- rong tha blo bzang chos 'byor lhun grub/
- ID:
- T192438
- རོང་ཐ་བློ་བཟང་ཆོས་འབྱོར་ལྷུན་གྲུབ (Tibetan, Tibetan script, Original)
- > rong tha blo bzang chos 'byor lhun grub/ (Tibetan, Latin script, Transliteration-THL Extended Wylie Transliteration)
- > rongta lozang chönjor lhündrup (Tibetan, Latin script, Transcription-THL Simplified Tibetan Transcription)
Other Dictionaries
2. dung dkar bod rig pa'i tshig mdzod chen mo
རྗེ་འདི་སྨད་མདོ་ཁམས་ཀྱི་ཆར་གཏོགས་པའི་འབྲི་ཟླ་ཟལ་མོ་སྒང་རྒྱལ་བཟང་གི་འབྲོག་སྡེར་ཡབ་བཀྲ་ཤིས་དཔལ་ལྡན་དང་ཡུམ་སྨན་ལྷ་ཚེ་རིང་གཉིས་ཀྱི་སྲས་སུ་རབ་བྱུང་བཅུ་བཞི་པའི་མེ་སྦྲུལ(༡༨༥༧)ལོར་འཁྲུངས། དགུང་ལོ་དྲུག་ལ་ཕེབས་སྐབས་རྗེ་བློ་བཟང་བསྟན་པའི་རྒྱལ་མཚན་གྱི་ཡང་སྲིད་དུ་ངོས་འཛིན་གྱིས་གདན་ས་རོང་ཐ་རྭ་ཉག་ཐེག་ཆེན་གླིང་དུ་གདན་དྲངས་ཏེ་ཁྲི་ལ་གསོལ། རྗེ་བློ་བཟང་འཕྲིན་ལས་རྒྱལ་མཚན་མཆོག་ནས་གཙུག་ཕུད་བཞེས་པ་དང་དགེ་བསྙེན་དུ་བསྒྲུབས་ནས་མཚན་བློ་བཟང་ཆོས་འབྱོར་ལྷུན་གྲུབ་ཅེས་གསོལ། དགུང་ལོ་བཅུ་ལ་ཡོངས་འཛིན་དགོངས་རྫོགས་ཀྱི་ཆེད་དབུས་གཙང་དུ་ཕེབས། རྒྱལ་དབང་ཐམས་ཅད་མཁྱེན་པ་འཕྲིན་ལས་རྒྱ་མཚོ་དང་པཎ་ཆེན་ཐམས་ཅད་མཁྱེན་པ་དང་མཇལ། ཁྱབ་བདག་འཇོག་རི་པ་ཆེན་པོ་དང་ཀེའུ་ཚང་མཆོག་སྤྲུལ་རིན་པོ་ཆེ་བློ་བཟང་ཡེ་ཤེས་གཉིས་ཀྱི་དྲུང་དུ་གསང་བདེ་འཇིགས་གསུམ་གྱི་དབང་ལུང་དུ་མ་གསན། དགུང་ལོ་བཅུ་གཅིག་ལ་ཕེབས་སྐབས་ཕུར་བུ་ལྩོག་བྱང་ཆུབ་གླིང་དབེན་གནས་སུ་བྱམས་མགོན་བླ་མ་རིན་པོ་ཆེའི་དྲུང་ནས་དགེ་བསྙེན་དང་རབ་བྱུང་དགེ་ཚུལ་དང་བཅས་པའི་སྡོམ་པ་བཞེས། མཚན་ཡང་སྔར་ཡོད་ཀྱི་གོང་དུ་བྱམས་པ་ཞེས་བསྣན་པ་ཙམ་ལས་གཞན་སོར་བཞག་མཛད་དེ་ཕ་ཡུལ་ཕྱོགས་སུ་བྱོན། དགུང་ལོ་བཅུ་གསུམ་ལ་ཀོ་རྫོང་གི་པཎྡི་ཏ་དཱ་ནའི་མཚན་ཅན་གྱི་དྲུང་ནས་སྙན་ངག་སུམ་རྟགས་དང་བརྡ་གསར་སྙིང་ལ་སོགས་རིག་པའི་གནས་ལ་གསན་སྦྱོངས་མཛད། དགུང་ལོ་བཅུ་དྲུག་ལ་དཔལ་སྤུངས་དགོན་དུ་ཕེབས། དགུང་ལོ་བཅུ་དགུར་དབུས་སུ་ལྷ་ལྡན་སྨོན་ལམ་ཆེན་མོའི་ཚོགས་སུ་བྱོན། ལྷ་རམས་པའི་དམ་བཅའ་སོགས་ལ་ཕེབས། ལོ་དེའི་ཟླ་བ་གཉིས་པར་རྗེ་བློ་གྲོས་མཐའ་ཡས་ཀྱི་དྲུང་ནས་བསྙེན་རྫོགས་ཀྱི་སྡོམ་པ་བཞེས། དགུང་ལོ་ཉི་ཤུ་རྩ་དྲུག་ལ་རྭ་ཉག་དགོན་གྱི་བྱམས་ཁང་དང་ཕོ་བྲང་ཞིག་གསོ་གནང་། དགུང་ལོ་སུམ་ཅུར་རྗེ་བླ་མ་དངུལ་ཆུ་པ་ཆེན་པོར་བསྟོད་པ་ཀུན་ཏུ་བཟང་པོའི་འཁོར་ལོ་བརྩམས་པར་མཛད། དེ་ནས་དགུང་ལོ་ཞེ་ལྔ་བར་དབུས་གཙང་དུ་ཐེངས་འགའ་ཕེབས་རྗེས་གཙོ་བོར་སྐུ་མཚམས་སུ་སྒྲུབ་པ་སྙིང་པོར་མཛད། ཕྱག་རྩོམ《བཀའ་དྲིན་གསུམ་ལྡན་རྗེ་བཙུན་བློ་བཟང་ཆོས་འབྱོར་ལྷུན་གྲུབ་དཔལ་བཟང་པོའི་རྣམ་ཐར་ལེགས་བཤད་གཏམ་གྱི་རྒྱ་མཚོ》《ལྷ་ཆེན་སྲིད་སྤངས་རྡོ་རྗེ་ལ་མཆོད་བསྟོད་བྱ་ཚུལ》《དཔལ་ལྡན་ཆོས་ཀྱི་སྒྲོལ་མ་འཁོར་བཅས་དགྱེས་བསྐྱེད་བསྐང་མདོས་ཕྱོགས་བསྒྲིགས》《དམ་པའི་ཆོས་ལ་བསྐུལ་བའི་བསླབ་བྱ་ཤུགས་འབྱུང་སྐྱོ་གླུའི་ཕྲེང་བ་དམ་པ་མཉེས་པའི་མཆོད་སྤྲིན》སོགས་གསུང་མགུར་བསླབ་བྱའི་རིམ་པ་དུ་མ་དཀྱུས་གཅིག་ཏུ་བཀོད་པ། 《འཛམ་གླིང་སྐྱེས་མཆོག་རིན་པོ་ཆེའི་འཁོར་དང་བཅས་པ་ལ་མཆོད་བསྟོད་ཆོ་ག་དངོས་གྲུབ་འདོད་འཇོ》སོགས་པོད་འབྲིང་གཉིས་ཙམ་མཛད། དགུང་ལོ་ཞེ་ལྔ་ལ་ཕེབས་པ་རབ་བྱུང་བཅོ་ལྔ་པའི་ལྕགས་གླང(༡༩༠༡)ལོར་དགོངས་པ་ཆོས་དབྱིངས་སུ་ཐིམ། མཛད་རྣམ་ཞིབ་པ《བཀའ་དྲིན་གསུམ་ལྡན་རྗེ་བཙུན་བློ་བཟང་ཆོས་འབྱོར་ལྷུན་གྲུབ་དཔལ་བཟང་པོའི་རྣམ་ཐར་ལེགས་བཤད་གཏམ་གྱི་རྒྱ་མཚོ》ཞེས་པར་གཟིགས།
- language:
- Tibetan
3. Thupten Phuntsok Dictionary
རྗེ་འདི་སྨད་མདོ་ཁམས་ཀྱི་ཆར་གཏོགས་པའི་འབྲི་ཟླ་ཟལ་མོ་སྒང་རྒྱལ་བཟང་གི་འབྲོག་སྡེར་ཡབ་བཀྲ་ཤིས་དཔལ་ལྡན་དང་ཡུམ་སྨན་ལྷ་ཚེ་རིང་གཉིས་ཀྱི་སྲས་སུ་རབ་བྱུང་བཅུ་བཞི་པའི་མེ་སྦྲུལ་སྤྱི་ལོ་ (༡༨༥༧) ལོར་འཁྲུངས། དགུང་ལོ་དྲུག་ལ་ཕེབས་སྐབས་བློ་བཟང་བསྟན་པའི་རྒྱལ་མཚན་གྱི་ཡང་སྲིད་དུ་ངོས་འཛིན་གྱིས་གདན་ས་རོང་ཐ་རྭ་ཉག་ཐེག་ཆེན་གླིང་དུ་གདན་དྲངས་ཏེ་ཁྲི་ལ་གསོལ། རྗེ་བློ་བཟང་འཕྲིན་ལས་མཆོག་ནས་ཆོས་འབྱོར་ལྷུན་གྲུབ་ཅེས་གསོལ། དགུང་ལོ་བཅུ་ལ་ཡོངས་འཛིན་དགོངས་རྫོགས་ཀྱི་ཆེད་དབུས་གཙང་དུ་ཕེབས། རྒྱལ་དབང་ཐམས་ཅད་མཁྱེན་པ་འཕྲིན་ལས་རྒྱ་མཚོ་དང་པཎ་ཆེན་ཐམས་ཅད་མཁྱེན་པ་དང་མཇལ། ཁྱབ་བདག་འཇོག་རི་པ་ཆེན་པོ་དང་ཀེའུ་ཚང་མཆོག་སྤྲུལ་རིན་པོ་ཆེན་བློ་བཟང་ཡེ་ཤེས་གཉིས་ཀྱི་དྲུང་དུ་གསང་བདེ་འཇིགས་གསུམ་གྱི་དབང་ལུང་དུ་མ་གསན། དགུང་ལོ་བཅུ་གཅིག་ལ་ཕེབས་སྐབས་ཕུར་བུ་ལྕོག་བྱང་ཆུབ་གླིང་དབེན་གནས་སུ་བྱམས་མགོན་བླ་མ་རིན་པོ་ཆེའི་དྲུང་ནས་དགེ་བསྙེན་དང་རབ་བྱུང་དགེ་ཚུལ་དང་བཅས་པའི་སྡོམ་པ་བཞེས། མཚན་ཡང་སྔར་ཡོད་ཀྱི་གོང་དུ་བྱམས་པ་ཞེས་བསྣན་པ་ཙམ་ལས་གཞན་སོར་བཞག་མཛད་དེ་ཕ་ཡུལ་ཕྱོགས་སུ་བྱོན། རབ་བྱུང་བཅོ་ལྔ་པའི་ལྕགས་གླང་སྤྱི་ལོ་ (༡༩༠༡) ལོར་དགོངས་པ་ཆོས་དབྱིངས་སུ་ཐིམ།
- language:
- Tibetan
4. gangs can mkhas grub rim byon ming mdzod
ཁོང་ནི་རབ་བྱུང་བཅུ་བཞི་པའི་མེ་མོ་སྦྲུལ་ལོ་སྟེ་སྤྱི་ལོ 1857 [1630]ལོར་མདོ་ཁམས་འབྲི་ཟླ་ཟལ་མོ་སྒང་རྒྱལ་བཟང་གི་འབྲོག་སྡེར་ཡབ་བཀྲ་ཤིས་དཔལ་ལྡན་དང་། ཡུམ་སྨན་ལྷ་ཚེ་རིང་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅོ་ལྔ་པའི་ལྕགས་མོ་གླང་ལོ་སྟེ་སྤྱི་ལོ 1901 ལོར་སྐུ་གཤེགས། ཁོང་དགུང་ལོ་དྲུག་པར་སྐུ་གོང་མ་བློ་བཟང་བསྟན་པའི་རྒྱལ་མཚན་གྱི་ཡང་སྲིད་དུ་ངོས་འཛིན་གནང་སྟེ་ཡུལ་ཤུལ་ཁུལ་གྱི་རག(རྭ)ཉག་ཐེག་ཆེན་གླིང་གི་རོང་ཐ་བླ་བྲང་གི་གདན་སའི་ཁྲི་ལ་མངའ་གསོལ། བླ་མ་རྒྱལ་མཚན་བཟང་པོ་དང་། བློ་བཟང་འཕྲིན་ལས་རྒྱལ་མཚན་གཉིས་ཡོངས་འཛིན་དུ་བསྟེན་ནས་ཡི་གེའི་སྦྱོར་ཀློག་དང་ཆོས་སྤྱོད་བཅས་ལ་བྱང་བ་མཛད། ཡོངས་འཛིན་གཉིས་ལས་དགེ་བསྙེན་བསྒྲུབས་ཤིང་མཚན་ལ་བློ་བཟང་ཆོས་འབྱོར་ལྷུན་གྲུབ་ཅེས་གསོལ། དགུང་ལོ་བཅུ་ཐམ་པར་ཡོངས་འཛིན་བློ་བཟང་འཕྲིན་ལས་རྒྱལ་གྱི་དགོངས་རྫོགས་ཀྱི་ཆེད་དུ་དབུས་སུ་ཕེབས་ཏེ་རྒྱལ་བ་འཕྲིན་ལས་རྒྱ་མཚོ་དང་། པཎ་ཆེན་རིན་པོ་ཆེ། འཇོག་རི་རིན་པོ་ཆེ། ཀེའུ་ཚང་བློ་བཟང་ཡེ་ཤེས་སོགས་ལ་བསྟེན་ནས་བདེ་གསང་འཇིགས་གསུམ་གྱི་དབང་ལུང་མང་དུ་གསན། དགུང་ལོ་བཅུ་གཅིག་པར་ཕུར་ལྕོག་བྱམས་པ་རྒྱ་མཚོ་ལས་དགེ་བསྙེན་དང་། རབ་བྱུང་། དགེ་ཚུལ་བཅས་ཀྱི་སྡོམ་པ་བཞེས་ཏེ་རང་དགོན་དུ་ཕེབས། དགུང་ལོ་བཅུ་གསུམ་པར་ཀོ་རྫོང་གི་པཎྜི་ཏ་དཱ་ན་རག་ཉག་དགོན་དུ་གདན་དྲངས་ནས་སྙན་ངག་དང་། སུམ་རྟགས། བརྡ་གསར་རྙིང་བཅས་ལ་སྦྱངས་པ་མཛད། དགུང་ལོ་བཅུ་དྲུག་པར་དཔལ་སྤུངས་དགོན་དུ་ཕེབས་ཏེ་ཀོང་སྤྲུལ་ཡོན་ཏན་རྒྱ་མཚོ་ལས་དབང་ལུང་མན་ངག་མང་དུ་[1631]གསན། དགུང་ལོ་བཅུ་དགུ་པར་དབུས་སུ་ཐེངས་གཉིས་པ་ཕེབས་ནས་ལྷ་ལྡན་སྨོན་ལམ་ཆེན་མོའི་ཚོགས་སུ་ཕེབས་ཏེ་ལྷ་རམས་པའི་དམ་བཅའ་སོགས་ལ་བྱོན། རྗེ་བློ་གྲོས་མཐའ་ཡས་ལས་བསྙེན་རྫོགས་བསྒྲུབས་ཤིང་རང་དགོན་དུ་ཕེབས། དགུང་ལོ་ཉི་ཤུ་རྩ་དྲུག་པར་རག་ཉག་དགོན་གྱི་བྱམས་ཁང་དང་ཕོ་བྲང་ཞིག་གསོས་མཛད་ཅིང་གཙོ་བོ་སྒྲུབ་པ་ཉམས་ལེན་ལ་བརྩོན་མུར་དགུང་ལོ་ཞེ་ལྔ་པར་དགོངས་པ་ཆོས་དབྱིངས་སུ་གཤེགས་སོ། །ཁོང་གི་གསུང་རྩོམ་ནི《བཀའ་དྲིན་གསུམ་ལྡན་བློ་བཟང་བསྟན་པའི་རྒྱལ་མཚན་དཔལ་བཟང་པོའི་རྣམ་ཐར་དག་སྣང་ནོར་བུ་འདྲེན་པའི་ཤིང་རྟ》དང་། 《རྒྱུད་ཐམས་ཅད་ཀྱི་རྒྱལ་པོ་དཔལ་གསང་བ་འདུས་པའི་བསྙེན་ཡིག་རབ་གསལ་ཤེལ་དཀར་མེ་ལོང》། 《གསུང་མགུར་ངེས་འབྱུང་དར་ཆེན་དཀར་པོ》། 《མགར་དགོན་བདེ་ཆེན་གླིང་གི་རྟེན་དང་བརྟེན་པར་བཅས་པའི་ལོ་རྒྱུས་དཀར་ཆག་གསལ་བ》བཅས་ཆོས་ཚན་བརྒྱད་ཅུ་གྱ་བདུན་ལོངས་པའི་པོད་གཉིས་བཞུགས་སོ། །
- language:
- Tibetan