- sangs rgyas rgyal mtshan/
- ID:
- T205545
- སངས་རྒྱས་རྒྱལ་མཚན (Tibetan, Tibetan script, Original)
- > sangs rgyas rgyal mtshan/ (Tibetan, Latin script, Transliteration-THL Extended Wylie Transliteration)
- > sangyé gyemtsen (Tibetan, Latin script, Transcription-THL Simplified Tibetan Transcription)
Other Dictionaries
2. bod rgya tshig mdzod chen mo
[2915] ཕག་གྲུ་སྡེ་སྲིད་ཁྲི་རབས་བདུན་པ་འདིས་རབ་བྱུང་བདུན་པའི་ཤིང་བྱི་ལོ་ནས་རབ་བྱུང་བརྒྱད་པའི་ས་འབྲུག་ལོའི་བར་ལོ་བཞི་སྲིད་བསྐྱངས། ... 1444-1448... 1469...
- language:
- English
3. Thupten Phuntsok Dictionary
ཕག་གྲུ་སྡེ་སྲིད་ཁྲི་རབས་བདུན་པ་འདིས་རབ་བྱུང་བདུན་པའི་ཤིང་བྱི་ལོ་ནས་རབ་བྱུང་བརྒྱད་པའི་ས་འབྲུག་ལོའི་བར་ལོ་བཞི་སྲིད་བསྐྱངས།
- language:
- Tibetan
4. smon lam tshig mdzod chen mo
ཕག་གྲུ་སྡེ་སྲིད་ཁྲི་རབས་བདུན་པ་འདིས་རབ་བྱུང་བདུན་པའི་ཤིང་བྱི་ལོ་ནས་རབ་བྱུང་བརྒྱད་པའི་ས་འབྲུག་ལོའི་བར་ལོ་བཞི་སྲིད་བསྐྱངས། 14441448 1469
- language:
- Tibetan
5. gangs can mkhas grub rim byon ming mdzod
ཁོང་ནི་རབ་བྱུང་བརྒྱད་པའི་ཆུ་ཕོ་སྤྲེལ་ལོ་སྟེ་སྤྱི་ལོ 1452 ལོར་གཙང་མྱང་སྟོད་སྟག་ཚལ་དུ་ཡབ་སྔགས་འཆང་སངས་རྒྱས་དཔལ་ལྡན་དང་། ཡུམ་སངས་རྒྱས་དཔལ་འདྲེན་གཉིས་ཀྱི་སྲས་སུ་སྐུ་འཁྲུངས། རབ་བྱུང་དགུ་པའི་མེ་མོ་ཡོས་ལོ་སྟེ་སྤྱི་ལོ 1507 ལོར་རས་ཆུང་ཕུག་ཏུ་སྐུ་གཤེགས། དགུང་ལོ་བདུན་པར་མཁན་ཆེན་ཀུན་དགའ་སངས་རྒྱས་ལས་རབ་ཏུ་བྱུང་སྟེ་མཚན་ལ་སངས་རྒྱས་རྒྱལ་མཚན་ཞེས་གསོལ། དེ་ནས་བཟུང་དགུང་ལོ་བཅུ་བདུན་བར་རང་ཡུལ་དུ་སློབ་གཉེར་མཛད། དགུང་ལོ་བཅོ་བརྒྱད་པར་ཙ་རིར་བྱོན་ཏེ་རྗེ་བཙུན་ཤ་ཧ་རབ་འབྱམས་པ་སངས་རྒྱས་སེང་གེ་དང་མཇལ། དེ་བ་ལས་རི་ཆོས་སྐོར་གསུམ་དང་། ཐར་གྲུ་སྐོར་གསུམ། ནཱ་རོ་ཆོས་དྲུག ཕྱག་རྒྱ་ཆེན་པོ་ལྔ་ལྡན། ལྷན་གཅིག་སྐྱེས་སྦྱོར། དོ་ཧ་སྐོར་གསུམ། མཛོད་དྲུག་རོ་སྙོམས་སོགས་བཀའ་བརྒྱུད་པའི་ཆོས་སྐོར་ཕལ་མོ་ཆེའི་ལུང་གསན། རྗེ་བཙུན་མ་ལྷན་གཅིག་སྐྱེས་མའི་དཀྱིལ་འཁོར་དུ་དབང་བསྐུར་ཏེ་[1733]གསང་མཚན་མི་སྐྱོད་རྡོ་རྗེ་ཞེས་གསོལ། དེ་ནས་དཔལ་འཁོར་ཆོས་སྡེར་བྱོན་ཏེ་གཡུ་ལུང་བ་ཡོན་ཏན་རྒྱ་མཚོ་ལས་བཀའ་ཆོས་མང་དུ་གསན། སློབ་དཔོན་ཀུན་དགའ་ཉི་མ་དང་པཎ་ཆེན་དོན་གྲུབ་གྲགས་པ་སོགས་ལ་བསྟེན་ནས་གསང་སྔགས་ཀྱི་དབང་དང་རྒྱུད་ཀྱི་བཤད་པ་བསྐྱེད་རྫོགས་ཀྱི་གདམས་པ་མང་པོ་གསན། དེ་ནས་གངས་དཀར་ཏེ་སེ་དང་། ཙ་རི། ལ་ཕྱི་ཆུང་བ། བལ་ཡུལ་སོགས་གནས་ངེས་མེད་དུ་བྱོན། ཆ་ལུགས་ཀྱང་སྐབས་འགའ་ཞིག་ཏུ་སྐུ་གཅེར་བུ་ལ་མིའི་གཡང་གཞི་ཁྲག་ཅན་གསོལ། རྒྱུ་རློན་གྱིས་ག་ཤ་དང་གདུ་བུ་མཛད། མི་ཐོད་རློན་པར་ཀླད་པ་དང་རྒྱུ་མ་སོགས་རྩིབ་མས་དཀྲུགས་ཏེ་གསོལ། ཕལ་ཆེར་ཧེ་རུ་ཀའི་ཆ་བྱད་རུས་པའི་རྒྱན་དང་ཐོད་པ། རྐང་གླིང་། ཁ་ཊཱི་རྣམས་འཆང་ཞིང་དུར་ཁྲོད་དང་གྲོང་གསེབ་ངེས་མེད་དུ་བྱོན་པས་གཙང་སྨྱོན་ཞེས་གྲགས། བལ་ཡུལ་གྱི་འཕགས་པ་ཤིང་ཀུན་གྱི་ཞིག་གསོ་དང་། གྲུབ་གནས་མང་པོར་བཀའ་བརྒྱུད་ཀྱི་སྒྲུབ་སྡེ་བཙུགས། སྙན་བརྒྱུད་གླེགས་བམ་དུ་བཀོད་པ་པོད་བཅུ་གསུམ་ལ་ཞུ་དག་མཛད། གྲུབ་པའི་གོ་འཕང་མཐོན་པོར་གཤེགས་ཀྱང་ལས་འབྲས་ལ་རྩི་འཇོག་ཆེ་བས་དགེ་སྡིག་ཆུང་ངུ་ཙམ་ཡང་ཁྱད་དུ་མི་གསོད་པའི་ཀུན་སྤྱོད་རྣམ་པར་དག་པས་དུས་འདའ་བར་མཛད། ཁོང་གི་མཚན་གྱི་རྣམ་གྲངས་ནི་གཙང་སྨྱོན་ཧེ་རུ་ཀ རུས་པའི་རྒྱན་ཅན། ཆོས་ཀྱི་གྲགས་པ། མི་སྐྱོད་རྡོ་རྗེ། ཁྲག་འཐུང་རྒྱལ་པོ་བཅས་ཡིན། ཁོང་གི་སློབ་མ་ལ་ཡོངས་གྲགས་སུ་ཐུགས་སྲས་ཞེ་དགུ། ཐུན་མོང་མ་ཡིན་པའི་ཐུགས་སྲས་བརྒྱད། བླ་ཆེན་བླ་ཆུང་དྲུག་ཅུ། [1734] རྟོགས་ལྡན་ཉེར་བརྒྱད། སྟོན་སྒོམ་ཉི་ཤུ། གྲུབ་ཆེན་བཅོ་བརྒྱད་བཅས་ཡོད། ཁོང་གི་གསུང་རྩོམ་ནི《སྙན་བརྒྱུད་ཡིད་བཞིན་ནོར་བུའི་གླེགས་བམ》དང་། 《སྒྲ་སྒྱུར་མར་པ་ལོ་ཙཱ་བའི་རྣམ་ཐར་མཐོང་བ་དོན་ཡོད》། 《རྗེ་བཙུན་མི་ལ་རས་པའི་རྣམ་ཐར》། 《མི་ལ་རས་པའི་མགུར་འབུམ》བཅས་མང་དུ་བཞུགས་སོ། །
- language:
- Tibetan