- gser khang blo bzang bstan 'dzin rgya mtsho/
- ID:
- T213190
- གསེར་ཁང་བློ་བཟང་བསྟན་འཛིན་རྒྱ་མཚོ (Tibetan, Tibetan script, Original)
- > gser khang blo bzang bstan 'dzin rgya mtsho/ (Tibetan, Latin script, Transliteration-THL Extended Wylie Transliteration)
- > serkhang lozang tendzin gyamtso (Tibetan, Latin script, Transcription-THL Simplified Tibetan Transcription)
Other Dictionaries
1. Rangjung Yeshe Dictionary
Serkhang Rinpoche, Lobsang Tendzin Gyatso, one of Shabkar's teachers
- language:
- English
2. gangs can mkhas grub rim byon ming mdzod
ཁོང་ནི་རབ་བྱུང་བཅུ་གསུམ་པའི་ལྕགས་ཕོ་བྱི་ལོ་སྟེ་སྤྱི་ལོ 1780 ལོར་མདོ་སྨད་ཨ་རིག་ཆུ་སྟོད་དུ་ཡབ་ནོའི་རིགས་དང་། ཡུམ་ཛ་ཏི་སྐྱིད་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅུ་བཞི་པའི་ས་ཕོ་སྤྲེལ་ལོ་སྟེ་སྤྱི་ལོ 1848 ལོར་སྤང་ལུང་རི་ཁྲོད་དུ་སྐུ་གཤེགས། ཁོང་དགུང་ལོ་བདུན་པར་རབ་བྱུང་བསྒྲུབས་ཤིང་མཚན་ལ་བློ་བཟང་བསྟན་འཛིན་རྒྱ་མཚོ་ཞེས་གསོལ། དགུང་ལོ་བཅུ་གསུམ་པར་ར་རྒྱ་སྒར་གྱི་ཆོས་གྲྭ་ལ་ཞུགས་ནས་གཞུང་ཆེན་བཀའ་པོད་ལྔར་གསན་བཞེས་མཛད། དགུང་ལོ་ཉི་ཤུ་ཐམ་པར་ཤིང་བཟའ་བློ་བཟང་དར་རྒྱས་ཀྱི་དྲུང་ནས་བསྙེན་རྫོགས་བསྒྲུབས། ཤིང་བཟའ་རྡོ་རྗེ་འཆང་དང་ར་བླ་དངོས་གྲུབ་རྒྱ་མཚོ་སོགས་ལ་བསྟེན་ནས་མདོ་སྔགས་ཀྱི་དབང་ལུང་མང་དུ་གསན། དགུང་ལོ་ཉེར་དྲུག་པར་དབུས་གཙང་དུ་ཕེབས་ནས་གནས་མཇལ་དང་། རྒྱལ་བ་སྐུ་ཕྲེང་བདུན་པ་བསྐལ་བཟང་རྒྱ་མཚོ་དང་མཇལ་ཞིང་ཆོས་འབྲེལ་ཞུས། དེ་ནས་རང་ཡུལ་དུ་ཕྱིར་ཕེབས་ཏེ་ར་རྒྱའི་ཉེ་འགྲོ་རྒོད་པོ་རྫོང་དང་། གསེར་ཁང་རྩེའི་སྒྲུབ་གནས་སོགས་གནས་ཆེན་བརྒྱད་ལ་སྐུ་མཚམས་བཞུགས། དེ་ནས་བྱ་ཁྱུང་དགོན་དང་། རོང་པོ་དགོན་ཆེན། ལ་མོ་བདེ་ཆེན་སོགས་སུ་གཞུང་ཆེན་[1812]བཀའ་ཁྲིད་དང་དབང་ལུང་མན་ངག་མང་དུ་གནང་བར་མཛད། དགུང་ལོ་དྲུག་ཅུ་རེ་དགུ་པར་དགོངས་པ་ཆོས་དབྱིངས་སུ་གཤེགས་སོ། །ཁོང་གི་གསུང་རྩོམ་ནི《བདེ་གསང་འཇིགས་གསུམ་གྱི་བསྙེན་ཆེན་སོགས་ཀྱི་སྔོན་འགྲོའི་རིམ་པ་རྣམས་བླ་མཆོད་བདེ་སྟོང་དབྱེར་མེད་ཀྱི་སྟེང་ནས་བསགས་ཚུལ་ནག་འགྲོས་སུ་བཀོད་པ་མཆོག་དམན་ཀུན་གྱི་ཁྱེར་བདེ་དངོས་གྲུབ་ཀུན་འབྱུང》དང་། 《བདེ་མཆོག་ས་ཨི་པའི་ཆོ་ག་བསྡུས་པ་འདོན་ཚུལ་ནག་འགྲོས་སུ་བཀོད་པ་དངོས་གྲུབ་བདེ་ཆེན་འབྱུང་གནས》བཅས་ཆོས་ཚན་བཅོ་ལྔ་ལོངས་པའི་པོད་གཅིག་བཞུགས་སོ། །
- language:
- Tibetan