1. Ives Waldo Dictionary

• tshogs mchod ser sbreng puja/ ceremony [on the new moon day of the 2nd month w a line of monks w various offering substances going from Lhasa to rtse pho brang]

  Further Details

  language:

  English

• tshogs mchod ser sbreng puja/ ceremony

  Further Details

  language:

  English

• sngar hor zla gnyis pa'i tshes gnam gang nyin lha sa nas rtse pho brang bar du mchod rdzas sna tshogs thogs pa'i ser mo ba'i phreng ba sbreng tshar du sgrig pa'i dus mchod

  Further Details

  language:

  English

2. bod rgya tshig mdzod chen mo

[2291] སྔར་ཧོར་ཟླ་གཉིས་པའི་ཚེས་གནམ་གང་ཉིན་ལྷ་ས་ནས་རྩེ་ཕོ་བྲང་བར་དུ་མཆོད་རྫས་སྣ་ཚོགས་ཐོགས་པའི་སེར་མོ་བའི་ཕྲེང་བ་སྦྲེང་ཚར་དུ་སྒྲིག་པའི་དུས་མཆོད། ...

Further Details

3. dung dkar bod rig pa'i tshig mdzod chen mo

བོད་ཟླ་གཉིས་པའི་གནམ་གང་ཉིན། རྩེ་ཕོ་བྲང་དུ་བཞུགས་པའི་རྒྱལ་བ་ལྔ་པའི་སྐུ་གདུང་འཛམ་གླིང་རྒྱན་གཅིག་དང་། རྒྱལ་བ་རིགས་ལྔའི་གཙོ་བོ་རྣམ་སྣང་གི་གོས་སྐུ་དཔངས་སོར་མོ་སྟོང་དང་ཉིས་བརྒྱ་དགུ་ཅུ་གོ་དགུ་ཡོད་པ་དེ་དང་འོད་དཔག་མེད་ཀྱི་གོས་སྐུ་ཆེན་མོ་སོར་མོ་ཉིས་སྟོང་ལྔ་བརྒྱ་གོ་བརྒྱད་ཡོད་པ་དེ་གཉིས་གྲུ་འཛིན་གཉིས་པའི་ཕོ་བྲང་གི་རྩིག་ངོས་སུ་ཞལ་དབྱེ་མཆོད་འབུལ་བྱེད་པའི་ཉིན་མོ་ཞིག་རེད། རྩེ་སྐོར་མཆོད་རྫས་དོ་དམ་པས་ཆོས་སྐོར་ཕེབས་མི་འཁྲི་ཁུངས་གདན་ས་གསུམ་དང་། རྒྱུད་གྲྭ་སྟོད་སྨད། རྨེ་བཞི་ལྕགས་གསུམ། དེ་བཞིན་ཉེ་འདབ་དགོན་ཁག་དྲུག་བཅས་ལ་མཆོད་རྫས་རྩིས་སྤྲོད་བྱས་པ་རྣམས། བདག་གཅེས་དང་། བྱེད་སྒོའི་སྐོར་མཆོད་རྫས་དོ་དམ་དང་། ཚོགས་དགེའི་ཆབ་བདག་གཉིས་ནས་གོང་གསལ་འཁྲི་ཁུངས་དགོན་ཁག་གི་ཆབ་རིལ་དང་། ལས་སྣེར་བྱེད་སྒོའི་བཀའ་བསྒྱུར་བཏང་ནས་གོང་ཚེས་ནམ་ལངས་སྔ་ཆར་དགེ་འཕེལ་དབུ་རྩེར་ཉི་མ་ཤར་བ་དང་། མཆོད་རྫས་དོ་དམ་རྩེ་དྲུང་ལས་ཚན་གཉིས། བྱིངས་ལས་དྲུང་བརྒྱད་བཅས་ཀྱིས་སྤོས་སྣེ་སྔུན་བསུས་ཏེ། དེ་ཉིན་གཙུག་ལག་ཁང་བས་བེེ་སེར་ལས་གསུངས་པ་བཞིན་སེར་སྦྲེང་གི་རུ་ཐོག་མར་བཀྲ་ཤིས་པའི་རུ་དར་དཀར་པོ་ཞི་བའི་མདོག་ཅན་རྣམ་སྣང་གི་མཚོན་དོན་འཁོར་ལོའི་ཕྲུ་ཅན་བཅོ་ལྔ་དང་། རྒྱས་པའི་ཁ་དོག་རིན་འབྱུང་གི་མཚོན་དོན་ནོར་བུའི་ཕྲུ་ཅན་བཅོ་ལྔ་དང་། དབང་མདོག་སྣང་མཐའི་མཚོན་དོན་ཅན་བཅོ་ལྔ། དྲག་པོའི་མདོག་ཅན་མི་བསྐྱོད་པའི་ཕྲུ་ཅན་བཅོ་ལྔ། ལས་སྣ་ཚོགས་པའི་མདོག་ཅན་དོན་ཡོད་གྲུབ་ཀྱི་མཚོན་དོན་རལ་གྲིའི་ཏོག་ཅན་དང་། གཞན་ཡང་གདུགས་སུམ་ཅུ། རྒྱལ་མཚན་སུམ་ཅུ། བ་དན་སུམ་ཅུ། དུང་དཀར་བ་དུང་གོས་བཅས་པ་སུམ་ཅུ། རྒྱ་གླིང་པ་སུམ་ཅུ། རྔ་བོ་ཆེ་བཅོ་ལྔ། ཀ་ལིང་ངམ་ལོ་པཎ་སྤྱན་འདྲེན་གྱི་དུང་དུ་གྲགས་པ་བཞི་ཚན་དུ་བསྒྲིལ་ནས་འབུད་པ་བརྒྱད། གར་ཆུང་དུ་གྲགས་པ་ལྷའི་བུ་གཞོན་ནུ་ཟུར་ཕུད་ལྔ་པའི་ཆ་བྱད་ཅན་ཕེག་རྡོབ་པ་གཅིག རྔ་ཆུང་པ་བཅུ། ཏིང་ཤག་པ་ལྔ་རྣམས་ཀྱིས་ཟུར་འགྲོས་ཀྱི་གར་ཆུང་དབྱངས་དང་བཅས་པ་རྫ་རྔ་དང་རྫ་རྔ་ཆེན་པོ་ལྔ་རེ། པི་ཝམ་པ་ལྔ། རྒྱུད་མངས་པ་བཅུ་བཞི། ལྕགས་དང་འཁར་བའི་སིལ་ཁྲོལ་བཞི་རེ། གླིང་བུའི་རིགས་བཅུ་གསུམ། ཕེག་རྡོབ་པ་བཞི། ལྔ་མུ་ཀུ་ཊྰ་ཟུང་དང་། པ་ཊ་ཧ་གཉིས། ཤུར་ཏིང་གཉིས། འཁར་རྔ་བ་བཅུ། སིལ་སྙན་པ་ཉི་ཤུ། སྦུག་ཆོས་པ་ཉི་ཤུ། རྔ་ཡུ་བ་ཅན་བཅུ་ལྡན་སྐྱེས་དང་སྦྱར་བ་ལས་བྱུང་བའི་བདུག་སྤོས་ཀྱི་ཡོལ་གོ་བཅོ་ལྔ། བུམ་པ་ཕལ་རྫས་བརྒྱད། དྲི་བཟང་། བཅུད་ཉེར་ལྔ་ལ་སོགས་པས་གཏམས་པ་སོ་གསུམ། རིན་པོ་ཆེ་ལ་སོགས་པའི་སྣོད་དུ་ནྱེ་གྲོ་དྷས་གཙོས་པའི་བདུགས་རལ་པ་བརྒྱད་ངུར་པང་དང་བཅས་པ། ཁྲུས་རས། གདུགས་དཀར། ཁྲུས་གཞོང་རྣམས་རེ། མཎྜལ། ཚོམ་བུའི་རིགས་མི་འདྲ་དྲུག དེ་དག་གི་ཞལ་འདོན་སྤྱན་འདྲེན་ཁྲུས་གསོལ་ཐོས་པ་རྒྱ་ཆེའི་མཆོད་དབྱངས་ཆོས་ཀྱི་བྱང་འདྲེན་བཅས་བཅུ་བདུན། ཀུན་བཟང་སློན་ལམ་ལས། ཕྱག་འཚལ་དང་མཆོད་ཅིང་བཤགས་པ་དང་། ཞེས་ཡན་ལག་བདུན་རིམ་པ་ལྟར་ཕྱག་འཚལ་བ་དགེ་སློང་བཞི། མེ་ཏོག། ཕྲེང་བ། སིལ་སྙན། དུང་དཀར། འཁར་རྔ། སྦུག་ཆལ། བྱུག་པ། གདུགས། མར་མེ། མེ་ཤེལ་རྣམས་རེ། བདུག་སྤོས་པ་གཉིས། ན་བཟའ། དྲི་ཆབ། ཕྱེ་ཕུར། རིན་པོ་ཆེ། དོ་ཤལ། བླ་བྲེ། རྒྱལ་མཚན་སོ་སོ་ནས་རེ། བརྐྱང་ཕྱག་འབུལ་མི་བཞི། ཕྱག་འཚལ་བའི་གཟུངས་འདོན་མི་བཞི། ཐལ་མོ་སྦྱར་མི་བཞི། ལྟུང་བཤགས་འདོན་མི་བཞི། སྟོབས་བཞི་འདོན་མི་བཞི། ཡིག་བརྒྱ་འདོན་མི་བཞི། ཡེ་ཤེས་སྐུ་མཆོག་པ་བཞི། རྗེ་སུ་ཡི་རང་བ་བཞི། ཆོས་འཁོར་བསྐལ་མེ་འཁོར་ལོ་ཐོགས་པ་བཞི། འགྲོ་དོན་བསྐུལ་པ་པོ་བཞི། བྱང་ཆུབ་ཏུ་བསྔོ་བ་པོ་བཞི། ཁྲུས་གསོལ་བ་ཁྲུས་བུམ་ཐོགས་པ་གཅིག ཁྲུས་སྡེར་ཐོགས་པ་གཅིག ཁྲུས་གསོལ་མཁན་མེ་ལོང་ཐོགས་པ་གཅིག ཁྲུད་དར་བ་གཅིག སིལ་སྙན་དང་འཁར་རྔ་བ་རེ། དེ་ནས་དེ་ལ་ཁ་དོག་ལེགས་བསྒྱུར་བའི། ན་བཟའ། ལོངས་སྐུའི་རྒྱན་ཆ་ཚང་། སྟོང་གསུམ་ཀུན་ཏུ་དྲི་ངད་ལྡང་བ་ཡི། ཁྲུས་སྡེར་ཏིལ་མར་ཅན་རེ། བྱུག་པ། མེ་ཏོག བདུག་སྤོས། ལྷ་བཤོས། སྒྲོན་མེ། ས་གཞི། གཞལ་མེད་ཁང་། རིན་པོ་ཆེའི་གདུགས། རོལ་མོ་ཐུལ་བ་སིལ་སྙན་གཅིག ཕེག་རྡོབ་གཅིག མཆོད་དབྱངས་པ་དྲུག དགེ་སློང་མཆོད་སྤྲིན་གྱི་གཟུངས་འདོན་པ་བཞི། གསང་སྔགས་གསང་བའི་རྒྱུད་སྡེ་བཞི་ཐུན་མོང་གི་མཆོད་པ་བཅུ་གཉིས། ཉེར་སྤྱོད་ལྔ། མཆོད་ཡོན། ཁྲུས་བུམ། རོལ་མོ། མེ་ཏོག བདུག་སྤོས། ལྷ་བཤོས། མར་མེ་བཅས་བརྒྱད། མེ་ཏོག བདུག་པ། སྤོས། ཕྲེང་བ། ཕྱེ་ཕུར། ན་བཟའ། གདུགས། རིན་པོ་ཆེ། པད་མ་རྒྱན་ཕྲེང་། རྒྱལ་མཚན། རིན་པོ་ཆེའི་གདུགས་རྣམས། ཅོད་པན། སྙན་རྒྱན། མགུལ་རྒྱན། སེ་མོ་དོ། དཔུང་རྒྱན། གདུ་བུ། ཞབས་གདུབ། གདུགས། རི་དྭགས་ཀྱི་རྒྱལ་པོ་སོགས་སྲོག་ཆགས་ཡོད་མེད་ཀྱི་ཁྱད་ལས་ལྕེ་གསུམ་པ་མཚན་ཉིད་དང་ལྡན་པ་རྒྱལ་མཚན། བ་དན། ལྡ་ལྡི། རྔ་གཡབ། བླ་བྲེ། སེང་ཁྲི། གཟིམ་ཆ། ཕོ་བྲང་ཟླུམ་པོ་གྲུ་བཞི་ཁང་བརྩེགས་ཟླ་གདན། མེ་ཏོག པི་ཝམ། དྲི་ཆབ། ཞལ་ཟས། ན་བཟའ་སྟེ་མཆོད་པ་ཉེར་ལྔ། རྡོ་རྗེ་སྒེག་མོ་ལ་སོགས་མཆོད་པའི་ལྷ་མོ་བརྒྱད། མཆོད་ཡོན། རས་ཟུང་། བླ་བྲེ། བ་དན། གདུགས། རྒྱལ་མཚན། མེ་ཏོག དྲི་ཆབ། བདུག་སྤོས། མར་མེ། ལྷ་བཤོས། པི་ཝམ། གར་མ། རྒྱན་མཆོག དར་དཔྱངས། ཕྲེང་བ། ཁང་བཟང་། རྟ་མཆོག་གླང་པོ་བ། རྟ་བབས་ཏེ་མཆོད་པ་ཉེར་གཅིག་རིག་མ་བཅུ་དྲུག། འདོད་ཡོན་ལྔ། རྡུལ་གཡབ། སྦྲང་གཡབ། བསིལ་གཡབ། ཁང་བཟང་། སྐྱེད་ཚལ། གཟིམས་ཆ། སེང་ཁྲི། རྟ་མཆོག། གླང་པོ། ནོར་བུ། དཔག་བསམ་ཤིང་། རྟ་བབས། བླ་བྲེ། ཞལ་ཟས། གླུ་མ། གར་མ། བུམ་བཟང་། འདོད་འཇོའི་བ། རྒྱལ་ལག ནམ་མཁའ་མཛོད་དེ་ཉི་ཤུ། དུས་འཁོར་གྱི་མཆོད་པ་མཚོན་བྱེད། ཐུགས་དཀྱིལ་ལྷ་རྣམས་ཀྱི་ལྷ་མོ་བཅུ་གཉིས། གསང་སྔགས་སྔ་འགྱུར་རྡོ་རྗེ་ཐེག་པ། མཆོད་པའི་ལྷ་མོ་བཅུ་གཉིས། འཁོར་ལོ་རྩིབས་བརྒྱད་པ་སེར་པོ། གླང་པོ་ཆེ་མཆེ་བ་དྲུག་པ་དཀར་པོ། རྟ་ལྗང་དགུ། བུད་མེད་བཅུ་དྲུག་ལོན་པའི་རྣམ་པ་སྔོ་བསངས། ནོར་བུ་རྩེ་དྲུག་པ་སེར་པོ། ཁྱིམ་བདག་དམར་པོ་མཛོད་མི་ཟད་པ། དམག་དཔོན་ནག་པོ་མདུང་དང་རལ་གྲི་འཛིན། ཉེ་བའི་རིན་པོ་ཆེ་བདུན། བཀྲ་ཤིས་རྟགས་བརྒྱད་རང་རང་ཕྱག་ཐོགས་ལྷ་མོ་བརྒྱད། གྷི་ཝམ། ཞོ། དུ་རྦ། པི་ཝང་། དུང་། ལི་ཁྲི། ཡུངས་དཀར་རྣམས་ཏེ། བཀྲ་ཤིས་ལྷ་མོ་བརྒྱད། གནོད་སྦྱིན་གྱི་སྡེ་དཔོན་ཆེན་པོ་བཅུ་གཉིས། རྒྱལ་པོ་ཆེན་པོ་བཞི་བཅས་མཆོད་རྫས་ཀྱི་བྱེ་བྲག་རྣམ་གྲངས་ཤིན་ཏུ་མང་ཞིང་བཀོད་པ་བསམ་གྱི་མི་ཁྱབ་པའི་དངོས་པོ་རྙིང་མ་རིན་བྲལ་སྲིད་ན་དཀོན་པ་གོ་རིམ་མ་འཛོལ་བར་འཕྱར་འཁྱེར་མུ་ཏིག་བསྟར་ལ་བརྒྱུས་པ་ཇི་བཞིན་དལ་བྲེལ་སྙོམས་ཤིང་། ལྷ་ལྡན་གཙུག་ལག་ཁང་ནས་ཐོན་ཏེ་བར་སྐོར་དང་། ཀླུ་སྦུག། གཡུ་ཐོག་ཟམ་པ་བརྒྱུད་ཞོལ་རྡོ་རིང་སྒང་དུ་སེར་སྦྲེང་དང་པོ་ཕེབས་འཕྲལ་རྩེ་ཕོ་བྲང་དམར་པོའི་གཟིམ་ཆུང་ས་གསུམ་དུ་ཏཱ་ལའི་བླ་མ་ཞབས་སོར་འཁོད། ཞོལ་ནས་ཁང་སྟེང་དུ་འབྱོར་སྐབས་གསང་སྔགས་རྒྱུད་སྡེ་བཞི་སོ་སོ་ནས་བསྟན་པའི་མཆོད་རྫས་ཀྱི་བྱེ་བྲག་སྣ་ཚོགས་ཐོགས་པའི་སེར་སྦྲེང་གིས་འདོན་དབྱངས་དང་མཆོད་གར་འཁྲབ་པ་དང་། གར་པས་གར་འཁྲབ་པ། རྔ་བོ་ཆེ་དང་། དུང་རྒྱ་གླིང་སོགས་དཀྲོལ་བཞིན་དུ་མདུན་དུ་བསྐྱོད། འདོད་འཇོའི་བ་ལས་འོ་མ་འཇོ་ཁུལ་གྱིས་དཀར་ཡོལ་དཀར་བསངས་གཅིག་ནང་འོ་མ་བླུགས་པ་ལག་གཉིས་ཀྱིས་རྩེ་ཕོ་བྲང་གི་ཕྱོགས་སུ་འདེགས་འབུལ་དང་དེ་ནས་ས་དབང་རྣམ་པར་ཕུད་གཏོར་ཞུས། གླང་པོ་ཆེས་ཀྱང་རྩེ་ཕོ་བྲང་གི་ཕྱོགས་སུ་གུས་བཏུད་ཞུས་རྗེས། གནས་ཆུང་ཆོས་རྒྱལ་ཆེན་པོ་སྤྱན་འདྲེན་སྐུ་ཕེབས་ཀྱི་ཏཱ་ལའི་བླ་མ་མཆོག་དང་། གོས་སྐུར་ཕྱག་འཚལ་པད་འབུལ་དང་འབྲེལ་གོས་སྐུར་སྙན་ཤལ་འབུལ་གནང་། གླང་ཆེན་ལའང་ཁ་བཏགས་གཡོགས་པ་སོགས་བྱེད། དེ་ལྟར་སེར་སྦྲེང་རྣམས་གྲལ་བསྟར་རིམ་ཕེབས་ཀྱིས་རྩེ་ཕོ་བྲང་རྒྱབ་ཏུ་མཇུག་བསྒྲིལ་མཚམས་གོས་སྐུ་གསེར་ཐང་ཆེན་མོར་དགེ་སློང་གི་དགེ་འདུན་རྣམས་ནས་རབ་གནས་གཤེགས་གསོལ་ཤིས་བརྗོད་ཟིན་འཕྲལ་གོས་སྐུ་བསྒྲིལ་བསྡུ་ཞུས། དེ་ནས་ར་མོ་ཆེར་མཆོད་འབུལ་དང་འབྲེལ་གོང་གསལ་མཆོད་གར་རྣམས་སླར་ཡང་ཐེངས་གཅིག་འཁྲབ། དེ་ནས་ཤ་གསར་སྒང་སོགས་བརྒྱུད་ཇོ་བོ་དབུ་སྐྲ་བཅས་ཁྱམས་རའི་ནང་ཕྱག་དར་དང་པོ་ནས་བཟུང་ཞིབ་གཤེར་ཟབ་ནན་གྱིས་དེ་འཕྲལ་རྩིས་ལེན་བྱས་ཏེ་སེར་སྦྲེང་ཆེན་མོའི་མཛད་སྒོ་ལེགས་པར་གྲུབ་ཉིད་དགོངས་ཇ་ཚོགས་ཏེ་བླ་ཕྱག་ནས་དགེ་འདུན་ལ་ལེགས་དར་རེ་དང་། སྐུ་འགྱེད་ཊམ་སྐར་རེ་ཕུལ། དེ་ཉིན་བཀའ་བློན་མན་ནས་ལས་དཀྱུས་ཤོད་སྐོར་དཔོན་རིགས་རྣམས་ཀྱང་མཆོད་མཇལ་དང་འབྲེལ་ཞོལ་ནས་ཁང་སྟེང་རང་རང་གདན་ཐོབ་ཀྱི་གྲལ་ལ་འཁོད་པར་ཇ་དང་འབྲས་བསིལ་གཏོང་། གཞན་ཡང་དེ་ཉིན་གསེར་གདུང་འཛམ་གླིང་རྒྱན་གཅིག་དང་གཙུག་ལག་ཁང་སོགས་སུ་སྟོང་མཆོད་དང་། རིས་མེད་དགེ་འདུན་འདུས་པའི་ཚོགས་ལ་ཇ་ཐུག་དང་། ཚ་ར། འགྱེད་དངུལ། མུ་ཏོ་བ་སྦྱིན་པ་སོགས་མཆོད་སྦྱིན་རྣམ་མང་བྱེད་སྲོལ་ལྡན་པ་དེ་ནི་སྡེ་སྲིད་སངས་རྒྱས་རྒྱ་མཚོས་གསར་འཛུགས་མཛད་པ་ཞིག་ཡིན་ནོ། །

Further Details

4. Thupten Phuntsok Dictionary

སྔར་ཧོར་ཟླ་གཉིས་པའི་ཚེས་གནམ་གང་ཉིན་ལྷ་ས་ནས་རྩེ་ཕོ་བྲང་བར་དུ་མཆོད་རྫས་སྣ་ཚོགས་ཐོགས་པའི་སེར་མོ་བའི་ཕྲེང་བ་སྦྲེང་ཚར་དུ་སྒྲིག་པའི་དུས་མཆོད།

Further Details

5. smon lam tshig mdzod chen mo

སྔར་ཧོར་ཟླ་གཉིས་པའི་ཚེས་གནམ་གང་ཉིན་ལྷ་ས་ནས་རྩེ་ཕོ་བྲང་བར་དུ་མཆོད་རྫས་སྣ་ཚོགས་ཐོགས་པའི་སེར་མོ་བའི་ཕྲེང་བ་སྦྲེང་ཚར་དུ་སྒྲིག་པའི་དུས་མཆོད།

Further Details