- gter chen rig 'dzin rgod ldem
- ID:
- T231677
- གཏེར་ཆེན་རིག་འཛིན་རྒོད་ལྡེམ (Tibetan, Tibetan script, Original)
- > gter chen rig 'dzin rgod ldem (Tibetan, Latin script, Transliteration-THL Extended Wylie Transliteration)
- > terchen rigdzin gödem (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
རྙིང་མའི་གཏེར་ཆེན་འདི་ཉིད་ཡབ་སློབ་དཔོན་སྲིད་འདུལ་དཔལ་དང་ཡུམ་ཇོ་ལྕམ་བསོད་ནམས་ཁྱེ་འདྲེན་གཉིས་ཀྱི་སྲས་སུ་རབ་བྱུང་ལྔ་པའི་ཤིང་གླང (༡༣༢༥) ལོའི་བོད་ཟླ་དང་པོའི་ཚེས་བཅུ་ཉིན་གཙང་ངམ་རིང་དུ་སྐུ་འཁྲུངས། མཚན་དངོས་གྲུབ་རྒྱལ་མཚན་ཞེས་གསོལ། སྐུ་གཞོན་ནུ་ལ་ཡབ་གཤེགས་པས་ཡུམ་གྱིས་ཡི་གེ་འབྲི་ཀློག་སོགས་བསླབས། དགུང་ལོ་བརྒྱད་པ་ལ་ཕ་ཆོས་སྒྱུ་འཕྲུལ་དང་མ་མོ་སོགས་མཁས་པར་མཁྱེན། དེ་ནས་མཁས་པ་སྣང་ལྡན་རྒྱལ་པོ་ལས་གུ་རུ་ཆོས་དབང་གི་ཆོས་རྣམས་གསན། མྱང་མ་ལས་མྱང་རལ་གྱི་གཏེར་ཆོས་རྣམས་གསན། སྒྲུབ་པ་སྒྲུབ་རྟགས་རྣམས་ཚད་དུ་ལོང་། དགུང་ལོ་ཉེར་བཞི་པ་ལ་རྒོད་ཀྱི་ལྡེམ་འཕྲུ་ལྔ་འཁྲུངས། བྲག་ལུང་པ་མཁས་བཙུན་རིན་ཆེན་དཔལ་བ་ལས་རྫོགས་པ་ཆེན་པོའི་ཆོས་རྣམས་གསན། གང་ཉིད་རྡོ་རྗེ་ཕུར་པའི་སྒྲུབ་པར་ཐུགས་རྩེ་གཅིག་ཏུ་གཞོལ། གཏེར་ཆེན་གྱི་སྙན་གྲགས་དབུས་གཙང་མདོ་ཁམས་དང་བཅས་པའི་ཡུལ་གྲུ་ཀུན་ལ་ཁྱབ་པས་ཆོས་དབང་ཞུ་བར་ཡོང་བའི་གདུལ་བྱ་བགྲང་གིས་མི་ལངས་པར་འགྲོ་དོན་རྒྱ་ཆེན་མཛད། མཐར་རབ་བྱུང་བདུན་པའི་ཆུ་རྟ (༡༤༠༢) ལོར་སྐུ་ལུས་མ་བོར་བར་པདྨ་འོད་ཀྱི་གཞལ་ཡས་སུ་གཤེགས་ནས་གུ་རུའི་ཐུགས་ཀར་ཐིམ་པར་གྲགས་སོ། །
- language:
- Tibetan