- zhol las khungs/
- ID:
- T170097
- ཞོལ་ལས་ཁུངས (Tibetan, Tibetan script, Original)
- > zhol las khungs/ (Tibetan, Latin script, Transliteration-THL Extended Wylie Transliteration)
- > zhöllekhung (Tibetan, Latin script, Transcription-THL Simplified Tibetan Transcription)
Other Dictionaries
1. Ives Waldo Dictionary
-
Zhol office
- language:
- English
-
for taking care of rtse pho brang zhol du btsugs pa'i gtong yong do dam &, in the neighborhood of Lhasa khrims gcod sogs byed mkhan las khungs
- language:
- English
-
Zhol office [for taking care of rtse pho brang office in the zhol [Lhasa town district] in charge of income and
- language:
- English
2. bod rgya tshig mdzod chen mo
[2407] སྔར་བོད་ས་གནས་སྲིད་གཞུང་སྐབས་རྩེ་ཕོ་བྲང་བདག་གཉེར་བྱེད་ཆེད་ཞོལ་དུ་བཙུགས་པའི་གཏོང་ཡོང་དོ་དམ་དང། ལྷ་སའི་ཉེ་འདབས་ཀྱི་ཁྲིམས་གཅོད་སོགས་བྱེད་མཁན་ལས་ཁུངས་ཤིག་...
- language:
- English
3. dung dkar bod rig pa'i tshig mdzod chen mo
ཕོ་བྲང་པོ་ཏ་ལའི་རི་འདབས་སུ་ཡོད་པའི་ཞོལ་པ་ལས་ཁུངས་ནི་རབ་བྱང་བཅུ་གཅིག་པའི་ཤིང་ཡོས（༡༦༧༥）ལོར་སྡེ་སྲིད་བློ་བཟང་སྦྱིན་པས་བཙུགས་ཤིང་། དེ་ཐོག་མར་ཞོལ་ལྕགས་རི་ཕྱི་ནང་གི་ཁྲིམས་འདོམས་བྱེད་པོ་མི་སྣ་ཁ་ཤས་ལས་མེད་རུང་། དེ་རྗེས་ཉེ་འཁོར་རྫོང་གཞིས་ཁག་བཅོ་བརྒྱད་ཞེས་འབྲས་གླིང་། གྲ་བཞི། གླང་རུ། ལྷོ་མོས། ཚལ། བདེ་ཆེན། ཆོས་ལུང་། འབྲོམ་ཐོད། གདོང་དཀར། མཉེས་ཐང་། གནམ། ལྗང་། སྣེའུ། རྣམ་སྒང་། ཤེལ་གྲོང་། སྦྲགས། ཕྲེང་སྒོ། ལུམ་པ་བཅས་ཀྱི་ཁྲལ་བསྡུ་ཁྲིམས་གནོན་དང་། གྱོད་དོན་ཆེ་རིགས་བཀའ་ཤག་ལ་སྙན་སེང་ཞུ་དགོས་པ་ལས། དེ་མིན་རང་ཁོངས་ནས་ཐག་གཅོད་བྱེད་དགོས། དེ་གར་དོ་དམ་པ་གནས་དྲུག་པའི་ལས་ཚན་སེར་མོ་བ་གཅིག་དང་། སྐྱ་བོ་གཉིས་ཡོད་ཐོག སྐབས་རེ་ལས་འཕར་བསྐོ་སྲོལ་ཡོད་པ་དང་། མཚམས་རེ་དོ་དམ་པ་རིམ་བཞི་སེར་སྐྱས་ཀྱང་འགན་འཁུར་བྱེད་པ་བྱུང་། དོ་དམ་པ་ཚོར་གཞུང་ཡིག་ནང་ཞོལ་གཉེར་ཞེས་འཁོད་པ་དང་། མང་ཚོགས་ཀྱིས་སྡེ་པ་ཞོལ་པ་ཞེས་འབོད། དོ་དམ་པའི་འོག་ཏུ་གཉེར་ཆུང་དྲུང་ཏོག་མི་གཉིས་དང་། ཡོང་བཞེས་ཁང་གཉེར་（ཡོང་ཁང་ཟེར）མི་གཅིག ཞོལ་དྲུང་མི་ཉི་ཤུ་སྐོར། དེའི་འོག་ནང་གཟན་མི་ཉི་ཤུ་རྩ་ལྔ་ཡོད་པར་ཞོལ་པ་ངོ་ལས་ཟེར། དེ་རྣམས་ནས་རྒྱུན་གཏན་ལས་ཁུངས་ཀྱི་ཡོང་འབབ་བསྡུ་གཏོང་ནར་མར་ཞུ་དགོས། ནང་གཟན་རྣམས་ནས་འབབ་བསྡུ་གཏོང་གཤོར་འཇལ་དང་། ནོར་བུ་གླིང་ཁར་བང་ཆེན་དུ་འགྲོ་རྒྱུ། ལས་ཁུངས་རང་ཁོངས་ཀྱི་གཏོང་འབྲུ་རྫོང་གཞིས་ཁག་ནས་འདྲེན་རྒྱུ་དང་། ཚྭ། སོལ་བ་སོགས་བསྡུ་བར་འགྲི་རྒྱུ། བཙོན་པ་སྲུང་རྒྱུ། ཉེས་ཅན་པར་རྟ་ལྕག་བཞུ་རྒྱུ། ཞོ་སྟོན་སོགས་མཛད་སྒོ་ཁག་ལ་བདེ་འཇགས་ཚང་གཤང་ཞུ་རྒྱུ་སོགས་ཀྱི་བྱེད་སྒོའི་འགོ་པ་ཡོང་ཁང་གིས་བྱེད་ཀྱི་ཡོད། དེ་བཞིན་ལས་ཁུངས་ཀྱི་སྟེང་ཤོད་སོགས་གད་པ་མི་བརྒྱད་ཡོད་པ་ཁུངས་སོ་སོའི་ས་ཁོངས་ལ་གད་བརྡར་གཙང་སྦྲ་ཞུ་རྒྱུས་མཚོན་ས་གནས་སོ་སོར་མེ་རྐུན་སྲུང་ཆ་ཞུ་དགོས། དེ་མིན་བཅུ་དཔོན་མི་བཞི་ཡོད་པ་རྣམས་ནས་ཞོལ་ལྕགས་རི་ཕྱི་ནང་དང་། ཞོལ་ཁོངས་ཉེ་འཁོར་མང་ཚོགས་གནས་ཡུལ་ཁག་ལ་བརྡ་གཏོང་སྐད་རྒྱག་བྱེད་དགོས་པ་སོགས་ཡིན། ཞོལ་སྐོར་གཟིམ་པ་ཞེས་མི་བཅུ་གཉིས་དང་། ཞལ་ངོ་གཅིག་ཡོད་པ་ཚོས་ཉེ་སྐོར་རྫོང་གཞིས་ཁག་སོགས་ལ་ཞོལ་ལས་ཁུངས་ཀྱི་ཡི་གེ་དང་། དེ་བཞིན་རྩེ་ཤོད་ཁག་གི་ཡི་གེ་སྐྱེལ་རྒྱུ་སོགས་བྱེད་དགོས། ཞོལ་པ་ལས་ཁུངས་ནི་རྩེ་གསོལ་ཐབ་ཏུ་ལྗགས་སྨིན་རྒྱུ་འབྲུ་འབུལ་དམིགས་དང་། མཆོད་རྒྱུན་མི་ཕོགས་སོགས་གཏོང་འགྲོས་ཆེ་བས་རྒྱུ་འབྲུ་བསྡུ་གཏོང་དང་ཁྲིམས་གནོན་བྱེད་རྒྱུ་མ་ཟད། ལྷ་ས་སྐྱིད་ཆུ་རགས་ལ་ཞིབ་བཤེར་ཉམས་གསོ་ཆེ་ཆུང་གང་དགོས་བྱེད་རྒྱུའི་འགན་འཁུར་དང་། རྣམ་ཀུན་འཆར་འཕར་ཞུ་བྱ་སྣེ་མང་ཡོད་པ་ཞིག་རེད།
- language:
- Tibetan
4. Thupten Phuntsok Dictionary
སྔར་བོད་ས་གནས་སྲིད་གཞུང་སྐབས་རྩེ་ཕོ་བྲང་བདག་གཉེར་བྱེད་ཆེད་ཞོལ་དུ་བཙུགས་པའི་གཏོང་ཡོང་དོ་དམ་དང་། ལྷ་སའི་ཉེ་འདབས་ཀྱི་ཁྲིམས་གཅོད་སོགས་བྱེད་མཁན་ལས་ཁུངས་ཤིག
- language:
- Tibetan
5. smon lam tshig mdzod chen mo
སྔར་བོད་ས་གནས་སྲིད་གཞུང་སྐབས་རྩེ་ཕོ་བྲང་བདག་གཉེར་བྱེད་ཆེད་ཞོལ་དུ་བཙུགས་པའི་གཏོང་ཡོང་དོ་དམ་དང༌། ལྷ་སའི་ཉེ་འདབས་ཀྱི་ཁྲིམས་གཅོད་སོགས་བྱེད་མཁན་ལས་ཁུངས་ཤིག
- language:
- Tibetan