- bka' gdams bu chos
- ID:
- T223611
- བཀའ་གདམས་བུ་ཆོས (Tibetan, Tibetan script, Original)
- > bka' gdams bu chos (Tibetan, Latin script, Transliteration-THL Extended Wylie Transliteration)
- > kadam buchö (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
《བཀའ་གདམས་གླེགས་བམ》པོད་གཉིས་ཡོད་པའི་ནང་གསེས་པོད་གཉིས་པ་ཡིན། དེ་ནི་ཇོ་བོ་རྗེའི་སློབ་མ་རྔོག་ལེགས་པའི་ཤེས་རབ་དང་ཁུ་སྟོན་བརྩོན་འགྲུས་གཡུང་དྲུང་གཉིས་ཀྱིས་དྲི་བ་ཞུས་པའི་ལན་ཇོ་བོ་རྗེ་ཨ་ཏི་ཤས་གསུངས་པ་ཡིན་ཅིང་། རྔོག་དང་ཁུ་གཉིས་ནི་སློབ་བརྒྱུད་འཛིན་པའི་བུ་དང་འདྲ་བས་ན་བུ་ཆོས་ཞེས་ཞུ་བ་པོའི་ངོས་ནས་མཚན་དེ་ལྟར་འབོད་པ་བཀའ་གདམས་པའི་གསུང་རྒྱུན་དུ་ཡོད། འདི་ལ་ལེའུ་ཉི་ཤུ་རྩ་གསུམ་ཡོད་པ་གཤམ་གསལ། ༡རྒྱལ་བུ་གསལ་བའི་ལེའུ། ༢རྒྱལ་བུ་ཆགས་པ་མེད་པའི་ལེའུ། ༣རྒྱལ་བུ་ཀུན་ཏུ་དགའི་ལེའུ། ༤རྒྱལ་བུ་ལྷ་སྐྱེས་ཀྱི་ལེའུ། ༥རྒྱལ་བུ་དཀོན་མཆོག་འབངས་ཀྱི་ལེའུ། ༦རྒྱལ་བུ་དད་པ་བརྟན་པའི་ལེའུ། ༧རྒྱལ་པོ་རབ་བརྟན་གྱི་ལེའུ། ༨རྒྱལ་བུ་བློ་གྲོས་འཕེལ་གྱི་ལེའུ། ༩ཁྱེའུ་དགའ་འཛིན་གྱི་ལེའུ། ༡༠དགེ་བསྙེན་བཙུན་པའི་ལེའུ། ༡༡ཁྱེའུ་ནོར་བུ་བཟང་པོའི་ལེའུ། ༡༢ཁྱེའུ་ཟླ་བའི་ལེའུ། ༡༣ཁྱེའུ་རིན་ཆེན་སྙིང་པོའི་ལེའུ། ༡༤ཁྱེའུ་པདྨའི་ལེའུ། ༡༥ཁྱེའུ་འོད་ཟེར་གྱི་ལེའུ། ༡༦ཁྱེའུ་བྱམས་པའི་ལེའུ། ༡༧རྒྱལ་བུ་སེང་གེ་སྒྲའི་ལེའུ། ༡༨རྒྱལ་བུ་བདེ་མཆོག་གི་ལེའུ། ༡༩ལྷ་ཡི་རྒྱལ་པོའི་ལེའུ། ༢༠ཁྱེའུ་དགེ་འདུན་འཕེལ་གྱི་ལེའུ། ༢༡བཀའ་རྒྱ། ༢༢ཁུ་ཆོས་སྲོ་ལོང་ཀུན་ཏུ་རྒྱུ། ༢༣རྒྱལ་པོ་སྐྱབས་སྦྱིན་གྱི་ལེའུ། མཇུག་བསྡུས་ལུང་བསྟན་བཅས་ཡོད།
- language:
- Tibetan
2. Thupten Phuntsok Dictionary
བཀའ་གདམས་གླེགས་བམ་པོད་གཉིས་ཡོད་པའི་ནང་གསེས་པོད་གཉིས་པ་ཡིན། དེ་ནི་ཇོ་བོ་རྗེའི་སློབ་མ་རྔོག་ལེགས་པའི་ཤེས་རབ་དང་ཁུ་སྟོན་བརྩོན་འགྲུས་གཡུང་དྲུང་གཉིས་ཀྱིས་དྲི་བ་ཞུས་པའི་ལན་ཇོ་བོ་རྗེ་ཨ་ཏི་ཤས་གསུངས་པ་ཡིན་ཅིང་། རྔོག་དང་ཁུ་གཉིས་ནི་སློབ་བརྒྱུད་འཛིན་པའི་བུ་དང་འདྲ་བས་ན་བུ་ཆོས་ཞེས་ཞུ་བ་པོའི་ངོས་ནས་མཚན་དེ་ལྟར་འབོད་པ་བཀའ་གདམས་པའི་གསུང་རྒྱུན་དུ་ཡོད།
- language:
- Tibetan