- kun dga' 'phags pa
- ID:
- T223124
- ཀུན་དགའ་འཕགས་པ (Tibetan, Tibetan script, Original)
- > kun dga' 'phags pa (Tibetan, Latin script, Transliteration-THL Extended Wylie Transliteration)
- > kün ga pakpa (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
རྒྱལ་རྩེ་དཔོན་ཆེན་ཀུན་དགའ་འཕགས་པ་སྟེ། དཔོན་ཆེན་འཕགས་པ་དཔལ་བཟང་ཞེས་ས་སྐྱའི་བཞི་ཐོག་བླ་བྲང་གི་ནང་ཆེན་ཡིན་པ་དེ་དང་ཞ་ལུ་སྐུ་ཞང་ཀུན་དགའ་དོན་གྲུབ་ཀྱི་བུ་མོ་མ་གཅིག་པདྨ་གཉིས་ཀྱི་བུར་རབ་བྱུང་དྲུག་པའི་མེ་བྱ(༡༣༥༧)ལོར་བཙས། རང་ལོ་བཅུ་དྲུག་པ་ཆུ་བྱི(༡༣༧༢)ལོར་ས་སྐྱའི་ནང་ཆེན་གྱི་གོ་སར་བསྐོས། རང་ལོ་ཉེར་གཅིག་པ་མེ་སྦྲུལ(༡༣༧༧)ལོར་རྒྱལ་རྩེ་དཔོན་ཆེན་གྱི་གོ་གནས་བཟུང་། རང་ལོ་ཞེ་གཅིག་པ་མེ་གླང(༡༣༩༧)ལོར་རྒྱལ་རྩེའི་གཙུག་ལག་ཁང་ཆེན་མོ་བཞེངས། རང་ལོ་ང་གཉིས་པ་ས་བྱི(༡༤༠༨)ལོར་རྒྱལ་རྩེ་སྒྲུབ་མཆོད་ཆེན་མོ་ཞེས་གྲགས་པ་དེ་ཐོག་མར་བཙུགས་ཤིང་། དེ་ལ་རྒྱུད་སྡེ་བཞིའི་ཆོས་གྲྭ་མི་འདྲ་བ་ལྔ་བཅུ་ང་གཉིས་ཡོད། རང་ལོ་ང་དྲུག་པ་རབ་བྱུང་བདུན་པའི་ཆུ་འབྲུག(༡༤༡༢)ལོར་རྒྱལ་རྩེའི་གཟིམས་ཁང་ཤར་དུ་འདས། ལོ་རྒྱུས་ཞིབ་པ《རབ་བརྟན་ཀུན་བཟང་གི་རྣམ་ཐར》ལྕགས་དཔར་མའི་ཤོག་གྲངས༩ནས༤༥བར་གསལ་བ་ལ་གཟིགས།
- language:
- Tibetan
2. Thupten Phuntsok Dictionary
རྒྱལ་རྩེ་དཔོན་ཆེན་ཀུན་དགའ་འཕགས་པ་སྟེ། དཔོན་ཆེན་འཕགས་པ་དཔལ་བཟང་ཞེས་ས་སྐྱའི་བཞི་ཐོག་བླ་བྲང་གི་ནང་ཆེན་ཡིན་པ་དེ་དང་ཞ་ལུ་སྐུ་ཞང་ཀུན་དགའ་དོན་གྲུབ་ཀྱི་བུ་མོ་མ་གཅིག་པདྨ་གཉིས་ཀྱི་བུར་རབ་བྱུང་དྲུག་པའི་མེ་བྱ (༡༣༥༧) ལོར་བཙས། རང་ལོ་བཅུ་དྲུག་པ་ཆུ་བྱི (༡༣༧༢) ལོར་ས་སྐྱའི་ནང་ཆེན་གྱི་གོ་སར་བསྐོས། རང་ལོ་ང་དྲུག་པ་རབ་བྱུང་བདུན་པའི་ཆུ་འབྲུག (༡༤༡༢) ལོར་རྒྱལ་རྩེའི་གཟིམས་ཁང་ཤར་དུ་འདས།
- language:
- Tibetan