- ko brag pa bsod nams rgyal mtshan
- ID:
- T223195
- ཀོ་བྲག་པ་བསོད་ནམས་རྒྱལ་མཚན (Tibetan, Tibetan script, Original)
- > ko brag pa bsod nams rgyal mtshan (Tibetan, Latin script, Transliteration-THL Extended Wylie Transliteration)
- > kodrakpa sönam gyeltsen (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
ཆོས་ལུགས་འདི་ཡིན་གྱི་དམིགས་བསལ་མེད་ཅིང་གྲུབ་མཐའ་རིས་མེད་ཀྱི་སློབ་མ་ཤིན་ཏུ་མང་བའི་བླ་ཆེན་ཞིག་ཡིན། འཁྲུངས་ཡུལ་དིང་རི་དང་། རུས་རྒྱུད་ལྡོང་། ཡབ་གཙོ་བོ་རྒྱལ་གཡུང་དང་ཡུམ་སྟོད་མོ་རྗེ་མ་གཉིས་ཀྱི་སྲས་སུ་རབ་བྱུང་གསུམ་པའི་ཆུ་སྟག(༡༡༨༢)ལོར་འཁྲུངས། ཆུང་དུས་འབྲི་ཀློག་དཀའ་ཚེགས་མི་དགོས་པར་མཁྱེན། ཁ་ཆེ་པཎ་ཆེན་ཤཱཀྱ་ཤྲི་དང་། བླ་མ་རྡོ་རྗེ་དཔལ་བ། རྒྱ་ཕུག་ཇོ་སྲས། པཎ་ཆེན་རརྞ་ཤྲི་སོགས་བསྟེན་ནས་མདོ་སྔགས་ཀྱི་ཆོས་མང་དུ་གསན། དགུང་ལོ་ཉི་ཤུར་ཕེབས་སྐབས་ཆོས་རྗེ་སྐོས་ཀྱིས་མཁན་པོ་དང་། ཕྱ་རུ་འདུལ་འཛིན་གྱིས་སློབ་དཔོན། སློབ་དཔོན་ལོས་གསང་སྟོན་མཛད་ནས་རབ་བྱུང་དང་བསྙེན་རྫོགས་ཀྱི་སྡོམ་པ་བཞེས། མཚན་ལ་བསོད་ནམས་རྒྱལ་མཚན་ཞེས་གསོལ། གངས་ཏི་སེར་ལོ་ལྔའི་རིང་སྒོམ་སྒྲུབ་ལ་བཞུགས་པས་ཉམས་རྟོགས་ཀྱི་རྩལ་ཕུལ་དུ་བྱུང་བ་ཐོབ་ཅིང་མྱང་སྟོད་རྒྱལ་རྩེའི་ཀོ་བྲག་དགོན་པ་བཏབ་ནས་དེར་གཙོ་བོར་བཞུགས་པས་ཀོ་བྲག་པ་ཞེས་གྲགས། བསྟན་འགྲོའི་དོན་རྒྱ་ཆེར་མཛད་ནས་དགུང་ལོ་བརྒྱད་ཅུ་པ་རབ་བྱུང་བཞི་པའི་ལྕགས་བྱ(༡༢༦༡)ལོར་དགོངས་པ་རྫོགས། རྣམ་ཐར་ཞིབ་པ་ད་ཕན་ཁོ་བོས་མ་མཇལ་ལགས།
- language:
- Tibetan
2. Thupten Phuntsok Dictionary
ཆོས་ལུགས་འདི་ཡིན་གྱི་དམིགས་བསལ་མེད་ཅིང་གྲུབ་མཐའ་རིས་མེད་ཀྱི་སློབ་མ་ཤིན་ཏུ་མང་བའི་བླ་ཆེན་ཞིག་ཡིན། འཁྲུངས་ཡུལ་དིང་རི་དང་། རུས་རྒྱུད་ལྡོང་། ཡབ་གཙོ་བོ་རྒྱལ་གཡུང་དང་ཡུམ་སྟོད་མོ་རྗེ་མ་གཉིས་ཀྱི་སྲས་སུ་རབ་བྱུང་གསུམ་པའི་ཆུ་སྟག (༡༡༨༢) ལོར་འཁྲུངས། བསྟན་འགྲོའི་དོན་རྒྱ་ཆེར་མཛད་ནས་དགུང་ལོ་བརྒྱད་ཅུ་པ་རབ་བྱུང་བཞི་པའི་ལྕགས་བྱ (༡༢༦༡) ལོར་དགོངས་པ་རྫོགས།
- language:
- Tibetan
3. gangs can mkhas grub rim byon ming mdzod
[54]ཁོང་ནི་རབ་བྱུང་གསུམ་པའི་ཆུ་ཕོ་སྟག་ལོ་སྟེ་སྤྱི་ལོ1182ལོར་དིང་རིར་ཡབ་གཙོ་བོ་རྒྱལ་གཡུང་དང་ཡུམ་སྟོད་མོ་རྗེ་མ་གཉིས་ཀྱི་སྲས་སུ་སྐུ་འཁྲུངས། གདུང་རུས་ནི་ལྡོང་ཡིན། རབ་བྱུང་བཞི་པའི་ལྕགས་མོ་བྱ་ལོ་སྟེ་སྤྱི་ལོ1261ལོར་སྐུ་གཤེགས། ཁོང་སེ་མིག་པ་ལས་དགེ་བསྙེན་གྱི་སྡོམ་པ་མནོས། པཎ་ཆེན་ཤཱཀྱ་ཤྲཱི་ལས་བློ་སྦྱོང་གསན། བླ་མ་རྡོ་རྗེ་དཔལ་བ་ལས་རིག་འཛིན་བཅུ་དང་། རྫོགས་ཆེན་དམར་ཁྲིད་སོགས་ཆོས་མང་དུ་གསན། པཎ་ཆེན་རཏྣ་རཀྵི་ཏ་ལས་བདེ་མཆོག་གི་དབང་གསན། དགུང་ལོ་ཉི་ཤུ་རྩ་དགུ་པར་དགེ་སློང་གི་སྡོམ་པ་མནོས། དེ་ནས་ཏི་སེར་བྱོན་ཏེ་ལོ་ལྔའི་རིང་དུ་བཞུགས་པས་ཇི་ལྟ་བ་དང་ཇི་སྙེད་པའི་མངོན་སུམ་གྱི་ཡེ་ཤེས་བརྙེས། ཁྱད་པར་དུ་རྡོ་རྗེ་ལུས་ཀྱི་གནས་ལུགས་ཇི་ལྟ་བ་བཞིན་དུ་གཟིགས། དེ་ནས་མྱང་སྟོད་ཀོ་བྲག་ཏུ་དགོན་པ་གསར་འདེབས་མཛད་པས་ས་སྐམ་པོར་ཆུ་མིག་བརྡོལ། འགྲོ་བའི་དོན་རྒྱུན་མི་འཆད་པ་དང་རྒྱ་ཆེ་བ་སྒྲུབ་པའི་ཕྱིར་སློབ་མ་མང་དུ་བསྐྱངས་སོ། ཁོང་གི་སློབ་མ་གྲགས་ཆེ་བ་ནི་དཔལ་ཡང་དགོན་པ་དང་། རིན་པོ་ཆེ་རྒྱལ་མཚན་པ། རིན་པོ་ཆེ་ལྷ་བ། རིན་པོ་ཆེ་རྒྱལ་པོ། རིན་པོ་ཆེ་ཆོས་སྡིངས་པ། བྲན་སྟོན་ཤེར་སེང་། རྟོགས་ལྡན་དཀོན་སེང་སོགས་སོ། །
- language:
- Tibetan