- rgyud kyi man ngag gi che ba dgu
- ID:
- T228361
- རྒྱུད་ཀྱི་མན་ངག་གི་ཆེ་བ་དགུ (Tibetan, Tibetan script, Original)
- > rgyud kyi man ngag gi che ba dgu (Tibetan, Latin script, Transliteration-THL Extended Wylie Transliteration)
- > gyü kyi mengak gi chewa gu (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
གསོ་བ་རིག་པའི་དཔལ་ལྡན་རྒྱུད་བཞིའི་མན་ངག་གི་ཆེ་བ་དགུའི་བསྡུས་མིང་སྟེ། རྗེ་བཙུན་གཡུ་ཐོག་ཡོན་ཏན་མགོན་པོ་གསར་མས་མཛད་པའི་ཆ་ལག་བཅོ་བརྒྱད་ཀྱི་ཡ་གྱལ་ཁོག་དབུག་ཁྱུང་ཆེན་ལྡིང་བ་ལས། སྨོན་པ་ཚད་མེད་པས་བྱང་ཆུབ་མཆོག་ཏུ་སེམས་བསྐྱེད་པས་དེའི་འཇུག་སྒོ་རུ་འཇུག་མི་དགོས་པའི་ཆེ་བ་༡། དམན་ལྷག་ལོག་བལྟ་ཞིང་ལྟ་བ་སྒྲིབ་པ་མེད་པའི་ཆེ་བ་༢དང་། འཇུག་པ་ཚད་མེད་པ་བཞི་ཉམས་སུ་ལེན་པའི་སྒོམ་ལ་གོལ་ས་མེད་པའི་ཆེ་བ་༣དང་། མི་དགེ་བ་ངན་སྤྱོད་ཐམས་ཅད་དོར་བས་དམ་ཚིག་མ་ཉམས་པའི་ཆེ་བ་༤དང་། ལམ་ཕ་རོལ་ཏུ་ཕྱིན་པ་དྲུག་ལ་སྤྱད་དེ་བྱང་ཆུབ་ཏུ་སེམས་བསྐྱེད་ནས་སྨན་སྦྱར་ནས་བྱིན་པས་ཉེས་སྐྱོན་གྱི་དྲི་མས་མ་གོས་པར་བྱེད་པས་ཚུལ་ཁྲིམས། དལ་བྲེལ་འཁྱགས་ལྟོགས་ལ་སོགས་པ་དང་ནད་པའི་ཚིག་བཟོད་པས་བཟོད་པ། ལེ་ལོ་མེད་པར་ནད་པ་གསོ་བའི་བྱ་བ་ལ་བརྩོན་པས་བརྩོན་འགྲུས། སྨན་དཔྱད་ལ་རྟོག་ཅིང་བསམ་པར་བྱེད་པས་བསམ་གཏན། དེ་ལྟར་བཅོས་པས་སྨན་དཔྱད་ལ་ངེས་ཤེས་སྐྱེ་བས་ན་ཤེས་རབ་བོ། །དེ་ལྟར་ཕ་རོལ་ཕྱིན་པ་དྲུག་ལ་སྤྱད་པས་ཚོགས་གཞན་བསགས་མི་དགོས་པའི་ཆེ་བ་༥དང་། ཐར་པ་དང་རྣམ་པ་ཐམས་ཅད་མཁྱེན་པའི་ཡེ་ཤེས་ཐོབ་པས་འབྲས་བུ་གཞན་ནས་བཙལ་མི་དགོས་པའི་ཆེ་བ་༦དང་། བཤད་པ་ལག་ལེན་འདི་རང་ལ་ཚང་བ་གསོ་དཔྱད་གཞན་ལ་བལྟོས་མི་དགོས་པའི་ཆེ་བ་༧དང་། དགྲ་ལའང་ཕན་ཐོགས་པས་དགྲ་བོ་གཉན་དུ་ཆོད་པའི་ཆེ་བ་༨དང་། ཡུལ་ལ་ཕྱོགས་རིས་མེད་པར་ཡུལ་གང་དུ་བསྡད་ཀྱང་གཞན་གྱིས་ཕུད་དུ་འཁུར་བའི་ཆེ་བ་༩དང་། དེ་ལྟར་ཆེ་བ་དགུ་དང་ལྡན་པའོ། །
- language:
- Tibetan