- khon klu'i dbang po
- ID:
- T225203
- ཁོན་ཀླུའི་དབང་པོ (Tibetan, Tibetan script, Original)
- > khon klu'i dbang po (Tibetan, Latin script, Transliteration-THL Extended Wylie Transliteration)
- > khön lü wangpo (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
དེ་སྔོན་བཙན་པོ་ཁྲི་སྲོང་ལྡེ་བཙན་སྐབས་ཀྱི་ལོ་ཙཱ་བ་ཆེན་པོའི་གྲས་ཡིན། ཡབ་དཀོན་པ་རྗེ་གུང་སྟག་གམ་མཚན་གཞན་འཁོན་དཔལ་པོ་ཆེ་དང༌། ཡུམ་རླངས་ཁམས་པ་གོ་ཆའི་གཅེན་མོ་རླངས་བཟའ་ནེ་ཆུང་གཉིས་ཀྱི་སྲས་གཉིས་ཡོད་པའི་ཆེ་བ་ཡིན། <<ས་སྐྱའི་གདུང་རབས>>ཁག་སོགས་བོད་ཀྱི་ལོ་རྒྱུས་མང་པོའི་ནང་འཁོན་ལོ་ཙཱ་བ་ཀླུའི་དབང་པོ་སྲུང་འདི་སད་མི་བདུན་གྱི་གྲས་སུ་འདྲེན་པ་གནང་ཡོད། འོན་ཀྱང་སད་མི་དྲུག་ཏུ་ཁས་ལེན་སྐབས་འཁོན་ལོ་ཙཱ་བ་འདི་འདྲེན་སྲོལ་མི་འདུགལོ་ཙཱ་བ་འདིས་བཙན་པོ་ཁྲི་སྲོང་ལྡེ་བཙན་གྱི་ནང་བློན་མཛད་ཅིང༌། རྗེས་སུ་མཁན་ཆེན་ཞི་བ་འཚོའི་དྲུང་དུ་རབ་བྱུང་བསྙེན་རྫོགས་ཀྱི་སྡོམ་པ་བཞེས་ཤིང༌། མཁན་ཆེན་དང་རླངས་ཁམས་པ་གོ་ཆ་གཉིས་ཀྱི་དྲུང་ནས་ཆོས་མང་དུ་གསན། ལོ་ཙཱ་ཡང་མཁས་པར་མཁྱེན་པས་ལོ་ཙཱ་བ་རབ་དགུའི་ནང་གསེས་བར་པ་གསུམ་གྱི་གྲས་སུ་ཡང་འདྲེན། སྐུ་ཚེའི་སྨད་དུ་བྲག་ཡེར་པར་སྒོམ་སྒྲུབ་མཛད་ནས་གྲུབ་པ་ཐོབ་སྟེ་དྲིལ་བུ་ནམ་མཁར་བཞག་པས་ཁོང་བཞུགས་སའི་ཕུག་པ་དེར་དྲིལ་བུ་ཕུག་ཅེས་མིང་ཐོགས་པ་ཡིན་ཞེས<<བྲག་ཡེར་པའི་དཀར་ཆག>>ནང་གསལ།
- language:
- Tibetan
2. Thupten Phuntsok Dictionary
དེ་སྔོན་བཙན་པོ་ཁྲི་སྲོང་ལྡེ་བཙན་སྐབས་ཀྱི་ལོ་ཙཱ་བ་ཆེན་པོའི་གྲས་ཡིན། ཡབ་དཀོན་པ་རྗེ་གུང་སྟག་གམ་མཚན་གཞན་འཁོན་དཔལ་པོ་ཆེ་དང་། ཡུམ་རླངས་ཁམས་པ་གོ་ཆའི་གཅེན་མོ་རླངས་བཟའ་ནེ་ཆུང་གཉིས་ཀྱི་སྲས་གཉིས་ཡོད་པའི་ཆེ་བ་ཡིན། ས་སྐྱའི་གདུང་རབས་ཁག་སོགས་བོད་ཀྱི་ལོ་རྒྱུས་མང་པོའི་ནང་འཁོན་ལོ་ཙཱ་བ་ཀླུའི་དབང་པོ་སྲུང་འདི་སད་མི་བདུན་གྱི་གྲས་སུ་འདྲེན་པ་གནང་ཡོད།
- language:
- Tibetan