- bka' dge dgongs pa gcig sgrub
- ID:
- T223570
- བཀའ་དགེ་དགོངས་པ་གཅིག་སྒྲུབ (Tibetan, Tibetan script, Original)
- > bka' dge dgongs pa gcig sgrub (Tibetan, Latin script, Transliteration-THL Extended Wylie Transliteration)
- > ka gé gongpa chik drub (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
མཁས་གྲུབ་ནོར་བཟང་རྒྱ་མཚོས(༡༤༢༣ནས༡༥༡༣)མཛད་པའི《ཕྱག་རྒྱ་ཆེན་པོ་གསལ་བའི་སྒྲོན་མེ》ཞེས་པ་དེར་འགའ་ཞིག་གིས་ཁ་སྣོན་བརྒྱབ་སྟེ《བཀའ་དགེ་དགོངས་པ་གཅིག་ཏུ་སྒྲུབ་པའི་ཕྱག་རྒྱ་ཆེན་པོ་གསལ་བའི་སྒྲོན་མེ》ཞེས་བཀོད་པར་བརྟེན། མཁས་པ་མང་པོས་གོང་གསལ་ཕྱག་ཆེན་གྱི་འགྲེལ་པ་དེ་བཀའ་དགེ་དགོངས་པ་གཅིག་ཏུ་སྒྲུབ་པའི་གཞུང་ཞིག་ཡིན་པར་དགོངས་ནས་དགག་པ་མཛད་ཀྱང་གཞུང་གི་ནང་དེ་འདྲའི་ཚིག་ཟུར་ཙམ་ཡང་གསུངས་མེད་ཅིང་། མཁས་གྲུབ་ནོར་བཟང་རྒྱ་མཚོ་ཉིད་ཀྱི་དགོངས་པའི་གཏད་སོ་དེ་རང་ཡིན་པའི་དབང་དུ་བྱས་ན་ཐབས་མཁས་བླ་ན་མེད་པ་ཡིན་ཏེ། དེ་དང་འདྲ་བའི་དགོངས་ཚུལ་གསུངས་པ་ཡང་པཎ་ཆེན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་གྱིས《དགེ་ལྡན་བཀའ་བརྒྱུད་རིན་པོ་ཆེའི་བཀའ་སྲོལ་ཕྱག་རྒྱ་ཆེན་པོའི་རྩ་བ་རྒྱལ་བའི་གཞུང་ལམ》ལས། ལྷན་ཅིག་སྐྱེས་སྦྱོར་གའུ་མ། ལྔ་ལྡན་རོ་སྙོམས་ཡི་གེ་བཞི། ཞི་བྱེད་གཅོད་ཡུལ་རྫོགས་ཆེན་དང་། དབུ་མའི་ལྟ་ཁྲིད་ལ་སོགས་པ། སོ་སོར་མིང་འདོགས་མང་ན་ཡང་། ངེས་དོན་ལུང་རིགས་ལ་མཁས་ཤིང་། ཉམས་མྱོང་ཅན་གྱི་རྣལ་འབྱོར་པས། དཔྱད་ན་དགོངས་པ་གཅིག་ཏུ་འབབ། ཅེས་རྗེ་སྒམ་པོ་བ་ནས་བརྒྱུད་པའི་ཕྱག་རྒྱ་ཆེན་པོ་ལྷན་ཅིག་སྐྱེས་སྦྱོར་དང་། མཁས་གྲུབ་ཁྱུང་པོ་རྣལ་འབྱོར་ནས་བརྒྱུད་པའི་ཕྱག་ཆེནགའུ་མ། འབྲི་གུང་སྐྱོབ་པ་རིན་པོ་ཆེ་ནས་བརྒྱུད་པའི་ཕྱག་ཆེན་ལྔ་ལྡན། འགྲོ་མགོན་གཙང་པ་རྒྱ་རས་ནས་བརྒྱུད་པའི་རོ་སྙོམས་སྒོར་དྲུག་ཕྱག་ཆེན་ཡི་གེ་བཞི་པ། ཕ་དམ་པ་སངས་རྒྱས་ནས་བརྒྱུད་པའི་ཞི་བྱེད། མ་གཅིག་ལབ་སྒྲོན་ནས་བརྒྱུད་པའི་གཅོད་ཡུལ། སློབ་དཔོན་ཆེན་པོ་པདྨ་འབྱུང་གནས་ནས་བརྒྱུད་པའི་རྫོགས་ཆེན། རྗེ་ཙོང་ཁ་པ་ཆེན་པོ་ནས་བརྒྱུད་པའི་དབུ་མའི་ལྟ་ཁྲིད་བཅས་མིང་འདོགས་ཚུལ་མི་འདྲ་བ་ཙམ་ལས། དྲང་དོན་དང་ངེས་དོན་གྱི་དགོངས་པ་ཇི་བཞིན་འབྱེད་པའི་ལུང་རིགས་ལ་མཁས་ཤིང་། གདམས་ངག་སོ་སོའི་ཉམས་མྱོང་ངེས་ཅན་ཡོད་པའི་རྣལ་འབྱོར་པ་རྣམས་ཀྱིས་ཞིབ་ཏུ་བརྟགས་ཤིང་དཔྱད་ན། མཐར་ཐུག་གི་དགོངས་པའི་གཏད་སོ་འགལ་བ་མེད་པར་གཅིག་ཏུ་འབབ་སྟེ། ཞེས་གསུངས་ཡོད་པ་ལྟར་ཡིན་ཅིང་། འདི་སྐོར་ལས་འཕྲོས་པའི་དོགས་གཅོད་མང་པོ་ཞིག་ཀེའུ་ཚང་བློ་བཟང་འཇམ་དབྱངས་སྨོན་ལམ་གྱིས་མཛད་པའི《དགའ་ལྡན་སྙན་བརྒྱུད་ཀྱི་བཀའ་སྲོལ་ཕྱག་རྒྱ་ཆེན་པོའི་ཟིན་བྲིས་རྣམ་གྲོལ་ཀུན་ཏུ་དགེ་བའི་ལམ་བཟང》གྲངས༧༢དམ་པ་དེའི་གསུང་འབུམ་པོད[ཁ]པའི་ནང་ཡོད་པ་དེར་གཟིགས།
- language:
- Tibetan
2. Thupten Phuntsok Dictionary
མཁས་གྲུབ་ནོར་བཟང་རྒྱ་མཚོས (༡༤༢༣ནས༡༥༡༣) མཛད་པའིཕྱག་རྒྱ་ཆེན་པོ་གསལ་བའི་སྒྲོན་མེ》 ཞེས་པ་དེར་འགའ་ཞིག་གིས་ཁ་ཟེར་བརྒྱབ་སྟེབཀའ་དགེ་དགོངས་པ་གཅིག་ཏུ་སྒྲུབ་པའི་ཕྱག་རྒྱ་ཆེན་པོ་གསལ་བའི་སྒྲོན་མེ》བཀོད་པར་བརྟེན། མཁས་པ་མང་པོས་གོང་གསལ་ཕྱག་ཆེན་གྱི་འགྲེལ་པ་དེ་བཀའ་དགེ་དགོངས་པ་གཅིག་ཏུ་སྒྲུབ་པའི་གཞུང་ཞིག་ཡིན་པར་དགོངས་ནས་དགག་པ་མཛད་ཀྱང་གཞུང་གི་ནང་དེ་འདྲའི་ཚིག་ཟུར་ཙམ་ཡང་གསུངས་མེད་ཅིང་། མཁས་གྲུབ་ནོར་བཟང་རྒྱ་མཚོ་ཉིད་ཀྱི་དགོངས་པའི་གཏད་སོ་དེ་རང་ཡིན་པའི་དབང་དུ་བྱས་ན་ཐབས་མཁས་བླ་ན་མེད་པ་ཡིན་ནོ། །
- language:
- Tibetan