- gter chen sangs rgyas gling pa
- ID:
- T231678
- གཏེར་ཆེན་སངས་རྒྱས་གླིང་པ (Tibetan, Tibetan script, Original)
- > gter chen sangs rgyas gling pa (Tibetan, Latin script, Transliteration-THL Extended Wylie Transliteration)
- > terchen sangye lingpa (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
རྙིང་མའི་གཏེར་ཆེན་འདི་ནི་ཡབ་རྣལ་འབྱོར་པ་སྟག་ལུང་སྨྱོན་པ་ཞེས་པ་དང་། ཡུམ་ཨ་ཧཱུཾ་རྒྱན་ཞེས་པའི་སྲས་སུ་རབ་བྱུང་དྲུག་པའི་ལྕགས་འབྲུག (༡༣༤༠) ལོར་བྲག་གསུམ་རྡོ་རྗེ་བྲག་ཏུ་སྐུ་འཁྲུངས། ཡབ་ཀྱིས་མཚན་རིག་འཛིན་དུ་གསོལ། དགུང་ལོ་ལྔ་པ་ལ་མཁན་པོ་གཞོན་ནུ་དཔལ་ལ་དགེ་བསྙེན་གྱི་སྡོམ་པ་ཞུས། མཚན་དཀོན་མཆོག་རིན་ཆེན་དུ་གསོལ། སློབ་དཔོན་རིན་ཆེན་བྱ་བ་ལས་འབྲི་ཀློག་བསླབས་པས་ཚེགས་མེད་དུ་མཁྱེན། ཡབ་འདས་རྗེས་ཙ་རིར་བྱོན་ནས་དགོན་པ་ལྷུན་གྲུབ་སྟེང་དུ་མཁན་པོ་བྱང་ཆུབ་རྡོ་རྗེ་དང་། སློབ་དཔོན་ཤཱཀྱ་ཡེ་ཤེས་ལས་རབ་ཏུ་བྱུང་། མཚན་སངས་རྒྱས་བཟང་པོར་གསོལ། དགུང་ལོ་ཉེར་ལྔ་ལ་ཕེབས་པ་ཤིང་འབྲུག་ལོ༡༣༦༤ལོར་སྤུ་རི་ཕུག་མོ་ཆེ་ནས་བླ་མ་དགོངས་པ་འདུས་པ་དང་ཐུགས་རྗེ་ཆེན་པོའི་སྐོར་རྣམས་གདན་དྲངས། ལང་པོ་ཀ་མདའ་འཕྲང་། ཀོང་པོ་མཆིམས་ཡུལ། སྤུ་རི་རིན་ཆེན་འབར་བ། ཙ་རི། རྒྱ་ལ་གཤིན་རྗེའི་རྦ་དོང་། བསམ་ཡས་མཆིམས་ཕུ་སོགས་ནས་གཏེར་ཁ་ཆེན་པོ་བཅོ་བརྒྱད་བཞེས་ཤིང་། གཞན་ཕྲན་ཚེགས་ཀྱི་གཏེར་ནི་གྲངས་ཀྱིས་མི་ཆོད་པ་བཞེས། མཐར་དགུང་ལོ་ལྔ་བཅུ་ང་བདུན་པ་རབ་བྱུང་བདུན་པའི་མེ་བྱི (༡༣༩༦) ལོར་དགོན་པ་ལྷུན་གྲུབ་སྟེང་དུ་དགོངས་པ་ཆོས་དབྱིངས་སུ་ཐིམ།
- language:
- Tibetan