- gling ge sar rgyal po'i sgrung
- ID:
- T227136
- གླིང་གེ་སར་རྒྱལ་པོའི་སྒྲུང (Tibetan, Tibetan script, Original)
- > gling ge sar rgyal po'i sgrung (Tibetan, Latin script, Transliteration-THL Extended Wylie Transliteration)
- > ling gesar gyalpö drung (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
བརྗོད་བྱ་གླིང་གེ་སར་གྱི་ལོ་རྒྱུས་རྣམ་ཐར་ལ་གཞིར་བྱས། སྙན་ངག་རབ་བཏགས་ཀྱི་རྩོམ་རིག་གིས་བརྩམས་པའི་རྩོམ་སྒྲུང་ཞིག་ཡིན། གནས་དུས་ཡོངས་གྲགས་སུ་ལྷ་གླིང་བར་རྩེ་དགུ་སྐོར། འཁྲུངས་གླིང་མེ་ཏོག་ར་བ། རྟ་རྒྱུག་ནོར་བུ་ཆ་བདུན་གསུམ་ནི་གླིང་གེ་སར་བྱུང་རབ་ཀྱི་རྩོམ་སྒྲུང་དང་། དེ་ནས་རྫོང་ཆེན་བཅོ་བརྒྱད་ཅེས་པ། ཤར་བདུད་ཤིང་ཁྲི་རྒྱལ་པོ། ལྷོ་བདུད་ས་དམ་རྒྱལ་པོ། ནུབ་བདུད་གུར་དཀར་རྒྱལ་པོ། བྱང་བདུད་ཀླུ་བཙན་རྒྱལ་པོ་བཅས་ཕྱོགས་བཞིའི་བདུད་ཆེན་བཞི་འདུལ་བའི་རྟོགས་བརྗོད་གཙོ་བོར་བྱས་པའི་རྫོང་ཁག་བཅོ་བརྒྱད་ཕབ་པའི་སྒྲུང་དང་། མཐར་དམྱལ་གླིང་རྫོགས་པ་ཆེན་པོ་ཞེས་པ་གླིང་གི་དཔའ་ཐུལ་ཕུ་ནུ་རྣམས་རེ་རེ་བཞིན་དུ་སྐུ་མྱ་ངན་ལས་འདས་ཤིང་དག་པའི་ཞིང་དུ་ཕེབས་ཚུལ་གྱི་སྒྲུང་ཡིག་བཅས་ལ་གེ་སར་སྒྲུང་ཆ་ཚང་ཞེས་སྲོལ་ཡོད། འོན་ཀྱང་དེང་དུས་སྡེ་འབངས་ཀྱི་ཁྲོད་དུ་ཉར་ཚགས་བྱས་པ་རྣམས་འཚོལ་སྡུད་བྱས་པའི་སྒྲུང་ཡིག་པུ་སྡི་བརྒྱ་ལྷག་ཙམ་ཡོད་པར་བཤད། རྩོམ་སྒྲུང་དེ་དག་ཕལ་ཆེར་བ་སྔོན་གྱི་ལོ་རྒྱུས་ལ་གཞི་བྱས་ནས་བོད་ཀྱི་མཁས་པ་རྣམས་ཀྱིས་བརྩམས་པའི་རྩོམ་རིག་གི་བསྟན་བཅོས་ཡིན་ལ། འགའ་ཞིག་ནི་བབས་སྒྲུང་ཅེས་པ་ཡོད་པ་རེད། བབས་སྒྲུང་ནི་མི་འགའ་ཞིག་རྩ་དཀར་གྲུབ་དཀར་ཞེས་པ་ཡི་གེ་མི་ཤེས་ཀྱང་སྐབས་རྨི་ལམ་སོགས་རྐྱེན་འགའ་ཞིག་ལ་བརྟེན་ནས་སྙན་རྩོམ་དང་། ལུང་བསྟན་སོགས་ཡི་གེ་པུ་སྡི་མང་པོ་བཤད་ཐུབ་པ། དེ་ལ་གོ་རིམ་མ་འཛོལ་བ། ནད་དོན་ཟློས་མེད་པ། ཚིག་སྦྱོར་སྙན་པོ་ཡོད་པ་དེ་དག་དྲུང་ཡིག་ཅིག་གིས་འབྲི་ཅི་ཐུབ་བྱེད་པ་ཡོང་གི་ཡོད་པ་རེད།
- language:
- Tibetan