- lo chen rin chen bzang po/
- ID:
- T198392
- ལོ་ཆེན་རིན་ཆེན་བཟང་པོ (Tibetan, Tibetan script, Original)
- > lo chen rin chen bzang po/ (Tibetan, Latin script, Transliteration-THL Extended Wylie Transliteration)
- > lochen rinchen zangpo (Tibetan, Latin script, Transcription-THL Simplified Tibetan Transcription)
Other Dictionaries
1. Rangjung Yeshe Dictionary
-
Lochen Rinchen Sangpo; 958-1055
- language:
- English
-
Lochen Rinchen Sangpo is regarded as the first translator of the New Mantra School
- language:
- English
3. gangs can mkhas grub rim byon ming mdzod
ཁོང་ནི་རབ་བྱུང་མ་ཚུགས་གོང་གི་ས་ཕོ་རྟ་ལོ་སྟེ་སྤྱི་ལོ 958 ལོར་མངའ་རིས་གུ་གེ་ཡུལ་དུ་ཡབ་གཞོན་ནུ་དབང་ཕྱུག་དང་། ཡུམ་ཅོག་རོ་ཀུན་བཟང་ཤེས་རབ་བརྟན་པ་གཉིས་ཀྱི་སྲས་སུ་སྐུ་འཁྲུངས། རབ་བྱུང་དང་པོའི་ཤིང་མོ་ལུག་ལོ་སྟེ་སྤྱི་ལོ 1055 ལོར་སྐུ་གཤེགས། དགུང་ལོ་བཅུ་གསུམ་པར་མཁན་པོ་ཡེ་ཤེས་བཟང་པོ་ལས་རབ་ཏུ་བྱུང་། དེ་ནས་མངའ་རིས་གུ་གེའི་རྒྱལ་པོ་ཡེ་ཤེས་འོད་ཀྱིས་བཀའ་མངགས་ལྟར་ཁ་ཆེ་དང་རྒྱ་གར་སོགས་སུ་ཞབས་ཀྱིས་བཅགས་ཏེ་པཎ་ཊི་ཏ་བདུན་ཅུ་རྩ་ལྔར་བསྟེན་ནས་མདོ་སྔགས་རིག་གནས་ཀུན་ལ་མཁས་པར་བསླབས་ཏེ་བོད་ཡུལ་དུ་ཕེབས། ཁོང་གིས་རྒྱ་གར་དང་ཁ་ཆེའི་པཎྜི་ཏ་མང་པོ་བོད་དུ་གདན་དྲངས་ནས་བཀའ་འགྱུར་དང་བསྟན་འགྱུར་མང་པོ་བོད་ཡིག་ཏུ་བསྒྱུར། ལོ་རྒྱུས་ཐོག་ཏུ་ལོ་ཙཱ་བ་འདི་བའི་སྔོན་དུ་བསྒྱུར་བའི་གསང་སྔགས་ལ་གསང་སྔགས་རྙིང་མ་དང་། རྗེས་སུ་བསྒྱུར་བ་དག་ལ་གསང་སྔགས་གསར་མ་ཞེས་འབོད། [1671] ཁོང་གིས་འཇམ་དཔལ་མཚན་བརྗོད་འབུམ་ཕྲག་གསུམ་བཏོན་མྱངས། དགུང་ལོ་བརྒྱད་ཅུ་རྩ་ལྔ་པར་ཇོ་བོ་རྗེ་ལས་བདེ་མཆོག་སོགས་གསན། མངའ་རིས་སོགས་སུ་དགོན་པ་དང་གཙུག་ཁང་འགའ་བཞེངས་མཛད། རྒྱལ་པོ་ལྷ་ལྡེ་ཁྲིར་འཁོད་རྗེས་ཁོང་ལ་རྡོ་རྗེ་སློབ་དཔོན་ཞེས་པའི་མཚན་གསོལ་ཞིང་མཆོད་གཞིས་ཕུལ་བས་ལོ་རྒྱུས་ཐོག་ཏུ་བླ་མ་དགོན་པར་གཞིས་ཀ་ཕུལ་བའི་སྲོལ་ཚུགས། ཁོང་གི་བཀའ་དྲིན་ལས་དབུས་གཙང་དུ་བསྟན་པ་ཕྱི་དར་མ་ཚུགས་གོང་ནས་མངའ་རིས་སུ་བསྟན་པ་དར། ཁོང་གི་སློབ་མ་གྲགས་ཆེ་བ་ནི་གུར་ཤིང་བརྩོན་འགྲུས་རྒྱལ་མཚན་སོགས་དང་། ཞུས་ཆེན་འཕེར་བའི་ལོ་ཙཱ་བའང་བཅུ་ལྷག་ཙམ་ཡོད། ཁོང་གི་བསྒྱུར་རྩོམ་ནི་བཀའ་འགྱུར་གྱི་སྐོར་པོ་ཏི་བཅུ་བདུན་དང་། བསྟན་འགྱུར་གྱི་སྐོར་པོ་ཏི་སོ་གསུམ། གསང་སྔགས་ཀྱི་སྐོར་པོ་ཏི་བརྒྱ་རྩ་བརྒྱད། གསོ་བ་རིག་པ་དང་བཟོ་རིག་པ་སོགས་ཀྱི་སྐོར་པོ་ཏི་དུ་མ་བཞུགས་སོ། དེ་མིན་ད་དུང་ཆོས་རྒྱལ་ཁྲི་སྲོང་ལྡེའུ་བཙན་གྱི་སྐབས་སུ་བསྒྱུར་བའི་བསྟན་བཅོས་ཚང་མར་ཞུ་དག་མཛད་དོ། །
- language:
- Tibetan