- gong gsum bde chen pa
- ID:
- T226620
- གོང་གསུམ་བདེ་ཆེན་པ (Tibetan, Tibetan script, Original)
- > gong gsum bde chen pa (Tibetan, Latin script, Transliteration-THL Extended Wylie Transliteration)
- > gong sum dechen pa (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
སྤྱིར་མདོ་སྔགས་རིག་གནས་ཀུན་དང༌། ལྷག་པར་དུས་འཁོར་ལ་ཤིན་ཏུ་མཁས་པའི་བླ་ཆེན་ཞིག་ཡིན་ཅིང་མྱང་སྟོད་པ་སྣམ་ནོར་བུ་ཁྱུང་རྩེའི་རི་ལྡེབས་སུ་ཆགས་པའི་དགོན་པ་གོང་གསུམ་བདེ་ཆེན་དུ་རྒྱུན་བཞུགས་གནང་བས་གོང་གསུམ་བདེ་ཆེན་པ་ཞེས་མཚན་ཆགས་ཤིང༌། མཚན་དངོས་ཆོས་ཀྱི་དཔལ་བ་ཞེས་ཞུའཁྲུངས་ཡུལ་མྱང་སྟོད་སྐྱལ་ཆ་དཀར་དུ་ཡབ་ཇོ་བཙུན་ཆོས་བཟང་དང༌། ཡུམ་མ་གཅིག་དགེ་བསྙེན་མ་བརྩོན་འགྲུས་དཔལ་གཉིས་ཀྱི་སྲས་སུ་རབ་བྱུང་ལྔ་པའི་མེ་འབྲུག(༡༣༡༦)ལོར་འཁྲུངས། དགུང་ལོ་ཆུང་ངུའི་དུས་ནས་ཐུགས་རིག་གི་རྩལ་ཕུལ་དུ་བྱུང་བས་ཡི་གེ་འབྲི་ཀློག་སོགས་གང་བསླབས་པ་ཐམས་ཅད་ཐེངས་རེས་མཁྱེན་ཐུབ། དགུང་ལོ་བཅུ་པ་ཤིང་གླང(༡༣༢༥)ལོར་མཁན་པོ་གཞོན་ནུ་བརྩོན་འགྲུས་དང༌། ལས་ཀྱི་སློབ་དཔོན་བྱང་ཆུབ་བཟང་པོ་གཉིས་ཀྱི་དྲུང་ནས་རབ་བྱུང་དང་དགེ་ཚུལ་གྱི་སྡོམ་པ་བཞེས། དགུང་ལོ་ཉི་ཤུ་པ་རབ་བྱུང་དྲུག་པའི་ཤིང་ཕག(༡༣༣༥)ལོར་ཞ་ལུའི་ཆོས་སྡེ་ཆེན་པོར་སློབ་གཉེར་ལ་ཕེབས་ནས། ཀུན་མཁྱེན་བུ་སྟོན་རིན་པོ་ཆེ་དང་མཁས་པ་སྐྱབས་མཆོག་དཔལ་གཉིས་ཀྱི་དྲུང་ནས<<ཚད་མ་རྣམ་ངེས>>དང་རྣམ་འགྲེལ>>བཅས་གསན། ཞ་ལུ་རི་ཕུག་ཏུ་ཕེབས་ཏེ་བུ་སྟོན་རིན་པོ་ཆེའི་དྲུང་ནས་དུས་འཁོར་གྱི་དབང་དང་ཁྲིད། བཤད་པ། མན་ངག་གི་གནད་སོགས་ཡོངས་སུ་རྫོགས་པ་གསན་ནས་དུས་འཁོར་ལ་མཁས་པའི་ཕུལ་དུ་ཕྱིན་པར་གྱུར། དགུང་ལོ་ཉི་ཤུ་ལྷག་བཞེས་པའི་སྐབས་ཆོས་རྗེ་འཇམ་དབྱངས་རིན་ཆེན་གྱི་དྲུང་ནས་བསྙེན་རྫོགས་ཀྱི་སྡོམ་པ་བཞེས། དེ་ནས་དབེན་གནས་གོང་གསུམ་བདེ་ཆེན་དུ་བཞུགས་ཏེ<<དུས་འཁོར་གྱི་རྒྱུད་འགྲེལ>>དང༌། བཤད་པ། ས་རིས། དབང་བཀའ། ལག་ལེན་གྱི་ཁྲིད་སོགས་ཡང་ཡང་གནང་བས། སློབ་མ་དུས་འཁོར་ལ་མཁས་པ་མང་དུ་བྱོན། རྗེ་ཙོང་ཁ་པ་ཆེན་པོས་ཀྱང་དགུང་ལོ་སོ་བཞི་པ་རབ་བྱུང་བདུན་པའི་ལྕགས་རྟ་(༡༣༩༠)ལོ་ནས་བཟུང་དམ་པ་འདི་ཉིད་སྐུ་མ་གཤེགས་བར་ལོ་ངོ་བརྒྱད་ཀྱི་རིང་དུས་འཁོར་གི་དབང་ཁྲིད། བཤད་པ་ལག་ལེན་བཅས་ཡོངས་སུ་རྫོགས་པ་དང༌། རྡོ་རྗེ་ཕྲེང་བའི་དབང་སོགས་གསང་སྔགས་ཀྱི་ཆོས་སྐོར་མཐའ་ཡས་པ་གསན་པ་ཡིན། དགུང་ལོ་དོན་བཞི་པ་རབ་བྱུང་བདུན་པའི་མེ་གླང(༡༣༩༧)ལོར་གོང་གསུམ་བདེ་ཆེན་རང་དུ་སྐུ་མྱ་ངན་ལས་འདས། སྐུ་གདུང་མཆོད་རྟེན་གདན་ས་དེར་བཞུགས་ཡོད། རྣམ་ཐར་ལོ་རྒྱུས་མདོར་བསྡུས་ཤིག་ཞ་ལུ་མཁན་ཆེན་བློ་གསལ་བསྟན་སྐྱོང་གིས་མཛད་པའི<<ཞྭ་ལུའི་ཆོས་འབྱུང་དད་པའི་འབབ་སྟེགས>>དཔར་མའི་ཤོག་གྲངས༤༢ནས༤༢བར་གསལ།
- language:
- Tibetan
2. Thupten Phuntsok Dictionary
སྤྱིར་མདོ་སྔགས་རིག་གནས་ཀུན་དང་། ལྷག་པར་དུས་འཁོར་ལ་ཤིན་ཏུ་མཁས་པའི་བླ་ཆེན་ཞིག་ཡིན་ཅིང་མྱང་སྟོད་པ་སྣམ་ནོར་བུ་ཁྱུང་རྩེའི་རི་ལྡེབས་སུ་ཆགས་པའི་དགོན་པ་གོང་གསུམ་བདེ་ཆེན་པ་ཞེས་མཚན་ཆགས་ཤིང་། མཚན་དངོས་ཆོས་ཀྱི་དཔལ་བ་ཞེས་ཞུ། འཁྲུངས་ཡུལ་མྱང་སྟོད་སྐྱལ་ཆ་དཀར་དུ་ཡབ་ཇོ་བཙུན་ཆོས་བཟང་དང་། ཡུམ་མ་གཅིག་དགེ་བསྙེན་མ་བརྩོན་འགྲུས་དཔལ་གཉིས་ཀྱི་སྲས་སུ་རབ་བྱུང་ལྔ་པའི་མེ་འབྲུག (༡༣༡༦) ལོར་འཁྲུངས། དགུང་ལོ་ཆུང་ངུའི་དུས་ནས་ཐུགས་རིག་གི་རྩལ་ཕུལ་དུ་བྱུང་བས་ཡི་གེ་འབྲི་ཀློག་སོགས་གང་བསླབས་པ་ཐམས་ཅད་ཐེངས་རེས་མཁྱེན་ཐུབ། དགུང་ལོ་བཅུ་པ་ཤིང་གླང (༡༣༢༥) ལོར་མཁན་པོ་གཞོན་ནུ་བརྩོན་འགྲུས་དང་། ལས་ཀྱི་སློབ་དཔོན་བྱང་ཆུབ་བཟང་པོ་གཉིས་ཀྱི་དྲུང་ནས་རབ་བྱུང་དང་དགེ་ཚུལ་གྱི་སྡོམ་པ་བཞེས། དགུང་ལོ་ཉི་ཤུ་པ་རབ་བྱུང་དྲུག་པའི་ཤིང་ཕག (༡༣༣༥) ལོར་ཞ་ལུའི་ཆོས་སྡེ་ཆེན་པོར་སློབ་གཉེར་ལ་ཕེབས་ནས། དགུང་ལོ་དོན་བཞི་པ་རབ་བྱུང་བདུན་པའི་མེ་གླང (༡༣༩༧) ལོར་གོང་གསུམ་བདེ་ཆེན་རང་དུ་སྐུ་གཤེགས།
- language:
- Tibetan