- rgyal ba tshul khrims rgya mtsho
- ID:
- T228212
- རྒྱལ་བ་ཚུལ་ཁྲིམས་རྒྱ་མཚོ (Tibetan, Tibetan script, Original)
- > rgyal ba tshul khrims rgya mtsho (Tibetan, Latin script, Transliteration-THL Extended Wylie Transliteration)
- > gyalwa tsultrim gyatso (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
(ཏཱ་ལའི་བླ་མ་སྐུ་ཕྲེང་བཅུ་པ) མདོ་ཁམས་སྒང་དྲུག་ཏུ་གྲགས་པའི་ནང་ཚན་སྤོ་འབོར་སྒང་གི་ཁོངས་གཏོགས་ལི་ཐང་ཤོག་དྲུག་སྒྲོ་མདངས་སུ་འབོད་པའི་སའི་ཆར་གྲོང་སྟོད་ནོར་བུ་ཚང་བྱ་བའི་ཁྱིམ་དུ་ཡབ་བློ་བཟང་སྙན་གྲགས་དང་ཡུམ་རྣམ་རྒྱལ་བུ་ཁྲིད་གཉིས་ཀྱི་སྲས་སུ་རབ་བྱུང་བཅུ་བཞི་པའི་མེ་བྱི (༡༨༡༦) ལོའི་བོད་ཟླ་གསུམ་པའི་ཚེས་ཉེར་དགུ་ཉིན་སྐུ་བལྟམས། དགུང་ལོ་དྲུག་པར་རྒྱལ་བའི་ཡང་སྲིད་དུ་ངོས་འཛིན་ཞུས། མཐར་དགུང་གྲངས་ཉི་ཤུ་རྩ་གཉིས་ལ་ཕེབས་པ་མེ་བྱ (༡༨༣༧) ལོའི་བོད་ཟླ་དགུ་པའི་ཚེས་གཅིག་ཉིན་གཟིམ་ཆུང་ཕུན་ཚོགས་འདོད་འཁྱིལ་དུ་ཁྲིའུ་ཤིང་གི་ཁར་བྱམས་པའི་བཞུགས་སྟངས་ཀྱིས་བཞུགས་ཏེ། བཞད་མོའི་རྣམ་པ་བཅས་མཛད་བཞིན་པའི་ངང་མཛད་པའི་མཐའ་མ་མྱ་ངན་ལས་འདས་པའི་ཚུལ་བསྟན་པར་མཛད་དོ། །སྐུ་གདུང་རིན་པོ་ཆེ་པེ་པོ་ཏ་ལའི་གསེར་གདུང་ཁམས་གསུམ་རྒྱན་མཆོག་ཏུ་བཞུགས།
- language:
- Tibetan
2. gangs can mkhas grub rim byon ming mdzod
ཁོང་ནི་རབ་བྱུང་བཅུ་བཞི་པའི་མེ་ཕོ་བྱི་ལོ་སྟེ་སྤྱི་ལོ 1816 [396]ལོར་ཁམས་ལི་ཐང་དུ་ཡབ་བློ་བཟང་སྙན་གྲགས་དང་། ཡུམ་རྣམ་རྒྱལ་བུ་ཁྲིད་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅུ་བཞི་པའི་མེ་མོ་བྱ་ལོ་སྟེ་སྤྱི་ལོ 1837 ལོར་རྩེ་པོ་ཏ་ལར་སྐུ་གཤེགས། དགུང་ལོ་བདུན་པར་རྒྱལ་བ་སྐུ་ཕྲེང་དགུ་བ་ལུང་རྟོགས་རྒྱ་མཚོའི་ཡང་སྲིད་དུ་ངོས་འཛིན་མཛད། ལོ་དེའི་ཟླ་བ་བརྒྱད་པའི་ཚེས་བརྒྱད་ཉིན་རྩེ་པོ་ཏ་ལའི་གསེར་ཁྲིར་མངའ་གསོལ། པཎ་ཆེན་སྐུ་ཕྲེང་བདུན་པ་བསྟན་པའི་ཉི་མ་ལས་དགེ་ཚུལ་གྱི་སྡོམ་པ་བཞེས། དགུང་ལོ་བཅུ་པར་འབྲས་སྤུངས་ཆོས་གྲྭར་ཕེབས་ནས་གཞུང་ལུགས་རབ་འབྱམས་སྨྲ་བའི་ཡོངས་འཛིན་དག་ལ་བསྟེན་ནས་མདོ་སྔགས་རིག་གནས་བཅས་ལ་སྦྱོང་པར་མཛད། དགུང་ལོ་བཅུ་དགུ་པར་པཎ་ཆེན་བསྟན་པའི་ཉི་མ་ལས་བསྙེན་རྫོགས་ཀྱི་སྡོམ་པ་བཞེས། ཁོང་གི་སྐུ་ཚེ་གང་བོར་བོད་ཀྱི་ཆོས་སྲིད་གཉིས་ཀྱི་གཙོ་འགན་བཞེས་ནས་ཁོམ་མ་བྱུང་། ཁོང་ནི་རྒྱལ་བ་སྐུ་ཕྲེང་བཅུ་བ་ཡིན། །
- language:
- Tibetan