- co ne 'jam dbyangs tshul khrims dar rgyas
- ID:
- T229469
- ཅོ་ནེ་འཇམ་དབྱངས་ཚུལ་ཁྲིམས་དར་རྒྱས (Tibetan, Tibetan script, Original)
- > co ne 'jam dbyangs tshul khrims dar rgyas (Tibetan, Latin script, Transliteration-THL Extended Wylie Transliteration)
- > cho né jamyang tsultrim dargyé (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
འདི་ཉིད་ཀྱི་མཛད་རྣམ་སྐོར་གོང་དུ་ཁ་སྡེའི་ཁྲི་ཆེན་ཞེས་པའི་ནང་དགའ་ལྡན་ཁྲི་ཐོག་ཞེ་ལྔ་པའི་ཐོག་བཀོད་ཡོད་པས་དེར་གཟིགས།
- language:
- Tibetan
2. Thupten Phuntsok Dictionary
འདི་ཉིད་ཀྱི་མཛད་རྣམ་སྐོར་གོང་དུ་ཁ་སྡེའི་ཁྲི་ཆེན་ཞེས་པའི་ནང་ཀྱི་མཛད་རྣམ་སྐོར་ལས་དགའ་ལྡན་ཁྲི་ཐོག་ཞེ་ལྔ་པའི་ཐོག་བཀོད་ཡོད་པས་དེར་གཟིགས།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་བཅུ་གཅིག་པའི་ཆུ་ཕོ་སྤྲེལ་ལོ་སྟེ་སྤྱི་ལོ 1632 ལོར་མདོ་སྨད་ཅོ་ནེའི་ཞོ་བཟང་དུ་སྐུ་འཁྲུངས། འདས་ལོ་མི་གསལ། ཁོང་དགུང་ལོ་ཆུང་ངུའི་དུས་ནས་བྱ་ཁྱུང་མཁན་པོ་དོན་ཡོད་རྒྱལ་མཚན་དང་ནོ་ཡོན་ཆོས་རྗེ་རྒྱལ་མཚན་དཔལ་བཟང་རྣམ་གཉིས་ལས་རབ་ཏུ་བྱུང་ཞིང་མཚན་ལ་ཚུལ་ཁྲིམས་དར་རྒྱས་ཞེས་གསོལ། དེ་ནས་དབུས་སུ་ཕེབས་ཏེ་སེ་ར་ཐེག་ཆེན་གླིང་དུ་ཞུགས་ཤིང་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པར་མཛད། དགུང་ལོ་སུམ་ཅུ་པར་སྨད་གྲྭ་ཚང་གི་འཆད་ཉན་སློབ་དཔོན་དུ་ཕེབས་ཏེ་ལོ་བཅུ་བཞིའི་རིང་དུ་འཆད་ཉན་བསྐྱངས། དེ་ནས་འོལ་ཁ་རྫིང་ཕྱི་དང་། བསམ་གླིང་སླེབ་རི། ཚལ་གུང་ཐང་། གསང་སྔགས་མཁར་སོགས་ཀྱི་གདན་ས་བསྐྱངས་ཤིང་འཆད་ཉན་མཛད། རྒྱལ་དབང་ལྔ་བ་ཆེན་པོ་སོགས་ལས་སླར་བསྙེན་རྫོགས་ཀྱི་སྡོམ་པ་མནོས། དགའ་ལྡན་ཤར་གྱི་གདན་ས་ཡུན་རིང་དུ་བསྐྱངས། དེ་ནས་གོང་མ་ཆེན་པོའི་ཕོ་བྲང་པེ་ཅིན་དུ་ཕེབས་ཏེ་རྒྱལ་བློན་རྣམས་ལ་ཟབ་རྒྱས་ཆོས་ཀྱི་འཁོར་ལོ་རྒྱ་ཆེན་བསྐོར། དགུང་ལོ་ལྔ་བཅུ་ང་བཞི་པ་རབ་བྱུང་བཅུ་གཅིག་པའི་ཤིང་མོ་གླང་ལོ་སྟེ་སྤྱི་ལོ 1685 ལོར་དགའ་ལྡན་གསེར་ཁྲི་ལ་བཞུགས་ནས་ལོ་བདུན་གྱི་རིང་དུ་གསེར་ཁྲི་བསྐྱངས་ཤིང་རྟེན་དང་བརྟེན་པ་མང་དུ་བཞེངས། དེ་ནས་འོལ་ཁ་རྫིང་ཕྱིར་ཟུར་བཞུགས་མཛད་དེ་འཆད་ཉན་བསྐྱངས། དགུང་ལོ་དྲུག་ཅུ་རེ་བཞི་པ་རབ་བྱུང་བཅུ་གཉིས་པའི་ཤིང་མོ་ཕག་ལོ་སྟེ་སྤྱི་ལོ 1695 ལོར་དགའ་ལྡན་[494]གསེར་ཁྲི་ལ་སླར་བཞུགས་ནས་ལོ་ངོ་ལྔའི་རིང་དུ་གསེར་ཁྲི་བསྐྱངས་ཤིང་གསེར་ཟངས་ཀྱི་རྒྱལ་བ་བྱམས་པའི་སྐུ་ཁྲུ་བཞི་པ་དང་བཅས་པའི་གསེར་སྐུ་མང་བ་དང་། གནས་བརྟན་བཅུ་དྲུག རྗེ་ཙོང་ཁ་པའི་སྐུ་པར། གཙུག་ལག་ཁང་། བཀའ་འགྱུར་བཅས་སྐུ་གསུང་ཐུགས་རྟེན་མང་དུ་བཞེངས། རྒྱལ་བ་ཚངས་དབྱངས་རྒྱ་མཚོ་ལ་ལམ་རིམ་སོགས་ཀྱི་ཆོས་བཀའ་མང་དུ་འབུལ་བ་མཛད། དགུང་ལོ་དྲུག་ཅུ་རེ་བརྒྱད་པར་ཟུར་བཞུགས་མཛད། ཁོང་ནི་དགའ་ལྡན་གསེར་ཁྲི་འཛིན་པའི་ཁྲི་རབས་བཞི་བཅུ་ཞེ་ལྔ་པ་ཡིན་ནོ། །
- language:
- Tibetan