- sha ra ba/
- ID:
- T199695
- ཤ་ར་བ (Tibetan, Tibetan script, Original)
- > sha ra ba/ (Tibetan, Latin script, Transliteration-THL Extended Wylie Transliteration)
- > sharawa (Tibetan, Latin script, Transcription-THL Simplified Tibetan Transcription)
Other Dictionaries
2. bod rgya tshig mdzod chen mo
[2827] མཚན་དངོས་ཡོན་ཏན་གྲགས་ཟེར། རབ་བྱུང་དང་པོའི་ལྕགས་ཁྱི་ལོར་འཁྲུངས་པའི་བཀའ་གདམས་པའི་དགེ་བཤེས་ཤིག་ཁོང་པོ་ཏོ་བ་ལས་རབ་ཏུ་བྱུང་ཞིང་མདོ་རྒྱུད་ཀྱི་དཔེ་ཆ་མང་པོ་བློ་ལ་འཛིན་ཐུབ་པ་ཞིག་ཡིན། རབ་བྱུང་གཉིས་པའི་ལྕགས་བྱ་ལོར་འདས། ...
- language:
- English
3. dung dkar bod rig pa'i tshig mdzod chen mo
དགེ་བཤེས་ཤ་ར་བ་ནི། རབ་བྱུང་དང་པོའི་ལྕགས་ཁྱི་(༡༠༧༠)ལོར་རྭ་སྒྲེང་ནས་མི་རིང་བའི་སར་ཡུལ་རོམ་པོ་(གཙང་གཞུང་ཤང)ཞེས་པར་ཡུམ་ཕྱུགས་འཚོར་བྱོན་སྐབས་རྡོ་ལེབ་ཅིག་གི་སྟེང་སྐུ་འཁྲུངས། རྡོ་སྟེང་དུ་ཞབས་རྗེས་ད་ལྟ་ཡང་ཡོད་སྐད། དགུང་ལོ་བཅོ་བརྒྱད་བར་ཁྱིམ་དུ་བཞུགས། ཡི་གེ་འབྲི་ཀློག་སོགས་ནི་ཚེགས་མེད་དུ་མཁྱེན། རང་མཉམ་གཞན་ལ་བརྩེ་བའི་འཛུམ་གྱིས་བསུ་བ་ལས་ཁྲོ་བ་དང་སྐྱོན་བརྗོད་པ་སོགས་ནི་ནམ་ཡང་མི་མཛད། ཕ་མ་དང་ཉེ་དུ་རྣམས་ཀྱིས་བག་མ་ལེན་དུ་ཉེ་བ་ན་ཁྱིམ་ནས་བྲོས་ཏེ་ཀླུང་ཤོད་ཆོར་བ་ཞེས་པར་རབ་ཏུ་བྱུང་། མཚན་ཡོན་ཏན་གྲགས་སུ་བཏགས། ཀླུང་ཤོད་ཆོར་བར་དགེ་བཤེས་སྤྱན་སྔ་བ་ལས་གདམས་པ་ཞུས། སྟག་ལུང་ཐང་ན་དགེ་བཤེས་པོ་ཏོ་བ་མཇལ་བས་རྗེས་སུ་བཟུང་སྟེ་ལམ་གྱི་རིམ་པའི་ཁྲིད་དང་། ཉམས་ལེན་བྱ་ཐབས་སོགས་རྒྱས་པར་གནང་བས་པོ་ཏོ་བ་ཞིང་གཤེགས་ཀྱི་བར་ནམ་ཡང་མ་འབྲལ་བར་བསམ་སྦྱོར་གཉིས་ཀྱིས་ཚུལ་བཞིན་བསྟེན། པོ་ཏོ་བའི་སྐུ་འཁོར་ནང་མ་མཛད་དེ་པོ་ཏོ་བ་ཁྱོན་ལོ་བརྒྱད་བསྟེན་ནས་ལམ་རིམ་གྱི་ཁྲིད་མཐའ་ཆོད་པར་གསན། ཤ་ར་བས་བཀའ་གདམས་གཞུང་དྲུག་དང་གུང་བསྒྲིགས་ཏེ་རྒྱས་པར་བཤད་པས་གསུང་རབ་འཆད་པ་ལ་མི་འཇིགས་པའི་སྤོབས་པ་ཐོབ། རང་གཞན་གྱི་གྲུབ་མཐའ་རྒྱ་མཚོའི་ཕ་རོལ་ཏུ་སོན། པོ་ཏོ་བ་ཞིང་དུ་གཤེགས་རྗེས་པོ་ཏོ་བའི་སློབ་མ་ཕལ་ཆེར་ཤ་ར་བའི་རྗེས་སུ་འབྲང་སྟེ་འཁོར་བརྒྱ་ཕྲག་མང་པོ་དང་བཅས་ཀླུང་ཤོད་དུ་བྱོན་ནས་ཚོགས་འདུས་ཡོ་བྱད་གང་བྱུང་དགེ་འདུན་ལ་བསྔོས། འདུས་པ་གསུམ་སྟོང་ཙམ་བསྐྱངས། པ་ཚབ་ལོ་ཙཱ་བ་ལ་བསྔགས་བརྗོད་ཆེས་ཆེར་མཛད་པས་ལོག་རྟོག་སྨྲ་ངན་རྣམས་རང་ཤུགས་ཀྱི་འགག་པ་དང་། པ་ཚབ་ལོ་ཙཱ་བ་འཕྲིན་ལས་ཆེས་ཆེར་རྒྱས། པ་ཚབ་ལོ་ཙཱ་བས་རང་ཉིད་ཀྱིས་བསྒྱུར་བའི་དབུ་མ་འཇུག་པ་ཤ་ར་བ་ལ་གཟུགས་སུ་ཕུལ་བས་འདི་ལ་འདི་ལྟར་འོང་ཐང་ཞེས་བསྒྱུར་སྐྱོན་རྣམས་བསྟན་པས་པ་ཚབ་ལོ་ཙཱ་བ་ཤིན་ཏུ་དགྱེས་ནས་བསྔགས། ཤ་ར་བ་ཆེན་པོས་ལམ་རིམ་གྱི་ཁྲིད་ཡིག་ཆེ་ཆུང་གཉིས་དང་པོ་ཏོ་བའི་རྣམ་ཐར་ཚིགས་བཅད་མ་སོགས་མཛད་ཅིང་། དགུང་གྲངས་བདུན་ཅུ་དོན་གཉིས་པ་རབ་བྱུང་གཉིས་པའི་ལྕགས་བྱ(༡༡༤༡)ལོ་སྐུ་གཤེགས། གདུང་ཞུགས་འབུལ་གྱིས་པུར་ཐལ་དང་ན་བཟའ་རྣམས་དགེ་འདུན་སྟོང་དང་བདུན་བརྒྱར་བགོས་ཏེ་ཕྱོགས་ཕྱོགས་སུ་ཕྱག་མཆོད་ཀྱི་རྟེན་དུ་བཞུགས། སློབ་མའི་གཙོ་བོ་ནི་འཆད་ཁ་བ་ཡིན་ལ་སྣར་ཐང་ཕྱག་འདེབས་མཁན་གཏུམ་སྟོན་བློ་གྲོས་གྲགས་པ་ཡང་ཤ་ར་བའི་སློབ་མ་ཡིན་ནོ། །
- language:
- Tibetan
4. Thupten Phuntsok Dictionary
མཚན་དངོས་ཡོན་ཏན་གྲགས་ཟེར། རབ་བྱུང་དང་པོའི་ལྕགས་ཁྱི་ལོར་འཁྲུངས་པའི་བཀའ་གདམས་པའི་དགེ་བཤེས་ཤིག ཁོང་པོ་ཏོ་བ་ལས་རབ་ཏུ་བྱུང་ཞིང་མདོ་རྒྱུད་ཀྱི་དཔེ་ཆ་མང་པོ་བློ་ལ་འཛིན་ཐུབ་པ་ཞིག་ཡིན། རབ་བྱུང་གཉིས་པའི་ལྕགས་བྱ་ལོར་འདས།
- language:
- Tibetan
5. smon lam tshig mdzod chen mo
མཚན་དངོས་ཡོན་ཏན་གྲགས་ཟེར། རབ་བྱུང་དང་པོའི་ལྕགས་ཁྱི་ལོར་འཁྲུངས་པའི་བཀའ་གདམས་པའི་དགེ་བཤེས་ཤིག་ཁོང་པོ་ཏོ་བ་ལས་རབ་ཏུ་བྱུང་ཞིང་མདོ་རྒྱུད་ཀྱི་དཔེ་ཆ་མང་པོ་བློ་ལ་འཛིན་ཐུབ་པ་ཞིག་ཡིན། རབ་བྱུང་གཉིས་པའི་ལྕགས་བྱ་ལོར་འདས།
- language:
- Tibetan