- kany+tsi pu ra
- ID:
- T222962
- ཀཉྩི་པུ་ར (Tibetan, Tibetan script, Original)
- > kany+tsi pu ra (Tibetan, Latin script, Transliteration-THL Extended Wylie Transliteration)
- > kanytsi(?) pu ra (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
རྒྱ་གར་གྱི་ལྷོ་ཕྱོགས་ཊྲི་ལིངྐ་ཞེས་འབོད་པའི་ཡུལ༌ཏེ་སྔོན་དུས་སུ་གུཔྟའི་རྒྱལཁབ་ཀྱི་ཁོངས་སུ་ཡོད་པའི་བློན༌པོ་ཞིག་གིས་གུཔྟའི་རྒྱལ་ཁབ་སྟོབས་ཤུགས་ཉམས་རྗེས་གུཔྟའི་རྒྱལ་ཁབ་ཀྱི་ཁོངས་ནས་ལོགས་སུ་ཐོན་ཏེ་པ་ལ་ཝ་ཞེས་པའི་རྒྱལ་རབས་བཙུགས་ཤིང་། ན་ར་སིང་ཧ་ཝརྨ་ན༌དང་པོའི་སྐབས་རྒྱལ་ཁབ་དེ་ཡི་མངའ་ཁོངས་རྒྱ་ཆེར་གྱུར༌ནས་རྒྱལ་ས་ཀཉྩི་པུར་ལ་གནས་གཞི་བཅས་པས་གྲོང་ཁྱེར༌དེའི་མིང་ལ་ཀཉྩི་པུ་ར་ཟེར། སློབ་དཔོན་ཐང་སན་ཙང་གི་ལམ་ཡིག་བོད་སྐད་དུ་བསྒྱུར་བ་ལས། ཡུལ་དེར་གཙུག་ལག་ཁང་བརྒྱ་དང་གཅིག་ཙམ་ལ་དགེ་འདུན་ཆིག་ཁྲི་ལྷག་བཞུགས་པ་ཐམས་ཅད་གནས་བརྟན་སྡེ་པ་ཁོ་ན་ཡིན་པ་དང་། མུ་སྟེགས་པའི་ལྷ་ཁང་བཅུ་ལྷག་ལ་ཕྱི་རོལ་གཅེར་བུ་བ་མང་ཙམ་གནས་ཤིང་། སྔོན་སངས་རྒྱས་བཅོམ་ལྡན་འདས་ཕེབས་བཞུགས་མཛད་པའི་གནས་གང་ཡོད་སར་རྒྱལ་པོ་མྱ་ངན་མེད་ཀྱི་མཆོད་རྟེན་རེ་བཞེངས་ཡོད་པ་དང་། ཡུལ་དེ་ནི་བྱང་ཆུབ་སེམས་དཔའ་དཔལ་ལྡན་ཆོས་སྐྱོང་(གྲུབ་ཆེན་བིར་ཝ་པ)གི་འཁྲུངས་ཡུལ་ཡིན་ཞེས་གསུངས་འདུག་གོ།
- language:
- Tibetan
2. Thupten Phuntsok Dictionary
རྒྱ་གར་གྱི་ལྷོ་ཕྱོགས་ཊྲྀ་ལིངྈ་ཞེས་འབོད་པའི་ཡུལ་ཏེ་སྔོན་དུས་སུ་གུབྟའི་རྒྱལ་ཁབ་ཀྱི་ཁོངས་སུ་ཡོད་པའི་བློན་པོ་ཞིག་གིས་གུཔྟའི་རྒྱལ་ཁབ་ཀྱི་ཁོངས་ནས་ལོགས་སུ་ཐོན་ཏེ་པ་ལ་ཝ་ཞེས་པའི་རྒྱལ་རབས་བཙུགས་ཤིང་། ན་ར་སིང་ཧ་ཝརྨ་ན་དང་པོའི་སྐབས་རྒྱལ་ཁབ་དེ་ཡི་མངའ་ཁོངས་རྒྱ་ཆེར་གྱུར་ནས་རྒྱལ་ས་ཀཉྩི་པུར་ལ་གནས་གཞི་བཅས་པས་གྲོང་ཁྱེར་དེའི་མིང་ལ་ཀཉྩི་པུ་ར་ཟེར་རོ། །
- language:
- Tibetan