- g.yu thog rnying ma yon tan mgon po/
- ID:
- T184888
- གཡུ་ཐོག་རྙིང་མ་ཡོན་ཏན་མགོན་པོ (Tibetan, Tibetan script, Original)
- > g.yu thog rnying ma yon tan mgon po/ (Tibetan, Latin script, Transliteration-THL Extended Wylie Transliteration)
- > yutok nyingma yönten gönpo (Tibetan, Latin script, Transcription-THL Simplified Tibetan Transcription)
Other Dictionaries
1. bod rgya tshig mdzod chen mo
[2621] སྤྱི་ལོའི་དུས་རབས་བརྒྱད་པའི་ས་མོ་སྦྲུལ་གྱི་ལོར་སྟོད་ལུང་སྐྱིད་སྣ་རུ་ཡབ་གཡུ་ཐོག་ཁྱུང་པོ་རྡོ་རྗེ་དང། ཡུམ་རྒྱ་པ་ཆོས་སྒྲོན་གཉིས་ཀྱི་སྲས་སུ་སྤྲེལ་ཟླའི་ཚེས་བཅོ་ལྔ་ཉིན་སྐུ་འཁྲུངས། དགུང་ལོ་གསུམ་གྱི་ཐོག་རང་གི་ཡབ་ལས་ཡི་གེ་འབྲི་ཀློག་དང། གསོ་དཔྱད་ཀྱི་གཞུང་ལུགས་གསན་པས་ཚེགས་མེད་དུ་མཁྱེན་ཏེ་ནད་པ་བསྐྱངས། དགུང་ལོ་ལྔ་པར་ཡབ་ལས་བདུད་རྩི་སྨན་སྒྲུབ་དང། སྨན་བླའི་སྒྲུབ་ཐབས་རྗེས་གནང་དང་བཅས་པ་ཞུས། དགུང་ལོ་བཅུའི་ཐོག་ཆོས་རྒྱལ་མེས་ཨག་ཚོམ་གྱིས་སྤྱན་དྲངས་ནས་བསམ་ཡས་སུ་ཕེབས། རྒྱལ་པོས་ཉམས་སད་བླང་ཕྱིར་བྲང་ཏི་རྒྱལ་གཉེར་མཁར་ཕུག་སོགས་བོད་ཀྱི་མཁས་པ་རྣམས་དང་རྩོད་དུ་བཅུག་པས་ཀུན་ལས་རྣམ་པར་རྒྱལ་ཏེ་བོད་སྨན་མཁས་པ་མི་དགུའི་གཙོ་བོར་གྱུར། རྒྱ་གར་གྱི་སྨན་པ་ཤནྟི་གརྦྷ་དང། རྒྱ་ནག་གི་སྨན་པ་སྟོང་གསུམ་གང་བ་སོགས་ཡུལ་ཕྱོགས་གཞན་ནས་གདན་དྲངས་པའི་བླ་སྨན་མཁས་པ་མི་དགུས་དྲི་བ་མི་འདྲ་བ་བཏོན་པས་དེ་དག་ལ་སྒྲ་ཚད་རིག་པའི་སྒོ་ནས་དེ་དང་མཐུན་པའི་ལན་བཏབ་སྟེ། རྒྱ་བོད་མཁས་པ་ཡོངས་ཀྱི་གཙུག་ཏུ་བཀུར་ནས་མི་ཡུལ་དུ་བྱོན་པའི་སངས་རྒྱས་སྨན་བླ་ཞེས་གྲགས། ཆོས་རྒྱལ་མེས་ཨག་ཚོམ་དང། ཁྲི་སྲོང་ལྡེ་བཙན་གཉིས་ཀྱི་བླ་སྨན་པ་མཛད། དགུང་ལོ་ཉེར་ལྔ་ཐོག་རྒྱ་གར་དུ་ཐེངས་དང་པོ་ཕེབས་པ་དང་རིམ་བཞིན་ཐེངས་གསུམ་ཕེབས་ཏེ་པཎ་ཆེན་ཙནྡྲཱ་བྷཱི་དང། མཁས་པ་མེ་དབང་སོགས་སློབ་དཔོན་དུ་མ་བསྟེན་ནས་དཔལ་ལྡན་རྒྱུད་བཞིའི་ཁ་སྐོང་མུ་ཏིག་ཕྲེང་བ་དང། ཐུར་དཔྱད་གནད་ཀྱི་ལྡེ་མིག་སོགས་གདམས་ངག་མང་པོ་གསན། རྒྱ་ནག་རི་བོ་རྩེ་ལྔར་ཐེངས་གཅིག་ཕེབས་ཏེ་འཕགས་པ་འཇམ་དཔལ་གྱི་མདུན་ནས་སྦྱོར་བའི་ཕྲེང་བ་དང། བྱང་ཁོག་དོན་འགྲེམས་སོགས་གདམས་ངག་དུ་མ་ཞུས་ནས་བོད་དུ་ཕེབས་ཏེ་གངས་ཅན་བོད་ཡུལ་གྱི་སྨན་གྱི་རིག་པས་གཞི་བྱས། དེའི་སྟེང་རྒྱ་གར་ནག་གྱི་སློབ་དཔོན་རྣམས་ཀྱི་གདམས་ངག་དང། བེ་རོ་ཙ་ནས་བསྒྱུར་པའི་ཕྱོགས་གཞན་གྱི་གསོ་བ་རིག་པའི་འགྱུར་དག་གི་དགོངས་བཅུད་རྣམས་བླངས་ནས་ཁ་སྣོན་མཛད་དེ་དཔལ་ལྡན་རྒྱུད་བཞི་ཞེས་པའི་མ་ཕྱི་བསྐྲུན། བལ་པོའི་རྒྱལ་པོ་ཧ་རྡ་རུ་གྲང་བ་ཐུར་འབབས་ཀྱི་ནད་བཅོས་པ་སོགས་སྐུ་ཚེ་གང་པོར་གསོ་རིག་བསྟན་དོན་ཁོ་ན་མཛད། གདུང་རྒྱུད་འཛིན་པའི་སྲས་འབུམ་སེང་དང། དཔལ་འབུམ། དགའ་དགའ་གསུམ་འཁྲུངས། ཀོང་པོ་བདེ་རྒྱལ་སོགས་སློབ་མའི་ཚོགས་ཀྱིས་བོད་ཡུལ་གྱི་ས་ཆེན་པོ་འདི་གང་བར་བསྐྲུན། དགུང་ལོ་བརྒྱ་དང་ཉི་ཤུ་རྩ་ལྔའི་ཐོག་འདས། ...
- language:
- English
2. dung dkar bod rig pa'i tshig mdzod chen mo
བོད་མི་རིགས་ཀྱི་ཁྱད་ཆོས་ལྡན་པའི་གསོ་རིག་གི་རིགས་པའི་གཞུང་ལུགས་ཐོག་མར་གསར་གཏོད་མཛད་པ་པོ་ཡིན། སྤྱི་ལོའི་དུས་རབས་བརྒྱད་པ（༧༠༨）ས་སྤྲེལ་གྱི་ལོར་སྟོད་ལུང་སྐྱིད་སྣ་རུ་ཡབ་གཡུ་ཐོག་ཁྱད་པོ་རྡོ་རྗེ་དང་ཡུམ་རྒྱ་པ་ཆོས་སྒྲོན་གཉིས་ཀྱི་སྲས་སུ་སྐུ་འཁྲུངས། དགུང་ལོ་བརྒྱ་དང་ཉི་ཤུ་རྩ་ལྔ་བཞུགས（བོད་ཀྱི་ལོ་རྒྱུས་འགའ་ཞིག་ཏུ་ཁྲི་སྲོང་ལྡེ་བཙན་དང་དགུང་མཉམ་ཡིན་ཞེས་གསལ）དགུང་ལོ་གསུམ་ཐོག་རང་གི་ཡབ་ལས་ཡི་གེ་འབྲི་ཀློག་དང་གསོ་དཔྱད་ཀྱི་གཞུང་ལུགས་གསན་པ་ཚེགས་མེད་མཁྱེན་ཏེ་ནད་པ་བསྐྱངས། བོད་ཀྱི་སྨན་པ་མཁས་པ་ཀུན་གྱི་གཙོ་བོ་དང་སློབ་དཔོན་དུ་གྱུར། རྒྱ་གར་གྱི་སྨན་པ་ཤྟིན་གརྷ་དང་རྒྱ་ནག་སྨན་པ་སྟོང་གསུམ་གང་བ་སོགས་རྒྱལ་པོ་ཁྲི་སྲོང་ལྡེ་བཙན་གྱིས་གདན་དྲངས་པའི་ཕྱོགས་ཀྱི་བླ་སྨན་མཁས་པ་དགུས་དྲི་བ་མི་འདྲ་བ་བཏོན་པར་ལུང་རིགས་གཉིས་ཀྱི་སྒོ་ནས་དེ་དང་མཐུན་པའི་ལན་བཏབ་སྟེ་ཐམས་ཅད་ཡིད་ཆེས་པའི་གནས་ལ་བཀོད་པས་མི་ཡུལ་དུ་བྱོན་པའི་སངས་རྒྱས་སྨན་བླ་ཞེས་གྲགས་ཤིང། ཁྲི་སྲོངལྡེ་བཙན་གྱི་བླ་སྨན་དུ་བཀུར། རྒྱ་གར་དུ་སྔ་ཕྱི་ལན་གསུམ་ཕེབས་ཏེ་པཎ་ཆེན་ཙནྡྲ་དེ་ཝ་སོགས་སློབ་དཔོན་དུ་མ་བསྟེན་ནས་གདམས་ངག་མང་པོ་གསན། རྒྱ་ནག་གི་རི་བོ་རྩེ་ལྔར་ཕེབས་ནས་སྨན་པ་མཁས་པ་ཞིག་གི་ཞབས་ལ་གཏུགས་ནས་གདམས་ངག་དུ་མ་ཞུས་ཏེ་བོད་ཡུལ་གྱི་སྔར་ཡོད་གསོ་རིག་གི་རྨང་གཞིའི་ཐོག་རྒྱ་དཀར་ནག་གི་སློབ་དཔོན་རྣམས་ཀྱི་གདམས་ངག་དང་བེེ་རོ་ཙ་ནས་བསྒྱུར་བའི་ཕྱོགས་གཞན་གྱི་གསོ་བ་རིག་པའི་གཞུང་མི་འདྲ་བ་རྣམས་ཀྱི་དགོངས་བཅུད་རྣམས་བླངས་ནས་ཁ་སྣོན་མཛད་དེ་དཔལ་ལྡན《རྒྱུད་བཞི》དང་འབྲེལ་ཡོད་ཀྱི་སྨན་གཞུང་གསར་རྩོམ་གནང་བ་མང་པོ་ཡོད་པ་བཅས་བརྒྱུད་འཛིན་གྱི་སློབ་མ་ཡང་ཆིག་སྟོང་སུམ་བརྒྱ་ལྷག་ཙམ་བྱུང་ཞིང། སྐུ་ཚེ་གང་པོར་གསོ་རིག་བསྟན་དོན་ཁོ་ན་མཛད། གདུང་བརྒྱུད་འཛིན་པའི་སྲས་གསུམ་འཁྲུངས། མཐར་དགུང་ལོ་བརྒྱ་དང་ཉེར་ལྔའི་ཐོག་དགོངས་པ་ཆོས་དབྱིངས་སུ་གཤེགས་སོ། །
- language:
- Tibetan
3. Thupten Phuntsok Dictionary
སྤྱི་ལོ་༧༠༨པའི་སྤྲེལ་ལོར་སྟོད་ལུང་སྐྱིད་སྣ་རུ་ཡབ་གཡུ་ཐོག་ཁྱུང་པོ་རྡོ་རྗེ་དང་། ཡུམ་རྒྱ་པ་ཆོས་སྒྲོན་གཉིས་ཀྱི་སྲས་སུ་སྤྲེལ་ཟླའི་ཚེས་བཅོ་ལྔ་ཉིན་སྐུ་འཁྲུངས། དགུང་ལོ་གསུམ་གྱི་ཐོག་རང་གི་ཡབ་ལས་ཡི་གེ་འབྲི་ཀློག་དང་། གསོ་དཔྱད་ཀྱི་གཞུང་ལུགས་གསན་པས་ཚེགས་མེད་དུ་མཁྱེན་དུ་ནད་པ་བསྐྱངས། དགུང་ལོ་ལྔ་པར་ཡབ་ལས་བདུད་རྩི་སྨན་སྒྲུབ་དང་། སྨན་བླའི་སྒྲུབ་ཐབས་རྗེས་གནང་དང་བཅས་པ་ཞུས། དགུང་ལོ་བཅུའི་ཐོག་ཆོས་རྒྱལ་མེས་ཨག་ཚོམ་གྱིས་སྤྱན་དྲངས་ནས་བསམ་ཡས་སུ་ཕེབས། ཆོས་རྒྱལ་མེས་ཨག་ཚོམ་དང་། ཁྲི་སྲོང་ལྡེ་བཙན་གཉིས་ཀྱི་བླ་སྨན་པ་མཛད། དགུང་ལོ་ཉེར་ལྔ་ཐོག་རྒྱ་གར་དུ་ཐེངས་དང་པོ་ཕེབས་པ་དང་རིམ་བཞིན་ཐེངས་གསུམ་ཕེབས་ཏེ་པཎ་ཆེན་ཙནྡྲཱ་གྷཱི་དང་། མཁས་པ་མེ་དབང་སོགས་སློབ་དཔོན་དུ་མ་བསྟེན་ནས་དཔལ་ལྡན་རྒྱུད་བཞིའི་ཁ་སྐོང་མུ་ཏིག་ཕྲེང་བ་དང་། ཐུར་དཔྱད་གནད་ཀྱི་ལྡེ་མིག་སོགས་གདམས་ངག་མང་པོ་གསན། དགུང་ལོ་ང་ལྔ་པར་ཀོང་པོ་སྨན་ལུང་དུ་གསོ་རིག་བཙུགས། སློབ་ཡུན་ལོ་བཅུ། སློབ་མ་སུམ་བརྒྱ་བསྡུས། སློབ་མའི་ཡོན་ཏན་གྱི་ཚད་གཞི་དང་བསྟུན་ནས་འབུམ་རམས་པ་དང་། རབ་འབྱམས་པ། བཀའ་བཅུ་པ། བསྡུས་ར་བ་བཅས་ཡོན་ཚད་ཀྱི་རིམ་པ་བཞི་གཏན་འབེབས་གནང་། བོན་གྱི་གསོ་རིག་འབུམ་བཞི་》ལེགས་བཅོས་གནང་ནས་རྒྱུད་བཞི་》ཞེས་མཚན་གསོལ། གདུང་རྒྱུད་འཛིན་པའི་སྲས་འབུམ་སེང་དང་། དཔལ་འབུམ། དགའ་དགའ་གསུམ་འཁྲུངས། ཀོང་པོ་བདེ་རྒྱལ་སོགས་སློབ་མའི་ཚོགས་ཀྱིས་བོད་ཡུལ་གྱི་ས་ཆེན་པོ་འདི་གང་བར་བསྐྲུན། དགུང་ལོ་བརྒྱ་དང་ཉི་ཤུ་རྩ་ལྔའི་ཐོག་འདས།
- language:
- Tibetan
4. smon lam tshig mdzod chen mo
སྤྱི་ལོའི་དུས་རབས་བརྒྱད་པའི་ས་མོ་སྦྲུལ་གྱི་ལོར་སྟོད་ལུང་སྐྱིད་སྣ་རུ་ཡབ་གཡུ་ཐོག་ཁྱུང་པོ་རྡོ་རྗེ་དང༌། ཡུམ་རྒྱ་པ་ཆོས་སྒྲོན་གཉིས་ཀྱི་སྲས་སུ་སྤྲེལ་ཟླའི་ཚེས་བཅོ་ལྔ་ཉིན་སྐུ་འཁྲུངས། དགུང་ལོ་གསུམ་གྱི་ཐོག་རང་གི་ཡབ་ལས་ཡི་གེ་འབྲི་ཀློག་དང༌། གསོ་དཔྱད་ཀྱི་གཞུང་ལུགས་གསན་པས་ཚེགས་མེད་དུ་མཁྱེན་ཏེ་ནད་པ་བསྐྱངས། དགུང་ལོ་ལྔ་པར་ཡབ་ལས་བདུད་རྩི་སྨན་སྒྲུབ་དང༌། སྨན་བླའི་སྒྲུབ་ཐབས་རྗེས་གནང་དང་བཅས་པ་ཞུས། དགུང་ལོ་བཅུའི་ཐོག་ཆོས་རྒྱལ་མེས་ཨག་ཚོམ་གྱིས་སྤྱན་དྲངས་ནས་བསམ་ཡས་སུ་ཕེབས། རྒྱལ་པོས་ཉམས་སད་བླང་ཕྱིར་བྲང་ཏི་རྒྱལ་གཉེར་མཁར་ཕུག་སོགས་བོད་ཀྱི་མཁས་པ་རྣམས་དང་རྩོད་དུ་བཅུག་པས་ཀུན་ལས་རྣམ་པར་རྒྱལ་ཏེ་བོད་སྨན་མཁས་པ་མི་དགུའི་གཙོ་བོར་གྱུར། རྒྱ་གར་གྱི་སྨན་པ་ཤནྟི་གརྦྷ་དང༌། རྒྱ་ནག་གི་སྨན་པ་སྟོང་གསུམ་གང་བ་སོགས་ཡུལ་ཕྱོགས་གཞན་ནས་གདན་དྲངས་པའི་བླ་སྨན་མཁས་པ་མི་དགུས་དྲི་བ་མི་འདྲ་བ་བཏོན་པས་དེ་དག་ལ་སྒྲ་ཚད་རིག་པའི་སྒོ་ནས་དེ་དང་མཐུན་པའི་ལན་བཏབ་རྒྱ་བོད་མཁས་པ་ཡོངས་ཀྱི་གཙུག་ཏུ་བཀུར་ནས་མི་ཡུལ་དུ་བྱོན་པའི་སངས་རྒྱས་སྨན་བླ་ཞེས་གྲགས། ཆོས་རྒྱལ་མེས་ཨག་ཚོམ་དང༌། ཁྲི་སྲོང་ལྡེ་བཙན་གཉིས་ཀྱི་བླ་སྨན་པ་མཛད། དགུང་ལོ་ཉེར་ལྔ་ཐོག་རྒྱ་གར་དུ་ཐེངས་དང་པོ་ཕེབས་པ་དང་རིམ་བཞིན་ཐེངས་གསུམ་ཕེབས་ཏེ་པཎ་ཆེན་ཙནྡྲཱ་བྷཱི་དང༌། མཁས་པ་མེ་དབང་སོགས་སློབ་དཔོན་དུ་མ་བསྟེན་ནས་དཔལ་ལྡན་རྒྱུད་བཞིའི་ཁ་སྐོང་མུ་ཏིག་ཕྲེང་བ་དང༌། ཐུར་དཔྱད་གནད་ཀྱི་ལྡེ་མིག་སོགས་གདམས་ངག་མང་པོ་གསན། རྒྱ་ནག་རི་བོ་རྩེ་ལྔར་ཐེངས་གཅིག་ཕེབས་ཏེ་འཕགས་པ་འཇམ་དཔལ་གྱི་མདུན་ནས་སྦྱོར་བའི་ཕྲེང་བ་དང༌། བྱང་ཁོག་དོན་འགྲེམས་སོགས་གདམས་ངག་དུ་མ་ཞུས་ནས་བོད་དུ་ཕེབས་ཏེ་གངས་ཅན་བོད་ཡུལ་གྱི་སྨན་གྱི་རིག་པས་གཞི་བྱས། དེའི་སྟེང་རྒྱ་གར་ནག་གྱི་སློབ་དཔོན་རྣམས་ཀྱི་གདམས་ངག་དང༌། བེ་རོ་ཙ་ནས་བསྒྱུར་པའི་ཕྱོགས་གཞན་གྱི་གསོ་བ་རིག་པའི་འགྱུར་དག་གི་དགོངས་བཅུད་རྣམས་བླངས་ནས་ཁ་སྣོན་མཛད་དེ་དཔལ་ལྡན་རྒྱུད་བཞི་ཞེས་པའི་མ་ཕྱི་བསྐྲུན། བལ་པོའི་རྒྱལ་པོ་ཧ་རྡ་རུ་གྲང་བ་ཐུར་འབབས་ཀྱི་ནད་བཅོས་པ་སོགས་སྐུ་ཚེ་གང་པོར་གསོ་རིག་བསྟན་དོན་ཁོ་ན་མཛད། གདུང་རྒྱུད་འཛིན་པའི་སྲས་འབུམ་སེང་དང༌། དཔལ་འབུམ། དགའ་དགའ་གསུམ་འཁྲུངས། ཀོང་པོ་བདེ་རྒྱལ་སོགས་སློབ་མའི་ཚོགས་ཀྱིས་བོད་ཡུལ་གྱི་ས་ཆེན་པོ་འདི་གང་བར་བསྐྲུན། དགུང་ལོ་བརྒྱ་དང་ཉི་ཤུ་རྩ་ལྔའི་ཐོག་འདས།
- language:
- Tibetan
5. gangs can mkhas grub rim byon ming mdzod
ཁོང་ནི་རབ་བྱུང་མ་ཚུགས་གོང་གི་ལྕགས་ཕོ་རྟ་ལོ་སྟེ་སྤྱི་ལོ 790 ལོར་སྟོད་ལུང་སྐྱིད་སྣར་ཡབ་ཁྱུང་པོ་རྡོ་རྗེ་དང་ཡུམ་རྒྱ་ས་ཆོས་སྒྲོན་གཉིས་ཀྱི་སྲས་སུ་སྐུ་འཁྲུངས། རབ་བྱུང་མ་ཚུགས་གོང་གི་ཤིང་ཤིང་མོ་ཡོས་ལོ་སྟེ་སྤྱི་ལོ 1015 ལོར་སྐུ་གཤེགས། འཁྲུངས་འདས་གཉིས་ཀའི་ལོ་ཚིགས་ལ་ད་དུང་དཔྱད་དགོས། དགུང་ལོ་གསུམ་པར་ཡབ་ཀྱི་སྐུ་མདུན་ནས་ཡི་གེའི་སྦྱོར་ཀློག་བསླབས་པས་ཚེགས་མེད་མཁྱེན། དེ་ནས་ཡབ་ཀྱིས་གསོ་དཔྱད་ཀྱི་གཞུང་དང་ལག་ལེན་བཅས་པ་ཁྲིད་པས་མཁས་པར་གྱུར། དགུང་ལོ་བཅུ་པར་ཆོས་རྒྱལ་ཁྲི་སྲོང་ལྡེའུ་བཙན་གྱི་ཕོ་བྲང་ཕེབས། བོད་ཀྱི་གསོ་རིག་མཁས་པ་རྣམས་དང་བགྲོ་གླེང་མཛད་སྐབས་རྣམ་པར་རྒྱལ། རྒྱལ་པོའི་བླ་སྨན་དུ་དབང་སྐུར། དགུང་ལོ་ཉེར་ལྔ་པར་རྒྱ་གར་དུ་ཕེབས་ཏེ་པཎ་ཆེན་ཙན་དྲ་དེ་བ་ལས་གསོ་རིག་གི་གདམས་ངག་ཁྱད་པར་ཅན་མང་པོ་ཞུས་ཤིང་། མཁས་པ་མང་པོ་ལས་གསོ་བ་རིག་པའི་གཞུང་ལུགས་མང་དུ་གསན་པས་འཛམ་གླིང་མཁས་པའི་གཙུག་རྒྱན་དུ་གྱུར། སྐུ་ཚེ་[1584]གང་བོར་བོད་ཡུལ་ཐམས་ཅད་ཞབས་ཀྱིས་བཅགས་པ་མ་ཟད། རྒྱ་གར་དུ་ཐེངས་གསུམ་ཕེབས་པ་དང་། བལ་ཡུལ་དང་རྒྱ་ནག་རི་བོ་རྩེ་ལྔ་བཅས་ལ་ཕེབས་ནས་སྨན་དཔྱད་མཛད་དེ་འགྲོ་བ་མང་པོའི་ཚེ་སྲོག་བསྐྱབས། གསོ་བ་རིག་པའི་བསྟན་པ་གོང་ནས་གོང་དུ་སྤེལ་བར་མཛད་རྗེས་རླབས་པོ་ཆེ་བཞག་པར་མཛད། སྨན་པ་འབུམ་རམས་པ་དང་། སྨན་པ་རབ་འབྱམས་པ། སྨན་པ་དཀའ་བཅུ་པ། སྨན་པ་བསྡུས་ར་པ་བཅས་པའི་སྨན་པ་མཁས་པའི་མཚན་རྟགས་སོ་སོ་དེ་དུས་བྱུང་། ཁོང་ལ་སློབ་མ་ལྔ་བརྒྱ་ཙམ་ཡོད་པ་ལས་གྲགས་ཆེ་བ་ནི་འབུམ་སེང་དང་། དཔལ་འབུམ། དགའ་དགའ་གསུམ་ནི་ཁོང་གི་རིགས་སྲས་ཡིན། དཔལ་ལྡན་ལྷུན་གྲུབ། ཀོང་པོ་བདེ་ལེགས་རྒྱལ། གྲགས་པ་བསོད་ནམས། བསོད་ནམས་རྩེ་མོ། པདྨ་རྒྱལ་པོ། བདེ་བ་དཔལ། མཛེས་པའི་དཔལ། སངས་རྒྱས་ཡོན་ཏན། འཇམ་དཔལ་སེང་གེ བྱང་ཆུབ་རྡོ་རྗེ། དཀོན་མཆོག་དཔལ་བཟང་། དཔལ་ལྡན་དར་པོ་བཅས་ཡིན། ཁོང་གི་གསུང་རྩོམ་ནི《རྒྱུད་བཞི》དང་། 《རྒྱུད་བཞིའི་ཐེམ་ཡིག》། 《རྒྱུད་ཀྱི་ཁ་སྐོང》སོགས་པོ་ཏི་སུམ་ཅུ་ལྷག་བཞུགས་སོ། འདི་དག་ལ་རང་རྒྱལ་དུ་རྒྱ་ཡིག་དང་སོག་ཡིག་གི་འགྱུར་ཡོད་པ་མ་ཟད། ཨུ་རུ་སི་དང་ཏེ་གོ་སོགས་སུ《རྒྱུད་བཞི》འདིའི་བསྒྱུར་གཞུང་ཡང་ཡོད། །
- language:
- Tibetan