- khri lde gtsug brtan/
- ID:
- T20544
- ཁྲི་ལྡེ་གཙུག་བརྟན (Tibetan, Tibetan script, Original)
- > khri lde gtsug brtan/ (Tibetan, Latin script, Transliteration-THL Extended Wylie Transliteration)
- > trindé tsukten (Tibetan, Latin script, Transcription-THL Simplified Tibetan Transcription)
Other Dictionaries
1. Ives Waldo Dictionary
-
ཁྲི་ལྡེ་གཙུག་བརྟན་ [sngar bod rgyal so bdun pa ste, ming gzhan khri lde gtsug btsan dang, mes aag tsom yang zer, rgyal po de'i skabs su thang krung tsung gi sras mo gyim shang kong jo btsun mor blangs, spyi lo 733 lor rgya bod gnyis kyi sa mtshams khri ling la rdo ring btsugs shing phan tsun nyo tshong byas, rgya dpe mdo gser 'od dang, 'dul ba rnam 'byed kyi bstan bcos, de min rgya nag gi sman gzhung dang, rtsis gzhung mang po bod du bsgyur]
- language:
- Tibetan
-
ཁྲི་ལྡེ་གཙུག་བརྟན་
- language:
- Tibetan
2. bod rgya tshig mdzod chen mo
[279] སྔར་བོད་རྒྱལ་སོ་བདུན་པ་སྟེ། མིང་གཞན་ཁྲི་ལྡེ་གཙུག་བཙན་དང། མེས་ཨག་ཚོམ་ཡང་ཟེར། རྒྱལ་པོ་དེའི་སྐབས་སུ་ཐང་ཀྲུང་ཙུང་གི་སྲས་མོ་གྱིམ་ཤང་ཀོང་ཇོ་བཙུན་མོར་བླངས། སྤྱི་ལོ་733ལོར་རྒྱ་བོད་གཉིས་ཀྱི་ས་མཚམས་ཁྲི་ལིང་ལ་རྡོ་རིང་བཙུགས་ཤིང་ཕན་ཚུན་ཉོ་ཚོང་བྱས། རྒྱ་དཔེ་མདོ་གསེར་འོད་དང། འདུལ་བ་རྣམ་འབྱེད་ཀྱི་བསྟན་བཅོས། དེ་མིན་རྒྱ་ནག་གི་སྨན་གཞུང་དང། རྩིས་གཞུང་མང་པོ་བོད་དུ་བསྒྱུར། …
- language:
- Tibetan
3. dung dkar bod rig pa'i tshig mdzod chen mo
བོད་ཀྱི་བཙན་པོའི་རྒྱལ་རབས་སུམ་ཅུ་སོ་བདུན་པ་གཞོན་ནུའི་དུས་ནས་ཞལ་རྒྱན་སྨ་ར་དང་བཅས་པའི་བགྲེས་ཉམས་ཆེ་བ་འིག་ཡོད་པར་བརྟེན་མཚན་ལ་མེས་ཨག་ཚོམས་ཅན་ཡང་ཟེར། བཙན་པོ་འདིའི་འཁྲུངས་ལོ་འབྲུག་ཡིན་པར་ལོ་རྒྱུས་ཡིག་ཆ་མང་ཆེ་བ་མཐུན་ཀྱང་ལོ་ཁམས་གང་ཡིན་ལ་གསུང་ཚུལ་མི་མཐུན་པ་ཡོད། ཏུན་ཧོང་གི་ཡིག་རྙིང་ལས་བཤད་པ་ལྟར་གཞི་བཟུང་ན་ཡབ་བཙན་པོ་འདུས་སྲོང་མང་པོ་རྗེ་དང་ཡུམ་མཆིམས་བཟའ་བཙན་མེ་ཏོག་གཉིས་ཀྱི་སྲས་སུ་གནས་བརྟན་པའི་ལུགས་ཀྱི་སངས་རྒྱས་འདས་ལོ(༡༢༤༨)ཤིང་འབྲུག(༧༠༤)ལོར་འཁྲུངས། <<ཐང་ཧྲུའུ་རྙིང་མ>>ལས། ཐང་རྒྱལ་རབས་ཀྱི་གོང་མ་ཨུ་ཙེ་ཐའན་གྱི་ཁྲང་ཨན(长安)ཁྲི་ལོ་གསུམ་པ་ཆུ་ཡོས(༧༠༣)ལོར་ཁྲི་ལྡེ་གཙུག་བརྟན་བཙན་པོར་བསྐོས་པ་དང༌། དེ་དུས་དགུང་ལོ་བདུན་ལ་སླེབས་ཡོད་པར་བཤད་པ་ལྟར་ན། གོང་མ་ཨུ་ཙི་ཐའན་གྱི་ཧྲིན་ལི་ཁྲི་ལོ་དང་པོ་ས་ཁྱི(༦༩༨)ལོར་འཁྲུངས་དགོས་པས་བརྟག ཐོག་མའི་མཚན་ལ་རྒྱལ་གཙུག་རུ་ཞེས་འབོད་པ་དང༌། འཁྲུངས་པའི་ལོ་དེར་ཡབ་རྒྱལ་པོ་འདུས་སྲོང་འཇང་ཡུལ་དུ་དམག་ལ་ཕེབས་པ་དམག་ཐོག་ཏུ་གཤེགས་ཤིང་སྲས་སྐུ་ན་ཕྲ་བར་བརྟེན་ཡབ་འདུས་སྲོང་གི་ཡུམ་དང་བཙན་པོ་འདིའི་རྨོ་བོ་ཡིན་པ་འབྲོ་བཟའ་ཁྲི་མོ་ལོད་ཅེས་དབང་གྲགས་ལྡན་པ་ཞིག་བྱུང་བ་དེས་སྲིད་དོན་བསྐྱངས། ཐོག་མའི་ལོ་ཤས་ནང་བློན་འབངས་ཁག་གཅིག་གིས་ངོ་ལོག་བྱུང་བ་རྣམས་ལྷིང་འཇགས་གཏོང་དགོས་བྱུང་ཚུལ་ཏུན་ཧོང་གི་ཡིག་རྙིང་ནང་གསལ་ཞིང༌། བཙན་པོ་འདི་དགུང་ལོ་བདུན་ལ་ཕེབས་པ་ས་བྱ(༧༠༩)ལོར་ཐང་རྒྱལ་རབས་ཀྱི་གོང་མ་ཀྲུང་ཙུང(中宗李显)གི་ཅིན་ལུང(景龙)ཁྲི་ལོ་གསུམ་པར་བོད་ནས་བློན་ཆེན་ཞང་ཏོ་རེ་སོགས་མངགས་ཏེ་གོང་མའི་སྲས་མོ་ཞིག་སློང་བར་རྒྱལ་ས་ཁྲང་ཨན་དུ་འབྱོར། སྐབས་དེར་གོང་མ་ཐང་ཀྲུང་ཙུང་གིས་སྐྱེད་ཚལ་གྱི་ནང་དུ་གསོལ་སྟོན་བཤམས་ཏེ་ཧྥུ་མ་ཏུ་ཝེའི་གོ་གནས་ཡོད་པའི་བློན་པོ་དབྱང་ཧྲིན་ཅའོ་དང༌། བོད་ཀྱི་ཕོ་ཉ་བརྣམས་ཕན་ཚུན་རྟ་ཐོག་པོ་ལོའི་འགྲན་བསྡུར་བྱས་པར་ཐོག་མར་བོད་ལ་རྒྱལ་ཁ་ཐོབ་ཅིང༌། འགྲན་བསྡུར་ཐེངས་གཉིས་པར་གཉིས་ཀ་འདྲ་མཉམ་གྱི་ཐོག་ནས་མཚམས་འཇོག་བྱས་པར་བཤད། དེའི་ཕྱི་ལོ་ལྕགས་ཁྱི་(༧༡༠)ལོར་གོང་མས་ཡུང་ཝང་གི་གོ་གནས་ཡོད་པ་ལི་ཧྲིག་ལི་བྱ་བའི་སྲས་མོ་ཅིན་ཁྲིན་ཀོང་ཇོ་གོང་མ་རང་གི་སྲས་མོ་ཡིན་པའི་ཚུལ་གྱིས་བག་མར་བྱིན་པ་སོགས་གོང་དུ་ཀིམ་ཤིང་ཀོང་ཇོ་ཞེས་པའི་འགྲེལ་བཤད་དུ་བཀོད་པ་ལྟར་དང༌། བཙན་པོ་འདིའི་དུས་སུ་འཇང་དང་གཉེན་འབྲེལ་བཙུགས་ཏེ་ལྗང་མོ་ཁྲི་བཙུན་མནའ་མར་བླངས་ཤིང་འཇང་བོད་ཐུན་མོང་དུ་ཐང་ལ་དམག་དྲངས་ཏེ་ཐང་གི་ས་ཆ་མི་ཉུང་བ་འིག་བོད་ཀྱིས་བླངས་པ་སོགས<<ཐང་ཧྲུའུ་གསར་རྙིང>>གཉིས་སུ་གསལ། <<རྦ་བཞེད>>ལས་ལོ་ཁམས་གསལ་བར་མ་འཁོད་ཀྱང༌། རྒྱ་ཕྲུག་བློན་པོསང་ཤི་སོགས་མི་བའི་ཐང་གི་གོང་མའི་དྲུང་དུ་མངགས་ཏེ་སངས་རྒྱས་ཆོས་ལུགས་ཀྱི་ཆོས་དཔེ་མང་པོ་སློང་དུ་བཏང་བ་ལ། གོང་མས་མཐིང་ཤོག་ལ་གསེར་ཆུས་བྲིས་པའི་ཆོས་དཔེ་བམ་པོ་སྟོང་གནང༌། ཧྭ་ཤང་མངོན་ཤེས་ཅན་ཀིམ་ཧྭ་ཤང་གིས<<དགེ་བ་བཅུའི་མདོ>><<ཤེར་ཕྱིན་རྡོ་རྗེ་གཅོད་པ>><<ས་ལུ་ལྗང་པའི་མདོ>>བཅས་བསྐུར་ནས་བཙན་པོ་ཁྲི་སྲོང་ལྡེ་བཙན་སྐུ་ནར་སོན་པ་དང་བསྟུན་ནས་གོ་རིམ་མ་ནོར་བར་འབུལ་བར་གྱིས་ཤིག་ཅེས་པ་སོགས་བཀའ་སློབ་མང་པོ་གནང་ནས་བོད་དུ་ལོག་ཡོང་སྐབས། དེའི་ཤུལ་དུ་ཡབ་ཁྲི་ལྡེ་གཙུག་བརྟན་གཤེགས་པའི་གནས་ཚུལ་འཁོད་པ་ལྟར་ན་བཙན་པོ་ཁྲི་ལྡེ་གཙུག་བརྟན་གཤེགས་པའི་ལོ་དེར་ཡིན་པར་མངོན་ཞིང༌། བཙན་པོ་གཤེགས་པའི་ལོ་ནི་དགུང་ལོ་ང་གཅིག་པ་ཤིང་རྟ(༧༥༤)ཡིན་ཅིང༌། ཞོལ་རྡོ་རིང་ཕྱི་མ་དང་ཏུན་ཧོང་གི་ཡིག་རྙིང་ལས། བློན་པོ་འབལ་ལྡོང་ཚབ་དང་ལང་མེས་གཟིགས་གཉིས་ཀྱིས་བཀྲོངས་ཞེས་གསལ་ཞིང༌། <<རྦ་བཞེད>>ལས་བློན་པོ་དེ་གཉིས་ཆོས་ལ་དད་པའི་རྐྱེན་གྱིས་ཞང་མ་ཞང་གིས་ནག་ཉེས་བཙུགས་ཏེ་བཀྲོངས་པར་བཤད་པ་རྡོ་རིང་ཡི་གེ་དང་མི་མཐུན། ལོ་རྒྱུས་ཞིབ་པ<<རྦ་བཞེད>>དང༌། <<མཁས་པ་ལྡེའུའི་ཆོས་འབྱུང>><<ཐང་དེབ་གསར་རྙིང>><<བོད་ཀྱི་ལོ་རྒྱུས་རགས་རིམ་གཡུ་ཡི་ཕྲེང་བ>>ལྕགས་དཔར་མའི་ཤོག་གྲངས༢༥༧་ནས༢༧༦བར་གསལ།
- language:
- Tibetan
4. Thupten Phuntsok Dictionary
སྔར་བོད་རྒྱལ་སོ་བདུན་པ་སྟེ། མིང་གཞན་ཁྲི་ལྡེ་གཙུག་བཙན་དང་། མེས་ཨག་ཚོམ་ཡང་ཟེར། སྤྱི་ལོ་༦༩༨པའི་ས་ཁྱི་ལོ་ཡབ་འདུས་སྟོང་མང་རྗེ་དང་ཡུམ་འབྲོ་བཟང་ཁྲི་མ་ལོད་གཉིས་ཀྱི་སྲས་སུ་འཁྲུངས། སྤྱི་ལོ་༧༡༢པའི་ཆུ་བྱི་ལོར་གྱིས་ཤིང་ཀོ་ཇོ་ཁབ་ཏུ་བསུས། སྤྱི་ལོ་༧༥༥ལོར་མཚན་མོ་རྟ་རྒྱུག་སར་ཆིབ་ཀྱིས་བསྐྱུར་ནས་འདས། དེ་ན་ཐོར་འགར་མཚན་མོ་ལྐོག་ཕོག་ནས་བཀྲོང་ཟེར། བང་སོ་མུ་ར་རིལ་ཡས་ཀྱི་ནང་སོའི་རྒྱབ་ངོས་ཀྱི་གཡས་ཕྱོགས་སུ་བརྩིགས། སྤྱི་ལོ་༧༣༣ལོར་རྒྱ་བོད་གཉིས་ཀྱི་ས་མཚམས་ཁྲི་ལིང་ལ་རྡོ་རིང་བཙུགས་ཤིང་ཕན་ཚུན་ཉོ་ཚོང་བྱས། རྒྱ་དཔེ་མདོ་གསེར་འོད་དང་། འདུལ་བ་རྣམ་འབྱེད་ཀྱི་བསྟན་བཅོས། དེ་མིན་རྒྱ་ནག་གི་སྨན་གཞུང་དང་། རྩིས་གཞུང་མང་པོ་བོད་དུ་བསྒྱུར།
- language:
- Tibetan
5. smon lam tshig mdzod chen mo
སྔར་བོད་རྒྱལ་སོ་བདུན་པ་མིང་གཞན་ཁྲི་ལྡེ་གཙུག་བཙན་དང༌། མེས་ཨག་ཚོམ་ཡང་ཟེར། རྒྱལ་པོ་དེའི་སྐབས་སུ་ཐང་ཀྲུང་ཙུང་གི་སྲས་མོ་གྱིམ་ཤང་ཀོང་ཇོ་བཙུན་མོར་བླངས། སྤྱི་ལོ་733 ལོར་རྒྱ་བོད་གཉིས་ཀྱི་ས་མཚམས་ཁྲི་ལིང་ལ་རྡོ་རིང་བཙུགས་ཤིང་ཕན་ཚུན་ཉོ་ཚོང་བྱས། རྒྱ་དཔེ་མདོ་གསེར་འོད་དང༌། འདུལ་བ་རྣམ་འབྱེད་ཀྱི་བསྟན་བཅོས། དེ་མིན་རྒྱ་ནག་གི་སྨན་གཞུང་དང༌། རྩིས་གཞུང་མང་པོ་བོད་དུ་བསྒྱུར།
- language:
- Tibetan