- thon pa mkhas btsun yon tan rgya mtsho
- ID:
- T232712
- ཐོན་པ་མཁས་བཙུན་ཡོན་ཏན་རྒྱ་མཚོ (Tibetan, Tibetan script, Original)
- > thon pa mkhas btsun yon tan rgya mtsho (Tibetan, Latin script, Transliteration-THL Extended Wylie Transliteration)
- > tönpa khé tsün yönten gyatso (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
འབྲས་སྤུངས་དགོན་གྱི་ཁྲི་ཐོག་དགུ་པ་འདི་ཉིད་རབ་བྱུང་བདུན་པའི་ཆུ་ཕག(༡༤༤༣)ལོར་གཙང་སྨད་དུ་ཐོན་པའི་ཞལ་ངོར་འཁྲུངས། དབུས་སུ་ཕེབས་ཏེ་འབྲས་སྤུངས་དགོན་དུ་སློབ་དཔོན་དཔལ་བློ་དང་ཡེ་ཤེས་བཟང་པོའི་ཞབས་ལ་གཏུགས་ནས་དབུ་མ་དང་། ཕར་ཕྱིན། འདུལ་བ། མངོན་པ། ཚད་མ་སོགས་རིག་པའི་གནད་ཆེན་ལ་མཁས་པར་སྦྱངས། པུ་ཏི་བཅུ་ལྷག་གི་གྲྭ་སྐོར་མཛད། བ་སོ་ཆོས་རྗེ་ལས་ཟབ་ཆོས་མང་དུ་གསན། མདོ་ཕྱོགས་ལ་བྱང་ཆུབ་པར་གྱུར། རྒྱུད་པ་སྦྱིན་པ་དཔལ་དང་། མཁས་གྲུབ་གྲགས་བཟང་པ་ལས་བསྙེན་པར་རྫོགས། དགའ་ལྡན་ཤར་རྩེ་ཤེར་འབྱུང་བློ་གྲོས་ལས་ཟབ་ཆོས་གསན་ཏེ་ལྷ་རིར་སྒྲུབ་པ་མཛད། དེ་ནསདཔལ་ལྡན་་འབྲས་དཀར་སྤུངས་པའི་ཆོས་ཁྲི་མཐོན་པོར་ཕེབས་ཏེ་དམ་ཆོས་ཀྱི་འཁོར་ལོ་རྒྱུན་མི་ཆད་དུ་བསྐོར། སླར་ལྷ་རིར་བྱོན་ཏེ་སྒྲུབ་པར་རྩེ་གཅིག་ཏུ་གཞོལ། དེ་རྗེས་ཐོན་སྙེའི་ཆོས་སྡེ་རྒྱལ་བྱེད་ཚལ་བཏབ་སྟེ་རྗེའི་ལུགས་བཟང་དར་བར་མཛད། དགུང་ལོ་དོན་དགུ་ལ་ཕེབས་པ་རབ་བྱུང་དགུ་པའི་ལྕགས་སྦྲུལ(༡༥༢༡)ལོར་དགོངས་པ་ཆོས་དབྱིངས་སུ་ཐིམ།
- language:
- Tibetan
2. Thupten Phuntsok Dictionary
འབྲས་སྤུངས་དགོན་གྱི་ཁྲི་ཐོག་དགུ་པ་འདི་ཉིད་རབ་བྱུང་བདུན་པའི་ཆུ་ཕག (༡༤༤༣) ལོར་གཙང་སྨད་དུ་ཐོན་པའི་ཞལ་ངོར་འཁྲུངས། དབུས་སུ་ཕེབས་ཏེ་འབྲས་སྤུངས་དགོན་དུ་སློབ་དཔོན་དཔལ་བློ་དང་ཡེ་ཤེས་བཟང་པོའི་ཞབས་ལ་གཏུགས་ནས་དབུ་མ་དང་། ཕར་ཕྱིན། འདུལ་བ། མངོན་པ། ཚད་མ་སོགས་རིག་པའི་གནས་ཆེན་ལ་མཁས་པར་སྤུངས། པུ་ཏི་བཅུ་ལྷག་གི་གྲྭ་སྐོར་མཛད། བ་སོ་ཆོས་རྗེ་ལས་ཟབ་ཆོས་མང་དུ་གསན། མདོ་ཕྱོགས་ལ་བྱང་ཆུབ་པར་གྱུར། རྒྱུད་པ་སྦྱིན་པ་དཔལ་དང་། མཁས་གྲུབ་གྲགས་བཟང་པ་ལས་བསྙེན་པར་རྫོགས། དགའ་ལྡན་ཤར་རྩེ་ཤེར་འབྱུང་བློ་གྲོས་ལས་ཟབ་ཆོས་གསན་ཏེ་ལྷ་རིར་སྒྲུབ་པ་མཛད། དེ་ནས་དཔལ་ལྡན་འབྲས་དཀར་སྤུངས་པའི་ཆོས་ཁྲི་མཐོན་པོར་ཕེབས་ཏེ་དམ་ཆོས་ཀྱི་འཁོར་ལོ་རྒྱུན་མི་ཆད་དུ་བསྐོར། སླར་ལྷ་རིར་བྱོན་ཏེ་སྒྲུབ་པར་རྩེ་གཅིག་ཏུ་གཞོལ། དེ་རྗེས་ཐོན་སྙེའི་ཆོས་སྡེ་རྒྱལ་བྱེད་ཚལ་བཏབ་སྟེ་རྗེའི་ལུགས་བཟང་དར་བར་མཛད། དགུང་ལོ་དོན་དགུ་ལ་ཕེབས་པ་རབ་བྱུང་དགུ་པའི་ལྕགས་སྤྲུལ (༡༥༢༡) ལོར་དགོངས་པ་ཆོས་དབྱིངས་སུ་ཐིམ།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་བདུན་པའི་ཆུ་མོ་ཕག་ལོ་སྟེ་སྤྱི་ལོ 1443 ལོར་གཙང་སྨད་ཐོན་པའི་ཞལ་ངོར་སྐུ་འཁྲུངས། རབ་བྱུང་དགུ་པའི་ལྕགས་མོ་སྦྲུལ་ལོ་སྟེ་སྤྱི་ལོ 1521 ལོར་སྐུ་གཤེགས། ཁོང་འབྲས་སྤུངས་སུ་ཕེབས་ཏེ་སློབ་དཔོན་དཔལ་བློ་དང་། ཡེ་ཤེས་བཟང་པོ་སོགས་ལ་[816]བསྟེན་ནས་དབུ་མ་དང་། ཕར་ཕྱིན། འདུལ་བ། མངོན་པ་གོང་འོག ཚད་མ་རྣམ་འགྲེལ་བཅས་ལ་སྦྱངས་པ་དཔྱིས་ཕྱིན་པ་མཛད་ཅིང་པོ་ཏི་བཅུ་ལྷག་གི་གྲྭ་སྐོར་མཛད། བ་སོ་ཆོས་ཀྱི་རྒྱལ་མཚན་ལས་རྒྱུད་སྡེའི་སྐོར་གྱི་དབང་ལུང་མན་ངག་མང་དུ་ཞུས། རྒྱུད་པ་སྦྱིན་པ་དཔལ་བ་དང་གྲགས་པ་བཟང་པོ་གཉིས་ལས་བསྙེན་པར་རྫོགས་ཤིང་བཀའ་ཆོས་གསན། ཤར་རྩེ་ཤེར་འབྱུང་བློ་གྲོས་ལས་འགྲེལ་བ་བཞི་སྦྲགས་སོགས་གསན་ཏེ་ལྷ་རིར་ཕེབས་ནས་སྒྲུབ་པ་ཉམས་ལེན་མཛད། རབ་བྱུང་དགུ་པའི་ཤིང་ཕོ་བྱི་ལོ་སྟེ་སྤྱི་ལོ 1504 ལོར་འབྲས་སྤུངས་ཀྱི་གདན་སའི་ཁྲི་ལ་ཕེབས་ཏེ་ལོ་ངོ་བཅུ་གསུམ་གྱི་རིང་དུ་འཆད་ཉན་མཛད། ཁྲི་ཟུར་ནས་སླར་ཡང་ལྷ་རིར་བྱོན་ཏེ་སྒྲུབ་པ་ཉམས་ལེན་མཛད་ཅིང་ཐན་སྙེའི་ཆོས་སྡེ་རྒྱལ་བྱེད་ཚལ་ཕྱག་འདེབས་མཛད་དེ་འཆད་ཉན་དར་ཞིང་སློབ་མ་མང་དུ་འདུས། དགུང་ལོ་དོན་དགུ་པར་དགོངས་པ་ཆོས་དབྱིངས་སུ་གཤེགས། ཁོང་གི་མཚན་གཞན་ལ་མཁས་བཙུན་ཡོན་ཏན་རྒྱ་མཚོ་ཞེས་ཞུའོ། ཁོང་ནི་འབྲས་སྤུངས་གདན་སའི་མཁན་རབས་དགུ་པ་ཡིན་ནོ། །
- language:
- Tibetan