- 'dar ston blo bzang grags pa
- ID:
- T234015
- འདར་སྟོན་བློ་བཟང་གྲགས་པ (Tibetan, Tibetan script, Original)
- > 'dar ston blo bzang grags pa (Tibetan, Latin script, Transliteration-THL Extended Wylie Transliteration)
- > dar tön lo zang drakpa (Tibetan, Latin script, Transcription-THL Simplified Tibetan Transcription)
Other Dictionaries
1. dung dkar bod rig pa'i tshig mdzod chen mo
གོང་དུ་ཁ་སྡེའི་དགའ་ལྡན་ཁྲི་ཐོག་རིམ་བྱོན་ནང་གསལ།
- language:
- Tibetan
3. gangs can mkhas grub rim byon ming mdzod
ཁོང་ནི་རབ་བྱུང་བདུན་པའི་ས་མོ་བྱ་ལོ་སྟེ་སྤྱི་ལོ 1429 ལོར་གཙང་སྟོད་འདར་དུ་སྐུ་འཁྲུངས། རབ་བྱུང་དགུ་པའི་ལྕགས་མོ་ལུག་ལོ་སྟེ་སྤྱི་ལོ 1511 ལོར་སྐུ་གཤེགས། ཁོང་དགུང་ལོ་ཆུང་ངུའི་དུས་ནས་འདར་ཆོས་སྡེར་ཞུགས་ཏེ་རབ་ཏུ་བྱུང་ཞིང་གཞུང་འཛིན་པ་དང་བརྒལ་རྟགས་བརྩི་བ་མཛད། དེ་ནས་དབུས་སུ་བྱོན་ཏེ་མཁན་ཆེན་དཔལ་བློ་བ་དང་། རབ་འབྱམས་སྨོན་ལམ་དཔལ། མཁས་པ་ཀུན་ལེགས་པ། ཆོས་རྗེ་བ་སོ་བ། ཆོས་རྗེ་ཤེར་འབྱུང་སོགས་ལ་བསྟེན་ནས་མདོ་སྔགས་ཀྱི་ཆོས་རྒྱུན་མང་དུ་གསན། ཐང་སྐྱ་དང་གསང་སྔགས་མཁར་དུ་རྣམ་འགྲེལ་སོགས་ཀྱི་འཆད་ཉན་པ་མཛད། ཤར་དུ་ཕེབས་ནས་ཆོས་གསུངས། དགུང་ལོ་དོན་གཅིག་པ་རབ་བྱུང་བརྒྱད་པའི་ལྕགས་ཕོ་སྤྲེལ་ལོ་སྟེ་སྤྱི་ལོ 1500 ལོར་དགའ་ལྡན་གསེར་ཁྲི་ལ་བཞུགས་ནས་ལོ་ངོ་བཅུ་གཉིས་རིང་དུ་གསེར་ཁྲི་བསྐྱངས་ཤིང་ཟབ་རྒྱས་ཆོས་ཀྱི་འཆད་ཉན་ལེགས་པར་སྤེལ། རྒྱལ་བ་འོད་དཔག་མེད་ཀྱི་སྐུ་ཆེན་དང་། གསང་སྔགས་མཁར་དུ་གཉིས་མེད་དུས་ཀྱི་འཁོར་ལོའི་[885]སྐུ་བཅས་གསེར་ཟངས་ལས་བསྐྲུན་པར་མཛད། དགུང་ལོ་གྱ་གཉིས་པར་དགོངས་པ་ཆོས་དབྱིངས་སུ་གཤེགས། ཁོང་ནི་དགའ་ལྡན་གསེར་ཁྲི་འཛིན་པའི་ཁྲི་རབས་བཅུ་གཅིག་པ་ཡིན་ནོ། །
- language:
- Tibetan