- chu bzang ngag dbang thub bstan dbang phyug
- ID:
- T229984
- ཆུ་བཟང་ངག་དབང་ཐུབ་བསྟན་དབང་ཕྱུག (Tibetan, Tibetan script, Original)
- > chu bzang ngag dbang thub bstan dbang phyug (Tibetan, Latin script, Transliteration-THL Extended Wylie Transliteration)
- > chu zang ngawang tubten wangchuk (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
ཆོས་རྗེ་དོན་གྲུབ་རིན་ཆེན་གྱི་སྐུ་སྐྱེར་གྲགས་པ་འདི་ཉིད་རབ་བྱུང་བཅུ་གཉིས་པའི་ཤིང་སྤྲུལ（༡༧༢༥）ལོར་ལྕང་སྐྱ་རོལ་པའི་རྡོ་རྗེའི་སྐུ་མཆེད་དུ་འཁྲུངས། དགུང་ལོ་བཅུ་བདུན་པར་དབུས་ལྷ་ལྡན་ཞིང་དུ་ཕེབས། འབྲས་སྤུངས་སྒོ་མང་ཆོས་གྲྭར་ཞུགས། སྐུ་གོང་མ་བློ་བཟང་བསྟན་པའི་རྒྱལ་མཚན་རྒྱལ་མཆོག་བདུན་པའི་ཐོག་མའི་ཡོངས་འཛིན་ཡིན་པས་རྗེ་འདི་ལ་བཀུར་བཟོས་ཆེ་བར་མཛད། རྒྱལ་དབང་མཆོག་དང་། ཁྲི་ཆེན་ངག་དབང་མཆོག་ལྡན། རྗེ་ངག་དབང་བྱམས་པ་སོགས་ཀྱི་ཞབས་ལ་གཏུགས་ནས་སློབ་གཉེར་མཛད་པས་གཞུང་ལུགས་ལ་ནང་བྱན་ཆུད་པར་གྱུར། རྒྱལ་དབང་རིན་པོ་ཆེར་བསྙེན་རྫོགས་ཞུས། ཁྲི་ཆེན་ངག་དབང་མཆོག་ལྡན་ལས་འཇིགས་བྱེད་བསྐྱེད་རིམ་གསན་པས་མཐར་ཕྱིན་ནས་རྫོགས་རིམ་ལ་མྱོང་བ་ཐོན། དགུང་ལོ་ཉེར་བཞིར་ཕེབས་པ་ས་འབྲུག（༡༧༤༨）ལོར་མདོ་སྨད་དུ་ཕེབས་ཏེ་དགོན་ལུང་། གསེར་དགོན། སྐུ་འབུམ་རྣམས་ཀྱི་ཁྲིར་བཞུགས། ཆོས་སྲིད་གཉིས་ཆར་གྱིས་བསྐྱངས། དེ་ནས་རྒྱ་ནག་པེ་ཅིང་དུ་ཕེབས་ནས་ལྕང་སྐྱ་རིན་པོ་ཆེ་དང་རོང་བོ་མཚན་སྒྲོགས་ལས་འགྲེལ་བ་བཞི་སྦྲགས་སོགས་ཆོས་བཀའ་གང་ཟབ་མནོས། གོང་མ་ཆན་ལུང་གིས་ལྕང་སྐྱ་རོལ་པའི་རྡོ་རྗེར་ལོ་ཙཱ་མཛད་དུ་བཅུག་ནས་རྗེ་འདི་པ་ལ་ཁྱབ་པའི་དམིགས་པ་སོགས་ཞི་གནས་ལས་བརྩམས་ཏེ་བཀའ་འདྲི་ཞུས། དགུང་ལོ་སོ་དྲུག་སྟེང་བྱ་ཁྱུང་དུ་ཐོག་མར་ཕེབས་ནས་བསྙེན་མཚམས་དང་། རྒྱུད་པ་གྲྭ་ཚང་ལ་གསང་སྡེ་འཇིགས་གསུམ་གྱི་དབང་དང་ཚོགས་ཆེན་ལ་ཀུན་རིག་གི་དབང་བསྩལ། དགུང་ལོ་ཞེ་བརྒྱད་ལ་ཕེབས་པ་རབ་བྱུང་བཅུ་གསུམ་པའི་ཆུ་འབྲུག（༡༧༧༢）ལོར་བྱ་ཁྱུང་དགོན་པའི་མཁན་རབས་སོ་དགུ་པའི་སེང་ཁྲིར་ཕེབས། དགུང་ལོ་ལྔ་བཅུ་ཙམ་ནས་སྐུ་འབུམ་མཁན་པོ་ལས་ཐོག་པ་མགོན་གྱ་ཚང་མ་བཞུགས་པའི་རྐྱེན་གྱིས་གདན་ས་གཡས་གཡོན་གཉིས་ཀ་ཟུང་འབྲེལ་དུ་བསྐྱངས། དེ་ལྟར་ལོ་བཅུའི་རིང་འཆད་ཉན་ལ་གཟིགས་རྟོགས་གང་དྲག་དང་། ཟླ་ངོ་རེ་གཉིས་སུ་སྐུ་མཚམས་ལ་བཞུགས་པ། སྔ་ཕྱིར་ཐུགས་རྗེ་ཆེན་པོ། གདུག་དཀར། འཇིགས་བྱེད་བཅུ་གསུམ་མ་རྣམས་ཀྱི་དབང་བསྩལ་བ་སོགས་འདོད་ཆོས་ཅི་རིགས་སོ་སོའི་མོས་པ་བཞིན་གནང་ནས་བསྟན་པའི་བྱ་བ་རླབས་གང་ཆེ་མཛད། བྱ་ཁྱུང་འདུ་ཁང་ཆེན་མོ་ཀ་བ་བརྒྱ་དང་ཉེར་བརྒྱད་ཅན་ཕྱི་ནང་བར་གསུམ་ཞིག་གསོ་དང་། བྱ་ཁྱུང་གི་ཆུ་བཟང་བླ་བྲང་གསར་གསོས་གནང་། འདུ་ཁང་དུ་སྤྱན་རས་གཟིགས་ཀྱི་ལི་སྐུ་རྒྱབ་ཡོལ་བཞུགས་ཁྲི་དང་བཅས་པ། བཙན་ཁང་དུ་སྟག་ལྤགས་ཀྱི་རྒྱལ་མཚན། བླ་བྲེ། དངུལ་གྱི་བཀྲ་ཤིས་རྟགས་བརྒྱད་སོགས་གསར་བཞེངས་ཐོག་གཞན་ལྷ་ཁང་འདུ་ཁང་སོ་སོར་སྟོང་མཆོད་དང་མཆོད་རྫས་ཀྱི་ཐེབས་དངུལ་ཕོན་ཆེན་ཕུལ། དགུང་ལོ་ང་བདུན་ལ་ཕེབས་པ་ལྕགས་གླང（༡༧༨༡）ལོར་ཁྲི་དགོངས་ཞུ་མཛད། དགུང་ལོ་རེ་གཅིག་ལ་ཕེབས་པ་ཤིང་སྤྲུལ（༡༧༨༥）ལོར་ཆེད་དུ་གདན་ཞུས་ལྟར་དན་ཏིག་དང་། གོང་སྐྱ། ཚེ་ཏན་སོགས་ཀྱི་དགོན་པར་ཕེབས་ཤིང་། རིམ་པར་དེ་དག་གི་ཁྲི་པ་མཛད་དེ་ཆོས་སྲིད་ཀྱིས་བསྐྱངས། ཁྱད་པར་དན་ཏིག་ཐིས་པ་ཡང་ཏིག་རྣམས་ལ་གནས་མཇལ་སྐབས་དག་པའི་གཟིགས་སྣང་མང་དུ་བྱུང་ཞིང་། བྲག་ལ་རང་བྱོན་གྱི་ལྷ་སྐུ་འདི་དང་འདི་རེད་ཅེས་བསྟན་པར་མཛད། མེ་ལུག（༡༧༨༧）ལོར་བྱ་ཁྱུང་གདན་རབས་དང་ལྕང་སྐྱ་རོལ་པའི་རྡོ་རྗེའི་རྣམ་ཐར་བརྩམས། དགུང་ལོ་དོན་གཉིས་ལ་ཕེབས་པ་རབ་བྱུང་བཅུ་གསུམ་པའི་མེ་འབྲུག（༡༧༩༦）ལོར་དགོངས་པ་ཆོས་དབྱིངས་སུ་ཐིམ།
- language:
- Tibetan
2. Thupten Phuntsok Dictionary
ཆོས་རྗེ་དོན་གྲུབ་རིན་ཆེན་གྱི་སྐུ་སྐྱེར་གྲགས་པ་འདི་ཉིད་རབ་བྱུང་བཅུ་གཉིས་པའི་ཤིང་སྦྲུལ (༡༧༢༥) ལོར་ལྕང་སྐྱ་རོལ་པའི་རྡོ་རྗེའི་སྐུ་མཆེད་དུ་འཁྲུངས། དགུང་ལོ་བཅུ་བདུན་པར་དབུས་ལྷ་ལྡན་ཞིང་དུ་ཕེབས། འབྲས་སྤུངས་སྒོ་མང་ཆོས་གྲྭར་ཞུགས། སྐུ་གོང་མ་བློ་བཟང་བསྟན་པའི་རྒྱལ་མཚན་རྒྱལ་མཆོག་བདུན་པའི་ཐོག་མའི་ཡོངས་འཛིན་པས་རྗེ་འདི་ལ་བཀུར་བཟོས་ཆེ་བར་མཛད། རྒྱལ་དབང་མཆོག་དང་། ཁྲི་ཆེན་ངག་དབང་མཆོག་ལྡན། རྗེ་ངག་དབང་བྱམས་པ་སོགས་ཀྱི་ཞབས་ལ་གཏུགས་ནས་སློབ་གཉེར་མཛད་པས་གཞུང་ལུགས་ལ་མཁས་པ་གྱུར། དགུང་ལོ་ཞེ་བརྒྱད་ལ་ཕེབས་པ་རབ་བྱུང་བཅུ་གསུམ་པའི་ཆུ་འབྲུག (༡༧༧༢) ལོར་བྱ་ཁྱུང་དགོན་པའི་མཁན་རབས་སོ་དགུ་པའི་སེང་ཁྲིར་ཕེབས། དགུང་ལོ་རེ་གཅིག་ལ་ཕེབས་པ་ཤིང་སྦྲུལ (༡༧༨༥) ལོར་ཆེད་དུ་གདན་ཞུས་ལྟར་དན་ཏིག་དང་། གོང་སྐྱ། ཚེ་ཏན་སོགས་ཀྱི་དགོན་པར་ཕེབས་ཤིང་འགྲོ་དོན་མཛད། མེ་ལུག (༡༧༨༧) ལོར་བྱ་ཁྱུང་གདན་རབས་དང་ལྕང་སྐྱ་རོལ་པའི་རྡོ་རྗེའི་རྣམ་ཐར་བརྩམས། དགུང་ལོ་དོན་གཉིས་ལ་ཕེབས་པ་རབ་བྱུང་བཅུ་གསུམ་པའི་མེ་འབྲུག (༡༧༩༦) ལོར་སྐུ་གཤེགས།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་བཅུ་གཉིས་པའི་ཤིང་མོ་སྦྲུལ་ལོ་སྟེ་སྤྱི་ལོ 1725 ལོར་སྐུ་འཁྲུངས། རབ་བྱུང་བཅུ་གསུམ་པའི་མེ་ཕོ་འབྲུག་ལོ་སྟེ་སྤྱི་ལོ 1796 ལོར་སྐུ་གཤེགས། ཁོང་ནི་ལྕང་སྐྱ་རོལ་པའི་རྡོ་རྗེའི་སྐུ་མཆེད་གཅུང་བོ་ཡིན། དགུང་ལོ་བཅུ་བདུན་པར་དབུས་སུ་ཕེབས་ཏེ་རྒྱལ་བ་བསྐལ་བཟང་རྒྱ་མཚོ་དང་ཁྲི་ཆེན་ངག་དབང་མཆོག་ལྡན་[556]གཉིས་རིགས་ཀྱི་གཙོ་བོར་བཟུང་སྟེ་མདོ་སྔགས་ཀྱི་གདམས་པ་མང་དུ་གསན། འབྲས་སྤུངས་སྒོ་མང་གྲྭ་ཚང་དུ་བཞུགས་ནས་མཚན་ཉིད་ཀྱི་གཞུང་སོགས་ལ་ཐུགས་གཉེར་ཡུན་རིང་དུ་མཛད། དེ་ནས་མདོ་སྨད་དུ་བྱོན་ཏེ། རབ་བྱུང་བཅུ་གསུམ་པའི་ས་མོ་སྦྲུལ་ལོ་སྟེ་སྤྱི་ལོ 1749 ལོར་དགོན་ལུང་བྱམས་པ་གླིང་གི་གདན་སའི་ཁྲི་ལ་བཞུགས་ནས་ལོ་ལྔའི་རིང་དུ་གདན་ས་བསྐྱངས། རབ་བྱུང་བཅུ་གསུམ་པའི་ཆུ་ཕོ་སྤྲེལ་ལོ་སྟེ་སྤྱི་ལོ 1752 ལོར་སྐུ་འབུམ་དགོན་གྱི་གདན་སའི་ཁྲི་ལ་ཕེབས་ཤིང་ལོ་བཅུའི་རིང་དུ་གདན་ས་བསྐྱངས། ཁོང་གིས་སྐབས་བཞི་པའི་འཛིན་གྲྭ་ཡང་གསར་དུ་བཙུགས་ཤིང་ཕར་ཕྱིན་ལ་ཡང་འཛིན་གྲྭ་ཁག་བཞི་ལ་ཕྱེས་ནས་འཆད་ཉན་མཛད། རབ་བྱུང་བཅུ་གསུམ་པའི་ཆུ་མོ་བྱ་ལོ་སྟེ་སྤྱི་ལོ 1753 ལོར་བླ་བྲང་ཆེན་མོའི་ཚོམས་ཁང་གཟིམས་ཆུང་དང་བཅས་པ་ཞིག་གསོས་ལེགས་པར་མཛད། རབ་བྱུང་བཅུ་གསུམ་པའི་མེ་མོ་གླང་ལོ་སྟེ་སྤྱི་ལོ 1757 ལོར་སྨན་པ་གྲྭ་ཚང་གསར་དུ་བཙུགས། སྔར་རབ་བྱུང་བཅུ་གཉིས་པའི་ཆུ་མོ་ཡོས་ལོ་སྟེ་སྤྱི་ལོ 1723 ལོར་ཉན་ཀང་ཡོའི་དམག་གིས་རྒྱལ་དབང་བསོད་ནམས་རྒྱ་མཚོའི་དངུལ་གདུང་མཆོད་རྟེན་ལ་གཏོར་བརླགས་བྱས་པ་དེ་རབ་བྱུང་བཅུ་གསུམ་པའི་ས་ཕོ་སྟག་ལོ་སྟེ་སྤྱི་ལོ 1758 ལོར་དངུལ་སྲང་སྟོང་ཕྲག་བཞི་ལས་ལྷག་པའི་རྒྱུ་སོང་གིས་དབྱེན་བཟླུམས་མཆོད་རྟེན་སྔར་བཞིན་དུ་དངུལ་གདུང་དུ་བསྒྱུར་ནས་ལེགས་པར་བཞེངས་མཛད། རབ་བྱུང་བཅུ་གསུམ་པའི་ཆུ་མོ་སྦྲུལ་ལོ་སྟེ་སྤྱི་ལོ 1773 ལོར་བྱ་ཁྱུང་དགོན་པའི་གདན་སའི་ཁྲི་ལ་ཕེབས་ནས་ལོ་[557]བཅུའི་རིང་དུ་གདན་ས་བསྐྱངས། འགྲིག་ལམ་ཀུན་སྤྱོད་དང་། ཆོས་འཆད་ཉན། འདུ་ཁང་ཆེན་མོ་བཞེངས་པ་བཅས་ལ་དོ་དམ་གང་ལེགས་གནང་། འདུ་ཁང་དུ་སྤྱན་རས་གཟིགས་ཀྱི་ལི་སྐུ་རྒྱབ་ཡོལ་བཞུགས་ཁྲི་དང་བཅས་པ། བཙན་ཁང་དུ་སྟག་ལྤགས་ཀྱི་རྒྱལ་མཚན། བླ་བྲེ། དངུལ་གྱི་བཀྲ་ཤིས་རྟགས་བརྒྱད་སོགས་དང་། གཞན་ཡང་ལྷ་ཁང་འདུ་ཁང་སོ་སོར་སྟོང་མཆོད་དང་མཆོད་རྫས་ཀྱི་ཐེབས་སུ་དངུལ་སྲང་སྟོང་ལྷག་གི་སྤྱི་འཇོག་མཛད། རྒྱ་ནག་པེ་ཅིན་ཕོ་བྲང་དུ་ཡང་ཕེབས་ནས་གོང་མ་ཆེན་པོས་ཀྱང་གཟིགས་སྐྱོང་ཆེའོ། ཁོང་གི་གསུང་རྩོམ་ནི《ལྕང་སྐྱ་རོལ་བའི་རྡོ་རྗེའི་རྣམ་ཐར》དང་། 《བྱ་ཁྱུང་མཁན་རབས་བསྡུས་པ》བཅས་བཞུགས་སོ།།
- language:
- Tibetan