- gter ston ra mo shel sman
- ID:
- T231684
- གཏེར་སྟོན་ར་མོ་ཤེལ་སྨན (Tibetan, Tibetan script, Original)
- > gter ston ra mo shel sman (Tibetan, Latin script, Transliteration-THL Extended Wylie Transliteration)
- > tertön ramo shel men (Tibetan, Latin script, Transcription-THL Simplified Tibetan Transcription)
Other Dictionaries
1. Thupten Phuntsok Dictionary
རྗེ་འདི་ཉིད་རབ་བྱུང་བཞི་པའི (༡༢༠༧ནས༡༢༦༦) ནང་གཙང་ཡར་སྟོད་ར་མོ་སྨན་ཆུ་ཁར་སྐུ་འཁྲུངས། དགུང་ལོ་ཆུང་ངུའི་དུས་ནས་རྫོགས་པ་ཆེན་པོའི་ཆོས་ལ་ཐུགས་གཞོལ་ཏེ་རིམ་བཞིན་ཐོས་བསམ་དཔྱིས་ཕྱིན་པར་མཛད། ཤེལ་བྲག་དང་། སྨན་ཆུ་འོད་གསལ་རྫོང་བྲག་རིའི་ཕུག་པ་སོགས་ནས་བླ་རྫོགས་ཐུགས་གསུམ་དང་། གསོ་བ་རིག་པ་སྐར་རྩིས་སོགས་ཀྱི་སྐོར་སྣ་ཚོགས་གཏེར་ནས་བཞེས། ཐོག་མ་ནས་སྨན་དཔྱད་ཉུག་ཉུག་མཛད་པས་འགྲོ་དོན་ཆེར་མ་བྱུང་མོད། འོན་ཀྱང་ཕྱིས་གསང་སྨན་སོགས་ཆུ་བཅོས་ཀྱི་སྐོར་དང་། འབམ་བཅོས་སྨན་དཀར་སྨན་ནག་སོགས་ལ་མན་ངག་ཁ་ཚར་དང་བཅས་མཛད་པས། ཕྱག་ལེན་མ་ཉམས་པར་གནས། དུས་དེ་ཙམ་ལ་ལོ་པཎ་མང་པོ་བྱུང་ཞིང་། བོད་ཀྱི་མཁས་བཙུན་ཡང་རྒྱ་གར་དང་ཧོར་ཡུལ་དུ་བྱོན་པ་མང་། རྗེ་ར་མོ་ཤེལ་སྨན་འདི་ཉིད་ཀྱི་འཁྲུངས་འདས་ལོ་ཚིགས་ཞིབ་ཆ་མ་གསལ་ཡང་གཏེར་སྟོན་གུ་རུ་ཆོས་དབང་གི་གོང་ཙམ་ལ་བྱོན་པར་བཞེད།
- language:
- Tibetan
2. gangs can mkhas grub rim byon ming mdzod
ཁོང་ནི་སྤྱི་ལོའི་དུས་རབས་བཅུ་གསུམ་པའི་དུས་དཀྱིལ་ཙམ་དུ་ལྷོ་ཁ་ཡར་སྟོད་ར་མོའི་སྨན་ཆུ་ཁར་སྐུ་འཁྲུངས། ཁོང་གིས་པདྨ་ཤེལ་གྱི་བྲག་ཕུག་དང་། སྨན་ཆུ་འོད་གསལ་རྫོང་སོགས་ནས་བླ་རྫོགས་ཐུགས་གསུམ་དང་གསོ་བ་རིག་པ་བཅས་གཏེར་ཆོས་མཐའ་ཡས་པ་བཏོན་ཡང་། ཐོག་མར་གསོ་དཔྱད་དང་ཕན་བྱ་གནོད་བྱེད་ཀྱི་སྐོར་མང་པོ་ཉམས་སུ་བླངས་པས་ཆོས་ཕྱོགས་ཀྱི་འགྲོ་དོན་ཆེར་མ་བྱུང་། གསང་སྨན་སོགས་དམུ་ཆུའི་བཅོས་ཐབས་ཀྱི་སྐོར་དང་། འབམ་ནད་ལ་སྨན་དཀར། སྨན་ནག་དེ་བཞིན་རྡེལ་ནད་སོགས་ཐོར་བུ་མ་གཏོགས་གཏེར་ཆོས་ཕལ་ཆེར་ཤོག་སེར་ལས་འབེབས་ལ་ཐུབ་པ་ལུས་ཀྱང་། ཆུ་དང་འབམ་གྱི་ཕྱག་ལེན་ནི་ད་ལྟའི་བར་མ་ཉམས་པ་བཞུགས་སོ།།
- language:
- Tibetan