- skabs bco lnga
- ID:
- T224008
- སྐབས་བཅོ་ལྔ (Tibetan, Tibetan script, Original)
- > skabs bco lnga (Tibetan, Latin script, Transliteration-THL Extended Wylie Transliteration)
- > kab cho nga (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
གསོ་བ་རིག་པའི་དོན་ཐམས་ཅད་སྐབས་བཅོ་ལྔར་འདུས་པའི་ཚུལ་དུ་བཤད་པའི་མན་ངག་རྒྱུད་ཀྱི་བརྗོད་བྱ་ཉེས་པ་གསུམ་གསོ་བའི་སྐབས་སོགས་བཅོ་ལྔའི་བསྡུས་མིང་སྟེ། ཟུར་མཁར་བློ་གྲོས་རྒྱལ་པོས་མཛད་པའི་རྩ་རྒྱུད་ཀྱི་འགྲེལ་པ་མེས་པོའི་ཞལ་ལུང་ལས། དང་པོ་རླུང་སོགས་ཉེས་པ་གསུམ་གསོ་བའི་སྐབས་དང་། གཉིས་པ་མ་ཞུ་བ་སོགས་ཁོང་ནད་གསོ་བའི་སྐབས་དང་། གསུམ་པ་ཚ་བ་སྤྱི་སོགས་ཚད་པའི་ནད་གསོ་བའི་སྐབས་དང་། བཞི་པ་མགོ་བོ་སོགས་ལུས་སྟོད་ཀྱི་ནད་གསོ་བའི་སྐབས་དང་། ལྔ་པ་སྙིང་སོགས་དོན་སྣོད་ཀྱི་ནད་གསོ་བའི་སྐབས་དང་། དྲུག་པ་ཕོ་མོའི་གསང་གནས་ཀྱི་ནད་གསོ་བའི་སྐབས་དང་། བདུན་པ་སྐད་འགགས་སོགས་ཐོར་བུའི་ནད་གསོ་བའི་སྐབས་དང་། བརྒྱད་པ་འབྲས་སོགས་ལྷན་སྐྱེས་ཀྱི་རྨ་གསོ་བའི་སྐབས་དང་། དགུ་པ་ཉེར་སྤྱོད་སོགས་བྱིས་པ་གསོ་བའི་སྐབས་དང་། བཅུ་པ་སྤྱི་དང་བྱེ་བྲག་སོགས་མོ་ནད་གསོ་བའི་སྐབས་དང་། བཅུ་གཅིག་པ་འབྱུང་པོ་སྨྱོ་བྱེད་སོགས་གདོན་ནད་གསོ་བའི་སྐབས་དང་། བཅུ་གཉིས་པ་རྨ་སྤྱི་སོགས་མཚོན་གྱིས་གནད་པའི་རྨ་གསོ་བའི་སྐབས་དང་། བཅུ་གསུམ་པ་སྦྱར་བ་སོགས་དུག་ནད་གསོ་བའི་སྐབས་དང་། བཅུ་བཞི་པ་བཅུད་ལེན་གྱིས་རྒས་པ་གསོ་བའི་སྐབས་དང་། བཅོ་ལྔ་པ་རོ་ཙ་བའི་སྦྱོར་བས་ཁུ་བ་གསོ་བའི་སྐབས་ཏེ། དེ་ལྟར་སྐབས་བཅོ་ལྔ་ཡོད་པར་ཤེས་པར་བྱའོ། །
- language:
- Tibetan