- mnyam med shAkya ye shes
- ID:
- T231207
- མཉམ་མེད་ཤཱཀྱ་ཡེ་ཤེས (Tibetan, Tibetan script, Original)
- > mnyam med shAkya ye shes (Tibetan, Latin script, Transliteration-THL Extended Wylie Transliteration)
- > nyammé shakya yeshe (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
（གུང་ཐང་བླ་མ་ཞང་གི་སློབ་མ）རབ་བྱུང་གསུམ་པའི་མེ་ཡོས་（༡༡༤༧ལོ་ནས་རབ་བྱུང་བཞི་པའི་མེ་ཡོས་（༡༢༠༧）ལོ་བར་དགུང་ལོ་དྲུག་ཅུ་རེ་གཅིག་བཞུགས་། ལོ་རྒྱུས་ཞིབ་ཚལ་པ་ཀུན་དགའ་རྡོ་རྗེས་མཛད་པའི་《དེབ་ཐེར་དམར་པོའི་》ནང་གསལ།
- language:
- Tibetan
2. Thupten Phuntsok Dictionary
(གུང་ཐང་བླ་མ་ཞང་གི་སློབ་མ) རབ་བྱུང་གསུམ་པའི་མེ་ཡོས (༡༡༤༧) ལོ་ནས་རབ་བྱུང་བཞི་པའི་མེ་ཡོས (༡༢༠༧) ལོ་བར་དགུང་ལོ་དྲུག་ཅུ་རེ་གཅིག་བཞུགས།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་གསུམ་པའི་མེ་མོ་ཡོས་ལོ་སྟེ་སྤྱི་ལོ 1147 [689] ལོར་ཡར་འབྲོག་སྟག་ལུང་དུ་ཡབ་སངས་རྒྱས་ནམ་མཁའ་དང་། ཡུམ་འོད་ལྡན་གཉིས་ཀྱི་སྲས་སུ་སྐུ་འཁྲུངས། གདུང་རུས་ནི་སྒྲད་ཡིན། རབ་བྱུང་བཞི་པའི་མེ་མོ་ཡོས་ལོ་སྟེ་སྤྱི་ལོ 1207 ལོར་སྐུ་གཤེགས། ཁོང་དགུང་ལོ་ཆུང་དུས་མིང་ལ་ཤཱཀྱ་རྡོ་རྗེ་ཞེས་ཞུ། དགུང་ལོ་དགུ་པར་ཡབ་ལས་ཆོས་རྣམས་བསླབས། དགུང་ལོ་བཅུ་གཅིག་པར་བླ་མ་ཞང་དང་མཇལ་ཞིང་གདམས་ངག་ཐམས་ཅད་བུམ་པ་གང་བྱོར་ཚུལ་གྱིས་གསན། མཁན་པོ་མྱང་བྲན་ཆོས་ཡེ་དང་། སློབ་དཔོན་འབེན་ཐུང་པ་ལས་རབ་ཏུ་བྱུང་། དགུང་ལོ་བཅུ་དགུ་པར་མཁན་པོ་བརྩིབ་པ་གཞོན་སེང་། ལས་སློབ་གླང་པོ་ཇོ་བཙུན། གསང་སྟོན་གཙང་གད་སྙོད་རྣམས་ལས་བསྙེན་པར་རྫོགས། རྔོག་མདོ་སྡེ་དང་། གྲུབ་ཐོབ་ངོམ་སེ་པོ། ཁུ་སྟོན་གྲུབ་སིང་། སེ་འབྲུ་རྡོ་རྗེ་གྲགས། རྗེ་དུས་གསུམ་མཁྱེན་པ། འབྲི་གུང་ཆོས་རྗེ་སོགས་ལས་གསང་སྔགས་ཀྱི་དབང་ལུང་གདམས་པ་ཞུས། དགེ་བཤེས་དོལ་པོ་བཤེར་བླ་དང་། སློབ་དཔོན་སྟོན་སེང་། ལ་སྟོད་དཀོན་མཆོག་མཁར། དགེ་བཤེས་སྟོན་དར། དགེ་བཤེས་འོ་མ་ཐང་པ། མྱང་སྒོམ་རིན་ཤེ། རྒྱ་མའི་སངས་རྒྱས་དབོན་སོགས་ལས་མཚན་ཉིད་དང་བཀའ་གདམས་ཀྱི་ཆོས་སྐོར་གསན། དགུང་ལོ་བཞི་བཅུ་པར་ཚལ་གུང་ཐང་གི་གདན་སར་བསྐོས། དེ་ནས་བླ་མ་ཞང་ཞིང་དུ་ཕེབས། སྐུ་འདབ་དང་། སྐུ་འབུམ་ཆེན་པོའི་འཕྲོ་གདུང་ཁང་བཀྲ་ཤིས་འོད་འབར། མགོན་ཁང་། ལྷ་ཁང་གི་ཁྱིམ་སྨད། ཐིག་ཁང་། རྒྱ་ཕུབ་གསེར་འབྲུ་དང་བཅས་པ། ལྕགས་རི་ནང་མ་སོགས་བཞེངས་པར་མཛད། དགུང་ལོ་དྲུག་[690]ཅུ་རྩ་གཅིག་པར་དགོངས་པ་ཆོས་དབྱིངས་སུ་གཤེགས། ཁོང་ནི་ཚལ་གུང་ཐང་གི་བླ་རབས་གཉིས་པ་ཡིན། ཁོང་གི་སློབ་མ་གྲགས་ཆེ་བ་ནི་རྒྱ་ཕོ་ལུང་པ་དང་། གཙང་པ་དུང་ཁུར་བ། གཙང་པ་བློ་ལྡན། དགེ་བཤེས་མང་པ་སོགས་ཡིན། །
- language:
- Tibetan