- gzhong pa lha chu/
- ID:
- T171614
- གཞོང་པ་ལྷ་ཆུ (Tibetan, Tibetan script, Original)
- > gzhong pa lha chu/ (Tibetan, Latin script, Transliteration-THL Extended Wylie Transliteration)
- > zhongpa lhachu (Tibetan, Latin script, Transcription-THL Simplified Tibetan Transcription)
Other Dictionaries
1. Ives Waldo Dictionary
spring [on the W side of Lhasa in skyor mo lung slob dpon padmas phyag 'khar gyis gter du bton par grags pa'i chu mig ngo mtshar can zhig divine valley water (spring drawn by Padmakara in སྟོད་ལུང་གཞོང་པའི་མདོ་
- language:
- English
2. bod rgya tshig mdzod chen mo
[2432] ལྷ་སའི་ནུབ་ངོས་ཀྱི་སྐྱོར་མོ་ལུང་དུ་ཡོད་པའི་སློབ་དཔོན་པདྨ་ཕྱག་འཁར་གྱིས་གཏེར་དུ་བཏོན་པར་གྲགས་པའི་ཆུ་མིག་ངོ་མཚར་ཅན་ཞིག་...
- language:
- English
3. dung dkar bod rig pa'i tshig mdzod chen mo
ལྷ་ས་གྲོང་ཁྱེར་སྟོད་ལུང་བདེ་ཆེན་རྫེང་གནས་ཆུང་གྲོང་རྡལ་སེ་མ་གྲོང་ཚོའི་ཁོངས་སུ་གཞོང་པ་ལྷ་ཆུ་ཞེས་པ་ཞོག་ཡོད་པ་དེ་ནི་སྤྱི་ལོའི་དུས་རབས་བརྒྱད་པའི་ནང་བཙན་པོ་ཁྲི་སྲོང་ལྡེ་བཙན་གྱི་དུས་སློབ་དཔོན་པངྨ་འབྱུང་གནས་བོད་དུ་གདན་འདྲེན་སྐབས་བཙན་པོས་ཉིན་རེ་བཞིན་བློན་པོ་རེ་ཕེབས་བསུར་བཏང་བ་ལས་སྟོས་ལུང་གཞོང་པ་མདར་བློན་པོ་ལྷ་བཟང་ཀླུ་དཔལ་དང་མཇལ་དེ་གུང་གི་བྲོ（གུང་ཟས）རན་པ་ན་ཆུ་མེད་པས། སློབ་དཔོན་རིན་པོ་ཆེས་ཕྱག་འཁར་ས་ལ་བཙུགས་ནས་ལྷ་བཟང་ཆུ་བྱུང་གཞོང་པ་གཟེད་ཅིག་གསུངས་ཤིང་། ཕྱག་འཁར་གྱི་ཤུལ་ནས་ཆུ་མིག་ཅིག་དོན་བྱུང་བས་མིང་ཡང་གཞོང་པ་ལྷ་ཆུ་ཞེས་གྲགས། ཆུ་མིག་དེ་འི་གཏིང་ཚད་ལ་སྤྱི་ཁྲེ༡ནས་༡༦དང་། ཞེང་ཚད་ལ་ལྷོ་ནས་བྱང་དུ་སྤྱི་ཁྲེ་༡༠ནས་༤༠ཤར་ནས་ནུབ་བར་སྤྱི་ཁྲེ༥༠ཡོད། ཆུ་མིག་དེའི་ཆུས་ཉེ་སྐོར་གྱི་གྲོང་ཚོའི་འཐུང་ཆུ་ཙམ་མ་ཟད། ས་ཞིང་སོན་ཁལ་བརྒྱད་བརྒྱ་སྐོར་གྱི་ཆུ་ཐག་གཅོད་ཐུབ་ཀྱི་ཡོད། ཆུ་དེས་པགས་ནད་དང་། རྟ་བོང་གི་སྒལ་རྨ་སོགས་ལ་ཕན་སྟབས་ཐག་རིང་ནས་མི་ཕྱུགས་ནད་བཅོས་བྱེད་མཁན་མང་པོ་ཡོང་གི་ཡོད། ཆུ་མིག་དེའི་ཁར་ལྗོན་ཤིང་སྣ་ཚོགས་ཀྱིས་བསྐོར་བ་དང་། ནང་དུ་རི་མོ་དང་མཚོན་མདོག་སྣ་ཚོགས་བཀྲ་བའི་ཉ་ཐིག་ཤིང་གང་ལྷག་ཙམ་བྱས་པ་མང་པོ་ཡོད་སྟབས་ཉ་དེ་ཚོའི་རི་མོར་གཞིགས་ཏེ་ཉ་རྟ་སྒ་བརྒྱབ་པ་དང་། སྟབས་གྱོན་པ་ཟེར་བ་སོགས་ཡོད། ལྕགས་རིའི་ཤར་ངོས་ཀྱི་འོག་ནས་ཆུ་མིག་གི་ཆུ་འགྲོ་རྡོའི་འོར་པའི་འཁྲིས་སུ་མ་ཎི་ཆུ་འཁོར་ཞིག་བཙུགས་པ་དང་། ཆུ་ཕྱིར་ཐོན་སའི་འཁྱིལ་ཆུ་དེ་ནད་བཅོས་བྱེད་ས་ཡིན་འདུག ཆུ་མིག་གི་ནུབ་ངོས་སུ་ལྷ་ཁང་ཞིག་ཡོད་པ་དེར་སློབ་དཔོན་རིན་པོ་ཆེ་སོགས་ཀྱི་སྐུ་བརྙན་ཡོད་པ་དང་། དེ་གར་མང་ཚོགས་ཀྱིས་ཚེས་བཅུ་གཏོང་སྲོལ་ཡོད། རིག་གནས་གསར་བརྗེའི་སྐབས་ལྷ་ཁང་ནང་གཏོར་སྐྱོན་བཏང་བ་མ་ཟད། ཆུ་མིག་དེར་ཡང་རྫས་མེ་གཡུགས་པ་སོགས་བྱས་ཤིང་། ད་ལྟ་ལྷ་ཁང་ལ་ཉམས་གསོ་བྱས་པའི་ཐོག ཆུ་མིག་དང་། རྩི་ཤིང་། ཉ་སོགས་ལ་སྲུང་སྐྱོབ་ཀྱིས་རྫོང་ནས་ཆུ་རྫིང་ལ་ཡང་ལྕགས་རི་གསར་རྒྱག་དང་ཉེ་འགྲམ་དུ་ལྗོན་ཤིང་མང་པོ་གསར་འཛུགས་བྱས་འདུག
- language:
- Tibetan
4. Thupten Phuntsok Dictionary
ལྷ་སའི་ནུབ་ངོས་ཀྱི་སྐྱོར་མོ་ལུང་དུ་ཡོད་པའི་སློབ་དཔོན་པདྨ་ཕྱག་འཁར་གྱིས་གཏེར་དུ་བཏོན་པར་གྲགས་པའི་ཆུ་མིག་ངོ་མཚར་ཅན་ཞིག དེའི་རྗེས་སུ་ལྷ་ཁང་འདི་བཞེངས། དུས་ཚོད་ནམ་ཡིན་ཁ་མ་བསལ། གྲུབ་མཐའ་རྙིང་མ་པ་ཡིན། ད་ལྟ་བོད་རང་སྐྱོང་ལྗོངས་སྟོད་ལུང་བདེ་ཆེན་རྫོང་ཁོངས་སུ་ཡོད།
- language:
- Tibetan
5. smon lam tshig mdzod chen mo
ལྷ་སའི་ནུབ་ངོས་ཀྱི་སྐྱོར་མོ་ལུང་དུ་ཡོད་པའི་སློབ་དཔོན་པདྨས་ཕྱག་འཁར་གྱིས་གཏེར་དུ་བཏོན་པར་གྲགས་པའི་ཆུ་མིག་ངོ་མཚར་ཅན་ཞིག
- language:
- Tibetan