1. Rangjung Yeshe Dictionary

Tsemön Ling, in Lhasa

Further Details

2. Ives Waldo Dictionary

• tshe smon gling Monastery

  Further Details

  language:

  English

• tshe smon gling Monastery [lha sa'i nang du yod pa'i dge lugs pa'i dgon pa zhig ste, sngar man ju'i rgyal rabs kyi dus su bod kyi srid 'dzin lan gsum byas pa'i go ming kvan ting shr'i thu no mon han gyis 'dzin bdag byed pa'i dgon pa zhig]

  Further Details

  language:

  English

3. bod rgya tshig mdzod chen mo

[2282] ལྷ་སའི་ནང་དུ་ཡོད་པའི་དགེ་ལུགས་པའི་དགོན་པ་ཞིག་སྟེ། སྔར་མན་ཇུ་རྒྱལ་རབས་ཀྱི་དུས་སུ་བོད་ཀྱི་སྲིད་འཛིན་ལན་གསུམ་བྱས་པའི་གོ་མིང་ཀྭན་ཏིང་ཤྲཱི་ཐུ་ནོ་མོན་ཧན་གྱིས་འཛིན་བདག་བྱེད་པའི་དགོན་པ་ཞིག་...

Further Details

4. dung dkar bod rig pa'i tshig mdzod chen mo

དགོན་པ་འདི་ནི་ར་མོ་ཆེ་གཙུག་ལག་ཁང་གི་ནུབ་ངོས་སུ་ཆགས་ཡོད་པ་དང་། བཞི་སྡེ་གྲྭ་ཚང་གི་འདབས་འབྲེལ་ཡིན། ཚེ་སྨོན་གླིང་ཟེར་བའི་མིང་དེ་ནི་དགོན་པ་འདི་བཏབ་རྗེས་མན་ཆིང་གོང་མ་ཏཱ་ཀོང་གིས་བཏགས་པ་ཞིག་ཡིན། དགོན་པ་འདི་ཚེ་སྨོན་གླིང་སྐུ་ཕྲེང་གཉིས་པ་འཇམ་དཔལ་ཚུལ་ཁྲིམས་ཀྱིས་བོད་ས་གནས་ཀྱི་སྲིད་སྐྱོང་གནང་ནས་ལོ་ངོ་དྲུག་སོང་བའི་རབ་བྱུང་བཅུ་གསུམ་པའི་ཤིང་བྱ(༡༨༢༥)ལོར་ཐོག་མར་བཏབ་ཅིང། སེ་ར་སྨད་གྲྭ་ཚང་གི་ཁོངས་གཏོགས་ཡིན། དགོན་པ་འདིའི་ཆགས་དབྱིབས་ནི་བྱང་ནས་ལྷོར་གཏད་ཡོད་ཅིང་། འཛུགས་སྐྲུན་གྱི་རྒྱ་ཁྱོན་ནི་སྤྱི་ཁྲེ་གྲུ་བཞི་མ(༦༢༤༠)ཙམ་ཡོད་ལ་ཤར་ནུབ་ལྷོ་གསུམ་གྱི་ཕྱོགས་རྣམས་ཤག་སྐོར་དང་། བྱང་ངོས་ཐོག་བརྩེགས་བཞི་ཡོད་པའི་གཙུག་ལག་ཁང་ཤར་ནུབ་གཉིས་ཡོད། ཤག་སྐོར་གྱི་ཕྱོགས་གསུམ་ནི་ཐོག་སོ་གཉིས་ལྡན་ཡིན། གྲྭ་ཤག་དང། དེའི་ཕྱིར་བར་ཁྱམས་སྟེང་ཤོད་གཉིས་ཡོད། གཙུག་ལག་ཁང་ལྟེ་བའི་འཛུགས་སྐྲུན་ཐད་ཤར་ནུབ་གཉིས་སུ་བཅད་ནས་ཡོད་པ་དེ་ལ་བལྟས་ན་དུས་སྐབས་སྔ་རྗེས་གཉིས་སུ་རིམ་བཞིན་འཛུགས་སྐྲུན་བྱས་པ་ཞིག་ཡིན་པ་གསལ་པོ་མཐོང་ཐུབ། ཤར་ངོས་ཀྱི་གཙུག་ལག་ཁང་དེའི་འཛུགས་སྐྲུན་དང་། བཟོ་བཀོད་ལ་བལྟས་ན་དགོན་པ་འདི་ཐོག་མ་བཏབ་པའི་སྐབས་ཀྱི་བཟོ་དབྱིབས་ཡིན་པ་དང་། ནུབ་ངོས་ཀྱི་གཙུག་ལག་ཁང་སྟེང་ཤོད་བཟོ་བཀོད་ཤར་ངོས་ལས་ལེགས་པ་ཡོད་པས་རྗེས་སུ་རྒྱ་བསྐྱེད་བྱས་པ་ཞིག་ཡིན་པ་མཐོང་ཐུབ། ཤར་ངོས་ཀྱི་གཙུག་ལག་ཁང་ལ་ཕོ་བྲང་དཀར་པོ་དང་། ནུབ་ངོས་ཀྱི་གཙུག་ལག་ཁང་ལ་ཕོ་བྲང་དམར་པོ་ཟེར། ཤར་ངོས་ཀྱི་ཕོ་བྲང་དང་གཙུག་ལག་ཁང་གི་རྒྱ་ཁྱོན་ལ་སྤྱི་ཁྲེ་གྲུ་བཞི་མ༨༠༠༠ཡོད་པ་དེའི་ནང་སྦུག་ཐག་རིང་ཚད་སྤྱི་ཁྲེ༡༣.༤ལོན་པའི་འདུ་ཁང་ཡིན་ཅིང་། དེའི་ཞེང་ཚད་ལ་སྤྱི་ཁྲེ༡༠༠དང་ཀ་བ་ཉི་ཤུ། གསེང་གཡབ་མཐོངས་སྐོར་ལ་རིང་ཚད་སྤྱི་ཁྲེ༦.༦དང་ཞེང་ཚད་ལ་སྤྱི་ཁྲེ༤ལོན་པའི་རབ་གསལ་མཐོ་པོ་ཡོད། འདུ་ཁང་གི་མདུན་དུ་སྦུག་ཐག་སྤྱི་ཁྲེ༣.༤ལོན་པའི་སྒོ་འཕྱོར་ཡོད་པ་དང་། དེའི་གཡས་གཡོན་གཉིས་སུ་རུང་ཁང་དང་། མཛོད་ཁང་ཡོད་ཅིང་། དེ་ཚོའི་བཟོ་སྐྲུན་གྱི་སྤུས་ཚད་ཞན་ཙམ་ཡོད། འདུ་ཁང་གི་སྦུག་ངོས་ནི་མཆོད་ཁང་ཡིན་ཅིང་། དེའི་ནང་འཇིམ་བཟོའི་ཡི་དམ་ཆོས་སྲུང་གི་སྐུ་འདྲ་ཁ་ཤས་དང་། ཚེ་སྨོན་གླིང་སྐུ་ཕྲེང་གཉིས་པ་འཇམ་དཔལ་ཚུལ་ཁྲིམས་ཀྱི་དངུལ་གདུང་དང་སྐུ་ཕྲེང་གསུམ་པ་བསྟན་པའི་རྒྱལ་མཚན་གྱི་དངུལ་གདུང་གཉིས་ཀྱི་མཐོ་ཚད་ལ་ཐོག་སོ་གཅིག་ལོངས་པ་ཡོད། བར་ཐོག་གི་བྱང་ངོས་མགོན་ཁང་ནང་འཇིམ་བཟོས་རྟ་མགྲིན་དང་། གཞན་ཡང་དགེ་ལུགས་ཆོས་སྐྱོང་སྲུང་མ་ཁག་དྲུག་གི་སྐུ་བརྙན། བརྩིགས་ལྡེབས་སུ་རས་བྲིས་དང་ཚེམ་གྲུབ་མའི་ཐང་ཀ་སྣ་ཚོགས་སུམ་ཅུ་ལྷག་ཙམ་ཡོད། སྟེང་ཐོག་ཐོག་སོ་གཉིས་པ་དཔེ་མཛོད་ཁང་ནང་བཀའ་འགྱུར་དང་། བསྟན་འགྱུར། གསུང་འབུམ། ལོ་རྒྱུས། རིག་གནས་ལ་སོགས་པའི་དཔེ་ཆ་བྲིས་མ་དང་། དཔར་མ་ཁྱོན་བསྡོམས་པོད་ཁྲི་གཉིས་ལྷག་ཙམ་ཡོད། (དཔེ་མཛོད་ཁང་འདིའི་ནང་གི་དཔེ་ཆ་གལ་ཆེ་བ་ཁག་གཅིག་པོ་ཏ་ལ་དང་ཞོལ་དཔེ་མཛོད་ཁང་དུ་དབོར་ཟིན)རྩེ་ཐོག་ཐོག་སོ་བཞི་པའི་དཀྱིལ་ནི་ཚོམས་ཆེན་དང་། དེའི་གཡས་གཡོན་གཉིས་སུ་གཟིམ་ཆུང་ཤར་ནུབ་གཉིས། དཔེ་གཟིགས་ཁང་། ཉི་འོད། བར་ཁྱམས་བཅས་ཡིན། ནུབ་ངོས་ཀྱི་གཙུག་ལག་ཁང་དང་། ཕོ་བྲང་དམར་པོ་ནི་ཤར་ངོས་ཀྱི་ཕོ་བྲང་ལས་སྤུས་ཚད་ལེགས་ཤིང་། བཀོད་པ་ཐོན་པོ་ཡོད་པ་དེར་བལྟས་ན་ཤར་ངོས་གཙུག་ལག་ཁང་རྙིང་པ་ལས་ལོ་བཅུ་ཕྲག་ཁ་ཤས་ཀྱི་ཕྱི་བ་ཡོད། དེའི་ཁྱད་ཆོས་ནི་ཀ་གདུང་སོགས་ལ་བརྐོས་དཀྲོལ་གྱི་རྒྱན་རིས་མང་ལ་ཞིབ་ཚགས་ཆེ་བ། བརྩིག་ལྡེབས་ཚང་མ་ལྡེབས་བྲིས་ཡོད་པ། ཚོས་མདོག་རྣམས་ལ་རི་མོ་ཧ་ཅང་ཕྲ་ཞིབ་ཡིན་པ་བཅས་རེད། གཙུག་ལག་ཁང་དེའི་མདུན་ངོས་ནི་སྒོ་འཕྱོར་དང་། དེའི་སྦུག་ཏུ་འདུ་ཁང་། འདུ་ཁང་གི་སྦུག་ཏུ་མཆོད་ཁང་། མཆོད་ཁང་གི་ཟུར་གཡས་གཡོན་གཉིས་སུ་ལྷ་ཁང་རེ་རེ་བཅས་ཡོད། འདུ་ཁང་སྦུག་གི་མཆོད་ཁང་དེར་ཞེང་ཚད་སྤྱི་ཁྲེ༡༥དང་སྦུག་ཐག་སྤྱི་ཁྲེ༡༣.༨ གོ་བསྒྲིགས་ལྔ་ལྔ་ཡོད་པ་བཅས་ཡིན། (མཆོད་ཁང་ནང་དངུལ་ལས་བཞེངས་པའི་སྒྲོལ་མ་དང་། གསེར་ཟངས་ལས་གྲུབ་པའི་རྒྱལ་བ་བྱམས་པ། རྗེ་ཙོང་ཁ་པ་སོགས་ཀྱི་སྐུ་བརྙན་མང་པོ་དང་། ཚེ་སྨོན་གླིང་སྐུ་ཕྲེང་རིམ་བྱོན་གྱི་བཞུགས་ཁྲི། སྐུ་ཕྲེང་གསུམ་པ་བློ་བཟང་བསྟན་པའི་རྒྱལ་མཚན་དང་། སྐུ་ཕྲེང་བཞི་པ་ཐུབ་བསྟན་མཁས་གྲུབ་གཉིས་ཀྱི་གསེར་གདུང་བཅས་ཡོད། བརྩིགས་ལྡེབས་སུ་ལྡེབས་བྲིས་ཀྱིས་ཁེངས་ཡོད) འདུ་ཁང་གི་གསེང་གཡབ་མཐོངས་སྐོར་ལ་སྤྱི་ཁྲེ༨.༣དང་རིང་ཚད་སྤྱི་ཁྲེ༧.༥ལོན་པའི་རབ་གསལ་བསྒྲིགས་ཡོད་པའི་འདུ་ཁང་ནང་དུ་ཉི་འིད་ཕོག་ཚད་ལེགས་ཤིང་། དཀར་གསལ་དོད་པོ་ཡོད། འདུ་ཁང་གི་མདུན་ངོས་ཟུར་གཉིས་སུ་གསང་སྒོ་བཏོན་ཡོད་པ་དེ་ནས་མཛོད་ཁང་གཡས་གཡོན་གཉིས་ནང་འགྲོ་ས་ཡོད་པ་དང་། གཡོན་ངོས་ཀྱི་མཛོད་ཁང་དེར་རིང་ཚད་སྤྱི་ཁྲེ༡༨དང་ཞེང་ཚད་སྤྱི་ཁྲེ༢.༩ཡོད་ཅིང་། གཡས་ངོས་ཀྱི་མཛོད་ཁང་དེར་རིང་ཚད་སྤྱི་ཁྲེ༡༤.༡དང་ཞེང་ཚད་སྤྱི་ཁྲེ༢.༦ཡོད། འདུ་ཁང་རྒྱབ་ཀྱི་མགོ་ཁང་མདོ་སྦུག་གཉིས་ཡོད་པའི་སྦུག་གི་ལྷ་ཁང་དང་། ཡི་དམ་ཆོས་སྲུང་ཡོངས་གྲགས་ཀྱི་སྐུ་བརྙན་སྣ་ཚོགས་དང་། ཤར་ངོས་ཀྱི་མགོན་ཁང་ནང་སྲུང་མ་ཁག་བདུན། གཞན་ཡང་ཚེ་སྨོན་གླིང་སྐུ་ཕྲེང་གཉིས་པའི་འདྲ་སྐུ་དང་། སྨན་བླ་བདེ་གཤེགས་བརྒྱད་ཀྱི་སྐུ་བརྙན་སོགས་ཡོད། འདུ་ཁང་ཐོག་ཁའི་བར་ཐོག་ཏུ་དགོན་པའི་ཚོགས་འདུ་ཁང་དང་། མཛོད་ཁང་ཆེ་ཆུང་སྣ་ཚོགས་ཡོད་ཅིང་། སྟེང་ཐོག་ནི་གཞི་རྒྱ་ཆེ་བའི་ཚོམས་ཆེན་ཡིན། ཚེ་སྨོན་གླིང་ཧོ་ཐོག་ཐུ་ནི་ཕྱིས་སུ་བྱུང་བའི་སྲིད་སྐྱོང་རིམ་བྱུང་གི་ནང་ནས་ཆབ་སྲིད་ཐོག་ཤུགས་རྐྱེན་ཆེ་ཞིང་། མན་ཆིང་སྲིད་གཞུང་གི་བསྟོད་བསྔགས་དང་བརྩི་བཀུར་ཆེན་པོ་ཐོབ་པའི་འོག་ཚེ་སྨོན་གླིང་དགོན་པ་ཡང་གླིང་ཆེན་བཞིའི་གྲས་སུ་ཚུད་པ་རེད། ཚེ་སྨོན་གླིང་སྐུ་ཕྲེང་དང་པོ་ངག་དབང་ཚུལ་ཁྲིམས་ནི་ཏཱ་ལའི་བླ་མ་སྐུ་ཕྲེང་བདུན་པ་སྐུ་གཤེགས་ནས་བོད་ས་གནས་སུ་སྲིད་སྐྱོང་རྒྱལ་ཚབ་ཀྱི་ལམ་ལུགས་བཙུགས་པའི་རྗེས་སུ་བྱུང་བའི་སྲིད་སྐྱོང་གཉིས་པ་ཡིན་པ་དང་། ཏཱ་ལའི་བླ་མ་སྐུ་ཕྲེང་བརྒྱད་པར་སྔ་རྗེས་སུ་ལོ་ཉི་ཤུ་ཙམ་གྱི་རིང་སྲིད་དོན་ཕྱག་རོགས་ཞུ་གནང་མཛད་པ་མ་ཟད། མན་ཆིང་གོང་མ་ཆན་ལུང་གིས་བཀའ་ཕབ་པ་ལྟར་པེ་ཅིན་དུ་ཕེབས་ཏེ་ལོ་མང་རིང་མེས་རྒྱལ་གོང་བུ་གཅིག་གྱུར་སྲ་བརྟན་དུ་བཏང་བ་དང་། རྒྱ་བོད་མི་རིགས་གཉིས་ཀྱི་མཐུན་སྒྲིལ་ལ་ཕན་པ་ཡོད་པའི་མཛད་རྗེས་ཆེན་པོ་འཇོག་གནང་མཛད་ཡོད། ཚེ་སྨོན་གླིང་དགོན་པ་འདིར་ཉམས་ཆག་བྱུང་ཚུལ་སྐོར་ནི། ཚེ་སྨོན་གླིང་སྐུ་ཐོག་གཉིས་པ་འཇམ་དཔལ་ཚུལ་ཁྲིམས་ཀྱིས་རབ་བྱུང་བཅུ་བཞི་པའི་ས་ཡོས(༡༨༡༩)ལོ་ནས་རབ་བྱུང་གོང་གསལ་གྱི་ཤིང་འབྲུག(༡༨༤༤)བར་ལོ་ཉི་ཤུ་རྩ་ལྔའི་རིང་སྲིད་སྐྱོང་གི་འགན་ཁུར་གནང་ཞིང་། དེའི་རིང་དགས་ལྡན་ཁྲི་པ་ཀྱང་གནང་ཐུབ་པ་བྱུང་ཡོད་ཀྱང་། མན་ཆིང་སྲིད་གཞུང་གི་ཨམ་བན་སྔ་རྗེས་དང་བཀྲ་ཤིས་ལྷུན་པོའི་ཞབས་འབྲིང་བཅས་དང་སྲིད་དོན་སྐོར་མ་མཐུན་པའི་རྐྱེན་གྱིས་ས་གནས་སྲིད་གཞུང་གི་དཔོན་རིགས་ཁག་གཅིག་དང་། མན་ཆིང་སྲིད་གཞུང་གིས་མངགས་པའི་བོད་སྡོད་ཨམ་བན་བཅས་ནས་གོང་མ་ཏཱའོ་ཀོང་ལ་སྙན་ཞུ་ཕུལ་བ་ལྟར་སྲིད་སྐྱོང་ཚེ་སྨོན་གླིང་དང་ཕྱག་མཛོད་ཛ་སག་གཉིས་འཛིན་བཟུང་དོ་དམ་ཐོག སྲིད་སྐྱོང་གི་མཚན་གནས་མེད་པར་བཟོས་པ་བཅས་བྱས་རྐྱེན། སེ་ར་སྨད་གྲྭ་ཚང་གི་གྲྭ་པ་ཚོས་ཚེ་སྨོན་གླིང་སྲིད་སྐྱོང་སྲུང་སྐྱོབ་བྱས་ཏེ་སེ་ར་དགོན་པར་གདན་ཞུ་དང་། ས་གནས་སྲིད་གཞུང་ལ་ངོ་རྒོལ་ཟིང་འཁྲུག་བསླངས་པར་བརྟེན་དགོན་པ་འདིར་གཏོར་སྐྱོན་ཚབས་ཆེན་ཕོག་པ་མ་ཟད། སྲིད་སྐྱོང་རང་ཉིད་ཀྱང་བཙོན་པའི་ཆས་གཡོགས་ཏེ་ཟི་ལིང་དུ་རྒྱང་ཕུད་བཏང་ཞིང་། ཡང་སྲིད་རྩད་གཅོད་མི་ཆོག་པའི་རྡོ་རིང་ཞིག་ཀྱང་བསླངས་ནས་བླ་བྲང་གི་འཛིན་ཁོངས་མཆོད་གཞིས་ཁག་གཞུང་བཞེས་བྱས་ཏེ་ཚེ་སྨོན་གླིང་དོ་དམ་པ་ཟེར་བའི་སྲིད་འཛིན་ལས་ཁུངས་གསར་འཛུགས་དང་། དགོན་པ་འདིའི་རྒྱུ་དངོས་རྟེན་གསུམ་འགངས་ཅན་མང་པོ་རྩེ་རྣམ་རྒྱལ་གྲྭ་ཚང་དང་དགོན་པ་གཞན་དག་ལ་ཁག་བགོས་ཀྱིས་སྤྲད་ཡོད། རྗེས་སུ་ཏཱ་ལའི་བླ་མ་སྐུ་ཕྲེང་བཅུ་གསུམ་པའི་སྐབས་སུ་འབྲས་སྤུངས་བློ་གསལ་གླིང་གྲྭ་ཚང་དང་། སེར་སྨད་གྲྭ་ཚང་། རྒྱུ་སྟོད་གྲྭ་ཚང་བཅས་ནས་ཚེ་སྨོན་གླིང་སྤྲུལ་སྐུའི་ཡང་སྲིད་ངོས་འཛིན་ཞུས་ཆོག་པ་དང་། བླ་བྲང་དང་དགོན་པ་ཉམས་ཆག་སོང་བར་སླར་གསོའི་འཚོ་རྟེན་ཕྲན་བུ་གསོལ་རས་ཡོང་བ་ཞེས་སྙན་ཞུ་ཕུལ་བར་བརྟེན་ཚེ་སྨོན་གླིང་སྐུ་ཕྲེང་དང་པོ་ངག་དབང་ཚུལ་ཁྲིམས་སྐབས་ཆོས་སྲིད་གཉིས་ཀྱི་ཐོག་ནས་མཛད་རྗེས་ཆེ་བར་དགོངས་ཏེ་ཡང་སྲིད་ངོས་འཛིན་ཞུས་ཆོག་པའི་ཐོག་ཧོ་ཐོག་ཐུའི་མཚན་གནས་རང་འཇགས་དང་། དེ་སྔོན་གཞུང་བཞེས་བྱས་པའི་ཁོངས་ཀྱི་མཆོད་གཞིས་ཁག་གཅིག་ཕྱིར་སློག་བསྩལ། རབ་བྱུང་བཅོ་ལྔ་པའི་ལྕགས་ཁྱི(༡༩༡༠)ལོར་ཟི་ཁྲོན་སྤྱི་ཁྱབ་ཀྲའོ་ཨམ་བན་དང་ལིའུ་འུན་ཧུད་ཀྱིས་མངགས་པའི་ཁྲོན་དམག་བོད་དུ་འབྱོར་སྐབས་ཏཱ་ལའི་བླ་མ་སྐུ་ཕྲེང་བཅུ་གསུམ་པ་རང་ཉིད་ཀྱི་སྐུ་སྲོག་ལ་ཉེན་ཚབ་ཧ་ཅང་ཆེ་རྐྱེན་སྲིད་བློན་རྣམ་པ་བཅས་སྐུ་འཁོར་ཉུང་བསྡུས་རྒྱ་གར་ཁུལ་དུ་ཉེན་ཡོལ་དུ་ཕེབས་ཤིང་། དེའི་ཤུལ་དུ་ཚེ་སྨོན་གླིང་སྐུ་ཕྲེང་བཞི་པ་ངག་དབང་བློ་བཟང་བསྟན་པའི་རྒྱལ་མཚན་དགེ་ལྡན་ཁྲི་པ་ཡིན་མུས་ཐོག་སྲིད་ཚབ་ཏུ་བསྐོ་གཞག་གནང་སྟེ་རྒྱ་གར་དུ་ཕེབས་ནས་དབྱིན་ཇི་སྲིད་གཞུང་བརྒྱུད་མན་ཆིང་སྲིད་གཞུང་ལ་བཀའ་མོལ་གནང་རིང་། གཙུག་ལག་ཁང་དང་པོ་ཏ་ལ་ཡས་མས་སྲུང་སྐྱོབ་དང་། ལུའུ་ཅུན་དཔོན་དམག་ལྷ་ས་ནས་མཐར་སྐྲོད་གཏོང་ཐུབ་པ་སོགས་ཀྱི་མཛད་རྗེས་སུ་ཀུན་བདེ་གླིང་ཧོ་ཐོག་ཐུ་དང་འདྲ་བའི་གདན་ཐོབ་དང་། ཤ་ཅིན་ཏིལ་གེག་ཆེ་ཞེས་པའི་ཆོ་ལོ་གོ་གནས་བཅས་བསྩལ། དེ་ནས་བཟུང་བླ་བྲང་དང་དགོན་པ་གཉིས་ཀ་ཕྲན་བུ་སྟོབས་འབྱོར་རྒྱས་སུ་སོང་། དེ་རྗེས་སྟག་བྲག་གིས་སྲིད་སྐྱོང་གནང་སྐབས་ཕྱོགས་གཅིག་སྲིད་ཟུར་རྭ་སྒྲེང་དང་འགལ་ཟླ་ཆེན་པོ་ཆགས་པ་དང་དུས་མཚུངས་རབ་བྱུང་བཅུ་དྲུག་པའི་མེ་གླང(༡༩༣༧)ལོར་ཚེ་སྨོན་གླིང་སྐུ་ཕྲེང་ལྔ་པས་སྟག་བྲག་སྲིད་སྐྱོང་ལ་བརྩི་བཀུར་མ་ཞུས་པའི་ཐོག་ཚེ་སྨོན་གླིང་རང་ཉིད་ཆོས་ཁྲིམས་དང་འགལ་བའི་གནས་ཚུལ་བྱུང་སྐོར་སྙན་ཞུ་ཕུལ་བའི་ནང་དུའང་ཞེ་ས་དང་གུས་བཀུར་སོགས་གཏན་ནས་མེད་པར་རང་མཉམ་བླ་སྤྲུལ་ཞིག་དང་འདྲ་བའི་སྐྱོན་བརྗོད་ནན་པོ་གནང་བར་བརྟེན། དོ་དམ་བཙོན་འཇུག་བྱ་ཉེའི་མཚམས་སླར་ཡང་འབྲས་སྤུངས་བློ་གསལ་གླིང་དང་རྒྱུད་སྟོད་གྲྭ་ཚང་གཉིས་ནས་སྲིད་སྐྱོང་སྟག་བྲག་རིན་པོ་ཆེར་རྒྱུ་དངོས་ཕངས་མེད་ཕུལ་ཏེ་དོ་དམ་རྒྱང་ཕུད་མི་དགོས་པར་རྒྱུད་སྟོད་གྲྭ་ཚང་ལ་གསོལ་རས་ཡོད་པ་ཞེས་ཞུ་བསྐུལ་ཐེངས་མང་བྱས་ཀྱང་མ་ཕན་པར་མེ་ཕག(༡༩༤༧)ལོའི་སྨོན་ལམ་ཆེན་མོའི་སྐབས་ལྷོ་ཁ་རྣམ་རྒྱལ་གསེར་ཁང་དུ་རྒྱང་ཕུད་བཏང་སྟེ་བཟང་བཙོན་བཅུག་ནས་ཟླ་བ་ཁ་ཤས་སོང་མཚམས་རྭ་སྒྲེང་སྲིད་ཟུར་བཀྲོངས་ཤིང་། དེ་ནས་ཚེ་སྨོན་གླིང་ཡང་སྐུ་གཤེགས་། སྐབས་དེར་ཚེ་སྨོན་གླིང་དགོན་པ་དང་བླ་བྲང་གཉིས་ལ་ཉམས་ཆག་དོ་ཕོག་མ་བྱུང་བ་ནི་བླ་བྲང་གི་ཕྱག་མཛོད་དྲུང་ཡིག་ཆེན་མོ་དང་མཐོ་རིམ་ལས་བྱེད་ཁག་རྣམས་ཚེ་སྨོན་གླིང་རིན་པོ་ཆེར་མ་དགའ་བའི་འཁོན་འཛིན་ཡོད་པའི་རྐྱེན་གྱིས་ཡིན་སྐད། གནས་ཚུལ་དེའི་ཐོག་ནས་བླ་མའི་ཡང་སྲིད་དང་བླ་བྲང་བར་གྱི་འབྲེལ་བ་དེ་ཆོས་སྲིད་གཉིས་ཀའི་ཐོག་ནས་དགོས་མཁོ་ངེས་ཅན་ཞིག་ལ་བརྟེན་ནས་བྱུང་བ་ཡིན་པར་གསལ་པོར་མཚོན་ཐུབ་པ་ཡིན།

Further Details

5. Thupten Phuntsok Dictionary

ལྷ་སའི་ནང་དུ་ཡོད་པའི་དགེ་ལུགས་པའི་དགོན་པ་ཞིག་སྟེ། སྔར་མན་ཇུའི་རྒྱལ་རབས་ཀྱི་དུས་སུ་བོད་ཀྱི་སྲིད་འཛིན་ལན་གསུམ་བྱས་པའི་གོ་མིང་ཀྭན་ཏིང་ཤྲཱི་ཐུ་ནོ་མོན་ཧན་གྱིས་འཛིན་བདག་བྱེད་པའི་དགོན་པ་ཞིག

Further Details

6. smon lam tshig mdzod chen mo

• 1.ལྷ་སའི་ནང་དུ་ཡོད་པའི་དགེ་ལུགས་པའི་དགོན་པ་ཞིག

  Further Details

  language:

  Tibetan

• 2.སྔར་བོད་ཀྱི་རྒྱལ་ཚབ་ལ་སྡོད་མྱོང་བའི་སྤྲུལ་སྐུ་ཞིག

  Further Details

  language:

  Tibetan