- khri chen bkra shis stong 'dus
- ID:
- T225470
- ཁྲི་ཆེན་བཀྲ་ཤིས་སྟོང་འདུས (Tibetan, Tibetan script, Original)
- > khri chen bkra shis stong 'dus (Tibetan, Latin script, Transliteration-THL Extended Wylie Transliteration)
- > tri chen tashi tong dü (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
(དགའ་ལྡན་ཁྲི་ཐོག་གོ་ལྔ་པ)མདོ་ཁམས་མི་ཉག་གི་ཡུལ་ལྷུན་པོ་ཚང་དུ་སྐུ་འཁྲུངས། འབྲས་སྤུངས་བློ་གསལ་གླིང་མི་ཉག་ཁང་ཚན་དུ་ཆོས་ཞུགས་མཛད། གཞུང་ཆེན་པོ་ལྔའི་སློབ་གཉེར་འགྲན་ཟླ་བྲལ་བ་མཛད་དེ་དགེ་བཤེས་ལྷ་རམས་པ་ཨང་དང་པོའི་གཉིས་པ་ཐོབ། རྒྱུད་སྟོད་དུ་སྒྲིགས་ཞུགས་མཛད་ནས་གསང་སྔགས་ཀྱི་སློབ་གཉེར་དང་ཆབས་ཅིག་དམ་པ་མང་པོའི་དྲུང་ནས་མདོ་སྔགས་ཀྱི་ཆོས་རྒྱུན་རྒྱ་ཆེར་གསན། རིམ་བཞིན་བླ་མ་དབུ་མཛད་དང༌། མཁན་པོ། ཤར་པ་ཆོས་རྗེ་བཅས་ཀྱི་ཁྲི་ལ་ཕེབས། རབ་བྱུང་བཅུ་དྲུག་པའི་མེ་ཕག(༡༩༤༧)ལོར་དགའ་ལྡན་གྱི་ཁྲིར་ཕེབས་ནས་ཁྲི་ལོ་བདུན་མཐར་ཕྱིན་པ་བསྐྱངས། ཁྲི་ཆེན་འདི་ཉིད་རྒྱུན་དུ་ཐུགས་དམ་ཉམས་བཞེས་གཙོར་འདོན་གནང་བར་བརྟེན་གྲུབ་པའི་ཉམས་རྟོགས་མཐོན་པོར་ཕེབས་པ་ཞིག་ཡིན་ཚུལ་གོ་ཐོས་བྱུང་བ་མ་ཟད། རབ་བྱུང་བཅུ་དྲུག་པའི་ས་གླང(༡༩༤༩)ལོའི་སྟོན་ཁ་སྤོམ་མདའ་ཚང་དུ་གཡང་སྒྲུབ་ཞིག་ལ་རྒྱུད་པའི་ལས་སྣེས་བཀོད་སྒྲིག་གནང་བ་ལྟར་སོང་སྐབས་ཁྲི་ཆེན་འདི་ཉིད་རྡོ་རྗེ་སློབ་དཔོན་དུ་ཕེབས་པ་དང་སྟབས་འཁེལ་ནས་ཐོག་མར་མཇལ། ཉིན་གུང་གི་ངལ་གསོའི་སྐབས་ཆོག་གྲྭ་བ་རྣམས་རྒྱུད་པའི་ཚོགས་ལ་ཕེབས་ཤུལ་དུས་ཡུན་ཆུ་ཚོད་གཉིས་ལྷག་ཙམ་ཡོད་སྟབས་དེའི་རིང་ཁོ་བོས་སྐུ་མདུན་དུ་མཇལ་ཁ་ཞུས་ཏེ་མདོ་སྔགས་ཀྱི་བཀའ་གནད་འགའ་ཞིག་ལ་དྲི་བ་ཞུས་པར་ཐུགས་དགྱེས་ཚོར་ཆེན་པོའི་སྒོ་ནས་བློ་དོགས་ཆོད་ངེས་ཀྱི་བཀའ་ལེན་གནད་ལ་འཁེལ་བ་ཕེབས་པར་དད་གུས་ཚད་མེད་སྐྱེས་ཤིང༌། རྒྱུན་དུ་སྐབས་རེ་ལྷ་སའི་གླིང་སྐོར་ལ་ཕེབས་པའི་གོ་སྐབས་དང་བསྟུན་ནས་ཁོ་བོའི་སྡོད་ཤག་ཏུ་ཕེབས་ཏེ་ཐུགས་མཁོའི་ཕྱག་དཔེ་ཁག་གཟིགས་བཞིན་དུ་ཉིན་གང་ལྷོད་བཞུགས་གནང་གི་ཡོད་པ་དེ་ནི་ཁོ་བོས་བཀའ་འདྲི་བཀའ་སློབ་ཞུ་བའི་གོ་སྐབས་ཡག་ཤོས་ཤིག་ཡིན། དམ་པ་དེ་ནི་བཀའ་གདམས་པའི་རྣམ་ཐར་ལྟར་སྦས་པའི་རྣལ་འབྱོར་གྱི་སྒོ་ནས་ཕྱི་ཚུལ་དུ་ཡང་ཡང་མི་མཁྱེན་པའི་ཚུལ་ལྟ་བུར་བཞུགས་པ་མ་གཏོགས། མདོ་སྔགས་གང་གི་ཐད་ནས་བཀའ་འདྲི་ཞུས་ཀྱང་ཉམས་མྱོང་དངོས་ཀྱི་ཐོག་ནས་བཀའ་འདྲི་ཞུ་བ་པོའི་དོགས་པ་དང་ཐེ་ཚོམ་གང་ཡོད་ཐད་ལ་གནད་ལ་སྨིན་པའི་བཀའ་ལན་ཐོགས་པ་མེད་པར་གནང་མཁན་ཞིག་ཡིན། དགའ་ལྡན་ཁྲི་པའི་ལོ་དུས་གཙང་ནས་ཚེ་ཆོག་གླིང་དུ་ལོ་ངོ་བཞིའི་རིང་ཐུགས་དམ་ཉམས་བཞེས་གོང་འཕེལ་དུ་བཞུགས་མུར་ངོ་མཚར་བརྗོད་ལས་འདས་པའི་རྟགས་མཚན་དངོས་སུ་བསྟན་བཞིན་པའི་ངང་སྐུ་གཤེགས། ཁྲི་ཆེན་དམ་པ་འདིའི་རྣམ་ཐར་ཟུར་དུ་མི་སྣང་བས། རང་ཉིད་ཀྱིས་དངོས་སུ་མཐོང་ཐོས་གང་བྱུང་བ་རྣམས་མོས་གུས་འཕེལ་བའི་རྟེན་དུ་བྲིས་པ་ལགས།
- language:
- Tibetan
2. Thupten Phuntsok Dictionary
(དགའ་ལྡན་ཁྲི་ཐོག་གོ་ལྔ་པ) མདོ་ཁམས་མི་ཉག་གི་ཡུལ་ལྷུན་པོ་ཚང་དུ་སྐུ་འཁྲུངས། རབ་བྱུང་བཅུ་དྲུག་པའི་མེ་ཕག (༡༩༤༧) ལོར་དགའ་ལྡན་གྱི་ཁྲིར་ཕེབས་ནས་ཁྲི་ལོ་བདུན་མཐར་ཕྱིན་པ་བསྐྱངས། དགའ་ལྡན་ཁྲི་པའི་ལོ་དུས་གཙང་ནས་ཚེ་ཆོག་གླིང་དུ་ལོ་ངོ་བཞིའི་རིང་ཐུགས་དམ་ཉམས་བཞེས་གོང་འཕེལ་དུ་བཞུགས་མུར་ངོ་མཚར་བརྗོད་ལས་འདས་པའི་རྟགས་མཚན་དངོས་སུ་བསྟན་བཞིན་པའི་ངང་སྐུ་གཤེགས།
- language:
- Tibetan