- snye thang jo bo'i gdung rten
- ID:
- T231342
- སྙེ་ཐང་ཇོ་བོའི་གདུང་རྟེན (Tibetan, Tibetan script, Original)
- > snye thang jo bo'i gdung rten (Tibetan, Latin script, Transliteration-THL Extended Wylie Transliteration)
- > nyé tang jowö dung ten (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
ཇོ་བོ་རྗེའི་སྐུ་གདུང་རིན་པོ་ཆེ་ནིི་དེ་སྔོན་སྙེ་ཐང་སྒྲོལ་མ་ལྷ་ཁང་གི་གྲོང་དཀྱིལ་དུ་བཞུགས། ལྷ་བཙུན་བྱང་ཆུབ་འོད་ཀྱི་དུས་སྐབས་བོད་འདིར་རྒྱལ་བསྟན་དར་རྒྱས་ཡོང་ཆེད་ཁུ་བོ་ཡེ་ཤེས་འོད་ཀྱི་ཞལ་ཆེམས་ལྟར་ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ་སོགས་ལ་གསེར་མང་པོའི་རྟེན་དང་བཅས་རྒྱ་གར་ནས་ཇོ་བོ་རྗེ་གདན་འདྲེན་དུ་བཏང་བ་བཞིན་བོད་རབ་བྱུང་དང་པོའི་ལྕགས་འབྲུག་༡༠༤༠ལོར་མཉམ་མེད་ཇོ་བོ་ཆེན་པོ་གངས་ཅན་ལྗོངས་ཀྱི་ཐོག་མར་མངའ་རིས་སུ་འཁོད་དེ་ལོ་གསུམ་རིང་བཞུགས་ཐོག་མདོ་སྔགས་ཀྱི་ཆོས་ཐམས་ཅད་ཀྱི་གཞི་རྩ། བྱང་ཆུབ་ལམ་གྱི་སྒྲོན་མ་ཞེས་གདམས་པའི་ཆུ་བོ་གསུམ་འདྲེས་ཀྱི་མན་ངག་ སྐྱེས་བུ་གསུམ་གྱི་ལམ་གྱི་རིམ་པའི་རྩ་བ་དེ་ཉིད་འཆད་སྤེལ་མཛད་རྗེས་། དབུས་ཀྱི་འབྲོམ་སྟོན་པ་ཆེན་པོས་ཇོ་བོ་དབུས་སུ་གདན་དྲངས་པ་ལྟར་སྙེ་ཐང་། ལྷ་ས། ཡེར་པ། འཕན་པོ། ཡར་ལུང་། བསམ་ཡས་སོགས་སུ་ཞབས་བཅགས་ཤིང་། བཞུགས་གནས་གཙོ་བོ་སྙེ་ཐང་དུ་མཛད་དེ་ལོ་དགུ་ཙམ་བཞུགས་། སྐལ་ལྡན་འདུལ་བྱ་མཆོག་དམན་ཡོངས་ལས་སོ་སོའི་སྐལ་བ་དང་འཚམས་པའི་ཐབས་རྒྱ་དམ་པའི་ཆོས་ཀྱི་མན་ངག་གིས་རིམ་པའི་ཆོས་ཀྱི་འཁོར་ལོ་སྐོར་བ་སོགས་མཛད་ཟིན་རྗེས་དགུང་ལོ་བདུན་ཅུ་དོན་གསུམ་སྐབས་སྙེ་ཐང་དུ་སྐུ་གཤེགས། དངོས་སློབ་འབྲོམ་སྟོན་རྒྱལ་བའི་འབྱུང་གནས་ནས་བྱང་རྭ་སྒྲེང་དགོན་དུ་སྐུ་གདུང་རིན་ཆེན་གདན་དྲངས་ཏེ་ཞུགས་འབུལ་མཛད་རྗེས་པུར་ཐལ་རིང་བསྲེལ་རྣམས་བཞུགས་པའི་གདུང་རིན་པོ་ཆེ་བཞེངས་ནས་རྭ་སྒྲེང་གཙུག་ལག་ཁང་གི་རྟེན་གཙོར་བཞུགས་སུ་གསོལ་ནས་བཞུགས་མུས་དང་། སྐུ་གདུང་གི་ཆ་ཤས་ཁག་གཅིག་སྙེ་ཐང་དུ་མཆོད་རྟེན་བཞེངས་པ་དེར་བཞུགས་ཡོད་ཀྱང་། རིག་གནས་གསར་བརྗེའི་སྔ་རྗེས་སུ་གཏོར་བཤིག་ཐེབས་ནས་དེང་སླར་གསར་བཞེངས་བྱས་ཡོད།
- language:
- Tibetan
2. Thupten Phuntsok Dictionary
ཇོ་བོའི་སྐུ་གདུང་རིན་པོ་ཆེ་ནི་དེ་སྔོན་སྙེ་ཐང་སྒྲོལ་མ་ལྷ་ཁང་གི་གྲོང་དཀྱིལ་དུ་བཞུགས།
- language:
- Tibetan