- karma nges legs bstan 'dzin
- ID:
- T223003
- ཀརྨ་ངེས་ལེགས་བསྟན་འཛིན (Tibetan, Tibetan script, Original)
- > karma nges legs bstan 'dzin (Tibetan, Latin script, Transliteration-THL Extended Wylie Transliteration)
- > karma ngelek tendzin (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
བོད་ཀྱི་གསོ་རིག་ཐོག་མཛད་རྗེས་ཆེ་བ་ཞིག་ཡིན། འཁྲུངས་གཤེགས་ཀྱི་ལོ་ཟླ་དང་རྣམ་ཐར་གསལ་བ་ཞིག་མ་རྙེད་ཅིང་། ཁོང་གི་གསུང༌རྩོམ《སྨན་བསྡུས》ཨེ་དང་ཝམ་ཞེས་པོད་གཉིས་ཡོད་པའི་པོད་དང་པོའི་རང་རྣམ་མདོར་བསྡུས་ཀྱི་ནང་ཐམས་ཅད་མཁྱེན་གཟིགས་ཆེན་པོ་མ་ཧཱ་པཎྚི་ཏ་ཆོས་ཀྱི་འབྱུང་གནས༌ཀྱི་བཀའ་དྲིན་ལ་བརྟེན་ནས་རིག་པ་འདི་ལ་ཕྱོགས་སྒོར་མོ༌ནས་མཐོང་ཐོས་ཅི་རིགས་ཀྱིས་འགྲོ་ཕྱོགས་དཀྱུས་མ་མིན་ཙམ་ཞིག་ཡོད་དོ་ཞེས་གསུངས་པ་ལྟར་ན་གསོ་བ་རིག་པའི༌སྐོར་སི་ཏུ་རིན་པོ་ཆེ་ཆོས་ཀྱི་འབྱུང་གནས་དྲུང་ནས་གསན༌བཞེས་གནང་བ་ཡིན་འདུག་བར་སྐབས་ཤིག་ནས་དུས་ཐོག་མཉམ་པའི་སྨན་པ་དང་། མཁས་པ་འགའ་ཞིག་གིས༌ཕྲ་དོག་བརྙས་སྨོད་ཀྱི་སྒྲོ་སྐུར་ཞུ་མཁན་བྱུང་བར་བརྟེན་ལོ་བཅོ་ལྔ་ཙམ་རིང་སྨན་དཔྱད་ཀྱི་ཕྱག་ལེན་མཚམས་འཇོག་གནང་ཐོག། དེའི་རིང《སྨན་བསྡུས་》ཨེ་ཝམ་པོད་གཉིས་བརྩམས་གནང་མཛད། རབ་བྱུང༡༢པའི་ཆུ་བྱི(༡༧༣༢)ལོར《རྩིས་གཞུང་ཉེར་མཁོའི་བུམ་བཟང》བརྩམས། འདི་སྐོར་ལས་འཕྲོས་པའི་དཔྱད་གླེང་ཞིག་བོད་ལྗོངས་སྨན་རྩིས་ཁང་གི་དབུ་འཛིན་མཁས་དབང་བྱམས་པ་ཕྲིན་ལས་ཀྱིས་མཛད་པའི《གངས་ལྗོངས་གསོ་རིག་བསྟན་པའི་ཉིན་བྱེད་རིམ་བྱོན་གྱི་རྣམ་ཐར》ཤོག་གྲངས༢༧༤ནས་༢༧༥བར་གསལ་བ་དེར་གཟིགས།
- language:
- Tibetan
2. Thupten Phuntsok Dictionary
དབོན་པོ་ཀརྨ་ངེས་ལེགས་དང་གཅིག་ཡིན། ཡོངས་གྲགས་ཀྱི་མཚན་ལ་དབོན་པོ་ཀརྨ་ངེས་ལེགས་ཟེར།
- language:
- Tibetan
3. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བཅོ་བརྒྱད་པའི་དུས་མགོ་ཙམ་དུ་ཁམས་སྡེ་དགེའི་ཁོངས་སུ་སྐུ་འཁྲུངས། ཁོང་དགུང་ལོ་ཆུང་ངུའི་དུས་ནས་ཡི་གེའི་སྦྱོར་ཀློག་དང་ཆོས་སྤྱོད་བཅས་ལ་བྱང་བར་མཛད་དེ་བསྟན་པའི་ཆོས་སྒོར་ཞུགས་ཤིང་རབ་ཏུ་བྱུང་། དེ་ནས་སི་ཏུ་པཎ་ཆེན་ཆོས་ཀྱི་འབྱུང་གནས(1699-1774)ལ་བསྟེན་ནས་རིག་གནས་ཆུང་བ་ལྔ་དང་ཆེ་བ་ལྔ་ལ་ཐོས་བསམ་ནན་ཏན་དུ་མཛད་ཅིང་མཁས་པ་ཆེན་པོ་གྱུར། ལྷག་པར་དུ་གསོ་བ་རིག་པའི་གཞུང་ལུགས་ལ་ཐོས་བསམ་རྨད་དུ་བྱུང་བ་མཛད་ཅིང་མདོ་དབུས་ཁམས་གསུམ་དུ་མཁས་པའི་གྲགས་པ་ཐོབ། ཁོང་གི་རྣམ་ཐར་ཞིབ་ཏུ་མཇལ་རྒྱུ་མ་རྙེད་པས་ཤིན་ཏུ་ཕངས་སོ། ཁོང་གི་གསུང་རྩོམ་ནི《རྩིས་གཞུང་ཉེར་མཁོ་བུམ་བཟང》དང་། 《དཔལ་ལྡན་རྒྱུད་བཞི་སོགས་གསོ་བ་རིག་[9]པའི་བཀའ་བསྟན་མན་ངག་ཀུན་གྱི་གནད་བསྡུས་ཕན་བདེའི་བསིལ་ཟེར་འཕྲོ་བའི་ཟླ་བ་གསར་པ》། དང་《ཕན་བདེ་ནོར་བུའི་བང་མཛོད》བཅས་བཞུགས་སོ། །
- language:
- Tibetan