- rgyud kyi che ba bcu gcig
- ID:
- T228360
- རྒྱུད་ཀྱི་ཆེ་བ་བཅུ་གཅིག (Tibetan, Tibetan script, Original)
- > rgyud kyi che ba bcu gcig (Tibetan, Latin script, Transliteration-THL Extended Wylie Transliteration)
- > gyü kyi chewa chuchik (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
གསོ་བ་རིག་པའི་དཔལ་ལྡན་རྒྱུད་བཞིའི་ཆེ་བའི་ཡོན་ཏན་བཅུ་གཅིག་གི་བསྡུས་མིང་སྟེ། རྗེ་བཙུན་གཡུ་ཐོག་ཡོན་ཏན་མགོན་པོ་གསར་མས་མཛད་པའི་ཆ་ལག་བཅོ་བརྒྱད་ཀྱི་ཡ་གྱལ་ཁོག་དབུག་ཁྱུང་ཆེན་ལྡིང་བ་ལས། གསོ་བ་རིག་པའི་བཀའ་བསྟན་བཅོས་ཐམས་ཅད་འདི་ནས་གསལ་བར་སྟོན་པས་ན་གསོ་བ་རིག་པའི་ཐེག་པ་ཐམས་ཅད་ཀྱི་ཡང་རྩེར་གྱུར་པའི་ཆེ་བ༡། སྨན་དཔྱད་ཀྱི་རྒྱུད་གཞན་ཐམས་ཅད་ཟིལ་གྱིས་གནོན་པས་ན་རྒྱུད་ཐམས་ཅད་ཀྱི་རྒྱལ་པོར་གྱུར་པའི་ཆེ་བ༢། གསོ་དཔྱད་ཐམས་ཅད་མ་རྨོངས་པར་འགྲེལ་བས་ན་གསོ་བ་རིག་པའི་དཔྱད་ཐམས་ཅད་ཀྱི་སྤྱི་འགྲེལ་ཡིན་པའི་ཆེ་བ༣། ནད་དང་། རྟགས། གསོ་ཐབས་ཐམས་ཅད་མ་ཚང་བ་མེད་པས་གསོ་རིག་ཐམས་ཅད་ཀྱི་རྩ་བ་ཡིན་པའི་ཆེ་བ༤། སྨན་དཔྱད་ཀྱི་ལུགས་སྡེ་ཚན་ཐམས་ཅད་འདི་ནས་གྱེས་པས་གསོ་རིག་ཐམས་ཅད་ཀྱི་འབྱུང་གནས་ཡིན་པའི་ཆེ་བ༥། ནད་ཐམས་ཅད་མ་བསྒྲིབས་པར་གསལ་བར་མཐོང་ནས་གསོ་རིག་གི་མེ་ལོང་ཡིན་པའི་ཆེ་བ༦། གསོ་དཔྱད་ཐམས་ཅད་ཀྱི་བཅུད་འདུས་པས་གསོ་བ་རིག་པའི་དོན་ཐམས་ཅད་ཀྱི་མཇུག་སྡུད་ཡིན་པའི་ཆེ་བ༧། ནད་ཀྱི་གདུང་བ་སེལ་བ་བདུད་རྩིའི་ཆར་རྒྱུན་ཡིན་པའི་ཆེ་བ༨། འཆི་བདག་གི་བདུད་ལས་སྐྱོབ་པ་མི་འཇིགས་པ་སྐྱབས་ཀྱི་སྦྱིན་པ་ཡིན་པའི་ཆེ་བ༩། ནད་པ་ཀུན་གྱི་རེ་བ་ཕྱོགས་མེད་དུ་སྐོང་བས་འགྲོ་བའི་སྤྱི་ནོར་ཡིན་པའི་ཆེ་བ༡༠། ནད་མེད་པ་ལ་ནད་མི་འབྱུང་བར་བྱེད་ཅིང་ན་བ་འདུ་བ་སྙོམས་ཤིང་ཚེ་བསྲིང་བ་དང་། འཇིག་རྟེན་འདིར་ཆེ་དང་སྙན་གྲགས་ཆེ་བ། ཕྱི་མའི་བདེ་བ་མཐོ་རིས་བགྲོད་ནས་ཐར་པ་ཐོབ་པས་དགོས་འདོད་ཐམས་ཅད་འབྱུང་བ་ཡིད་བཞིན་གྱི་ནོར་བུ་ལྟ་བུའི་ཆེ་བ་༡༡སྟེ། རྒྱུད་རྒྱལ་གྱི་ཆེ་བ་བཅུ་གཅིག་དང་ལྡན་པ་ཡིན་ནོ། །ཞེས་གསུངས།
- language:
- Tibetan
- enumeration:
- 11