- chu bzang ye shes rgya mtsho
- ID:
- T229985
- ཆུ་བཟང་ཡེ་ཤེས་རྒྱ་མཚོ (Tibetan, Tibetan script, Original)
- > chu bzang ye shes rgya mtsho (Tibetan, Latin script, Transliteration-THL Extended Wylie Transliteration)
- > chu zang yeshe gyatso (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
རྗེ་འདི་ནི་ཤར་ཕྱོགས་ཀོང་ཡུལ་དུ་ཡབ་ཚེ་འཕེལ་དང་ཡུམ་མཚོ་མོ་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ས་བྱ（༡༧༨༩）ལོར་སྐུ་འཁྲུངས། སྐུ་ཆུང་དུས་དགོན་པ་བཀྲ་ཤིས་རབ་བརྟན་དུ་བཞུགས་ནས་དགོན་པའི་འདོན་ཆ་ཕལ་ཆེར་བསླབས། དགུང་ལོ་བཅོ་ལྔ་ནས་བཅོ་བརྒྱད་བར་ཆོས་གྲྭ་ཞིག་ཏུ་ཕེབས་འདུན་ཡང་དགེ་རྒན་དང་ཕ་མའི་བཀའ་མ་འཁྲོལ། དགུང་ལོ་བཅུ་དགུར་བྱོལ་ཐབས་ཀྱིས་འབྲས་སྤུངས་བློ་གསལ་གླིང་གྲྭ་ཚང་དུ་ཆོས་ཞུགས་མཛད། དགུང་ལོ་ཉི་ཤུའི་ཐོག་གྲུབ་དབང་རིན་ཆེན་ཕུན་ཚོགས་དཔལ་བཟང་པོའི་དྲུང་དུ་དགེ་བསྙེན་བར་མ་རབ་བྱུང་དགེ་ཚུལ་གྱི་སྡོམ་པ་མནོས། མཚན་ཡེ་ཤེས་རྒྱ་མཚོ་ཞེས་བསྩལ། དགུང་ལོ་ཉི་ཤུ་རྩ་དྲུག་ལ་དེ་མོ་ནོ་མོན་ཧན་ཞབས་དྲུང་ནས་བསྙེན་རྫོགས་ཀྱི་སྡོམ་པ་བཞེས། རྡོ་རྗེ་འཆང་ངག་དབང་ཆོས་འཛིན་དང་། ཁྲི་ཆེན་བྱང་ཆུབ་ཆོས་འཕེལ། བླ་མ་སྐལ་བཟང་མཁས་གྲུབ་སོགས་ཀྱི་ཞལ་སྔ་ནས་མདོ་སྔགས་ཀྱི་ཆོས་མང་དུ་གསན། དགུང་ལོ་ང་བདུན་དུ་ཕེབས་པ་རབ་བྱུང་བཅུ་བཞི་པའི་ཤིང་སྦྲུལ（༡༨༤༥）ལོར་རྒྱལ་དབང་སྐུ་ཕྲེང་བཅུ་གཅིག་པ་མཁས་གྲུབ་རྒྱ་མཚོ་མཆོག་རབ་བྱུང་གི་སྡོམ་པ་བཞེས་པའི་མཛད་སྒོར་ཞུགས། དགུང་གྲངས་དྲུག་ཅུ་ཐམ་པ་ལ་ཕེབས་པའི་ལོ་དེར་སྟག་ཕུའི་ཡོངས་འཛིན་མཛད། དགུང་ལོ་རེ་དྲུག་པ་ལ་རྒྱལ་དབང་མཁས་གྲུབ་རྒྱ་མཚོ་མཆོག་ལ་བརྟན་བཞུགས་མཎྜལ་ལྗགས་བཤད་གནང་བ་དང་། རྩོམ་པ་ལ་མཚོན་ན《བྱང་ཆུབ་ལམ་རིམ་ཆེན་མོའི་ས་བཅད་ཀྱི་ཐོག་ནས་སྐྱེས་བུ་གསུམ་གྱི་ལམ་གྱི་རིམ་པའི་མན་ངག་གནད་བསྡུས་གསལ་བའི་སྒྲོན་མེ》 《བླ་མའི་རྣལ་འབྱོར་དོངས་གྲུབ་ཀུན་འབྱུང》 《ཚེ་གཅིག་གི་ཉམས་ལེན་རྣམས་ཉིན་ཞག་ཕྲུགས་གཅིག་གིས་སྦྱར་ཏེ་ལག་ལེན་དུ་བསྟར་བའི་རིམ་པ་མདོར་བསྡུས》སོགས་བཀའ་རྩོམ་པོ་ཏི་འབྲིང་བ་གཉིས་ཙམ་མཛད། མཐར་དགུང་ལོ་རེ་བརྒྱད་དུ་ཕེབས་པ་རབ་བྱུང་བཅུ་བཞི་པའི་མེ་འབྲུག（༡༨༤༦）ལོར་སྐུ་གཤེགས།
- language:
- Tibetan
2. Thupten Phuntsok Dictionary
རྗེ་འདི་ནི་ཤར་ཕྱོགས་ཀོང་ཡུལ་དུ་ཡབ་ཚེ་འཕེལ་དང་ཡུམ་མཚོ་མོ་གཉིས་ཀྱི་སྲས་སུ་རབ་བྱུང་བཅུ་གསུམ་པའི་ས་བྱ (༡༧༨༩) ལོར་འཁྲུངས། སྐུ་ཆུང་དུས་དགོན་པ་བཀྲ་ཤིས་རབ་བརྟན་དུ་བཞུགས་ནས་དགོན་པའི་འདོན་ཆ་ཕལ་ཆེར་བསླབས། དགུང་ལོ་བཅོ་ལྔ་ནས་བཅོ་བརྒྱད་བར་ཆོས་གྲྭ་ཞིག་ཏུ་ཕེབས་འདུན་ཡོད་ཅང་དགེ་རྒན་དང་ཕ་མའི་བཀའ་མ་འཁྲོལ། དགུང་ལོ་བཅུ་དགུར་བྱོལ་ཐབས་ཀྱིས་འབྲས་སྤུངས་བློ་གསལ་གླིང་གྲྭ་ཚང་དུ་ཆོས་ཞུགས་མཛད། དགུང་ལོ་ཉི་ཤུའི་ཐོག་གྲུབ་དབང་རིན་ཆེན་ཕུན་ཚོགས་དཔལ་བཟང་པོའི་དྲུང་དུ་དགེ་བསྙེན་བར་མ་རབ་བྱུང་དགེ་ཚུལ་གྱི་སྡོམ་པ་མནོས། མཚན་ཡེ་ཤེས་རྒྱ་མཚོ་ཞེས་བསྩལ། དགུང་ལོ་ཉི་ཤུ་རྩ་དྲུག་ལ་དེ་མོ་ནོ་མོན་ཧན་ཞབས་དྲུང་ནས་བསྙེན་རྫོགས་ཀྱི་སྡོམ་པ་བཞེས། རྡོ་རྗེ་འཆང་ངག་དབང་ཆོས་འཛིན་དང་། ཁྲི་ཆེན་བྱང་ཆུབ་ཆོས་འཕེལ། བླ་མ་སྐལ་བཟང་མཁས་གྲུབ་སོགས་ཀྱི་ཞལ་སྔ་ནས་མདོ་སྔགས་ཀྱི་ཆོས་མང་དུ་གསན། རྩོམ་པ་ལ་མཚོན་ན་བྱང་ཆུབ་ལམ་རིམ་ཆེན་མོའི་ས་བཅད་ཀྱི་ཐོག་ནས་སྐྱེས་བུ་གསུམ་གྱི་ལམ་གྱི་རིམ་པའི་མན་ངག་གནད་བསྡུས་གསལ་བའི་སྒྲོན་མེ།》 བླ་མའི་རྣལ་འབྱོར་དངོས་གྲུབ་ཀུན་འབྱུང་།》 ཚེ་གཅིག་གི་ཉམས་ལེན་རྣམས་ཉིན་ཞག་ཕྲུགས་གཅིག་གིས་སྦྱར་ཏེ་ལག་ལེན་དུ་བསྟར་བའི་རིམ་པ་མདོར་བསྡུས》་སོགས་བཀའ་རྩོམ་པོ་ཏི་འབྲིང་བ་གཉིས་ཙམ་མཛད། མཐར་དགུང་ལོ་རེ་བརྒྱད་དུ་ཕེབས་པ་རབ་བྱུང་བཅུ་བཞི་པའི་མེ་འབྲུག (༡༨༥༦) ལོར་སྐུ་གཤེགས།
- language:
- Tibetan
3. gangs can mkhas grub rim byon ming mdzod
[564] ཁོང་ནི་རབ་བྱུང་བཅུ་གསུམ་ས་མོ་བྱ་ལོ་སྟེ་སྤྱི་ལོ 1789 ལོར་ཤར་ཕྱོགས་ཀོང་པོའི་ཡུལ་དུ་ཡབ་ཚེ་འཕེལ་དང་། ཡུམ་འཚོ་མོ་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅུ་བཞི་པའི་མེ་ཕོ་འབྲུག་ལོ་སྟེ་སྤྱི་ལོ 1856 ལོར་སྐུ་གཤེགས། ཁོང་དགུང་ལོ་ཆུང་ངུའི་དུས་ནས་དགོན་པ་བཀྲ་ཤིས་རབ་བརྟན་གྱི་ཆོས་གྲྭར་ཞུགས་ཏེ་དགེ་རྒན་ཚངས་དབྱངས་ཐུགས་རྗེ་དང་འབྱོར་རྒྱས་གཉིས་ལ་བསྟེན་ནས་ཡི་གེའི་འབྲི་ཀློག་དང་ཆོས་སྤྱོད་བཅས་ལ་བསླབས་པར་མཛད། དགུང་ལོ་བཅུ་དགུ་པར་བྱོལ་ཐབས་ཀྱིས་འབྲས་སྤུངས་བློ་གསལ་གླིང་གི་ཆོས་གྲྭར་ཞུགས་ཏེ་གཞུང་ཆེན་བཀའ་པོད་ལྔ་ལ་སྦྱངས་པ་མཛད། དགུང་ལོ་ཉི་ཤུ་ཐམ་པར་གྲུབ་དབང་རིན་ཆེན་ཕུན་ཚོགས་དཔལ་བཟང་པོའི་དྲུང་ནས་དགེ་བསྙེན་དང་བར་མ་རབ་བྱུང་དགེ་ཚུལ་གྱི་སྡོམ་པ་མནོས་ཤིང་མཚན་ལ་ཡེ་ཤེས་རྒྱ་མཚོ་ཞེས་གནང་། དགུང་ལོ་ཉི་ཤུ་རྩ་དྲུག་པར་དེ་མོ་ནོ་མིན་ཧན་ཞབས་དྲུང་ནས་བསྙེན་རྫོགས་ཀྱི་སྡོམ་པ་ཞུས། དགུང་ལོ་སོ་ལྔའི་བར་དུ་སློབ་གཉེར་དཔྱིས་ཕྱིན་པ་ཞིག་གནང་། ཁོང་གིས་སྔོན་རྗེས་སུ་རྡོ་རྗེ་འཆང་ངག་དབང་ཆོས་འཛིན་དང་། ཁྲི་ཆེན་བྱང་ཆུབ་ཆོས་འཕེལ། བླ་མ་སྐལ་བཟང་མཁས་གྲུབ་སོགས་དྲིན་ཅན་བླ་མ་བཅུ་ཕྲག་བརྒལ་བར་བསྟེན་ནས་མདོ་རྒྱུད་བསྟན་བཅོས་རྣམས་ཀྱི་དབང་ལུང་མན་ངག་མང་དུ་གསན། དགུང་ལོ་ལྔ་བཅུ་ང་བདུན་པར་རྒྱལ་བ་སྐུ་ཕྲེང་བཅུ་གཅིག་པ་མཁས་གྲུབ་རྒྱ་མཚོ་རབ་བྱུང་གི་སྡོམ་པ་བཞེས་པའི་མཛད་སྒོར་ཞུགས། དགུང་ལོ་དྲུག་ཅུ་ཐམ་པར་སྟག་ཕུའི་ཡོངས་འཛིན་གནང་། དགུང་ལོ་དྲུག་ཅུ་རེ་དྲུག་པར་རྒྱལ་[563]དབང་མཁས་གྲུབ་རྒྱ་མཚོར་བརྟན་བཞུགས་མཎྜལ་ལྗགས་བཤད་མཛད། དགུང་ལོ་དྲུག་ཅུ་རེ་བརྒྱད་པར་དགོངས་པ་ཆོས་དབྱིངས་སུ་གཤེགས། །ཁོང་གི་གསུང་རྩོམ་ནི《དམ་པའི་ཆོས་རྒྱ་མཚོ་ལྟ་བུ་ལས་ཁོ་བོས་བགོ་སྐལ་ཅུང་ཟད་མྱོང་བའི་ཐོབ་ཡིག་དགའ་ལྡན་བསྟན་པའི་མཛེས་རྒྱན་ལས་དབང་དང་རྗེས་གནང་གི་སྐོར》དང་། 《བྱང་ཆུབ་ལམ་རིམ་ཆེན་མོའི་ས་བཅད་ཀྱི་ཐོག་ནས་སྐྱེས་བུ་གསུམ་གྱི་ལམ་གྱི་རིམ་པའི་མན་ངག་གནད་བསྡུས་གསལ་བའི་སྒྲོན་མེ》། 《བླ་མའི་རྣལ་འབྱོར་དངོས་གྲུབ་ཀུན་འབྱུང་》བཅས་ཆོས་ཚན་བཅུ་ལོངས་པའི་པོད་གཅིག་བཞུགས་སོ།།
- language:
- Tibetan