- rgyu yi rgyan bcu drug
- ID:
- T228345
- རྒྱུ་ཡི་རྒྱན་བཅུ་དྲུག (Tibetan, Tibetan script, Original)
- > rgyu yi rgyan bcu drug (Tibetan, Latin script, Transliteration-THL Extended Wylie Transliteration)
- > gyu yi gyen chudruk (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
དོན་རྒྱན་སུམ་ཅུ་སོ་ལྔའི་ནང་གསེས་བཅུ་གསུམ་པ་རྒྱུ་ཡི་རྒྱན་ནི་དངོས་པོ་འབྱུང་བར་བྱེད་པའི་རྒྱུའམ་བྱེད་པ་པོ་དང་། ཤེས་བྱེད་ཀྱི་རྒྱུ་སྟེ་རྒྱུ་དངོས་དང་བཏགས་པ་བ་ཅི་རིགས་གཙོ་བོར་སྟོན་པའི་རྒྱན་ཞིག་སྟེ། དེའི་ནང་གསེས་རྣམ་གྲངས་བཅུ་དྲུག་ནི། རྩ་བའི་དབྱེ་བ་གསུམ་དང་དེ་གསུམ་ལ་ནང་གསེས་ཀྱི་དབྱེ་བ་བཅུ་དྲུག་ཏུ་ཕྱེ་ཡོད། རྩ་བའི་དབྱེ་བ་གསུམ་ནི་དངོས་པོའི་རྒྱུ་དང་། དངོས་མེད་ཀྱི་རྒྱུ། མཚར་བའི་རྒྱུ་རྣམས་སོ། ། དངོས་པོ་རྒྱུ་ལ་ནང་གསེས་ཀྱི་དབྱེ་བ་དྲུག་སྟེ། ༡.སྐྱེད་བྱེད་ཀྱི་རྒྱུའམ་འགྲུབ་བྱེད་འོས་པའི་རྒྱུ་དང་། ༢.ཉམས་བྱེད་ཀྱི་རྒྱུའམ་འགྲུབ་བྱེད་མི་འོས་པའི་རྒྱུ། ༣.རྣམ་འགྱུར་གྱི་རྒྱུ། ༤.འཐོབ་བྱེད་གྱི་རྒྱུ། ༥.ཕྱི་ཤེས་བྱེད་ཀྱི་རྒྱུ། ༦.ནང་ཤེས་བྱེད་ཀྱི་རྒྱུའོ། ། དངོས་མེད་ཀྱི་རྒྱུ་ལ་དབྱེ་བ་རྣམ་པ་ལྔ་སྟེ། ༧.སྔར་ན་མེད་པའི་བྱེད་རྒྱུ། ༨.ཞིག་ནས་མེད་པའི་བྱེད་རྒྱུ། ༩.ཕན་ཚུན་མེད་པའི་བྱེད་རྒྱུ། ༡༠.སྤངས་ནས་མེད་པའི་བྱེད་རྒྱུ་སྟེ་རྒྱུ་དངོས་མེད་ལས་འབྲས་བུ་ཡོད་པ་བསྐྱེད་པ་བཞི་དང་། ༡༡.རྒྱུ་དངོས་མེད་ལས་འབྲས་བུ་དངོས་མེད་བསྐྱེད་པ་གཅིག་བཅས་སོ། ། མཚར་བའི་རྒྱུ་ལ་ནང་གསེས་ཀྱི་དབྱེ་བ་ལྔ་སྟེ། ༡༢.རང་འབྲས་ཀྱི་རྒྱུ། ༡༣རྒྱུ་འབྲས་ལྷན་གཅིག་པ། ༡༤.རྒྱུ་ལས་འབྲས་བུ་སྔ་བ། ༡༥.རིགས་མིན་གྱི་རྒྱུའམ་མི་འོས་པའི་རྒྱུ། ༡༦.རིགས་པའི་རྒྱུའམ་འོས་པའི་རྒྱུ་བཅས་བཅུ་དྲུག་གོ།
- language:
- Tibetan
2. Thupten Phuntsok Dictionary
དོན་རྒྱན་སུམ་ཅུ་སོ་ལྔའི་ནང་གསེས་བཅུ་གསུམ་པ་རྒྱུ་ཡི་རྒྱན་ནི་དངོས་པོ་འབྱུང་བར་བྱེད་པའི་རྒྱུའམ་བྱེད་པ་པོ་དང་། ཤེས་བྱེད་ཀྱི་རྒྱུ་སྟེ་རྒྱུ་དངོས་དང་བཏགས་པ་བ་ཅི་རིགས་གཙོ་བོར་སྟོན་པའི་རྒྱན་ཞིག་སྟེ་དེའི་ནང་གསེས་རྣམ་གྲངས་བཅུ་དྲུག་ནི། རྩ་བའི་དབྱེ་བ་གསུམ་དང་དེ་གསུམ་ལ་ནང་གསེས་ཀྱི་དབྱེ་བ་བཅུ་དྲུག་ཡོད།
- language:
- Tibetan