- zhang sna nam ye shes sde/
- ID:
- T167306
- ཞང་སྣ་ནམ་ཡེ་ཤེས་སྡེ (Tibetan, Tibetan script, Original)
- > zhang sna nam ye shes sde/ (Tibetan, Latin script, Transliteration-THL Extended Wylie Transliteration)
- > zhangna namyé shedé (Tibetan, Latin script, Transcription-THL Simplified Tibetan Transcription)
Other Dictionaries
2. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བརྒྱད་པའི་དུས་དཀྱིལ་ཙམ་དུ་སྐུ་འཁྲུངས་ཤིང་། རྟེན་རབ་བྱུང་ཡིན། སློབ་དཔོན་པདྨ་འབྱུང་[1456]གནས་ལས་དབང་དང་གདམས་ངག་ཞུས་ཏེ་སྒྲུབ་པ་ཉམས་ལེན་ལ་བརྩོན་པས་གྲུབ་པ་ཐོབ་སྟེ། 《གྲུབ་མཐའ་ཤེལ་གྱི་མེ་ལོང་》ལས་ “སྣ་ནམ་ཡེ་ཤེས་མཁའ་ལ་བྱ་ལྟར་ལྡིང་།” ཞེས་གསུངས་སོ། ལོ་ཙཱ་བ་ལ་ཡང་མཁས་པར་མཁྱེན་པས་བཀའ་དང་བསྟན་འགྱུར་བོད་ཡིག་ཏུ་བསྒྱུར་བ་མཛད་པ་ལ་རྔོག་བློ་ལྡན་ཤེས་རབ་ཀྱིས་བསྔགས་བརྗོད་མང་དུ་མཛད་འདུག ཁོང་ནི་གྲུབ་ཐོབ་རྗེ་དང་འབངས་ཉེར་ལྔའི་ནང་གི་ཡ་གྱལ་ཞིག་ཡིན། ཁོང་གི་བསྒྱུར་རྩོམ་ནི《བཀའ་འགྱུར》ལས《ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་བ》དང་། 《ཤེས་རབ་ཁྲི་བ》། 《ཤེར་ཕྱིན་སྒོ་ཉི་ཤུ་རྩ་ལྔ་བ》། 《མདོ་སྡེ་ཕལ་བོ་ཆེའི་ཉེར་དགུ》། 《སྡོམ་གསུམ་བསྟན་པའི་ལེའུ》། 《གསང་བ་བསམ་གྱིས་མི་ཁྱབ་པ་བསྟན་པའི་ལེའུ》། 《རྨི་ལམ་བསྟན་པའི་ལེའུ》། 《འོད་དཔག་མེད་ཀྱི་ཞིང་བཀོད་པའི་ལེའུ》། 《དེ་བཞིན་གཤེགས་པ་མི་འཁྲུགས་པའི་བཀོད་པའི་ལེའུ》། 《འཕགས་པ་ཆོས་བཅུ་པའི་ལེའུ》། 《འཕགས་པ་ཆོ་འཕྲུལ་ཆེན་པོ་བསྟན་པའི་ལེའུ》། 《འཕགས་པ་རྒྱ་ཆེ་རོལ་པ་བམ་པོ་བཅོ་བརྒྱད་པ》། 《ལྷ་མོ་བརྒྱད་ཀྱི་གཟུངས》སོགས་དང་། 《བསྟན་འགྱུར》ལས་《ཆོས་ཀྱི་སྐུ་ལ་གནས་པའི་ཡོན་ཏན་ཐུན་མོང་མ་ཡིན་པ་ལ་བསྟོད་པ》དང་། 《འཕགས་པ་སྒོ་དྲུག་པའི་གཟུངས་ཀྱི་རྣམ་པར་བཤད་པ》། 《སྟོང་པ་ཉིད་བདུན་ཅུ་པའི་འགྲེལ་བ》། 《རིགས་པ་དྲུག་ཅུ་པའི་འགྲེལ་བ》། 《སུམ་ཅུ་པའི་འགྲེལ་བཤད》བམ་པོ་ལྔ་བ་བཅས་མང་དུ་བཞུགས་སོ། ། [1457]
- language:
- Tibetan