- rgyal ba 'phrin las rgya mtsho
- ID:
- T228209
- རྒྱལ་བ་འཕྲིན་ལས་རྒྱ་མཚོ (Tibetan, Tibetan script, Original)
- > rgyal ba 'phrin las rgya mtsho (Tibetan, Latin script, Transliteration-THL Extended Wylie Transliteration)
- > gyalwa trinlé gyatso (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
(ཏཱ་ལའི་བླ་མ་སྐུ་ཕྲེང་བཅུ་གཉིས་པ) རབ་བྱུང་བཞི་པའི་མེ་འབྲུག་ (༡༨༥༦) ལོའི་ཟླ་བཅུ་གཉིས་པའི་ཚེས་གཅིག་ཉིན་རྒྱལ་བ་སྐུ་ཕྲེང་བརྒྱད་པའི་ཡབ་གཞིས་ཏེ་ལྷ་ཀླུར་ཡབ་ཕུན་ཚོགས་ཚེ་དབང་དང་ཡུམ་ཚེ་རིང་གཡུ་སྒྲོན་གཉིས་ཀྱི་སྲས་སུ་སྐུ་བལྟམས། མེ་སྦྲུལ (༡༨༥༧) ལོའི་ཟླ་བཅུ་པར་ཆུང་སྲིད་རིན་པོ་ཆེ་ལྷ་སར་གདན་དྲངས། ས་རྟ (༡༨༥༨) ལོའི་ཟླ་དང་པོའི་ནང་རྒྱལ་དབང་གོང་མའི་ཡང་སྲིད་རིན་པོ་ཆེར་ངོས་འཛིན་ཐུགས་གཏན་འཁེལ། ཚེས་བཅོ་ལྔ་ཉིན་སྲིད་སྐྱོང་རྭ་སྒྲེང་རིན་པོ་ཆེས་དབུ་སྐྲ་གཙུག་ཕུད་བཞེས་ཏེ་མཚན་ངག་དབང་བློ་བཟང་བསྟན་པའི་རྒྱལ་མཚན་འཕྲིན་ལས་རྒྱ་མཚོ་ཞེས་གསོལ། ལྕགས་སྤྲེལ (༡༨༦༠) ལོའི་ཟླ་བདུན་པའི་ཚེས་གསུམ་ཉིན་མཆོག་སྤྲུལ་རིན་པོ་ཆེ་ཕོ་བྲང་ཆེན་པོ་པོ་ཏ་ལའི་གསེར་ཁྲིར་མངའ་གསོལ། ཆུ་ཁྱི (༡༨༦༢) ལོའི་ཟླ་གཉིས་པའི་ནང་རྒྱལ་དབང་མཆོག་ཆོས་སྲིད་ལུགས་གཉིས་ཀྱི་འགན་བཞེས་གནང་དགོས་བྱུང་ཡོད། དེ་སྐབས་་་སྐུ་ན་ཕྲ་སྟབས་ཕྱག་རོགས་སུ་བཀའ་ཟུར་བཤད་སྒྲ་དབང་ཕྱུག་རྒྱལ་པོར་སྲིད་སྐྱོང་བསྐོ་བཞག་མཛད།
- language:
- Tibetan
2. gangs can mkhas grub rim byon ming mdzod
ཁོང་ནི་རབ་བྱུང་བཅུ་བཞི་པའི་མེ་ཕོ་འབྲུག་ལོ་སྟེ་སྤྱི་ལོ 1856 ལོར་གཙང་ཉང་པོ་འོལ་དགའ་རྫིང་ཕྱི་ཡུལ་དུ་ཡབ་ཕུན་ཚོགས་ཚེ་དབང་དང་། ཡུམ་ཚེ་རིང་སྐྱིད་སྒྲོན་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅོ་ལྔ་པའི་ཤིང་མོ་ཕག་ལོ་སྟེ་སྤྱི་ལོ 1875 ལོར་རྩེ་པོ་ཏ་ལར་སྐུ་གཤེགས། དགུང་ལོ་གསུམ་པར་བོད་སྡོད་ཨམ་བན་བཅས་ནས་གསེར་བུམ་དཀྲུགས་ནས་རྒྱལ་བ་སྐུ་ཕྲེང་བཅུ་གཅིག་པ་མཁས་གྲུབ་རྒྱ་མཚོའི་ཡང་སྲིད་དུ་ངོས་འཛིན་མཛད། སྲིད་སྐྱོང་རྭ་སྒྲེང་ངག་དབང་ཡེ་ཤེས་ཚུལ་ཁྲིམས་རྒྱལ་མཚན་གྱིས་རབ་བྱུང་གི་སྡོམ་པ་ཕུལ། དེ་ནས་ནོར་བུ་གླིང་ཁ་སྐལ་བཟང་ཕོ་བྲང་དུ་གདན་དྲངས། དགུང་ལོ་ལྔ་བར་རྩེ་པོ་ཏ་ལའི་གསེར་ཁྲིར་མངའ་གསོལ། དགུང་ལོ་དགུ་པར་དགའ་ལྡན་ཁྲི་ཟུར་བློ་བཟང་མཁྱེན་རབ་དབང་ཕྱུག་གིས་དགེ་ཚུལ་གྱི་སྡོམ་པ་ཕུལ། དེ་ནས་ཡོངས་འཛིན་མང་པོར་བསྟེན་ནས་མདོ་སྔགས་རིག་གནས་བཅས་ལ་སྦྱངས་པ་དཔྱིས་ཕྱིན་པ་མཛད། དགུང་ལོ་བཅོ་བརྒྱད་པར་གོང་མ་ཐུང་ཀྲིས་བཀའ་རྒྱ་སྤེལ་ནས་བོད་ཀྱི་ཆོས་སྲིད་གཉིས་ཀའི་ལས་འགན་ཐུགས་རྗེས་བསྐྱང་དགོས་པའི་དུས་ལ་བབས་པར་བརྟེན་ལོ་ངོ་གསུམ་ཙམ་གྱི་རིང་དུ་འཕྲིན་ལས་སྤེལ། ཁོང་ནི་རྒྱལ་བ་སྐུ་ཕྲེང་བཅུ་གཉིས་པ་ཡིན། །
- language:
- Tibetan