- ko'u ba gzhon nu byang chub 'od zer
- ID:
- T223235
- ཀོའུ་བ་གཞོན་ནུ་བྱང་ཆུབ་འོད་ཟེར (Tibetan, Tibetan script, Original)
- > ko'u ba gzhon nu byang chub 'od zer (Tibetan, Latin script, Transliteration-THL Extended Wylie Transliteration)
- > ko'uwa shyönnu changchub özer (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
རྗེ་འདི་ཉིད་རབ་བྱུང་ལྔ་པའི་སྨད་ཙམ(༡༣༠༠ཡས་མས)དུ་ཁྲི་ཀའི་ཨར་རྐོང་ཀོའུ་བ་ཚང་དུ་སྐུ་བལྟམས། སྐུ་ཆུང་དུས་ནས་ཡི་གེ་འབྲི་ཀློག་ཐོགས་མེད་དུ་མཁྱེན། རབ་ཏུ་བྱུང་བ་ནས་བཟུང་ཚུལ་ཁྲིམས་མིག་འབྲས་ལྟར་རྩིས་སྲུང་མཛད། ཏཱ་དབེན་གྱི་གཞོན་ནུ་སེང་གེ་བླ་མ་སོགས་བལ་བོད་ཀྱི་མཁས་གྲུབ་ཆེན་པོ་དུ་མའི་ཞབས་ལ་གཏུགས་ནས་མདོ་སྔགས་རིག་པའི་ཤེས་བྱ་ཟབ་ཅིང་རྒྱ་ཆེ་བ་གསན་སྦྱོང་མཛད་དེ་མཁས་པའི་སྙན་པ་ཐོབ། འགག་ཟའི་ཡུལ་དུ་ཆུ་མེད་པས་རྗེ་འདིས་རྫུ་འཕྲུལ་གྱི་སྟོབས་ཀྱིས་གདལ་སྣེ་གྲམ་པའི་ཆུ་ཀླུང་རི་ཐང་མང་པོའི་འོག་ནས་འགག་ཡུལ་དུ་དྲངས་པས་དེ་ནས་བཟུང་ཀོའུ་བ་རི་འཕུག་པར་གྲགས། མཚན་སྙན་གྲགས་ཆེ་བས་ཧོར་མོག་ཁག་གིས་བླ་དཔོན་གཉིས་ཀ་མཛད་རྒྱུའི་རེ་བ་ཞུས་པ་ཞལ་གྱིས་བཞེས། ཀོའུ་བ་དགོན་པ་ཕྱག་བཏབ། དེ་ནས་རྗེ་ཙོང་ཁ་པ་ཆེན་པོ་དགུང་ལོ་བདུན་ལ་ཕེབས་སྐབས་ཆོས་རྗེ་དོན་གྲུབ་རིན་ཆེན་གྱིས་མཁན་པོ་དང་ཀོའུ་བ་གཞོན་ནུ་བྱང་ཆུབ་འོད་ཟེར་གྱིས་སློབ་དཔོན་མཛད་དེ་རབ་ཏུ་བྱུང་། ཆོས་རྗེ་དོན་གྲུབ་རིན་ཆེན་གྱིས་བྱ་ཁྱུང་མཁན་རབས་དང་པོ་མཛད་དེ་སྐུ་འདས་རྗེས་ཀོའུ་བ་གཞོན་ནུ་བྱང་ཆུབ་འོད་ཟེར་གྱིས་གདན་ས་བསྐྱངས་པས་བྱ་ཁྱུང་དགོན་པའི་གདན་རབས་གཉིས་པ་ཡིན། མཐར་ལོ་བའི་བྲག་དཀར་ན་སྐུ་འཇའ་ལུས་ལ་གྲུབ་པར་གྲགས་སོ།
- language:
- Tibetan
2. Thupten Phuntsok Dictionary
རྗེ་འདི་ཉིད་རབ་བྱུང་ལྔ་པའི་སྨད་ཙམ (༡༣༠༠ཡས་མས) དུ་ཁྲི་ཀའི་ཨར་རྐོང་ཀོའུ་བ་ཚང་དུ་སྐུ་བལྟམས། ཆོས་རྗེ་དོན་གྲུབ་རིན་ཆེན་གྱིས་བྱ་ཁྱུང་མཁན་རབས་དང་པོ་མཛད་དེ་སྐུ་འདས་རྗེས་ཀོའུ་བ་གཞོན་ནུ་བྱང་ཆུབ་འོད་ཟེར་གྱིས་གདན་ས་བསྐྱངས་པས་བྱ་ཁྱུང་དགོན་པའི་གདན་རབས་གཉིས་པ་ཡིན། མཐར་ལོ་བའི་བྲག་དཀར་ན་སྐུ་འཇའ་ལུས་ལ་གྲུབ་པར་གྲགས་སོ། །
- language:
- Tibetan
3. gangs can mkhas grub rim byon ming mdzod
ཁོང་གི་འཁྲུངས་ལོ་དང་འདས་ལོའི་ལོ་ཚིགས་གསལ་བོ་ཞིག་མ་རྙེད་ཀྱང་། ཁོང་ནི་ཆོས་རྗེ་དོན་གྲུབ་རིན་ཆེན (1309-1385) དང་དུས་མཉམ་ཡིན་ཏེ་འཁྲུངས་ཡུལ་ད་ལྟའི་མཚོ་ལྷོའི་ཁྲི་ཀའི་ཨར་རྐོང་ཀོའུ་བ་ཚང་ནས་ཡིན། ཆུང་དུས་ནས་ཡི་གེའི་འབྲི་ཀློག་ལ་ཐོགས་པ་མེད། རབ་ཏུ་བྱུང་ནས་ཚུལ་ཁྲིམས་མིག་འབྲས་ལྟར་བསྲུངས་ཏེ་བལ་བོད་གཉིས་ཀྱི་མཁས་གྲུབ་མང་པོའི་ཞབས་པད་དུ་བསྟེན་ཞིང་མདོ་སྔགས་ཡོངས་ལ་གསན་སྦྱོང་མཛད། མཁས་དང་གྲུབ་པའི་སྙན་གྲགས་ཆེ་བས་ཧོར་མོག་ཁག་གིས་བླ་དཔོན་གཉིས་ཀར་མཛད་དགོས་པའི་རྒྱུ་མཚན་ཞུས་པས། ཀོའུ་བ་དཞོན་ནུ་བྱང་ཆུབ་འོད་ཟེར་ཁོང་གིས་ཞལ་བཞེས་གནང་སྟེ། ཀོའུ་བ་དགོན་པ་གསར་འདེབས་བྱས་ནས་གཞི་བཏིངས། རྗེ་བཙུན་བློ་བཟང་གྲགས་པ་དགུང་ལོ་བདུན་གྱི་སྟེང་། ཆོས་རྗེ་དོན་གྲུབ་རིན་ཆེན་པས་མཁན་པོ་དང་། ཀོའུ་བ་གཞོན་ནུ་བྱང་ཆུབ་འོད་ཟེར་གྱིས་སློབ་དཔོན་མཛད་དེ་རབ་ཏུ་བྱུང་བ་དང་དགེ་ཚུལ་གྱི་སྡོམ་པ་བཞེས་སོ། དེའི་རྗེས་ནས་ཆོས་རྗེ་དོན་གྲུབ་རིན་ཆེན་ཀོའུ་བ་དགོན་དུ་གདན་དྲངས་ཏེ། བཀའ་ཆོས་མང་དུ་གསུངས་ནས་ཆོས་ཀྱི་བདུད་རྩི་མྱངས། ཆོས་རྗེ་དོན་གྲུབ་རིན་ཆེན་བྱ་ཁྱུང་མཁན་རབས་ཀྱི་མཁན་རབས་དང་པོར་བརྩིས་པ་ལྟར་ན། ཀོའུ་བ་གཞོན་ནུ་བྱང་[66]ཆུབ་འོད་ཟེར་ནི་བྱ་ཁྱུང་གི་མཁན་རབས་གཉིས་པ་ཡིན། ཆོས་རྗེ་དོན་གྲུབ་རིན་ཆེན་འདས་རྗེས་བྱ་ཁྱུང་གི་གདན་ས་བསྐྱངས། ཀོའུ་བ་དགོན་པ་བཏབ་པའི་དུས་ནི་ཕལ་ཆེར་བྱ་ཁྱུང་དགོན་པ་དང་འདྲ་བ་ཡིན། ཀོའུ་བ་རིན་པོ་ཆེ་ནི་ལོ་བའི་བྲག་དཀར་ནས་སྐུ་འཇའ་ལུས་ལ་བརྙེས་ཞེས་གྲགས། དེའི་སྤྲུལ་སྐུ་ཕྱི་མ་རིམ་བྱོན་རྣམས་ཀྱིས་དགོན་པ་དང་། ཧོར་མོག་ཁག་གཉིས་ཀྱི་བླ་དཔོན་སྦྲགས་མ་བྱས་ནས་ཆོས་སྲིད་གཉིས་ཀ་ལེགས་པར་བསྐྱངས་སོ། །
- language:
- Tibetan