་བ་པ་གོར་ཧེ་འདོད་ཀྱི་བུ་བཻ་རོ་ཙ་ན་དང་གཙང་ཐང་ལྟ་འི་བུ་ལེགས་གྲུབ་གཉིས་ལ་གསེར་ཕྱེ་བྲེ་གང་དང་གསེར་གྱི་པ་ཏྲ་ཞིག་བསྐུར་ནས་རྒྱ་གར་དུ་བཀའ་རྫོགས་པ་ཆེན་པོ་བསླབ་ཏུ་བཏང་། ལོ་ཙཱ་བ་གཉིས་ཀྱིས་རྒྱ་གར་དུ་སློབ་དཔོན་གྱིས་བཀའ་རྫོགས་པ་ཆེན་པོ་བོད་དུ་དར་བར་འགྱུར་བས་ངས་བཤད་ཆོག་ཀྱང་རྒྱ་གེ་རྒྱལ་པོ་ཆོས་ལ་ཕྲག་དོག་ཆེ་བས་གསང་ཐབས་ཀྱིས་བཤད་ཆོག་གསུངས་ནས་ཆོས་རྫོགས་པ་ཆེན་པོ་ཉི་ཤུ་རྩ་ལྔ་གསུངས། བཀའ་ལུང་གི་སྤྱིའི་ཆིངས་ལུང་པོད་ཏི་བཅོ་བརྒྱད་སོགས་གསུངས། རྒྱ་གར་བ་ཆོས་ལ་ཕྲག་དོག་ཆེ་བས་ལམ་ལ་སྲོག་ལ་ཉན་ཁ་ཡོད་པས་རྐང་མགྱོགས་ཀྱི་གདམས་ངག་གནང་ནས་བསྒྲུབ་ཏུ་གཅུག་པས་གཙང་ལེགས་སྒྲུབ་ཀྱིས་མ་བསྒྲུབས། བཻ་རོ་ཙ་ནས་བསྒྲུབས་པས་སློབ་དཔོན་བཻ་རོ་ཙ་ན་ཞེས་བཏགས་སོ། བཻ་རོ་ཙ་ན་བོད་དུ་ཕེབས་ནས་རྒྱས་བློན་འབངས་བཅས་ལ་རྫོགས་གསུངས། རྒྱ་གར་རྒྱལ་པོས་གསང་སྔགས་བོད་དུ་དར་བར་ཕྲག་དོག་ནས་བོད་དུ་དཀྲོག་གཏམ་བཟོ་མཁན་རྐང་མགྱོགས་གཉིས་བཏང་ནས་བཻ་རོས་ཕྱི་པ་མུ་སྟེགས་པའི་ངན་ཆོས་མང་པོ་ཁྱེར་སོང་བས་བོད་ཕུང་ངེས་ཡིན་ཞེས་ཕྲ་མ་བཅུག་པར་བརྟེན་བོན་ལ་དགའ་བའི་བློན་པོ་ཏ་ར་ཀླུ་གོང་ལ་སོགས་པས་དེ་ལ་སྙད་བཏགས་ཏེ་བཻ་རོ་ཙ་ན་གསོད་དགོས་ཟེར་བས་རྒྱལ་པོས་གསོད་མ་བཅུག་པར་སྤྲང་པོ་ཞིག་ལ་བཻ་རོའི་ཞྭ་གོས་བཀོན་ནས་ཆུར་བསྐུར། བཻ་རོ་ཙ་ན་ཕོ་བྲང་གི་ཀ་བ་ལ་ཁོག་དོང་བྲུས་ནས་བཅུག ནམ་ཕྱེད་ཙམ་ན་གསོལ་སྟོན་དྲངས་ནས་ཆོས་གསན་པས་སེམས་མ་བུ་བཅོ་བརྒྱད་ཀྱི་ལེའུ་ལྔ་བཅུ་ཚར་བ་ན། རྒྱལ་པོའི་བཙུན་མོ་ཚེ་སྤོང་བཟའ་དང་བོན་ལ་དད་པའི་བློན་པོས་ཤེས་ནས་བཙན་པོ་ལའང་དབང་མ་བྱུང་བར་བཻ་རོ་ཙ་ན་རྒྱལ་མོ་རོང་དུ་མ་བསྐྲད་ཀ་མེད་བྱུང་། བཻ་རོས་རྒྱལ་མོ་རོང་དུ་རྫོགས་ཆེན་གསུངས་ཤིང་དར་བར་མཛད་པས་རྫོགས་ཆེན་དར་བའི་ཡུལ་དང་པོ་མདོ་སྨད་ནས་ཡིན་ཞེས་པ་དེའང་བཻ་རོ་ཙ་ནས་གསུངས་པ་རྣམས་ཡིན་པར་གྲགས། དེ་ནས་བཻ་རོ་ཙ་ན་རྒྱ་ནག་གི་མཁས་པ་དང་དགོངས་པ་བསྡུར་བའི་ཕྱིར་རྒྱ་ནག་ཏུ་བྱོན་ནས་མཁས་པ་མང་པོ་ཞིག་དང་དགོངས་པ་བསྡུར་ཞིང་། ཀུ་སུ་ལུ་ཕྲཛྙ་གྷི་རྡི་སོགས་མཇལ་ཞིང་གདམས་པ་ཞུས། དེ་ནས་བོད་དུ་ནང་བསྟན་གྱི་སྟོབས་ཤུགས་ཆེ་རུ་སོང་རྗེས་རྒྱལ་བློན་རྣམས་ཀྱིས་སློབ་དཔོན་བཻ་རོ་ཙ་ན་བོད་དུ་གདན་དྲངས་ནས་རྒྱལ་པོའི་མཆོད་གནས་སུ་མཛད་ཅིང་བེེེ་རོ་ཙཱ་བ་ནམ་མཁའ་སྙིང་པོ་དང་ལྷན་དུ་གསང་སྔགས་སྒྲུབ་པ་བཀའ་བརྒྱད་ཀྱི་རྒྱད་མང་པོ་བསྒྱུར། བཻ་རོ་རང་ཉིད་ལ་ཀྱིས་བསྒྱུར་བའི་གྲས་མིང་དུ་འཁོད་པ་བསྟན་འགྱུར་ལས《རྣལ་འབྱོལ་མའི་སྒྲུབ་ཐབས》《རྡོ་རྗེ་རྣལ་འབྱོལ་མ་དཀར་མོའི་སྒྲབས་ཐབས》《རྒྱུད་ཀྱི་རྒྱལ་པོ་དཔལ་གསང་བ་འདུས་པའི་རྣམ་པར་བཤད་པ》《ཕ་རོལ་དུ་ཕྱིན་པ་བསྡུས་པ》《སོ་སོར་ཐར་པའི་འགྲེལ་པ་འདུལ་བ་བསྡུས་པ》《རིག་པ་གྲུབ་པའི་སྒྲོན་མེ》སོགས་མདོ་སྔགས་ཀྱི་གསུང་རབ་བམ་པོ་བཅུ་ཕྲག་དང་ཡིག་འབྲུ་ཁྲི་ཚོ་བརྒྱ་ཕྲག་བསྒྱུར་ཡོད་པ་མ་ཟད། ཁོང་ཉིད་ནི་རྒྱ་བོད་གཉིས་ལ་སོགས་པའི་ཡི་གེ་མང་པོ་མཁྱེན་པ་ཟབ་པས་བོད་ཡིག་ཏུ་བསྒྱུར་པ་རྣམས་བོད་རང་ཉིད་ཀྱི་སྐད་ཡིག་ཐོག་ནས་བྲིས་པ་ནང་བཞིན་ལས་བསྒྱུར་ཡིག་གི་བཟོ་ཙམ་མེད་པའི་ཁྱད་པར་ཤིན་ཏུ་ཆེ་བས་རྔོག་ལོ་ཆེན་བློ་ལྡན་ཤེས་རབ་ཀྱིས་ཀྱང་བཻ་རོ་ཙ་ན་ནམ་མཁའི་ཉི་མ་འདྲ་ཞེས་བསྟོད་བསྔགས་ཚད་མེད་པ་མཛད་ཡོད། བཻ་རོ་ཙ་ན་ནི་རྩིས་སྨན་གང་ལའང་ཤིན་ཏུ་མཁས་པས《བཻ་རོའི་སྔོའི་འཁྲུངས་དཔེ》ཞེས་པ་དང་སྣམ་དཔེ་མང་དུ་མཛད་པ་མ་ཟད། རྩིས་སྨན་འདྲེས་མ་མང་དུ་བསྒྱུར་ཡོད། གཞན་ཡང་ལོ་ཆེན་བཻ་རོ་ཙ་ནའི་ཁྱད་ཆོས་ནི་བསྒྱུར་བ་མང་ཞིང་། མཚན་ཡང་མང་བས་མདོ་བསྒྱུར་ནང་དུ་ཡེ་ཤེས་སྡེ་ཞེས་བྲིས། སྨན་བསྒྱུར་ནང་ཆོས་འབར་བྱ་བ་བཅུག་བཅས་སུ་གྲགས། 《བཻ་རོའི་འདྲ་འབག་ཆེན་མོར》འཁོད་པར་གཞིགས་ན། ཁོང་སྔ་རྗེས་སུ་བོད་རྗེ་ཁྲི་སྲོང་ལྡེ་བཙན་དང་། མུ་ནེ་བཙན་པོ། ཁྲི་ལྡེ་སྲོང་བཙན་བཅས་ཀྱི་རིང་ལོ་ཙཱ་བ་གནང་སྟེ་བོད་ཀྱི་ལོ་ཆེན་གཙོ་བོ་མཛད་པ་གསལ་ཞིང་མཐར་སྤྱི་ལོའི་དུས་རབས་དགུ་པར་ཤར་ཙམ་ལ་བསམ་ཡས་ཧད་པོ་རིའི་རྩེར་ཞི་བར་གཤེགས།
- language:
- Tibetan
5. Thupten Phuntsok Dictionary
〔ལེགས〕 (１) རྣམ་པར་སྣང་མཛད། (2) བོད་རྒྱལ་ཁྲི་སྲོང་ལྡེ་བཙན་སྐབས་སྙེ་མོ་གན་ཇག་བ་གོར་ཟེར་བའི་སྲས་སུ་འཁྲུངས་ཤིང་། བསམ་ཡས་སུ་བོད་ཀྱི་རབ་བྱུང་ཐོག་མར་སྒྲུབ་དུས་བཙུན་པ་ལེན་ནམ་མི་ལེན་ཚོད་ལྟ་བྱས་པའི་སད་མི་མི་བདུན་གྱི་ཡ་གྱལ་དང་། ལོ་ཙཱ་བ་རྒན་གསུམ་གྱི་ནང་ཚན་ཞིག་ཀྱང་ཡིན། ཞང་ཡེ་ཤེས་སྡེ་ཞེས་པ་ཡང་ཁོང་གི་མཚན་གཞན་ཡིན་པར་སྣང་། བཀའ་བསྟན་རྣམས་ལས་མང་པོ་ཞིག་ཁོང་གིས་བསྒྱུར་བར་ཡིན།
- language:
- Tibetan
6. smon lam tshig mdzod chen mo
(ལེགས་སྦྱར།) 1>རྣམ་པར་སྣང་མཛད། 2>བོད་རྒྱལ་ཁྲི་སྲོང་ལྡེ་བཙན་སྐབས་སྙེ་མོ་གན་ཇག་བ་གོར་ཟེར་བའི་སྲས་སུ་འཁྲུངས་ཤིང༌། བསམ་ཡས་སུ་བོད་ཀྱི་རབ་བྱུང་ཐོག་མར་སྒྲུབ་དུས་བཙུན་པ་ལེན་ནམ་མི་ལེན་ཚོད་ལྟ་བྱས་པའི་སད་མི་མི་བདུན་གྱི་ཡ་གྱལ་དང༌། ལོ་ཙཱ་བ་རྒན་གསུམ་གྱི་ནང་ཚན་ཞིག་ཀྱང་ཡིན། འདིས་རིག་པ་དྲུག་ཅུ་པ་མདོར་བཤད་དང༌། སྣང་མཐའི་མཚན་བརྗོད་སོགས་བསྒྱུར།
- language:
- Tibetan