- bskyed rim sgom pa'i gnas skabs bzhi
- ID:
- T224662
- བསྐྱེད་རིམ་སྒོམ་པའི་གནས་སྐབས་བཞི (Tibetan, Tibetan script, Original)
- > bskyed rim sgom pa'i gnas skabs bzhi (Tibetan, Latin script, Transliteration-THL Extended Wylie Transliteration)
- > kyerim gompé nekap zhi (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
༡ལས་དང་པོ་བ། ༢་ཡེ་ཤེས་ཅུང་ཟད་བབས་པ། ༣ཡེ་ཤེས་ལ་ཅུང་ཟད་དབང་བ། ༤ཡེ་ཤེས་ལ་ཡང་དག་པར་དབང་ཐོབ་པ་བཅས་ཡིན། དེ་ཡང་དང་པོ་གསུམ་ནི་བསྐྱེད་རིམ་ལ་གནས་པའི་སྒྲུབ་པ་པོའི་དབང་དུ་བྱས་པ་དང་། དེ་ལ་བསྐྱེད་རིམ་དང་རྫོགས་རིམ་གཉིས་ཀའི་སྒྲུབ་པ་པོ་ཡོད། བསྐྱེད་རིམ་ལ་མཚོན་ན། ༡་ལས་དང་པོ་བ་ནི། ཐོག་མར་བསྐྱེད་རིམ་སྒོམ་པ་ནས་བཟུང་ཕྲ་བ་སྐྱེ་མཆེད་ཀྱི་ལྷ་སོགས་ལྟ་ཅི། རགས་པ་རྟེན་དང་བརྟེན་པའི་དཀྱིལ་འཁོར་ཙམ་ལ་ཡང་གསལ་སྣང་ཐོན་མ་ཐུབ་པའི་བར་ཡིན། ༢་ཡེ་ཤེས་ཅུང་ཟད་བབས་པ་ནི། རགས་པའི་རྟེན་དང་བརྟེན་པའི་དཀྱིལ་འཁོར་ཙམ་ལ་གསལ་སྣང་ཐོན་པ་ནས། རགས་པའི་རྟེན་དང་བརྟེན་པ་སྐད་ཅིག་གིས་གསལ་བར་སྣང་ཞིང་། ཕྲ་བ་སྐྱེ་མཆེད་ཀྱི་ལྷ་རྣམས་སྐད་ཅིག་གིས་གསལ་བར་སྣང་མི་ཐུཔ་པར་རིམ་གྱིས་གསལ་འདེབས་དགོས་པའི་བར་ཡིན། ༣་ཡེ་ཤེས་ལ་ཅུང་ཟད་དབང་བ་ནི། རགས་པའི་ལྷ་ཚོགས་ལྟ་ཞོགཕྲ་བ་སྐྱེ་མཆེད་ཀྱི་ལྷ་སོགས་ཀྱང་སྐད་ཅིག་གིས་གསལ་བར་སྣང་ནུས་པ་དེ་ཡིན། ༤ཡེ་ཤེས་ལ་ཡང་དག་པར་དབང་ཐོབ་པ་ནི། བསྐྱེད་རིམ་གྱི་ཆ་ནས་བཤད་ན་བསམ་གཏན་ཙམ་གྱིས་ལས་ཚོགས་རྣམས་འགྲུབ་ཐུབ་པ་དེ་ཡིན། ཞིབ་པར་བླ་མེད་རྒྱུད་ཀྱི་བསྐྱེད་རིམ་གྱི་ཁྲིད་ཡིག་རྒྱས་པ་རྣམས་ལ་གཟིགས་ན་གསལ།
- language:
- Tibetan
2. Thupten Phuntsok Dictionary
༡ ལས་དང་པོ་བ། ༢ ཡེ་ཤེས་ཅུང་ཟད་བབས་པ། ༣ ཡེ་ཤེས་ཅུང་ཟད་དབང་བ། ༤ ཡེ་ཤེས་ལ་ཡང་དག་པར་དབང་ཐོབ་པ་བཅས་ཡིན་ནོ། །
- language:
- Tibetan