- a'u rtsi/
- ID:
- T219983
- ཨའུ་རྩི (Tibetan, Tibetan script, Original)
- > a'u rtsi/ (Tibetan, Latin script, Transliteration-THL Extended Wylie Transliteration)
- > autsi (Tibetan, Latin script, Transcription-THL Simplified Tibetan Transcription)
Other Dictionaries
2. Thupten Phuntsok Dictionary
འདི་ལོ་མང་སྐྱེ་བའི་སྔོ་རིགས་ཏེ། ཡལ་ག་མེད་པའི་ངར་པ་ཕྲ་ཞིང་་ལ་རིང་བ། མཐོ་ཚད་0.15～0.4ཙམ་ཟིན་པ། ལོ་མ་ལྗང་འཇམ་སྤུ་སོགས་མེད་པ་སྐུད་དབྱིབས་ཕྲ་ལ་རིང་བ། འགའ་ཞིག་རྩེ་མོ་ཕྱིར་འདྲིལ་བ་ར་མཉེའི་ལོ་མ་འདྲ་བ་མང་ཆེ་བ་ཁ་སྤྲོད་དང་། འགའ་ཞིག་རེས་མོས་སམ་འཁོར་ནས་སྐྱེ་བ། ཟླ་5～7པར་ངར་པའི་རྩེར་ཅོང་དབྱིབས་ཀྱི་མེ་ཏོག་སེར་ལྗང་རྩ་རིས་དང་ཐིག་ལེ་སྨུག་པོ་ཅན་གྱི་འདབ་མ་དྲུག་རེ་ཡོད་པ། ཐུར་དུ་གུག་ནས་འཆར་བ་དང་། ཟླ་བ་8པར་གང་བུ་སྒོང་དབྱིབས་ཟུར་དྲུག་མའི་ནང་འབྲས་བུ་ལེབ་ཞིབ་ཟླ་གམ་མང་དུ་བརྩེགས་པའི་ཕྲེང་བ་དྲུག་རེ་ཡོད་པ་ཞིག་འདོགས་པ། ས་འོག་གི་ངར་པ་དཀར་པོ་གཏིང་རིང་དུ་ཟུག་པའི་སྣེ་མོར། སྙིང་དབྱིབས་ཀྱི་རྩ་བ་དཀར་པོ་ཉིས་འབྱར་ཅན་འདོགས་པ། སྨན་དུ་སྦྱར་བྱ་ནི་རྩ་བ་སྟེ། ཟླ་7～8པར་བརྐོས་ནས་འཕྲལ་དུ་ཉི་སྐམ་དང་ལེགས་ཚགས་བྱ། ནུས་པས་དུག་ཚད་སེལ་ཞིང་རུས་ཆག་སྦྱོར། ཁྱད་པར་གློ་མང་འགོག་པ་དཀའ་བ་དང་། རླུང་གློ་རྒྱུན་དུ་ལུ་བ། ཆམ་ཚད་གྲེ་བར་བབས་པ། གྲེ་བ་འཚང་ཞིང་དབུགས་མི་བདེ་བ། སྐབས་སུ་ཁྲག་ཏུ་ལུ་བ་བཅས་ལ་སྨན་འདི་ཆིག་ཐང་བཏང་བས་འཇོམས་པར་འགྱུར་བ་མྱོང་བས་གྲུབ་པའོ། །
- language:
- Tibetan