- dbyangs can grub pa'i rdo rje/
- ID:
- T137731
- དབྱངས་ཅན་གྲུབ་པའི་རྡོ་རྗེ (Tibetan, Tibetan script, Original)
- > dbyangs can grub pa'i rdo rje/ (Tibetan, Latin script, Transliteration-THL Extended Wylie Transliteration)
- > yangchen druppé dorjé (Tibetan, Latin script, Transcription-THL Simplified Tibetan Transcription)
Other Dictionaries
1. Rangjung Yeshe Dictionary
དངུལ་ཆུ་དབྱངས་ཅན་གྲུབ་པའི་རྡོ་རྗེ་ 1809-1887. A direct disciple of his uncle, དངུལ་ཆུ་ཐོགས་མེད་ who was a direct student of the eight Situ Rinpoche, Chökyi Jungney. He and his uncle carried on the lineage of Situ Rinpoche's grammatical tradition. He wrote several important grammatical works | ཐོན་མིའི་ལེགས་བཤད་སུམ་ཆུ་པའི་སྙིང་པོ་ལྗོན་པའི་དབང་པོ་
- language:
- Tibetan
2. gangs can mkhas grub rim byon ming mdzod
ཁོང་ནི་རབ་བྱུང་བཅུ་བཞི་པའི་ས་མོ་སྦྲུལ་ལོ་སྟེ་སྤྱི་ལོ 1809 ལོར་གཙང་གཡས་རུའི་བྱེ་བྲག་བཀྲ་ཤིས་དགེ་འཕེལ་གླིང་གི་ཉེ་འདབས། སྔོན་དུས་འཇད་ཅེས་གྲགས་ཀྱང་། ཕྱིས་སུ་སློབ་དཔོན་པད་མ་འབྱུང་གནས་ཀྱིས་ཡུལ་དེའི་ཆེ་བའི་དགེ་མཚན་ལ་ཞལ་འཛུམ་ལན་གསུམ་གྲོལ་བས་བཞད་ཅེས་ཐོགས་པའི་ཡུལ་དུ་ཡབ་བཀྲ་ཤིས་དང་ཡུམ་ཚེ་རིང་སྲི་ཆོད་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅོ་ལྔ་བའི་[1199]མེ་མོ་ཕག་ལོ་སྟེ་སྤྱི་ལོ 1887 ལོར་སྐུ་གཤེགས། ཁོང་དགུང་ལོ་ལྔའི་སྟེང་ནས་ཁུ་བོ་དྷརྨ་བྷ་དྲའི་དྲུང་ནས་ཡི་གེའི་འབྲི་ཀློག་སྦྱངས། དགུང་ལོ་བཅུ་བར་ཐོབ་རྒྱལ་བླ་མ་ངག་དབང་སྙན་གྲགས་ཀྱི་དྲུང་ནས་རྩིས་ཀྱི་ས་རིས་དང་སྙན་ངག་བཅས་ལ་སྦྱངས་ཏེ་ཞོར་དུ་མངོན་བརྗོད་སྣ་ཚོགས་བློ་ལ་བཟུང་། དགུང་ལོ་བཅུ་གཅིག་པར་བཀྲ་ཤིས་དགེ་འཕེལ་དགོན་གྱིས་གྲྭ་ཁྲལ་དུ་བསྡུས་ཏེ་དཀའ་ཆེན་དཀོན་མཆོག་ཆོས་འཕེལ་གྱི་མདུན་ནས་རབ་ཏུ་བྱུང་བས་མཚན་ལ་བློ་བཟང་ཆོས་འཕེལ་ཞེས་བཏགས། དགུང་ལོ་བཅུ་གཉིས་པར་དཀའ་ཆེན་དཀོན་མཆོག་ཆོས་འཕེལ་གྱི་དྲུང་ནས་དགེ་བསྙེན་དང་དགེ་ཚུལ་གྱི་སྡོམ་པ་མནོས། དེ་ནས་བཟུང་རྗེ་མི་ལའི་རྣམ་མགུར་དང་། ཐིག་ཚད་བློས་བཀོད། འདོན་རྟ་དབྱངས་རོལ་མོ་བཅས་ལ་སྦྱངས་པར་མཐར་ཕྱིན་མཛད་དེ་དབང་ལུང་སོགས་ཀྱང་མང་པོ་ཐོབ། དགུང་ལོ་བཅུ་དགུ་པ་ནས་བླ་མ་ཆོས་བཟང་གི་ཞབས་ཞུ་བ་མཛད་དེ། སྒྲ་དང་། རྩིས། སྙན་ངག སུམ་རྟགས་སོགས་ལ་ལེགས་པར་སྦྱངས་ནས་བླ་མ་ལ་རྒྱུགས་ཕུལ་སྐབས་སློབ་འབྲས་ཤིན་ཏུ་བཟང་བས་བླ་མ་དགྱེས་ནས་ལྷ་རྫས་སྲིད་དུ་རིང་བ་མགུལ་དུ་བསྩལ་ཏེ་ཀུན་བཏགས་ཀྱི་མིང་ལ་དབྱངས་ཅན་གྲུབ་པའི་རྡོ་རྗེ་ཞེས་གནང་བ་རེད། དགུང་ལོ་སོ་བཞི་བར་བླ་མ་ཆོས་བཟང་གི་མདུན་ནས་དགེ་སློང་གི་སྡོམ་པ་མནོས། དགུང་ལོ་རེ་གཅིག་པར་ས་སྐྱ་དང་བཀྲ་ཤིས་ལྷུན་པོ། གདན་ས་གསུམ་དུ་ཕེབས་ནས་བླ་དཔོན་རྣམས་ལ་ཆོས་ཀྱི་བདུད་རྩི་ཡང་ཡང་ཕུལ། མཁས་པ་ཀུན་གྱིས་གཙུག་ཏུ་བཀུར། ཁོང་གི་སློབ་མ་གྲགས་ཆེ་བ་ནི་ངག་དབང་ཚུལ་[1200]ཁྲིམས་དང་། སྒོ་མང་ལྷ་རམས་པ་དགེ་འདུན་རྒྱ་མཚོ། བླ་མ་ཡེ་ཤེས་ཆོས་འཕེལ། སྨིན་གྲོལ་ནོ་མོན་ཧན། ཆབ་མདོ་འཕགས་པ་ལྷ། ཆུ་བཟང་ཧུ་ཐོག་ཐུ་སོགས་མཁས་གྲུབ་ཤིན་ཏུ་མང་པོར་བྱུང་ངོ་། ཁོང་གི་གསུང་རྩོམ་ནི་བསྟན་བཅོས་བདུན་ཅུ་དོན་བདུན་ཡོད་པ་རྣམས་པོ་ཏི་གསུམ་དུ་བསྡུས་ཡོད། འཇམ་དབྱངས་རྡོ་རྗེ་དང་བློ་བཟང་ཆོས་འཕེལ་ནི་ཁོང་གི་མཚན་གྱི་རྣམ་གྲངས་ཡིན། །
- language:
- Tibetan