- mgar btsan snya ldom bu
- ID:
- T227537
- མགར་བཙན་སྙ་ལྡོམ་བུ (Tibetan, Tibetan script, Original)
- > mgar btsan snya ldom bu (Tibetan, Latin script, Transliteration-THL Extended Wylie Transliteration)
- > gar tsen nya dom bu (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
(མགར་གཉའ་བཙན་ལྡེམ་བུ་ཞེས་པའང་སྣང) མང་སྲོང་གི་བློན་པོ། བློན་པོ་མགར་སྟོང་བཙན་གྱི་བུ་ཆེ་བ་ཡིན་ཞིང་། ཕ་འདས་རྗེས་བཙན་པོས་འདི་བློན་ཆེན་དུ་བསྐོ་གཞག་བྱས། འདི་བློན་ཆེན་དུ་བསྐོ་གཞག་བྱས་པའི་ལོ་དེ་རང་ལ་མགར་ཁྲི་འབྲིང་བཙན་བྲོད་སོགས་གཞོན་པ་གསུམ་གྱིས་དམག་དཔོན་བྱས་ཏེ་རྒྱའི་ས་མཚམས་སུ་དམག་དྲངས་ནས་ལྗང་རིགས་ཀྱི་ཡུལ་ཚན་བཅུ་གཉིས་ཙམ་བཅོམ་པ་དང་། དེ་རྗེས་བོད་དམག་གིས་ནུབ་ཕྱོགས་གྲུ་གུ་ཚོ་ཆེན་བཅུ་བོད་ཀྱི་ཆབ་འོག་ཏུ་བཅུག སླར་བོད་དམག་དང་ལི་ཡུལ (ཤིང་ཅང) པ་རྣམས་མཉམ་དུ་བསྡེབས་ནས་རྒྱའི་ཡུལ་ཚན་མང་པོ་བཟུང་བ་བཅས་ལ་བརྟེན་ཐང་གོང་མས་ཀྱང་དམག་དཔོན་ཞོའི་རེན་ཀོས་དང་གོ་ཞི་ཕཱན་ཟེར་བ་གཉིས་དམག་དཔུང་འབུམ་ཕྲག་གཅིག་ཙམ་ཁྲིད་ནས་བོད་དམག་ལ་འཐབ་པར་བཏང་། འོན་ཀྱང་ཁོ་ཚོས་བོད་དམག་ལས་རྒྱལ་ཁ་ལེན་མ་ཐུབ་པར་ཕམ་ཉེས་འཁེལ་ཞིང་། མཐར་བོད་ཀྱི་བློན་ཆེན་མགར་བཙན་སྙ་ལྡོམ་བུ་དང་། ཐང་གི་དམག་དཔོན་ཞོའི་རེན་ཀོས་གཉིས་ཀྱིས་འདུམ་བྱས་ཏེ་དམག་དཔོན་དེ་རྒྱ་ཡུལ་དུ་ལོག་པར་གྲགས། དེ་ནས་བློན་ཆེན་མགར་བཙན་སྙ་ལྡོམ་བུ་དང་། མགར་ཁྲི་འབྲིང་བཙན་བྲོད་གཉིས་ཀྱིས་གདོང་ཀའི་ནེ་ཙོ་ལུང་ཟེར་བའི་ས་གནས་སུ་འདུན་ཚོགས་བསྡུས་ནས་འབྲོག་ལས་ལ་སླར་ཡང་ཞིབ་བཤེར་ཆེན་པོ་ཞིག་བྱས་པ་དང་། དེ་རྗེས་བློན་ཆེན་པོ་བཙན་སྙས་ཞིམས་ཀྱི་གུ་རན་ཟེར་བའི་ཡུལ་དུ་ཞང་ཞུང་གི་བགྱིས་པ་སྟེ་ཞང་ཞུང་ཡོངས་ཀྱི་ལས་ཀར་ཞིབ་བཤེར་དང་ལམ་སྲོལ་འབེབ་ས་བྱས་འདུག ཤིང་བྱ་ལོར་ཤངས་ཀྱི་སམ་ཆུ་བོ་ཞེས་པའི་ས་ཆར་བློན་ཆེན་པོ་བཙན་སྙ་ལྡོམ་བུ་དང་། མགར་གྱི་བུ་རྒྱུད་མང་ཉེན་སྟག་ཙབ་ཟེར་བ་གཉིས་སྤུན་མཆེད་ནང་དམེ་བྱུང་ནས་བློན་བཙན་སྙ་གྲོངས་པར་གྲགས།
- language:
- Tibetan
2. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བདུན་པའི་དུས་སྟོད་ཙམ་དུ་མགར་སྟོང་བཙན་ཡུལ་ཟུང་གི་སྲས་སུ་སྐུ་འཁྲུངས་ཤིང་། ཡབ་བློན་ཆེན་དགུང་དུ་གཤེགས་རྗེས་རྒྱལ་པོ་མང་སྲོང་མང་བཙན་གྱིས་བོད་ལུགས་མེ་མོ་ཡོས་ལོ་སྟེ་སྤྱི་ལོ 667 ལོར་ཡབ་ཀྱི་ཚབ་ཏུ་བློན་ཆེན་བསྐོ་བཞག་མཛད། བོད་ལུགས་ཆུ་མོ་བྱ་ལོ་སྟེ་སྤྱི་ལོ 673 ལོར་གདོང་ཀའི་ནེ་ཙོ་ལུང་དུ་འདུན་ཚོགས་བསྡུས་ནས་འབྲོག་ལས་ལ་ཞིབ་བཤེར་ཆེན་པོ་མཛད། བོད་ལུགས་ཤིང་མོ་ཕག་ལོ་སྟེ་སྤྱི་ལོ 675 ལོར་ཞང་ཞུང་ཡོངས་ཀྱི་ལས་ཀར་ཞིབ་བཤེར་དང་ལམ་སྲོལ་གཏན་འབེབས་མཛད། དེ་ནས་འདུས་སྲོང་མང་པོ་རྗེ་རླུང་ནམ་འཕྲུལ་གྱི་རྒྱལ་པོའི་བློན་ཆེན་མཛད་ཅིང་ཞང་ཞུང་ཁུལ་དུ་ཟིང་འཁྲུག་བྱུང་བ་ཚར་བཅད་ནས་རྒྱལ་སྲིད་བརྟན་པར་མཛད། བོད་ལུགས་ཤིང་མོ་བྱ་ལོ་སྟེ་སྤྱི་ལོ 685 ལོར་ཤངས་ཀྱི་སུམ་ཆུ་བོ་ཞེས་པར་མགར་མང་ཉེན་སྟག་ཚབ་ཀྱིས་ནང་དམེ་བྱས་ནས་བཀྲོངས་སོ། །
- language:
- Tibetan