- sgis steng blo bzang dpal ldan
- ID:
- T228475
- སྒིས་སྟེང་བློ་བཟང་དཔལ་ལྡན (Tibetan, Tibetan script, Original)
- > sgis steng blo bzang dpal ldan (Tibetan, Latin script, Transliteration-THL Extended Wylie Transliteration)
- > gi teng lo zang palden (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
མདོ་སྨད་རེབ་གོང་རོང་འབྲོག་ཚོ་ལྔའི་ནང་ཚན་ཚོ་འདུ་ཞེས་པའི་ཡུལ་དུ་ཡབ་ཚོ་འདུའི་སྐུ་དབོན་ཆོས་མཛད་དང་། ཡུམ་སྒྲོལ་མ་གཉིས་ཀྱིས་སྲས་སུ་རབ་བྱུང་བཅོ་ལྔ་པའི་ལྕགས་སྤྲུལ་（༡༨༨༡）ལོར་སྐུ་འཁྲུངས། མཚན་པདྨ་བཀྲ་ཤིས་ཞེས་ཐོག་མར་གསོལ། དགུང་ལོ་བཅུ་པར་དབེན་གནས་དམ་པ་སྒིས་སྟེང་དགའ་ལྡན་ཆོས་འཕོལ་གྱི་སྒྲུབ་གྲྭར་ཞུགས་ཏེ་གླང་གྱའི་ལྷ་རམས་པ་བློ་བཟང་ཆོས་གྲགས་ཀྱི་དྲུང་དུ་ཚངས་སྤྱོད་དགེ་བསྙེན་དང་བར་མ་རབ་བྱུང་སྔོན་དུ་འགྲོ་བའི་སྒོ་ནས་ཚིག་སྔ་མ་དགེ་ཚུལ་གྱི་སྡོམ་པ་ཡང་དག་པར་མནོས། མཚན་བློ་བཟང་དཔལ་ལྡན་ཞེས་གསོལ། དགོང་ལོ་བཅུ་གཉིས་པ་ཆུ་འབྲུག་ལོ་ནས་རྗེ་ཞྭ་དམར་པ་པཌྡ་ཌི་དགེ་འདུན་བསྟན་འཛིན་རྒྱ་མཚོ་དང་། གྲུབ་དབང་འཇིགས་མེད་བསམ་གཏན། ཚོ་འདུའི་ཡོངས་འཛིན་བྱང་ཆུབ་ཀུན་སྤངས་བློ་བཟང་བསྟན་འཛིན་བྱང་ཆུབ་ཀུན་སྤངས་བློ་བཟང་བསྟན་པ་བཅས་མཁས་གྲུབ་དུ་མའི་ཞབས་གཏུགས་ཏེ་ཐུན་མོང་གི་རིག་གནས་དང་སྒོས་སུ་མདོ་སྔགས་ཀྱི་བཀའ་ཆོས་དབང་ལུང་མང་དུ་གསན། དགུང་ལོ་ཉི་ཤུ་པར་རབ་བྱུང་མཁན་པོ་སེམས་དཔའ་ཆེན་པོ་བློ་བཟང་ཆོས་གྲགས་ལས་བསྙེན་པར་རྫོགས། ལོ་དེར་དུས་འཁོར་སྔགས་ཆེན་མཚོ་བྱུང་དགྱེས་པའི་དཔལ་ལས་དབྱངས་ཅན་བྱཱ་ཀ་ར་ཎའི་རྩ་འགྲེལ་དང་། སྡེབ་སྦྱོར་རིན་ཆེན་འབྱུང་གནས་ཞིབ་ཏུ་སྦྱངས་པས་ཀུན་བཤད་ཀྱི་མཚན་མི་ཕམ་མཚོ་བྱུང་བཞད་པའི་ལང་ཚོ་ཞེས་གསོལ་ཅིང་། ཕྱིས་ཀ་ཙན་དབྱངས་གསུམ་གྱི་སྐོར་ལ་གཟིགས་རྟོགས་རྒྱ་ཆེར་མཛད་དེ་ནང་བྱན་ཆུད་པ་གྱུར། སྙན་ངག་དང་རྩིས་ཀྱི་སྐོར་ཡང་བཤེས་གཉེན་མཚོ་བྱུང་དགྱེས་པའི་དཔལ་གཅིག་པུ་ལས་ལོ་སྔ་ཕྱི་དཀྱུས་གཅིག་ལ་མཐར་ཕྱིན་པར་མཛད། དགུང་ལོ་ཉེར་བཞིར་སྡེ་ཚ་བཀྲ་ཤིས་ཆོས་སྡིངས་སུ་ཕེབས། བླ་མ་རྡོ་རྗེ་འཆང་དགེ་འདུན་བསྟན་འཛིན་རྒྱ་མཚོའི་ཞབས་ལ་ཡང་བསྐྱར་གཏུགས། དེ་ནས་བཟུང་དགུང་ལོ་སོ་གཉིས་ཀྱི་བར་བླ་མ་དེ་ཉིད་ཀྱི་ཞབས་པད་དུ་བཅར་ནས་མདོ་སྔགས་རིག་གནས་ཀྱིས་བསྡུས་པའི་མཁས་པར་བྱ་བའི་གནས་རྣམས་ཁོང་དུ་ཆུད་པར་མཛད། དགུང་ལོ་སོ་ལྔ་པ་ནས་སྟག་རྡོ་དང་། སྒ་སར། ཀ་རིང་། རྫོང་དཀར་སོགས་སུ་བཞུགས་ནས་ཆོས་ཀྱི་སྦྱིན་པ་རྒྱ་ཆེར་བརྩལ། དགུང་ལོ་ཞེ་བདུན་པར་ཤར་བླ་བྲང་ཆེན་པོར་ཕེབས་ཏེ་ཤར་སྐབས་མགོན་སྐལ་ལྡན་བློ་བཟང་འཕྲིན་ལས་ལུང་རྟོགས་རྒྱ་མཚོའི་ཡོངས་འཛིན་མཛད། དགུང་ལོ་ང་ལྔ་པར་འབྲས་སྤུངས་ཀླུ་འབུམ་ལྷ་རམས་པ་ཤེས་རབ་པས་མཛད་པའི་བརྒལ་ལན་བསྐལ་པའི་མེ་དཔུང་ཞེས་བྱ་བ་ཡུལ་དབུས་ནས་བསྐུར་བ་ཕྱག་ཏུ་འབྱོར། མེ་བྱི་ལོར་དགག་ལན་ཆུ་ཡི་འཕྲུལ་འཁོར་བརྩམས། ལོ་དེའི་ཟླ་བ་བཞི་པར་པཎ་ཆེན་ཐམས་ཅད་མཁྱེན་པ་གསེར་ལྗོངས་ཡུལ་དུ་ཕེབས་པ་ལ་རྗེ་འདིས་སྙན་རྩོམ་རྟོགས་བརྗོད་གསེར་གྱི་མེ་ཏོག་མཛད་དེ་ཕུལ། རིག་གནས་ཆེ་ཆུང་བཅུ་ཕྲག་ཡོན་རན་གྱི་བགོ་བཤས་བུ་སློབ་བསྐྱངས་པའང་མདོ་སྨད་ཀྱི་གྲྭ་ས་སྒྲུབ་སྡེ་ཕལ་ཆེ་བའི་བླ་སྤྲུལ། དགེ་བཤེས། རི་ཁྲོད་པ་མང་པོ་དང་། གསང་སྔགས་རྙིང་མའི་བླ་སྤྲུལ་དང་སྔགས་པ། གཤེན་སྟོན་བོན་པོ་གཡུང་དྲུང་གི་རྒྱུད་འཛིན་པའི་སྐྱེས་ཆེན། ཟི་ལིང་གྲོང་ཁྱེར་ནས་ཆེད་གཉེར་གྱིས་སླེབས་པའི་རྒྱ་རིགས་སློབ་མ་སོགས་དགེ་ཕྲུག་སྟོང་ཕྲག་བརྒལ་བ་བྱུང་། གསུང་ལས་སྐྱེས་པའི་བུ་སློབ་ཀྱི་ཁྲོད་ནས་ཀྱང་མཁས་པའི་རྒྱལ་ཐབས་འཛིན་པ་ཤིན་ཏུ་མང་པོ་བྱོན། གསུང་རྩོམ་མདོ་སྔགས་ཀྱི་གཞུང་འགྲེལ་དང་། སྐར་རྩིས། ཆབ་ཤོགསྙན་ངག་ཀྱི་སྐོར། ཡས་ཞུ་མར་བཤད་ཀྱི་གཏམ་ངོ་མཚར་བ་སོགས་པོ་ཏི་གཉིས་ཙམ་བཞུགས། དགུང་ལོ་རེ་བཞི་པ་རབ་བྱུང་བཅུ་དྲུག་པའི་ཤིང་སྤྲེལ་（༡༩༤༤）ལོར་སྐུ་གཤེགས།
- language:
- Tibetan
2. Thupten Phuntsok Dictionary
མདོ་སྨད་རེབ་གོང་རོང་འབྲོག་ཚོ་ལྔའི་ནང་ཚན་ཚོ་འདུ་ཞེས་པའི་ཡུལ་དུ་ཡབ་ཚོ་འདུའི་སྐུ་དབོན་ཆོས་མཛད་དང་། ཡུམ་སྒྲོལ་མ་གཉིས་ཀྱི་སྲས་སུ་རབ་བྱུང་བཅོ་ལྔ་པའི་ལྕགས་སྦྲུལ (༡༨༨༡) ལོར་སྐུ་འཁྲུངས། མཚན་པདྨ་བཀྲ་ཤིས་ཞེས་ཐོག་མར་གསོལ། དགུང་ལོ་བཅུ་པར་དབེན་གནས་དམ་པ་སྒིས་སྟེང་དགའ་ལྡན་ཆོས་འཕེལ་གྱི་སྒྲུབ་གྲྭར་ཞུགས་ཏེ་གླང་གྱའི་ལྷ་རམས་པ་བློ་བཟང་ཆོས་གྲགས་ཀྱི་དྲུང་དུ་ཚངས་སྤྱོད་དགེ་བསྙེན་དང་བར་མ་རབ་བྱུང་སྔོན་དུ་འགྲོ་བའི་སྒོ་ནས་ཚིག་སྔ་མ་དགེ་ཚུལ་གྱི་སྡོམ་པ་ཡང་དག་པར་མནོས། མཚན་བློ་བཟང་དཔལ་ལྡན་ཞེས་གསོལ། དགུང་ལོ་བཅུ་གཉིས་པ་ཆུ་འབྲུག་ལོ་ནས་རྗེ་ཞྭ་དམར་པཎྜི་ཏ་དགེ་འདུན་བསྟན་འཛིན་རྒྱ་མཚོ་དང་། གྲུབ་དབང་འཇིགས་མེད་བསམ་གཏན། ཚོ་འདུའི་ཡོངས་འཛིན་བྱང་ཆུབ་ཀུན་སྤངས་བློ་བཟང་བསྟན་པ་བཅས་མཁས་གྲུབ་དུ་མའི་ཞབས་ལ་གཏུགས་ཏེ་ཐུན་མོང་གི་རིག་གནས་དང་སྒོས་སུ་མདོ་སྔགས་ཀྱི་བཀའ་ཆོས་དབང་ལུང་མང་དུ་གསན། དགུང་ལོ་ཞེ་བདུན་པར་ཤར་བླ་བྲང་ཆེན་པོར་ཕེབས་ཏེ་ཤར་སྐྱབས་མགོན་སྐལ་ལྡན་བློ་བཟང་འཕྲིན་ལས་ལུང་རྟོགས་རྒྱ་མཚོའི་ཡོངས་འཛིན་མཛད། གྲུབ་མཐའ་དགེ་ལྡན་པ་ཡིན། གསུང་རྩོམ་མདོ་སྔགས་ཀྱི་གཞུང་འགྲེལ་དང་། སྐར་རྩིས། ཆབ་ཤོག སྙན་ངག་གི་སྐོར། ཡས་ཞུ་མར་བཤད་ཀྱི་གཏམ་ངོ་མཚར་བ་སོགས་པོ་ཏི་གཉིས་ཙམ་བཞུགས། དགུང་ལོ་རེ་བཞི་པ་རབ་བྱུང་བཅུ་དྲུག་པའི་ཤིང་སྤྲེལ (༡༩༤༤) ལོར་སྐུ་གཤེགས།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་བཅོ་ལྔ་པའི་ལྕགས་མོ་སྦྲུལ་ལོ་སྟེ་སྤྱི་ལོ 1881 ལོར་མདོ་སྨད་རེབ་ཀོང་ཚོ་འདུའི་ཡུལ་དུ་ཡབ་སྐུ་དབོན་ཆོས་མཛད་དང་། ཡུམ་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅུ་དྲུག་པའི་ཤིང་ཕོ་སྤྲེལ་ལོ་སྟེ་སྤྱི་ལོ 1944 ལོར་སྐུ་གཤེགས། བྱིས་པའི་མིང་ལ་པདྨ་བཀྲ་ཤིས་སུ་གསོལ། དགུང་ལོ་བཅུ་པར་སྒིས་སྟེང་དགའ་ལྡན་ཆོས་འཕེལ་གྱི་སྒྲུབ་གྲྭར་ཞུགས་ཏེ། གླང་གྱའི་ལྷ་རམས་པ་བློ་བཟང་ཆོས་གྲགས་ལས་དགེ་བསྙེན་དང་བར་མ་རབ་བྱུང་སྔོན་དུ་འགྲོ་བའི་སྒོ་ནས་ཚིགས་སྔ་མ་དགེ་ཚུལ་གྱི་སྡོམ་པ་མནོས་ཤིང་མཚན་ལ་བློ་བཟང་དཔལ་ལྡན་ཞེས་གསོལ། དགུང་ལོ་བཅུ་གཉིས་པར་རྗེ་ཞྭ་[419]དམར་པཎྜི་ཏ་དགེ་འདུན་བསྟན་འཛིན་རྒྱ་མཚོ་དང་། གྲུབ་དབང་འཇིགས་མེད་བསམ་གཏན། ཚོ་འདུའི་ཡོངས་འཛིན་བྱང་ཆུབ་ཀུན་སྤངས་བློ་བཟང་བསྟན་པ་བཅས་ལས་ཐུན་མོང་གི་རིག་གནས་དང་། སྒོས་སུ་མདོ་སྔགས་ཀྱི་བཀའ་ཆོས་དབང་ལུང་མང་དུ་གསན། དགུང་ལོ་ཉི་ཤུ་ཐམ་པར་རབ་བྱུང་མཁན་པོ་སེམས་དཔའ་ཆེན་པོ་བློ་བཟང་ཆོས་གྲགས་ལས་བསྙེན་རྫོགས་ཀྱི་སྡོམ་པ་མནོས། ལོ་དེར་དུས་འཁོར་སྔགས་ཆེན་མཚོ་བྱུང་དགྱེས་པའི་དཔལ་ལས་དབྱངས་ཅན་སྒྲ་མདོ་དང་སྡེབ་སྦྱོར་རིན་ཆེན་འབྱུང་གནས་བཅས་ལ་སྦྱངས་པ་མཛད་པས་ཀུན་བཤད་ཀྱི་མཚན་ལ་མི་ཕམ་མཚོ་བྱུང་བཞད་པའི་ལང་ཚོ་ཞེས་གསོལ། དགུང་ལོ་ཉེར་བཞི་པར་ལྡེའུ་ཚ་བཀྲ་ཤིས་ཆོས་སྡིངས་སུ་ཕེབས། དེ་ནས་བཟུང་ལོ་སོ་གཉིས་ཀྱི་བར་བླ་མ་དགེ་འདུན་བསྟན་འཛིན་རྒྱ་མཚོར་བསྟེན་ཏེ་མདོ་སྔགས་རིག་གནས་ཀྱི་ཉིང་ཁུ་ཐུགས་སུ་ཆུད་པར་མཛད། དགུང་ལོ་སོ་ལྔ་བར་སྟག་རྡོ་དང་། སྒ་སར། ཀ་རིང་། རྫོངས་དཀར་སོགས་སུ་ཕེབས་ནས་ཆོས་ཀྱི་སྦྱིན་པ་རྒྱ་ཆེར་བཏང་། དགུང་ལོ་ཞེ་བདུན་པར་ཤར་བླ་བྲང་ཆེན་པོར་ཕེབས་ཏེ་ཤར་སྐྱབས་མགོན་སྐལ་ལྡན་བློ་བཟང་འཕྲིན་ལས་ལུང་རྟོགས་རྒྱ་མཚོའི་ཡོངས་འཛིན་མཛད། དགུང་ལོ་ང་དྲུག་པར《དགག་ལན་ཆུ་ཡི་འཕྲུལ་འཁོར》བརྩམས། ལོ་དེར་པཎ་ཆེན་སྐུ་ཕྲེང་དགུ་བ་རེབ་ཀོང་གསེར་ལྗོངས་ཡུལ་དུ་ཕེབས་པ་ལ《རྟོགས་བརྗོད་གསེར་གྱི་མེ་ཏོག》མཛད་དེ་ཕུལ། སྐུ་ཚེ་གང་བོར་དགེ་ཕྲུག་སྟོང་ཕྲག་ལས་བརྒལ་བ་བསྐྱངས་ཤིང་གསུང་ལས་སྐྱེས་པའི་བུ་སློབ་ཀྱི་ཁྲོད་ནས་ཀྱང་མཁས་པའི་རྒྱལ་ཐབས་[420]འཛིན་པ་ཤིན་ཏུ་མང་པོར་བྱོན། ཁོང་གི་གསུང་རྩོམ་ནི《སྔགས་ཀྱི་སྟོང་ཐུན་ཆེན་མོ》དང་། 《མཛོད་ཀྱི་ཐོབ་པ》། 《དབུ་མའི་དྲིས་ལན》། 《སྐར་རྩིས་སྟོང་འཇུག་གི་རྣོམ་བཞག》། 《ཆབ་ཤོག》། 《སྙན་ངག》 བཅས་པོ་ཏི་གསུམ་དུ་བཞུགས་སོ། །
- language:
- Tibetan