- zur chos dbyings rang grol/
- ID:
- T173850
- ཟུར་ཆོས་དབྱིངས་རང་གྲོལ (Tibetan, Tibetan script, Original)
- > zur chos dbyings rang grol/ (Tibetan, Latin script, Transliteration-THL Extended Wylie Transliteration)
- > zurchö yingrangdröl (Tibetan, Latin script, Transcription-THL Simplified Tibetan Transcription)
Other Dictionaries
2. dung dkar bod rig pa'i tshig mdzod chen mo
ཏཱ་ལའི་བླ་མ་ལྔ་པ་ཆེན་པོའི་དབུ་ལྷ་གསང་སྔགས་རྙིང་མའི་མཁས་གྲུབ་སྙན་གྲགས་ཅན་ཞིག་ཡིན། ཡབ་ཟུར་གྱི་རིག་འཛིན་བརྒྱུད་པའི་གདུང་རབས་ཟུར་ཆེན་གཞོན་ནུ་དོན་གྲུབ་དང་ཡུམ་མཚན་ལྡན་ཡིད་འཛིན་གཉིས་ཀྱི་སྲས་སུ་རབ་བྱུང་བཅུ་པའི་ཤིང་འབྲུག(༡༦༠༤) ལོར་འབྲོམ་ཐོད་ལག་ཚང་དུ་སྐུ་འཁྲུངས། དྲུང་པ་དཀོན་མཆོག་རིན་ཆེན་གྱི་སྐུ་སྐྱེར་ངོས་འཛིན་མཛད་དེ་ཡི་གེ་འབྲི་ཀློག་དང་། འཕགས་ཡུལ་གྱི་ཡིག་རིགས་རྣམས་ཀྱང་དཀའ་ཚེགས་ལ་མ་ལྟོས་པར་ཐུགས་སུ་ཆུད། དགུང་ལོ་དགུ་ནས་བྱང་པ་རིག་འཛིན་ངག་གི་དབང་པོ་ལས་ལྷ་བྲིས་དང་། རྩིས་རིགས། དྲག་སྔགས་ཀྱི་སྐོར་སོགས་གསན། དགུང་ལོ་བཅུ་གཉིས་ཙམ་ནས་སྣང་གསལ་རིན་པོ་ཆེ་ངག་དབང་ཡེ་ཤེས་གྲུབ་པའི་ཞབས་སུ་བཅར་ཏེ་བཀའ་བརྒྱད་བདེར་འདུས་སྐོར་དང་། མཁའ་འགྲོ་སྙིང་ཐིག་བཀའ་གཏེར་གཉིས། བླ་མ་ནོར་བུ་རྒྱ་མཚོ་དང་། ཀར་གླིང་ཞི་ཁྲོ་དགོངས་པ་རང་གྲོལ་སོགས་ཀྱི་དབང་ལུང་དང་ཉམས་ཁྲིད་མཐར་ཕྱིན་པ་གསན། ཕྱག་ཆེན་ལྔ་ལྡན་དང་གཅོད་ཁྲིད་སོགས་ཉམས་སུ་བཞེས། དགུང་ལོ་བཅུ་བདུན་པར་རྡོ་རྗེ་འཆང་ཕ་བོང་ཁ་པ་དཔལ་འབྱོར་ལྷུན་གྲུབ་ཀྱི་དྲུང་དུ་བྱོན། བཀའ་གཏེར་གྱི་ཆོས་ཚུལ་རྒྱ་མཚོ་ལྟ་བུ་བུམ་པ་གང་བྱོའི་ཚུལ་དུ་གནང་། དགུང་ལོ་ཉི་ཤུ་བཞེས་སྐབས་སླར་ཡང་དགེ་བསྙེན་ནས་བཟུང་བསྙེན་རྫོགས་ཀྱི་བར་དུ་སྒྲུབ་པར་མཛད། ཤིང་བྱི(༡༦༢༤)ལོར་ཆོས་གྲྭ་ཆེན་པོ་དཔལ་གྱི་རྩེད་ཐང(ལྔ་མཆོད་གྲྭ་ཚང)དུ་དགུན་ཆོས་ཆེན་མོའི་ཐོག་གསང་བ་སྙིང་པོའི་རྒྱུད་ཀྱི་བཤད་པ་མཛད། ཏཱ་ལའི་བླ་མ་སྐུ་ཕྲེང་ལྔ་པས་དབུ་ལྷར་བསྟེན་པར་མཛད་ནས་ཟིལ་གནོན་སོགས་ཆོས་དཀའ་རྣམས་དང་དྲག་སྔགས་ཀྱི་སྐོར་སོགས་ཞི་རྒྱས་དབང་དྲག་ལས་རབ་འབྱམས་ཀྱི་ལུང་ཁྲིད་རྣམས་གསན་བཞེས་ལྟར་ཕུལ་བ་མཛད། གཞན་ཡང་ཕུར་པ་ལུགས་གསུམ་དང་། བཀའ་བརྒྱད་ལུགས་གསུམ། རྫོགས་པ་ཆེན་པོ་ཀློང་གསལ་སྙིང་ཐིག་སོགས་ཀྱི་ཉམས་ཁྲིད་རྣམས་ཐུགས་ཉམས་སུ་བསྟར་བས་རྫོགས་པ་ཆེན་པོའི་ཉམས་མྱོང་མ་འཕྲུལ་བ་ཐུགས་རྒྱུད་ལ་འཁྲུངས། དཀར་གཙང་མཆོད་ཡོན་གྱིས་དགེ་ལུགས་སྤྱི་དང་དགའ་ལྡན་ཕོ་བྲང་ལ་སྡང་ཟུག་ཆེ་བས་རྗེ་འདིས་ལས་སྦྱོར་མཛད་པས་དགའ་ལྡན་ཕོ་བྲང་གྱིས་བོད་ཡོངས་ལ་དབང་བསྒྱུར་ཐུབ་པ་བྱུང་བར་གྲགས། བྱང་པ་རིག་འཛིན་ངག་གི་དབང་པོའི་སྐུ་སྐྱེ་རིག་འཛིན་པད་མ་འཕྲིན་ལས་ངོས་འཛིན་གྱི་ཐུབ་བསྟན་རྡོ་རྗེ་བྲག་གི་གདན་སར་བཀོད་ནས་ཀ་གཏེར་གྱི་ཆོས་མཐའ་དག་བསྩལ་ཅིང་བསྟན་པའི་བདག་པོར་མངའ་གསོལ། སྐུ་ཚེའི་སྨད་དུ་གུང་ཐང་དུ་བཞུགས་ཤིང་ཡེར་པ་སྤོས་དཀའ་སོགས་དགོན་གནས་ཀྱི་ཞལ་འཛིན་མཛད། རྒྱ་བོད་ཧོར་གསུམ་གྱི་བླ་མ་སྐྱེ་སྤྲུལ་སོགས་ཆོས་དོན་གཉེར་ཅན་རྣམས་ལ་ཀ་གཏེར་གསར་རྙིང་གིས་རྣམ་པར་གྲོལ་བའི་ལམ་གྱི་དངོས་པོ་ཅི་རིགས་པར་སྦྱོར་བ་མཛད། ཐུགས་སྲས་བླ་མ་གྲངས་ཀྱིས་མི་ལངས་པ་ཡོད་པ་ལས། གཙོ་བོར་གྱུར་པ་ཏཱ་ལའི་བླ་མ་སྐུ་ཕྲེང་ལྔ་པ་ཆེན་པོ་མཆོག་དང་། གཉོད་དོན་ཆེན་པོ་འཕྲིན་ལས་ལྷུན་གྲུབ་སོགས་ཡིན། དགུང་ལོ་རེ་དྲུག་ལ་ཕེབས་པ་རབ་བྱུང་བཅུ་གཅིག་པའི་ས་བྱ(༡༦༦༩)ལོར་སྐུ་གཤེགས། འབྲོམ་ཐོད་ལག་ཚང་གི་མི་རྒྱུད་ནི་ཟུར་ཆོས་དབྱིངས་རང་གྲོལ་དང་གདུང་རྒྱུད་གཅིག་པ་ཡིན་ཞེས་གྲགས།
- language:
- Tibetan
3. Thupten Phuntsok Dictionary
ཏཱ་ལའི་བླ་མ་ལྔ་པ་ཆེན་པོའི་དབུ་བླ་གསང་སྔགས་རྙིང་མའི་མཁས་གྲུབ་སྙན་གྲགས་ཅན་ཞིག་ཡིན། ཡབ་ཟུར་གྱི་རིག་འཛིན་བརྒྱུད་པའི་གདུང་རབས་ཟུར་ཆེན་གཞོན་ནུ་དོན་གྲུབ་དང་ཡུམ་མཚན་ལྡན་ཡིད་འཛིན་གཉིས་ཀྱི་སྲས་སུ་རབ་བྱུང་བཅུ་པའི་ཤིང་འབྲུག (༡༦༠༤) ལོར་འབྲོམ་ཐོད་ལག་ཚང་དུ་སྐུ་འཁྲུངས་དྲུང་པ་དཀོན་མཆོག་རིན་ཆེན་གྱི་སྐུ་སྐྱེར་ངོས་འཛིན་མཛད་དེ་ཡི་གེ་འབྲི་ཀློག་དང་། འཕགས་ཡུལ་གྱི་ཡིག་རིགས་རྣམས་ཀྱང་དཀའ་ཚེགས་ལ་མ་ལྟོས་པར་ཐུགས་སུ་ཆུད། དགུང་ལོ་དགུ་ནས་བྱང་པ་རིག་འཛིན་ངག་གི་དབང་པོ་ལས་ལྷ་བྲིས་དང་། རྩིས་རིགས། དྲག་སྔགས་ཀྱི་སྐོར་སོགས་གསན། དགུང་ལོ་བཅུ་གཉིས་ཙམ་ནས་སྣང་གསལ་རིན་པོ་ཆེ་ངག་དབང་ཡེ་ཤེས་གྲུབ་པའི་ཞབས་སུ་བཅར་ཏེ་བཀའ་བརྒྱད་བདེར་འདུས་སྐོར་དང་། མཁའ་འགྲོ་སྙིང་ཐིག་བཀའ་གཏེར་གཉིས། བླ་མ་ནོར་བུ་རྒྱ་མཚོ་དང་། ཀར་གླིང་ཞི་ཁྲོ་དགོངས་པ་རང་གྲོལ་སོགས་ཀྱི་དབང་ལུང་དང་ཉམས་ཁྲིད་མཐར་ཕྱིན་པ་གསན། དགུང་ལོ་རེ་དྲུག་ལ་ཕེབས་པ་རབ་བྱུང་བཅུ་གཅིག་པའི་ས་བྱ (༡༦༦༩) ལོར་སྐུ་གཤེགས། སྐྱེས་མཆོག་དེའི་ཕྱག་བཟོའི་བརྩམ་བྱ་ནི་རྡོ་རྗེ་བྲག་དང་། རྩེ་པོ་ཏ་ལ། གུང་ཐང་སོགས་སུ་ཞལ་ཐང་མང་པོ་ཡོད་པར་གྲགས། འབྲོམ་ཐོད་ལག་ཚང་གི་མི་རྒྱུད་ནི་ཟུར་ཆོས་དབྱིངས་རང་གྲོལ་དང་གདུང་རྒྱུད་གཅིག་པ་ཡིན་ཞེས་གྲགས།
- language:
- Tibetan
4. gangs can mkhas grub rim byon ming mdzod
ཁོང་ནི་ཟུར་དཔལ་འབྱོར་འཕྲིན་ལས་རབ་རྒྱས་དང་མི་གཅིག་ཡིན་པས་དེ་ལ་གཟིགས་པར་ཞུའོ། །
- language:
- Tibetan